ኤፈሶን ታባኖ
ታባኖ
ጳዉሎሳ ካኤፈሶን እባዶን ካጻፈራ ሀንዳ ዱባንኮና ሆረ ክንትብ ካኮስሳራ “ሀልቻ ካዋ ጎጎሌሮ ዳሩርና ኡሊና ካግራ መጣጆል ዱባ እስኣትረ ኮ ካክርስቶሳ ኦዶናት ሄገሊ ታግራን አሪ ካኮጌተ ጎራታያ” (1፡10) ታአማቶ ቆፋይያ። አደና የሱሳ ክርስቶሳነ ዎታ ኮ ሊጉሬን ሳኒ ታእባዶ ዱባ ቶ ጎጎሌቶ ሂካ ካአቲ ሀልቻ ፈሎይ ጎጎሀይስራኑን ጎሳ ካሻድሳሮያ።
ሀንዳ ካኤፈሶኒ ታሆራርጄ ባንኤ ጻፍት ራቶናትኮክ ጋራ ታሀጋበሮ መተት ቆፋ ባላኣሳ፥ ዋ ኦዶ ጎሳኬሳ ምሲ አሳባተሮ፥ ኤረኬሳ የሱሳ ክርስቶሳ ጩቦክሶዉን ሀሄሶ አማማኖ ሄላቴረን ምሲ እሶ ባልቻኒዕ ሌራን፥ ካአቲ ካአብዲ ሃፉራ ካዋ አያና ቁሉኮክ ጋራነ ምሲ አዴሳመሮ ቱሳራ፥ ታላም ባንኤ አደ ጻፍት ኦናባባራን ራቶክ ግርክሶይ ክርስቶሳይ ካአባን ራቶናት ካሩም ጎጎሌሮ እሶ ምሲ ግርን ዶትሳሮ ሻድሳራ።
እባዶ ክርስቶሳነ ዎታ ታአቦ ኤሴላ ምሲ ራቶናት አቦ ካለካለክ ለፍኮ ቤ ካአዬሳማሮ አዬሲ ሙተራ፥ ምን ካዋ ማር ማለ ጎሌሮ ክርስቶሳ አደ ማርኮክ መተ ማሌያ፥ ምን ካዋ ግምበ ኣን ጎሌሮ ክርስቶሳ አደ ምኑን ምና አፋሩን መተክ ኤኤሞያ፥ ምን ካዋ ኦር ማለ ጎሌሮ ክርስቶሳ አደ ኤንተርያ፥ ጻፍት ጋራ ካክርስቶሳነ ታሙተቶ ስኖ ታዋ ኣሎ ሳድሳ ካኮአዬስሮ ጎራታ ጎላተ ካግሮ አየስ ቱሳራ፥ አየስ ዱባ ኡሱ ካኮደያራ ታክርስቶሳ ጌላንጄ፥ ጃርሶ ላኖኬሳ፥ ሀሄሶ አማኖ፥ ስኖና ኖጎዳኮክ ጋራነያ
ራቶ ሂክ ማጻፋ ካአበራ
ታባኖ 1፡1-2
ክርስቶሳና ምን ካዋና 1፡3—3፡21
ክርስቶሳ ካሄላማሮ ግር ካኡሱብ 4፡1—6፡20
ጉድሳኖ 6፡21-24
اکنون انتخاب شده:
ኤፈሶን ታባኖ: BayNTEth
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia
در مورد አማቶ ኦኡሱብ اطلاعات بیشتر کسب کنید