मरकुस 16
16
प्रभू यीशू ऊबे जीऐ
(मत्ती 28:1-8; लूका 24:1-12; यूहन्ना 20:1-10)
1जबे बिषाँव को देस बिती गो, तबे मरियम मगदलीनी, अरह् याकूब के माँ मरियम अरह् सलोमी ऐ सैंट मोंले करो, के तेसी प्रभू यीशू के मड़दे दो छ़िड़कऊँबे। 2बिषाँव के देसो पाछ़ी आगले हपते भेंयाँसरंह् दी जबे चिल्की लागी, तअ से तेसी ओराड़ो की खात्ती कैई आई। 3अरह् से आपु मुँझी पह्ली रंई थी, के “अमाँरी ताँईऐं खात्ती गाछ़ा पाथर आगु कुँण गाड़ल़ा?” 4जबे तिन्ऐ झ़ेठ पाऐ, तअ दे:खो, के सेजा पाथर खात्ती गाछ़ा गाड़ा अंदा थिया, अरह् सेजा पाथर बैजाऐ बड़ा थिया। 5तबे से ऊराड़ो दे भिटी हुटी, अरह् तिन्ऐ चीट्टे खोट्णों बाँम्बियों ऐक जुवाँन सोऐं ढबे बईठा अंदा दे:खा, अरह् तिनके तूरंबाणच़ूंटे। 6तेने तिनखे बुलो, “हरान ने हुऐ, तुँऐं प्रभू यीशू नासरी जिनू शुँल़ी-फ़ाँशी दे चड़ाऐ थिऐ, तुँऐं तिनू जूँह्दी आऐ रंई, से ऊबे जीऊँदे हंऐ रूऐ; अरह् से ईथे ने आथी, दे:खो सेजा ऐजा ही ठाँव असो, जेथै सपाईऐं तिनू थंऐ थुऐ थिऐ। 7परह् तुँऐं ज़ाव, अरह् तिनके चैले अरह् पतरस खे बुलो, के से तुँओं आगे गलील दे भेट्दे, जेष्णों तिन्ऐ तुँओं कैई बुलो थियों, तुँऐं तेथै ही तिनू दे:ख्ले।” 8अरह् से बाँईडी आऐयों भागी लागी, किन्देंखे के से डरोह् की काँम्बली रंई थी। तबे तिन्ऐं कसी कैई किऐ ने बुली।
मरियम मगदलीनी कैई शे प्रभू यीशू देःखिऐ
(मत्ती 28:9-10; यूहन्ना 20:11-18)
9बिषाँव के देसो पाछ़ी आगले हपते भेंयाँसरंह् दे प्रभू यीशू जीऊँदे हऐयों आगे मरियम मगदलीनी जियों शी तिन्ऐं सात्त दुष्ट-आत्त्मा गाड़ी थंई थी, तियों कैई शे से दे:खाई पड़े। 10तिऐं हुटियों प्रभू यीशू के साथी कैई बुलो, जुण्जे दु:खो दे थिऐ, अरह् रूई रूऐ थिऐ, तिऐ तिन कैई बुलो। 11तिन्ऐ ऐजो शुणियों के प्रभू यीशू मसीया जीऊँदे असो; अरह् ईऐं मरियम ऐ तिनू दे:खी थुऐं, तिदे का तिन्ऐं बिश्वाष ने करी।
दू चैले कैई शे प्रभू यीशू दे:खिऐ
(लूका 24:13-35)
12तिदे पाछ़ी प्रभू यीशू मसीया ओकी रूप दे, दू ओकी चैले कैई शे दे:खाई पड़े, जुण्जे गाँव की ढबे हुटदे लागे थिऐ। 13तिन्ऐ भे ज़ाऐयों खुषख्बरी ओकी कैई दिती, परह् तिन्ऐ तिनका भी बिश्वाष ने करी।
प्रभू यीशू गियारंह् चैले कैई शे दे:खिऐं
(मत्ती 28:16-20; लूका 24:36-49; यूहन्ना 20:19-23; खा.चै.काँम 1:6-8)
14तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी। 15अरह् प्रभू यीशू ऐ तिनखे बुलो, “तुँऐं बादी संईसारी दे ज़ाऐयों बादी संईसारी खे ऐजी ईयों बातो के खुषख्बरी का प्रचार करह्। 16अरह् जुण्जे बिश्वाष कर्ले, अरह् नहाँण-नहाँले से मुँक्त्त हंऐयों बंची ज़ाले, परह् जुण्जे बिश्वाष ने कर्ले, से दागी अरह् तिनखे सजा भेटली। 17जिन्ऐ बिश्वाष करी थुवा, तिनदी चींन-चंम्त्तकार दे:खाणों की शक्त्ति देऐ ज़ाली, अरह् से मेरे नाँव शी दुष्ट-आत्त्मा गाड़ले, अरह् से नंई-नंई भाषा दी बातो कर्ले। 18से शोगाव आप्णे हाथो दे ऊबे थागले, अरह् जे से किऐ बिष्लो-बीष भे पीले तअ भे तिनके किऐ ने ज़ालो, अरह् जे से बीमाँरो गाशी आप्णें हाथ थह्ले, तअ सेजे बीमार भे आछे अरह् चाँगे हले।”
प्रभू यीशू स्वर्गो दे हुटे।
(लूका 24:50-53; खा.चै.काँम 1:9-11)
19जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे। 20अरह् चैले हुटियों ढीको प्रचार कर्दे लागे, अरह् प्रभू तिनकी गईलो काँम-काज़ कर्दे रूऐ, अरह् से तिनू चींन-चंम्त्तकार के जाँणें आप्णा बाय्दा सचाई आरी बचन पाके करदा रूवा। (“आमीन”)।
اکنون انتخاب شده:
मरकुस 16: sri
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.
