मत्ती 17
17
प्रभू यीशू का रूप बद्ल़ा
(मरकुस 9:2-13; लूका 9:28-36)
1छ: देसो के बित्त्णों गाशी प्रभू यीशू ऐ संत्त-पतरस, संत्त-याकूब, अरह् तेस्का का भाऐ संत्त-यूहन्ना आपु आरी कैथी ऐकलाल़े दे ऊँची धारोंह् गाशी नीऐं; 2तेथै चैले के साम्णें प्रभू यीशू का रूप बद्ल़ा, अरह् तिनको मुँह सुरूज जिया चंम्का, अरह् तिनका बाम्बा अंदा चौगा प्रकाषमाँन हिऊँ जिया ओज्ल़ा हऐ गुवा। 3अरह् ऋषी-मूसा, अरह् ऋषी-एलिय्याह प्रभू यीशू की गईलो तिन के बातो लादे दे:खिऐं।
4ईन्दें गाशी संत्त-पतरस ऐ प्रभू यीशू खे बुलो, “हे प्रभू, अमाँरो ईथै रंहणों कियों आछो असो; जे तुँवारी हिछ़ा हों, तअ हाँव ईथै च़ींन थाहाँन-चौऊँरे बाणूँ; ऐक तुँओं खे, ऐक ऋषी-मूसा खे, अरह् ऐक ऋषी-एलिय्याह खे।”
5तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।” 6ऐजो शुणियों चैले बैजाऐ डरो के आग मुँहईऐं उट्मूल़े खे पढे़।
7प्रभू यीशू ऐ नंजीक आऐयों तिनू छूऐयों, बुलो, “ऊबे बीऊँजो! डरे ने!” 8तबे तिन्ऐ आप्णी आँ:खी ऊबी खुली, अरह् तिनके प्रभू यीशू के सुवाऐं ओका कोसी ने दे:खाई पड़ी।
9जबे से धारोंह् गेछ़ै ऊदे आऐं, तबे प्रभू यीशू ऐ तिनखे ऐजी अज्ञाँ दिती, “जबे तोड़ी आदमी का बैटा मरे अंदे मुँझ्शा ऊबा ने जींयों, ताँव-तोड़ी जुण्जो किऐ तुँऐं दे:खी थो, सेजो कोसी कैई ने बुले।” 10ईन्दें गाशी प्रभू यीशू के तिनी च़ीई चैले ऐ तिन कैई शो पुछो, “तबे यहूदी-निय्म के शिखाणों वाल़े, ऐजो कैई बुलो, के ऋषी-एलिय्याह का मसीया शा आगे आँणा जरूरी असो?”
11प्रभू यीशू ऐ जबाब दिता, सत्तिखे “ऋषी-एलिय्याह जरूर आँदे, अरह् सब-कुछ सुह्वाँरी देंदा। 12सचाऐं तअ ऐजी असो, के ऋषी-एलिय्याह तअ आगे ही आऐ रूवा, परह् लोगे तेसी पछ़्याँणीं ने; तिनिऐं ऋषी-एलिय्याह आरी, आप्णी मंन-मानी करी, ठीक तेष्णा ही जेष्णा से आदमी के बैटे खे दु:ख, अरह् कष्ट देंदे।” 13तबे चैले ऐ जाँणी पाव, के ईन्ऐं संत्त-यूहन्ना नहाँण-नहाँणों वाल़े के बारे दो बुली लो।
दुष्ट-आत्त्मा का च़ूड़ा अंदा टंन्डका चाँगा करा
(मरकुस 9:14-29; लूका 9:37-43)
14जबे प्रभू यीशू लोगो की भीड़ो कैई पईचे, तअ ऐक आदमी तिन कैई आया, अरह् घुडकुणिऐं तिनखे ढाल-बिनती करियों बुल्दा लागा, 15“हे प्रभू, मेरे बैटे गाशी दया-रंय्म करह्! किन्देखे के ऐस्दी मिर्गीं असो, अरह् ऐस्के बैगैही तंक्लिफ हों; अरह् ऐ बार-बार आगी मुँझी, अरह् बार-बार पाँणी मुँझी पड़दा रंह्। 16मुँऐं ऐसी तुवाँरें चैले कैई आँणा थिया, परह् ऐ ऐसी आछ़ा ने करी सकी।” 17प्रभू यीशू ऐ जबाब दिता, “ओ, बै-बिश्वाषियों अरह् हठाव्णें लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी संह्ऊँबा? तेसी मुँह कैई आँणों।” 18तबे प्रभू ऐ दुष्ट-आत्त्मा फीटकारी, अरह् से तेसी बालक शी नीकल़ी गऐ, अरह् तबे सेजा टंन्डका तेख्णी तियों ही घड़ी आछा हुआ।
19तबे चैले ऐ ऐक्लाल़े दो प्रभू यीशू कैई आऐयों पुछो, “आँमें ऐजी दुष्ट-आत्त्मा कैई ने गाड़ी सकी?”
20तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी। 21(परह् ऐजी दुष्ट-आत्त्मा बिना प्रार्थना अरह् बर्तो के बिना निकाल़्दी ने।)”
प्रभू यीशू आप्णी बारे दी हजो बरंम्बाणीं करह्
(मरकुस 9:30-32; लूका 9:43-45)
22जबे से गलील ईलाके दे थिऐ, तअ प्रभू यीशू ऐ तिनखे बुलो, “आदमी का बैटा आदमी के हाथे दा थंम्बड़ाया ज़ाला; 23से तेसी मारी देले, अरह् से च़ीज़े का ऊबा जीऊँदा।” ईन्दें गाशी से बैजाऐ ऊदास गुँम-सुंम गुऐ।
देऊँठी का कंण
24जबे से कफरनहूम नंगर दे पईचे, तअ देऊँठी का कंण लणों वाल़े संत्त-पतरस कैई आऐयों पुह्छ़दे लागे, “कियों तुवाँरा गुरू देऊँठी का कंण-माँमंला देंदे ने?”
25होर, जरूर दियों; संत्त-पतरस ऐ जबाब दिता, घरोह् दे भीटे आँदें ही प्रभू यीशू ऐ पतरस शा सुवाल पुह्छा; “शिमोन, मुँह कैई ऐजो बुलो, राजा कसकैई शा कंण-माँमला लों, आप्णी परजा शा? के कोसी ओकी राजा की परजा शा।” 26पतरस ऐ बुलो, पराऐ शा। प्रभू यीशू ऐ तेस्खे बुलो, “तअ तबे आप्णी परजा बंची गऐ। 27तबे भे ऐष्णों हुओं ने चेंई, के से आँमों शे निंराज हों; झील, दे ज़ाव, अरह् जुण्जी माँच्छ़ी तुँऐं आगे थाँम्बड़ो तियारो मुँह खुलो, अरह् तियाँरे मुँहों दा तुओं ऐक सिक्का भेट्दा सेजा ही सिक्का तुँऐं मेरी अरह् आप्णी ढबे शा तिन्खे कंण-माँमंले के रूप दा दिऐ।”
اکنون انتخاب شده:
मत्ती 17: sri
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2022, Wycliffe Bible Translators, Inc. All rights reserved.
