Thuhil kikna 8
8
A nga tu Ngampha khat
1“Note nungta in pungin na khanto thei natu uh le na taanghpupite tungah piak tu a, Topa kamciamna ngam na nga thei natu uh in tuni in kong piak thukham theampo thumaan takin zui vun. 2A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun. 3Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, Topa ci theampo suang tu a hina thu hong hil nuamin ama in hi bang hong vawt hi. #Mt 4:4; Lk 4:4 4Hi kum sawmli sungah na puante siacip ngawl a, na peangte tum ngawl hi. 5Pa in a tate a hil a tek bangin Topa na Pathian in hong hilin daan hong piak hunlam phawk vun. 6Tuabang ahiciang Topa hong thupiak bangin vawt vun: a thukhamte bangin nungta vun a, zui vun. 7Topa na Pathian in leiphana ngam — ngunte le ciktuite, mualtung le leikuam ah a luang leinuai luituite omna ngam; 8zungtaang, mangtaang, sapit, thei, talee, olive le khuaitui te a pianna ngam phana ah hong paipui hi. 9Tualai ah na ngilkial ngeingawl tu a, kisapna na nei ngei buatu uh hi. A suangte sungah thik om a, mualte panin taausan na to thei hi. 10Na du theampo na nei tu uh a, ngampha hong piakna hangin Pathian tungah lungdam na ko tu uh hi.
Topa Makngil ngawl natu Kidop tu Hilna
11“Topa na Pathian na mangil peuma heak vun. Tuni in kong piak a thukham khat zongh khe ngawlin zui vun. #Hos 13:5-6 12Na du theampo nei a, na teen natu uh innphate na sak uh ciang, 13noma khui le tuu, ngunn le khamh, tuaciang a dang na neisa theampo a khanto ciang, 14kiphasak heak vun a, na saltanna, Egypt pan hong suatak Topa na Pathian mangil peuma heak vun. 15Ama in note sia a ngu nei ngulte le aikamte omna tua a lauhuai sennealngam zai hong kaantan pui hi. Tui om ngawlna, tua lei kona ngam sungah note atu in suangpi sung pan tui luangsak hi. 16Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi. 17Tua hi a, noma vaangletna le na thahatna uh taw hau khu hi, ci in ngaisun ngei heak vun. 18Na hau natu in vaangletna hong pia pa sia Topa na Pathian a hina thu phawk vun. Ama in hi bangin hong sep sia na taanghpupite taw a vawt thuciam tungah tuni dongin a thumaan laina hang ahi hi. 19Topa na Pathian mangil heak vun, pathian dangte bia in a na seam heak vun. Tuabang na hi uh le note hong kithatlum nanak tu a hina thu tuni in kidop natu kong hil hi. 20Topa thu na ni bua uh le mainawtin na pai uh kawmin tua na mai hong suak minamte a lalcipsak tu bangma in note hong lalcipsak tu hi.
اکنون انتخاب شده:
Thuhil kikna 8: SCB2
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016
Thuhil kikna 8
8
A nga tu Ngampha khat
1“Note nungta in pungin na khanto thei natu uh le na taanghpupite tungah piak tu a, Topa kamciamna ngam na nga thei natu uh in tuni in kong piak thukham theampo thumaan takin zui vun. 2A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun. 3Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, Topa ci theampo suang tu a hina thu hong hil nuamin ama in hi bang hong vawt hi. #Mt 4:4; Lk 4:4 4Hi kum sawmli sungah na puante siacip ngawl a, na peangte tum ngawl hi. 5Pa in a tate a hil a tek bangin Topa na Pathian in hong hilin daan hong piak hunlam phawk vun. 6Tuabang ahiciang Topa hong thupiak bangin vawt vun: a thukhamte bangin nungta vun a, zui vun. 7Topa na Pathian in leiphana ngam — ngunte le ciktuite, mualtung le leikuam ah a luang leinuai luituite omna ngam; 8zungtaang, mangtaang, sapit, thei, talee, olive le khuaitui te a pianna ngam phana ah hong paipui hi. 9Tualai ah na ngilkial ngeingawl tu a, kisapna na nei ngei buatu uh hi. A suangte sungah thik om a, mualte panin taausan na to thei hi. 10Na du theampo na nei tu uh a, ngampha hong piakna hangin Pathian tungah lungdam na ko tu uh hi.
Topa Makngil ngawl natu Kidop tu Hilna
11“Topa na Pathian na mangil peuma heak vun. Tuni in kong piak a thukham khat zongh khe ngawlin zui vun. #Hos 13:5-6 12Na du theampo nei a, na teen natu uh innphate na sak uh ciang, 13noma khui le tuu, ngunn le khamh, tuaciang a dang na neisa theampo a khanto ciang, 14kiphasak heak vun a, na saltanna, Egypt pan hong suatak Topa na Pathian mangil peuma heak vun. 15Ama in note sia a ngu nei ngulte le aikamte omna tua a lauhuai sennealngam zai hong kaantan pui hi. Tui om ngawlna, tua lei kona ngam sungah note atu in suangpi sung pan tui luangsak hi. 16Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi. 17Tua hi a, noma vaangletna le na thahatna uh taw hau khu hi, ci in ngaisun ngei heak vun. 18Na hau natu in vaangletna hong pia pa sia Topa na Pathian a hina thu phawk vun. Ama in hi bangin hong sep sia na taanghpupite taw a vawt thuciam tungah tuni dongin a thumaan laina hang ahi hi. 19Topa na Pathian mangil heak vun, pathian dangte bia in a na seam heak vun. Tuabang na hi uh le note hong kithatlum nanak tu a hina thu tuni in kidop natu kong hil hi. 20Topa thu na ni bua uh le mainawtin na pai uh kawmin tua na mai hong suak minamte a lalcipsak tu bangma in note hong lalcipsak tu hi.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016