Thuhil kikna 29
29
Moab Ngam ah Israel te taw Topa ii Thuciamna
1Hite sia Moab ngam ah Israel mite taw a vawt tu thuciamna taw kisai in, Topa ii Moses tungah a sawl thute ahi hi; hi thuciamna theampo sia Topa ii amate taw Sinai Mual ah a vawt thuciamna belapna ahi hi.
2Moses in Israel mite theampo sam khawmin amate tungah, “Topa ii Egypt kumpipa, a uliante tung le a ngam bup ah a vawt nate noma ma in mu nu hi. 3A lauhuai natnate, nalamdang laknate le Topa ii a vawt a lamdang thuliante mu nu hi. 4Ahizong na sinsa thute tuni dong mama in ama in no hong telthiangsak ngawl lai hi. 5Kum sawmli tawntung Topa in sennealngam hong kaanpui a, ahizong na puansilhte le na peangdapte uh sia ngeingawl hi. 6Neak tu in anluum, dawn tu in sapittui ahibuale beer nei ngawl nu hi, ahizong ama sia na Pathian a hina thu hong hil nopna in na kisap bangin Topa in hong pia hi. 7Tuaciang hi mun ih thet ciang ei hong sim tu in Heshbon kumpipa Sihon le Bashan kumpipa Og te hong pai hi. Ahizong eite in amate ih zo a, #Mi 21:21-30; Mi 21:31-35 8a ngam la in, Reuben nam, Gad nam le Manasseh nam a lang teng nga tu in kihawmsak hi. #Mi 32:33 9Na sep na vawt theampo na zaw natu in hi thuciam sungah a om theampo thumaan takin zui vun.
10“Tuni in note theampo — na lampuite le na uliante, na pasalte, 11nupite, patangte le no atu in thing hong tomsak, tui hong toaisak a, note sungah a teang ngamdangmite taw Topa na Pathian mai ah na ding siat uh hi. 12Hi lai ah tuni in Topa na Pathian ii no taw a vawt hi thuciamna sungah a tum tu le, tuasia taw kisai sep tu te a saang tu in na om uh hi, 13tuasia ciangin, note le na taanghpupite ahi, Abraham, Isaac, le Jacob tungah a kamciamsa bangin Topa in no ama mi na hina uh le ama note Pathian a hina kipsak thei tu hi. 14Hi thuciamna le sep tu te sia note taw bekin Topa ii a vawt hi ngawl hi. 15Tuni in ama mai ah a ding eite theampo le a suak ngawl lai ih suan ih paalte taw zong ama in hi thuciamnate a vawt ahi hi.
16“Note in Egypt ah nuntakzia le minam dangte ngam sungah khualhawzia na phawk uh hi. 17Thing, suang, ngunn le khamh taw a kivawt a kiihuai a milimte na mu uh hi. 18Tuni in hi lai ah a ding, pa, numei, innkuan ahibuale minamte, kuama in Topa ih Pathian nungngat in minam dangte ii pathiante bia peuma heak vun. Hisia in a khaa le ngu a nei thingkung a hinna a zung khat taw kibang tu hi. #Heb 12:15 19Tuni in hi lai ah a ciliaphuai hong nget tangkalnate za napi a thinpui in keima uuk bang pai leng ka ma vang tu zam a ci omsak peuma heak vun. Tuasia in note theampo a pha, a sia a kibangin hong lalsak siat tu hi. 20Topa in tuabang mihing khat ii mawna maisak ngawl tu hi. Tua luangin Topa thin uukna sia tua pa atu in meileng bang hi tu a, Topa in ama a lalsak mateng in hi thubu sungah a ki at tuasiatnate theampo tung tu hi. 21Topa in ama Israel nam theampo mai ah teengatna khatin nei tu a, Topa ii hilcianna thubu sungah a ki at ahi, thuciamna ah a kikoi haamsiatna theampo taw kizui in tuasiatna tungsak tu hi.
22“Mailam khang kikte sungah na suan na paalte le ngam khuala pan ngamdangmite in na ngam sungah Topa ii hong puak tuasiatnate le ngim thuaknate mu tu uh hi. 23Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi. #Pian 19:24-25 24Tuasia ciang leitung buppi in, ‘Banghang Topa in amate ngam hi bang vawt ziam? Bang thu hangin Topa a thin uuk ziam?’ ci in dongh tu hi. 25Tuaciang, ‘A taanghpupite ii Pathian in Egypt ngam pan a pusuapui lai in amate taw a vawt thuciamna sia Topa ii mite in a palsat hang ahi hi. 26Topa ii a biak ngawl tu in a khaam pathiante, nidang a biak ngeingawl pathian dangte ii na seam uh hi. 27Tua ahikom Topa in a mite tungah thin uuk in, hi thubu sungah a ki at tuasiatnate theampo amate ngam sungah tungsak hi. 28Topa thin uuk mama a, a thin uukna lian ahikom a ngamsung pan longhkeak in ngamdang denna in nei a, tuni dongin tua munah amate om uh hi,’ ci sia a kizo kikna hi tu hi.
29“Topa ih Pathian ii a kep tuam thuku pawlkhat om hi; ahizong ama in a Thukham hong pualaak zo a, eite le ih suan ih paalte in tuasia a tawntungin a zui tute ih hi hi.
اکنون انتخاب شده:
Thuhil kikna 29: SCB2
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016
Thuhil kikna 29
29
Moab Ngam ah Israel te taw Topa ii Thuciamna
1Hite sia Moab ngam ah Israel mite taw a vawt tu thuciamna taw kisai in, Topa ii Moses tungah a sawl thute ahi hi; hi thuciamna theampo sia Topa ii amate taw Sinai Mual ah a vawt thuciamna belapna ahi hi.
2Moses in Israel mite theampo sam khawmin amate tungah, “Topa ii Egypt kumpipa, a uliante tung le a ngam bup ah a vawt nate noma ma in mu nu hi. 3A lauhuai natnate, nalamdang laknate le Topa ii a vawt a lamdang thuliante mu nu hi. 4Ahizong na sinsa thute tuni dong mama in ama in no hong telthiangsak ngawl lai hi. 5Kum sawmli tawntung Topa in sennealngam hong kaanpui a, ahizong na puansilhte le na peangdapte uh sia ngeingawl hi. 6Neak tu in anluum, dawn tu in sapittui ahibuale beer nei ngawl nu hi, ahizong ama sia na Pathian a hina thu hong hil nopna in na kisap bangin Topa in hong pia hi. 7Tuaciang hi mun ih thet ciang ei hong sim tu in Heshbon kumpipa Sihon le Bashan kumpipa Og te hong pai hi. Ahizong eite in amate ih zo a, #Mi 21:21-30; Mi 21:31-35 8a ngam la in, Reuben nam, Gad nam le Manasseh nam a lang teng nga tu in kihawmsak hi. #Mi 32:33 9Na sep na vawt theampo na zaw natu in hi thuciam sungah a om theampo thumaan takin zui vun.
10“Tuni in note theampo — na lampuite le na uliante, na pasalte, 11nupite, patangte le no atu in thing hong tomsak, tui hong toaisak a, note sungah a teang ngamdangmite taw Topa na Pathian mai ah na ding siat uh hi. 12Hi lai ah tuni in Topa na Pathian ii no taw a vawt hi thuciamna sungah a tum tu le, tuasia taw kisai sep tu te a saang tu in na om uh hi, 13tuasia ciangin, note le na taanghpupite ahi, Abraham, Isaac, le Jacob tungah a kamciamsa bangin Topa in no ama mi na hina uh le ama note Pathian a hina kipsak thei tu hi. 14Hi thuciamna le sep tu te sia note taw bekin Topa ii a vawt hi ngawl hi. 15Tuni in ama mai ah a ding eite theampo le a suak ngawl lai ih suan ih paalte taw zong ama in hi thuciamnate a vawt ahi hi.
16“Note in Egypt ah nuntakzia le minam dangte ngam sungah khualhawzia na phawk uh hi. 17Thing, suang, ngunn le khamh taw a kivawt a kiihuai a milimte na mu uh hi. 18Tuni in hi lai ah a ding, pa, numei, innkuan ahibuale minamte, kuama in Topa ih Pathian nungngat in minam dangte ii pathiante bia peuma heak vun. Hisia in a khaa le ngu a nei thingkung a hinna a zung khat taw kibang tu hi. #Heb 12:15 19Tuni in hi lai ah a ciliaphuai hong nget tangkalnate za napi a thinpui in keima uuk bang pai leng ka ma vang tu zam a ci omsak peuma heak vun. Tuasia in note theampo a pha, a sia a kibangin hong lalsak siat tu hi. 20Topa in tuabang mihing khat ii mawna maisak ngawl tu hi. Tua luangin Topa thin uukna sia tua pa atu in meileng bang hi tu a, Topa in ama a lalsak mateng in hi thubu sungah a ki at tuasiatnate theampo tung tu hi. 21Topa in ama Israel nam theampo mai ah teengatna khatin nei tu a, Topa ii hilcianna thubu sungah a ki at ahi, thuciamna ah a kikoi haamsiatna theampo taw kizui in tuasiatna tungsak tu hi.
22“Mailam khang kikte sungah na suan na paalte le ngam khuala pan ngamdangmite in na ngam sungah Topa ii hong puak tuasiatnate le ngim thuaknate mu tu uh hi. 23Na lote kolh siat tu a, kaan le ci taw kidim tu hi; bangma kiciing thei ngawl tu a, lopa ngawngawn po ngawl tu hi. Na ngam uh sia, Topa ii a thinso lai in a lalcipsak Sodom le Gomorrah, Admah le Zeboiim khuapite taw kibang tu hi. #Pian 19:24-25 24Tuasia ciang leitung buppi in, ‘Banghang Topa in amate ngam hi bang vawt ziam? Bang thu hangin Topa a thin uuk ziam?’ ci in dongh tu hi. 25Tuaciang, ‘A taanghpupite ii Pathian in Egypt ngam pan a pusuapui lai in amate taw a vawt thuciamna sia Topa ii mite in a palsat hang ahi hi. 26Topa ii a biak ngawl tu in a khaam pathiante, nidang a biak ngeingawl pathian dangte ii na seam uh hi. 27Tua ahikom Topa in a mite tungah thin uuk in, hi thubu sungah a ki at tuasiatnate theampo amate ngam sungah tungsak hi. 28Topa thin uuk mama a, a thin uukna lian ahikom a ngamsung pan longhkeak in ngamdang denna in nei a, tuni dongin tua munah amate om uh hi,’ ci sia a kizo kikna hi tu hi.
29“Topa ih Pathian ii a kep tuam thuku pawlkhat om hi; ahizong ama in a Thukham hong pualaak zo a, eite le ih suan ih paalte in tuasia a tawntungin a zui tute ih hi hi.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Siyin Chin Bible © Bible Society of Myanmar, 2016