Romanos 3
3
1¿Wach uchak uri chqe we mas utz we yoj oj aj Judío winaq? ¿Wach i utz, o wach u'ij u'anik circuncisión? 2Nim i utz ku'an chqe; lik k'i i petnaq pqawi yoj chi oj aj Judío: Man i Dios xuya utzij chqe yoj nab'e, chi oj aj Judío winaq. 3Xwiri wo'or ¿Xatab'a i Dios k-on i utz taj? ¿Xa rumal jujun chke ike chi xkiqel utzij? 4¡Lik kuyoj taj! Xwiri, i Dios lik ku'an ni suk'ulik chrij i saq laj tzij, tupu konojel i winaq lik kki'an i t'oronik. Man keje iri tz'ib'tal kan chupam uwuj i Dios ujer#3.4 I mam David ujer keje xub'ij iri che i Dios.:
I winaq we kkitzukuj amak,
xwiri are k-at tzij pawi ke'el na chi nti i amak.
5O jujun kkib'ij: ¿I qamak atzalal yoj, kuriq ni uchak chqe man ilb'al re chi nim i rutzil uk'ux i Dios chqe? ¿I Dios utz ti nawi are kuya qatojpen? (I xinb'ij le are pacha i kib'ij i winaq; are ti pacha kub'ij i Dios.) 6Keje ti usuk' ile pacha i kkib'ij, man wetene suk'ul ti ku'an i Dios le, ¿Wach u'ankil i atb'al tzij uri ku'an pkiwi i winaq chwach i jyub' ta'aj k-on panoq?
7Moq o jun kub'ij, b'ay, yin we in ajt'oronel, lik k-aljin uri chi Dios lik utz man ire lik kt'oron taj, b'uchak uri k-at tzij pinwi pacha jun ajmak laj winaq. 8Moqxa o i kb'inik: ¿Utz we kin-an i utz taj man keje ile kk'un ni uri i utz. Iri lik rajwaxik, xwiri o i keb'inik chi keje ile inb'im yin, ike xa tzel kinkilo. Ni'pa i kkib'ij ile lik kmajawik kkitoj ni kimak rumal.
Qonojel is oj makunnaq
9B'ay, yoj chi oj aj Judío winaq ¿Xatab'a mas oj utz chkiwach i ne te aj Judío? Qatzij ti ile. Ya inb'im chik chiwe chi nti k-ono we oj aj Judío winaq o we oj aj Judío taj, is oj o pu'ab' i mak atzalal. 10Qeta'am ile man keje ile tz'ib'tal kan chupam Uwuj i Dios:
Man lik mijun winaq utz chwach i Dios, lik mijun.
11Mijun kuta ub'e,
lik mijun kutzukuj i Dios.
12Konojel je elnaq che ub'e i Dios;
lik konojel je sachnaq.
Mijun k-anaw i utz,
lik mijun.
13Lik utz ti kech'awik; i kitzij lik pacha uchuyal ujulil kamnaq jaqtajnaq;
utzam ka' lik ajt'oronel ke i winaq.
I tzij chi kel pkichi' pacha b'enen re kumatz;
14to' k'ax kech'awik, lik to' k'oqonik kki'ano.
15Lik sik'aj i kaqan che i b'e re keki'ana i kamik;
16Lik to' uk'axk'olil xaq to' b'is o ni pkib'e;
17keta'am ti i b'e re i utz laj chomb'al ib'.
18Lik nti u'ij i Dios kumal.#3.18 Keje ile tz'ib'tal kan chupam uwuj i Dios.
19Qeta'am chi ronojel wach kub'ij i wuj re u'atb'al tzij i Dios, ile xwi kub'ij chke i jub'an chi kekojon che i atb'al tzij le, man keje ile mijun chik kula'b'ej uwach che i Dios; ke'el uri chi konojel i winaq chwach i jyub' ta'aj o kimak chwach i Dios, rumali Ire ku'at tzij pkiwi konojel. 20Man lik mijun winaq kub'ij we lik kojonnaq che i atb'al tzij le, xaq i Dios krilo chi lik utz chwach Ire, man i atb'al tzij lik xa ku'aljinsaj chqe chi lik o qamak.
I Dios ku'an utz chqe rumal kub'ib'al qak'ux che i Jesucristo
21Xwiri wo'or i Dios u'aljinsam chqe wach usuk' k-onb'ej utz chqe; ilb'al re chi are ti ujer atb'al tzij k-anaw utz chqe chwach Ire. Iri lik xkisaqij kan i profeta, chi xaq are ujer atb'al tzij. 22Are i usuk' uyijb'am i Dios chi koj-on utz chwach Ire, are we kqakub'a qak'ux che i Jesucristo; are ile k-anaw utz chke konojel chwach i Dios ni'pa i kekojon che i Cristo, nti k-ono xa je pachinoq. 23Man konojel i winaq je makunnaq; rumali lik nti ke che u'ij uchomal i Dios. 24Xwiri i Dios, ku'an utz chqe, pacha jun sipon yatal chqe rumal i rutzil uk'ux Ire. Ile xu'ano lik rumal i Jesucristo chi utojom chik i qatotajik chwach i kamik. 25I Dios xu'an che i Jesucristo pacha jun k'exelaj; man rumal ukik'el ire o i kuyb'al qamak we kqakub'a qak'ux che. Are xkam i Jesucristo tojb'al re qamak, i Dios xu'aljinsaj chi lik suk'ul i ku'ano man xukuy kimak chi ki'anom jela kanoq. 26Man Ire lik aj-oy-enel. Wo'or Ire kraj kuk'ut chqe wach ukuyik qamak k-ono; man keje pacha Ire chi lik suk'ul i ku'ano, kukuy ni qamak yoj chi kojkojon che i Jesús.
27¿O nawi uri uchak we kqa'an nim che qib' chwach i Dios? ¡Ile ya xsach uwach! Mqab'ij chi qach'akom i totajik chwach i qamak xa rumal taq i utz chi kqa'ano. Ile, are ti rumal ukojik i ujer atb'al tzij, ile rumal chi tojtal chik i qamak man oj kojonnaq che i Dios. 28Kqil ut, chi xa rumal ukub'ib'al qak'ux che i Jesucristo, i Dios x-on utz chqe; are ti rumal we kqa'an taq pacha kub'ij i atb'al tzij tz'ib'tal kan rumal i mam Moisés.
29¿Xatab'a i Dios xwi ki-Dios i aj Judío winaq? ¿Xatab'a xaq are ti ki-Dios i winaq chi ne te aj Judío? ¡Lik are! Qatzij xaq lik are ki-Dios. 30Xa jun i Dios olik, are Ire ku'an utz chke i o ukub'ib'al kik'ux che, nti k-ono we antal ti circuncisión. 31Moq o jun kub'ij chi xa rumal ukub'ib'al qak'ux che i Jesucristo kojtijin chuqajsaxik u'ij i ujer atb'al tzij. ¡Kqaqajsaj taj! Lik qatzij kqab'ij chi lik o u'ij i ujer atb'al tzij.
اکنون انتخاب شده:
Romanos 3: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala
Romanos 3
3
1¿Wach uchak uri chqe we mas utz we yoj oj aj Judío winaq? ¿Wach i utz, o wach u'ij u'anik circuncisión? 2Nim i utz ku'an chqe; lik k'i i petnaq pqawi yoj chi oj aj Judío: Man i Dios xuya utzij chqe yoj nab'e, chi oj aj Judío winaq. 3Xwiri wo'or ¿Xatab'a i Dios k-on i utz taj? ¿Xa rumal jujun chke ike chi xkiqel utzij? 4¡Lik kuyoj taj! Xwiri, i Dios lik ku'an ni suk'ulik chrij i saq laj tzij, tupu konojel i winaq lik kki'an i t'oronik. Man keje iri tz'ib'tal kan chupam uwuj i Dios ujer#3.4 I mam David ujer keje xub'ij iri che i Dios.:
I winaq we kkitzukuj amak,
xwiri are k-at tzij pawi ke'el na chi nti i amak.
5O jujun kkib'ij: ¿I qamak atzalal yoj, kuriq ni uchak chqe man ilb'al re chi nim i rutzil uk'ux i Dios chqe? ¿I Dios utz ti nawi are kuya qatojpen? (I xinb'ij le are pacha i kib'ij i winaq; are ti pacha kub'ij i Dios.) 6Keje ti usuk' ile pacha i kkib'ij, man wetene suk'ul ti ku'an i Dios le, ¿Wach u'ankil i atb'al tzij uri ku'an pkiwi i winaq chwach i jyub' ta'aj k-on panoq?
7Moq o jun kub'ij, b'ay, yin we in ajt'oronel, lik k-aljin uri chi Dios lik utz man ire lik kt'oron taj, b'uchak uri k-at tzij pinwi pacha jun ajmak laj winaq. 8Moqxa o i kb'inik: ¿Utz we kin-an i utz taj man keje ile kk'un ni uri i utz. Iri lik rajwaxik, xwiri o i keb'inik chi keje ile inb'im yin, ike xa tzel kinkilo. Ni'pa i kkib'ij ile lik kmajawik kkitoj ni kimak rumal.
Qonojel is oj makunnaq
9B'ay, yoj chi oj aj Judío winaq ¿Xatab'a mas oj utz chkiwach i ne te aj Judío? Qatzij ti ile. Ya inb'im chik chiwe chi nti k-ono we oj aj Judío winaq o we oj aj Judío taj, is oj o pu'ab' i mak atzalal. 10Qeta'am ile man keje ile tz'ib'tal kan chupam Uwuj i Dios:
Man lik mijun winaq utz chwach i Dios, lik mijun.
11Mijun kuta ub'e,
lik mijun kutzukuj i Dios.
12Konojel je elnaq che ub'e i Dios;
lik konojel je sachnaq.
Mijun k-anaw i utz,
lik mijun.
13Lik utz ti kech'awik; i kitzij lik pacha uchuyal ujulil kamnaq jaqtajnaq;
utzam ka' lik ajt'oronel ke i winaq.
I tzij chi kel pkichi' pacha b'enen re kumatz;
14to' k'ax kech'awik, lik to' k'oqonik kki'ano.
15Lik sik'aj i kaqan che i b'e re keki'ana i kamik;
16Lik to' uk'axk'olil xaq to' b'is o ni pkib'e;
17keta'am ti i b'e re i utz laj chomb'al ib'.
18Lik nti u'ij i Dios kumal.#3.18 Keje ile tz'ib'tal kan chupam uwuj i Dios.
19Qeta'am chi ronojel wach kub'ij i wuj re u'atb'al tzij i Dios, ile xwi kub'ij chke i jub'an chi kekojon che i atb'al tzij le, man keje ile mijun chik kula'b'ej uwach che i Dios; ke'el uri chi konojel i winaq chwach i jyub' ta'aj o kimak chwach i Dios, rumali Ire ku'at tzij pkiwi konojel. 20Man lik mijun winaq kub'ij we lik kojonnaq che i atb'al tzij le, xaq i Dios krilo chi lik utz chwach Ire, man i atb'al tzij lik xa ku'aljinsaj chqe chi lik o qamak.
I Dios ku'an utz chqe rumal kub'ib'al qak'ux che i Jesucristo
21Xwiri wo'or i Dios u'aljinsam chqe wach usuk' k-onb'ej utz chqe; ilb'al re chi are ti ujer atb'al tzij k-anaw utz chqe chwach Ire. Iri lik xkisaqij kan i profeta, chi xaq are ujer atb'al tzij. 22Are i usuk' uyijb'am i Dios chi koj-on utz chwach Ire, are we kqakub'a qak'ux che i Jesucristo; are ile k-anaw utz chke konojel chwach i Dios ni'pa i kekojon che i Cristo, nti k-ono xa je pachinoq. 23Man konojel i winaq je makunnaq; rumali lik nti ke che u'ij uchomal i Dios. 24Xwiri i Dios, ku'an utz chqe, pacha jun sipon yatal chqe rumal i rutzil uk'ux Ire. Ile xu'ano lik rumal i Jesucristo chi utojom chik i qatotajik chwach i kamik. 25I Dios xu'an che i Jesucristo pacha jun k'exelaj; man rumal ukik'el ire o i kuyb'al qamak we kqakub'a qak'ux che. Are xkam i Jesucristo tojb'al re qamak, i Dios xu'aljinsaj chi lik suk'ul i ku'ano man xukuy kimak chi ki'anom jela kanoq. 26Man Ire lik aj-oy-enel. Wo'or Ire kraj kuk'ut chqe wach ukuyik qamak k-ono; man keje pacha Ire chi lik suk'ul i ku'ano, kukuy ni qamak yoj chi kojkojon che i Jesús.
27¿O nawi uri uchak we kqa'an nim che qib' chwach i Dios? ¡Ile ya xsach uwach! Mqab'ij chi qach'akom i totajik chwach i qamak xa rumal taq i utz chi kqa'ano. Ile, are ti rumal ukojik i ujer atb'al tzij, ile rumal chi tojtal chik i qamak man oj kojonnaq che i Dios. 28Kqil ut, chi xa rumal ukub'ib'al qak'ux che i Jesucristo, i Dios x-on utz chqe; are ti rumal we kqa'an taq pacha kub'ij i atb'al tzij tz'ib'tal kan rumal i mam Moisés.
29¿Xatab'a i Dios xwi ki-Dios i aj Judío winaq? ¿Xatab'a xaq are ti ki-Dios i winaq chi ne te aj Judío? ¡Lik are! Qatzij xaq lik are ki-Dios. 30Xa jun i Dios olik, are Ire ku'an utz chke i o ukub'ib'al kik'ux che, nti k-ono we antal ti circuncisión. 31Moq o jun kub'ij chi xa rumal ukub'ib'al qak'ux che i Jesucristo kojtijin chuqajsaxik u'ij i ujer atb'al tzij. ¡Kqaqajsaj taj! Lik qatzij kqab'ij chi lik o u'ij i ujer atb'al tzij.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala