Romanos 16
16
I ma Pablo kuya pan rutzil kiwach chkijujunal
1Kintz'onoj utzil chiwe, chiwila i qachalal chwach i Cristo ati Febe are kupon iwu'. Ire le diácono ku' i jutzob'aj qachalal pa tinimit Cencrea. 2Utz uk'ulaxik chi'ana iwu' rumal re i Jesucristo. Chi'ana che pacha usuk' chkixol i qachalal chwach i Cristo ru' ukub'ib'al ik'ux che i Jesucristo. Chito ru' ni'pa wach i rajwaxik che, man ire nim i kito'ik i jub'an u'anom, xaq in utom yin.
3Chiya rutzil kiwach i ati Priscila xaq ma Aquila chila, chi je wachi'il che i chak re i Jesucristo. 4Ike laj xkiya kib' che i kamik chinto'ik yin, rumali lik kintioxij chke; xaq xwi ti yin kintioxij, xaq keje konojel i qachalal chwach i Cristo, ke i tzob'ajil chi ne te aj Judío. 5Xaq chiya rutzil kiwach i jutzob'aj re i Dios chi kkimol kib' chi kachoch i ati Priscila i ma Aquila; xaq chiya rutzil uwach i ma Epeneto chi lik are jun utz laj wamiy. Are ire le lik nab'e xukub'a uk'ux che i Cristo chila pa ulew Acaya. 6Xaq chiya rutzil uwach ati Mariy, chi lik chakunnaq tob'al iwe yix. 7Chiya rutzil kiwach i wach aj tinimit ma Andrónico xaq ati Junias, ike je aj Judío pacha yin, chi je wachi'il are xojk'iji prexil. Ike kikub'am chik kik'ux che i Cristo nab'e chinwach yin; lik o ki'ij chqaxol yoj oj apostolab'.
8Chiya rutzil uwach i ma Amplias man ire le lik wamiy yin chwach i Ajwal. 9Chiya rutzil uwach i ma Urbano chi are qachi'il che i chak re i Jesucristo. Xaq chiya rutzil uwach i ma Estaquis chi lik k'ax kinna'o. 10Chiya rutzil uwach i ma Apeles, ire le lik k'iyal mul aljinnaq chi lik kul uk'ux che i Cristo. Xaq chiya rutzil uwach i ma Aristóbulo junam ku' i ralk'uwal. 11Chiya rutzil uwach i ma Herodión, ire le aj Judío pacha yin, xaq che i ma Narciso junam ku' i ralk'uwal, chi xaq lik kikub'am kik'ux che i Ajwal. 12Chiya rutzil kiwach i ati Trifena i ati Trifosa chi kechakun che uchak i Ajwal. Xaq chiya rutzil uwach i ati Pérsida chi lik k'ax kna' kumal i qachalal chwach i Cristo; ire xaq lik chakunnaq che uchak i Ajwal. 13Chiya rutzil uwach i ma Rufo chi lik o u'ij chkixol i winaq chi je kojonnaq che i Dios, xaq che i uchuch chi lik pacha rak'al xu'an chwe yin. 14Chiya pan rutzil kiwach i ma Asíncrito, i ma Flegonte, i ma Hermes, i ma Patrobas, i ma Hermas, xaq i jub'an chik qachalal chwach i Cristo chi je o ku' ike. 15Xaq chiya rutzil kiwach i ma Filólogo junam ru' i ati Julia; xaq chke i ma Nereo junam ru' i ranab', xaq che i ma Olimpas junam ku' i qachalal chwach i Cristo chi je o ku'.
16Chiya rutzil iwach ru' jun tz'ub'anik chiwach. Iwonojel yix chi ix jutzob'aj re i Cristo xaq kkiya pan rutzil iwach.
17Wachalal chwach i Cristo, lik kinb'ij chiwe, chi'ana kwent iwib' chke pachin kkaj kkipetsaj ch'oj chixol, pachin kkaj kixkitzaqsaj. Ike le xa junwi kkib'ij chwach i tzij chi k'uttal chiwe yix, mixterej chkij ike. 18Chijek'a iwib' ku' man ike ne te rajchak i Qajwal Jesucristo. To' kki'ano pacha urayijb'al i kinojb'al ike, xa je ajt'oronel ke i kanima i winaq chi nti qas kinojb'al, man qus taq kkita i kitzij ike. 19Konojel i winaq keta'am chi yix lik ikojom utzij i Dios, rumali, lik kinkikot chiwe. Xwiri, kwaj yin lik ix sik'aj chu'ankil i utz; lik mich'ob' u'ankil i utz taj. 20I Dios, chi ku'an i chomb'al ib'. Ire kuqajsaj ni ucho'ab' i Itzel, lik kuya ni chuxe' i iwaqan yix, rumali yix xaq lik kiqajsaj ni u'ij. I Qajwal Jesucristo chuya ni utzil chomal chiwe.
21I a Timoteo, chi wachi'il che i chak, kutaq b'i rutzil i wach. Xaq keje kki'an i ma Lucio, i ma Jasón, xaq i ma Sosípater chi je wach aj tinimit.
22Yin in ma Tercio chi xintz'ib'aj i wuji re i ma Pablo; xaq yin kinya pan rutzil iwach pub'i i Ajwal.
23Xaq i ma Gayo kutaq b'i rutzil iwach. Ire uya'om inposar chi rachoch, xaq uya'om chke i jutzob'aj re i Cristo chi kkimol kib' ru' chi rachoch, kojb'al re u'ij i Dios. Xaq keje i ma Erasto, kuya pan rutzil iwach, ire are ajk'olol pwaq re i tinimit. Xaq keje i qachalal chwach i Cristo ma Cuarto kutaq b'i rutzil iwach. 24#16.24 Jujun wuj chi o utzij i Dios chupam kriqtaj ti versículo 24.
K'isb'al taq b'ix kojb'al u'ij i Dios
25Chqab'ij ni u'ij i Dios, Ire lik ktiki chukowirsaxik ik'ux yix. Ku'an na pacha i tzij chi kintijin yin chupaxsaxik xaq chuk'utik, are i utz laj tzij k'ak' petnaq chikaj re i Jesucristo. I tzij le etamam ti kumal i winaq ujer; lik chuxeb'al ij saq, etamam taj, k'ate wo'or chrij pacha lo'laj usuk' chi k-aljin taj re i Dios. 26Xwiri wo'or xya' retamaxik, man o kan chupam i wuj chi kitz'ib'am kan i profeta. Are jun taqanik re i Dios chi nti uk'isik, Ire ub'im kanoq chi i utz laj tzij le k-aljinsax ni chke konojel i winaq. Kraj Ire chi konojel kkikub'a ni kik'ux che, xaq kekojon na.
27¡I Dios lik xa jun, xwi Ire lik reta'am ronojel! ¡Choksax ni u'ij k-e ij saq chrij, rumal i Jesucristo! Lik keje ile ch-antaj na.
اکنون انتخاب شده:
Romanos 16: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala
Romanos 16
16
I ma Pablo kuya pan rutzil kiwach chkijujunal
1Kintz'onoj utzil chiwe, chiwila i qachalal chwach i Cristo ati Febe are kupon iwu'. Ire le diácono ku' i jutzob'aj qachalal pa tinimit Cencrea. 2Utz uk'ulaxik chi'ana iwu' rumal re i Jesucristo. Chi'ana che pacha usuk' chkixol i qachalal chwach i Cristo ru' ukub'ib'al ik'ux che i Jesucristo. Chito ru' ni'pa wach i rajwaxik che, man ire nim i kito'ik i jub'an u'anom, xaq in utom yin.
3Chiya rutzil kiwach i ati Priscila xaq ma Aquila chila, chi je wachi'il che i chak re i Jesucristo. 4Ike laj xkiya kib' che i kamik chinto'ik yin, rumali lik kintioxij chke; xaq xwi ti yin kintioxij, xaq keje konojel i qachalal chwach i Cristo, ke i tzob'ajil chi ne te aj Judío. 5Xaq chiya rutzil kiwach i jutzob'aj re i Dios chi kkimol kib' chi kachoch i ati Priscila i ma Aquila; xaq chiya rutzil uwach i ma Epeneto chi lik are jun utz laj wamiy. Are ire le lik nab'e xukub'a uk'ux che i Cristo chila pa ulew Acaya. 6Xaq chiya rutzil uwach ati Mariy, chi lik chakunnaq tob'al iwe yix. 7Chiya rutzil kiwach i wach aj tinimit ma Andrónico xaq ati Junias, ike je aj Judío pacha yin, chi je wachi'il are xojk'iji prexil. Ike kikub'am chik kik'ux che i Cristo nab'e chinwach yin; lik o ki'ij chqaxol yoj oj apostolab'.
8Chiya rutzil uwach i ma Amplias man ire le lik wamiy yin chwach i Ajwal. 9Chiya rutzil uwach i ma Urbano chi are qachi'il che i chak re i Jesucristo. Xaq chiya rutzil uwach i ma Estaquis chi lik k'ax kinna'o. 10Chiya rutzil uwach i ma Apeles, ire le lik k'iyal mul aljinnaq chi lik kul uk'ux che i Cristo. Xaq chiya rutzil uwach i ma Aristóbulo junam ku' i ralk'uwal. 11Chiya rutzil uwach i ma Herodión, ire le aj Judío pacha yin, xaq che i ma Narciso junam ku' i ralk'uwal, chi xaq lik kikub'am kik'ux che i Ajwal. 12Chiya rutzil kiwach i ati Trifena i ati Trifosa chi kechakun che uchak i Ajwal. Xaq chiya rutzil uwach i ati Pérsida chi lik k'ax kna' kumal i qachalal chwach i Cristo; ire xaq lik chakunnaq che uchak i Ajwal. 13Chiya rutzil uwach i ma Rufo chi lik o u'ij chkixol i winaq chi je kojonnaq che i Dios, xaq che i uchuch chi lik pacha rak'al xu'an chwe yin. 14Chiya pan rutzil kiwach i ma Asíncrito, i ma Flegonte, i ma Hermes, i ma Patrobas, i ma Hermas, xaq i jub'an chik qachalal chwach i Cristo chi je o ku' ike. 15Xaq chiya rutzil kiwach i ma Filólogo junam ru' i ati Julia; xaq chke i ma Nereo junam ru' i ranab', xaq che i ma Olimpas junam ku' i qachalal chwach i Cristo chi je o ku'.
16Chiya rutzil iwach ru' jun tz'ub'anik chiwach. Iwonojel yix chi ix jutzob'aj re i Cristo xaq kkiya pan rutzil iwach.
17Wachalal chwach i Cristo, lik kinb'ij chiwe, chi'ana kwent iwib' chke pachin kkaj kkipetsaj ch'oj chixol, pachin kkaj kixkitzaqsaj. Ike le xa junwi kkib'ij chwach i tzij chi k'uttal chiwe yix, mixterej chkij ike. 18Chijek'a iwib' ku' man ike ne te rajchak i Qajwal Jesucristo. To' kki'ano pacha urayijb'al i kinojb'al ike, xa je ajt'oronel ke i kanima i winaq chi nti qas kinojb'al, man qus taq kkita i kitzij ike. 19Konojel i winaq keta'am chi yix lik ikojom utzij i Dios, rumali, lik kinkikot chiwe. Xwiri, kwaj yin lik ix sik'aj chu'ankil i utz; lik mich'ob' u'ankil i utz taj. 20I Dios, chi ku'an i chomb'al ib'. Ire kuqajsaj ni ucho'ab' i Itzel, lik kuya ni chuxe' i iwaqan yix, rumali yix xaq lik kiqajsaj ni u'ij. I Qajwal Jesucristo chuya ni utzil chomal chiwe.
21I a Timoteo, chi wachi'il che i chak, kutaq b'i rutzil i wach. Xaq keje kki'an i ma Lucio, i ma Jasón, xaq i ma Sosípater chi je wach aj tinimit.
22Yin in ma Tercio chi xintz'ib'aj i wuji re i ma Pablo; xaq yin kinya pan rutzil iwach pub'i i Ajwal.
23Xaq i ma Gayo kutaq b'i rutzil iwach. Ire uya'om inposar chi rachoch, xaq uya'om chke i jutzob'aj re i Cristo chi kkimol kib' ru' chi rachoch, kojb'al re u'ij i Dios. Xaq keje i ma Erasto, kuya pan rutzil iwach, ire are ajk'olol pwaq re i tinimit. Xaq keje i qachalal chwach i Cristo ma Cuarto kutaq b'i rutzil iwach. 24#16.24 Jujun wuj chi o utzij i Dios chupam kriqtaj ti versículo 24.
K'isb'al taq b'ix kojb'al u'ij i Dios
25Chqab'ij ni u'ij i Dios, Ire lik ktiki chukowirsaxik ik'ux yix. Ku'an na pacha i tzij chi kintijin yin chupaxsaxik xaq chuk'utik, are i utz laj tzij k'ak' petnaq chikaj re i Jesucristo. I tzij le etamam ti kumal i winaq ujer; lik chuxeb'al ij saq, etamam taj, k'ate wo'or chrij pacha lo'laj usuk' chi k-aljin taj re i Dios. 26Xwiri wo'or xya' retamaxik, man o kan chupam i wuj chi kitz'ib'am kan i profeta. Are jun taqanik re i Dios chi nti uk'isik, Ire ub'im kanoq chi i utz laj tzij le k-aljinsax ni chke konojel i winaq. Kraj Ire chi konojel kkikub'a ni kik'ux che, xaq kekojon na.
27¡I Dios lik xa jun, xwi Ire lik reta'am ronojel! ¡Choksax ni u'ij k-e ij saq chrij, rumal i Jesucristo! Lik keje ile ch-antaj na.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala