Hechos 16
16
Ma Timoteo xerachi'ilaj b'i ma Pablo xaq i ma Silas
1I ma Pablo are xupon pa tinimit Derbe xaq i Listra xuriq jun ala chi kkojon che i Dios, a Timoteo ub'i. Ire le, ralab' jun ixoq aj Judío chi kkojon che i Dios, xwiri i uqajaw aj Grecia. 2I qachalal chwach i Cristo chi aj pa tinimit Listra xaq i aj pa tinimit Iconio kkib'ij chi a Timoteo lik utz laj winaq. 3I ma Pablo xraj ire chi a Timoteo krachi'ilaj b'ik, xwiri nab'e o uchak k-an i circuncisión che, man keje ile kpe ti koywal aj Judío che, chi je jeqel pa jalajuj taq k'ijib'al che i tinimit le, man konojel keta'am chi uqajaw a Timoteo le aj Grecia. 4Are xeik'aw pa taq tinimit, xkib'ij kan chke i qachalal chwach i Cristo wach taq kitaqom u'anik i apostolab' xaq i kinimaqil i jutzob'aj re i Dios pa Jerusalén. 5Rumali chi i jalajuj taq tzob'ajil re i Dios lik xkikub'a kik'ux che Dios, xaq lik ij ij ktijin kik'iyarik i winaq chi kekojon che i Dios.
Uk'utik rib' jun achi aj Macedonia puwach ma Pablo
6Xwiri i Lo'laj Utewal i Dios xuya ti chke i ma Pablo ku' i kachi'il chi ke'ok pa tinimit Asia chub'ixkil utzij i Dios chila; rumali chi xeik'aw pa tinimit Frigia xaq xeik'aw pa tinimit Galacia, 7k'a xeupon pa mojon re i tinimit Misia. Chila xkich'ob' te'eq okik pa tinimit Bitinia, xwiri i Utewal i Jesús xuya ti chke chi ke'ok b'ik. 8Rumali chi xa xeik'aw suk'ulik pa tinimit Misia, xeupon k'a pa tinimit Troas ipa kek'un wi i barco chuchi' i mar. 9Chila are xok a'ab' i ma Pablo xril puwach chi jun achi aj Macedonia, tak'al chwach, xaq ktijin chutz'onoxik utzil che ru' i tziji: “Chatik'aw pa Macedonia, lik chojato.” 10Are xril i ma Pablo ile puwach, lik juntir chqayijb'a la qib' che i enam pa Macedonia, man qeta'am chi i Dios kojusik'ij b'i chila chub'ixkil i utz laj tzij k'ak'.
Ma Pablo xaq i ma Silas je o Filipos
11Te'uri, xojok b'i pa barco xoj-el pa tinimit Troas. Chila xoj-e suk'ulik k'a che jun ral ulew setel pa nik'aj che i mar chi Samotracia ub'i. Te'uri chukab' ij, xojupon k'a pa tinimit Neápolis. 12Qelik b'i chila, xoj-e pa tinimit Filipos chi are jun tinimit ke aj Roma xaq are jun tinimit chi lik o u'ij chupam i nim laj tinimit Macedonia. Chila xojkanaj wi kan k'iyal ij. 13Che jun ij sábado xojel b'i tzam ja re i tinimit, chuchi' jun ya chi o chila, man xqach'ob' yoj chi chila o jun k'ijib'al re molb'al ib' che i lapanik ru' i Dios ke aj Judío. Are xojuponik xojkub'i ku' jub'an ixoqib' chi kimolom kib' chila, are uri xqab'ij i utz laj tzij k'ak' re i Dios chke. 14Jun chke i ixoqib' le ati Lidia ub'i, ire aj pa tinimit Tiatira, ajk'ay chomiq laj taq k'ul chi kaqxar ktzunik. Ire lik kukoj u'ij i Dios i xaq lik ktijin chutayik wach i kb'ixik, are uri i Ajwal xuyin i ranima, chi lik chukojo retalil che wach kub'ij i ma Pablo. 15Ire xqajsax ya puwi xaq pkiwi konojel i ralk'uwal, chrijil chik ile, xub'ij chqe:
—Yix we lik qatzij kib'ij chi inkojom utzij i Ajwal, chixkanaj kan uri chi wachoch —xcha.
Lik xu'an pen chqe chi kojkanaj kan ku' ru' ja.
16Xuk'ulmaj jun ij, are enam qe che i k'ijib'al ipa kojlapan wi ru' i Dios, xqak'ulaj jun ali chi o itzel tew che chi lik knan rumal. I ali le xa are jun ajtaqon, ru' i nanik chi ku'ano le lik k'iyal pwaq kuch'ak i rajaw chrij. 17I ali le xojuterb'ej yoj xaq i ma Pablo, i lik ksik'in chub'ixkil i tziji:
—¡I achiyab' le je utaqon i Nim laj Dios i xaq kkisaqij i utz laj b'e chiwe, re elsab'al iwe chupam i mak! —Xcha.
18Lik k'iyal ij keje ile xu'ano, k'a x-atix ni rumal ma Pablo man ya xmi' roywal che, rumali xupiskilij rib' chutaqexik xaq xu'ijla itzel tew chi o che i ali; xub'ij:
—Pub'i i Jesucristo, kinb'ij chawe chi chatel che i ali le.
Are uri i itzel tew le lik juntir xro'taj kan i ali.
19Xwiri i kajaw i ali le, are xkilo chi kkich'ak ti chik i pwaq chrij, xekichap ma Pablo xaq i ma Silas, xekik'am b'i chkiwach i atol tzij chila che nab'e tan uwaja re i tinimit. 20Xekiya chkiwach i atol tzij i keje iri xkib'ij:
—I aj Judío winaqi, ketijin chkich'ujersaxik i winaq pqatinimit, 21xaq kkik'ut i jalajuj taq anoj chi kmajaw taj kqakojo xaq mitene kojok chu'anik pacha kkib'ij, man yoj oj aj Roma; xecha.
22Are uri i winaq xe'ok chu'anik ch'oj chkij ma Pablo xaq i ma Silas, i je atol tzij xkitaq relsaxik ki'u', te'uri xya' kilo'xik ru' u'ab' che'. 23Chrijil u'anik k'ax chke, te'uri xekitz'apij prexil, are uri xkiya i taqanik che i ajchajal re prexil chi lik utz uchajixik ku'ano. 24I ajchajal re prexil are xya' i taqanik le che, xeutz'apij che jun k'ijib'al chi lik k'a chupam li prexil o wi, xaq xuya kan i kaqan pa che' man keje ile lik kkina uk'axkol re i utojb'alil le.
25Xwiri xuk'ulmaj che i tik'il a'ab', tz'aqat i ma Pablo xaq i ma Silas ketijin che i b'ix xaq che i lapanik ru' i Dios, i jub'an chik winaq chi je tz'apil chila ketijin chutayik, 26are uri xaqte'et xpe jun nim laj kab'raqan, chi xusilab'saj ukub'ib'al ja re i prexil. Are uri ni'pa i uchija xejaqtaj kitukel, i karena xaq i che' xel che i kaqan ni'pa i je tz'apilik. 27I chajinel, are xk'un saq chwach xaq xrilo chi jaqtajnaq ronojel i uchija re i prexil, xresaj li uch'ich' chi k'ulala o uware re kamsab'al te'eq rib' man xuch'ob' ire chi ni'pa i je tz'apilik is xe'anmaj b'ik. 28Xwiri i ma Pablo xsik'in che:
—¡Makamsaj awib' man qonojel lik oj o chi! —Xcha.
29Are uri i chajinel le xutz'on la jun kantil re utzunb'al pa ja, pa'anem xok la b'ik xaq lik ksiksat rumal uxib'rikil, xxuki la chkaqan ma Pablo xaq i ma Silas. 30Are uri xeresaj loq xaq xutz'onoj chke:
—Nimaq taq winaq ¿Wach rajwaxik kin-ano man kinel chupam inmak?
31Are uri ike xkila' uwach che:
—Chatkojon che i Ajwal Jesucristo man keje ile kixtotaj ni chwach i kamik, yet xaq i awalk'uwal.
32Te'uri xkib'ij utzij i Ajwal che ire xaq chke konojel ni'pa je o prachoch. 33Lik che i a'ab' le, i chajinel xok chuch'ajik uwach kich'akul ipa xsoktaj wi chke, chrijil ile, xqajsax ya puwi ire xaq pkiwi i ralk'uwal. 34Xeukoj chub'i pa ja i xaq xeutzuqu. I chajinel xaq konojel i ralk'uwal lik kekikotik rumal xkikoj i Dios.
35Are xsaqir chukab' ij, i je atol tzij xekitaq b'i jub'an chajinelab' ru' i chajal re i prexil chub'ixkil che chi kero'taj b'i ma Pablo xaq i ma Silas. 36Are uri i chajinel xub'ij che ma Pablo:
—I je atol tzij xkiya i taqanik chwe chi kixwo'taj b'ik; rumali chi utz kix-e ru' jun chomb'al ib'.
37Xwiri i ma Pablo xub'ij chke i chajinelab' chi xeuponik:
—Yoj chi oj aj Roma, xjik qalo'xik chkiwach i winaq, i x-an ti atb'al tzij chqe nab'e, xaq xojkitz'apij prexil; ¿Wo'or kkaj kojko'taj b'i ani'al? ¡Ile kmajaw taj! Lik chepet ni ike chqo'taxik b'ik, xecha.
38I chajinelab' xkib'ij ile chke i atol tzij, ike are xkita chi ma Pablo xaq i ma Silas je aj Roma, lik xkixij kib'. 39Rumali i je atol tzij le xe'e ku' xaq xkitz'onoj kuyb'al mak chke. Te'uri xekesaj b'ik xaq xkitz'onoj utzil chke chi ke'el chila pa tinimit. 40Are xe'el li prexil, i ma Pablo xaq i ma Silas xe'e suk'ulik chi rachoch ati Lidia, chila je o wi kachalal chwach i Cristo, are uri xkiya kan ukowil kik'ux, chrijil chik ile, xe'el chila.
اکنون انتخاب شده:
Hechos 16: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala
Hechos 16
16
Ma Timoteo xerachi'ilaj b'i ma Pablo xaq i ma Silas
1I ma Pablo are xupon pa tinimit Derbe xaq i Listra xuriq jun ala chi kkojon che i Dios, a Timoteo ub'i. Ire le, ralab' jun ixoq aj Judío chi kkojon che i Dios, xwiri i uqajaw aj Grecia. 2I qachalal chwach i Cristo chi aj pa tinimit Listra xaq i aj pa tinimit Iconio kkib'ij chi a Timoteo lik utz laj winaq. 3I ma Pablo xraj ire chi a Timoteo krachi'ilaj b'ik, xwiri nab'e o uchak k-an i circuncisión che, man keje ile kpe ti koywal aj Judío che, chi je jeqel pa jalajuj taq k'ijib'al che i tinimit le, man konojel keta'am chi uqajaw a Timoteo le aj Grecia. 4Are xeik'aw pa taq tinimit, xkib'ij kan chke i qachalal chwach i Cristo wach taq kitaqom u'anik i apostolab' xaq i kinimaqil i jutzob'aj re i Dios pa Jerusalén. 5Rumali chi i jalajuj taq tzob'ajil re i Dios lik xkikub'a kik'ux che Dios, xaq lik ij ij ktijin kik'iyarik i winaq chi kekojon che i Dios.
Uk'utik rib' jun achi aj Macedonia puwach ma Pablo
6Xwiri i Lo'laj Utewal i Dios xuya ti chke i ma Pablo ku' i kachi'il chi ke'ok pa tinimit Asia chub'ixkil utzij i Dios chila; rumali chi xeik'aw pa tinimit Frigia xaq xeik'aw pa tinimit Galacia, 7k'a xeupon pa mojon re i tinimit Misia. Chila xkich'ob' te'eq okik pa tinimit Bitinia, xwiri i Utewal i Jesús xuya ti chke chi ke'ok b'ik. 8Rumali chi xa xeik'aw suk'ulik pa tinimit Misia, xeupon k'a pa tinimit Troas ipa kek'un wi i barco chuchi' i mar. 9Chila are xok a'ab' i ma Pablo xril puwach chi jun achi aj Macedonia, tak'al chwach, xaq ktijin chutz'onoxik utzil che ru' i tziji: “Chatik'aw pa Macedonia, lik chojato.” 10Are xril i ma Pablo ile puwach, lik juntir chqayijb'a la qib' che i enam pa Macedonia, man qeta'am chi i Dios kojusik'ij b'i chila chub'ixkil i utz laj tzij k'ak'.
Ma Pablo xaq i ma Silas je o Filipos
11Te'uri, xojok b'i pa barco xoj-el pa tinimit Troas. Chila xoj-e suk'ulik k'a che jun ral ulew setel pa nik'aj che i mar chi Samotracia ub'i. Te'uri chukab' ij, xojupon k'a pa tinimit Neápolis. 12Qelik b'i chila, xoj-e pa tinimit Filipos chi are jun tinimit ke aj Roma xaq are jun tinimit chi lik o u'ij chupam i nim laj tinimit Macedonia. Chila xojkanaj wi kan k'iyal ij. 13Che jun ij sábado xojel b'i tzam ja re i tinimit, chuchi' jun ya chi o chila, man xqach'ob' yoj chi chila o jun k'ijib'al re molb'al ib' che i lapanik ru' i Dios ke aj Judío. Are xojuponik xojkub'i ku' jub'an ixoqib' chi kimolom kib' chila, are uri xqab'ij i utz laj tzij k'ak' re i Dios chke. 14Jun chke i ixoqib' le ati Lidia ub'i, ire aj pa tinimit Tiatira, ajk'ay chomiq laj taq k'ul chi kaqxar ktzunik. Ire lik kukoj u'ij i Dios i xaq lik ktijin chutayik wach i kb'ixik, are uri i Ajwal xuyin i ranima, chi lik chukojo retalil che wach kub'ij i ma Pablo. 15Ire xqajsax ya puwi xaq pkiwi konojel i ralk'uwal, chrijil chik ile, xub'ij chqe:
—Yix we lik qatzij kib'ij chi inkojom utzij i Ajwal, chixkanaj kan uri chi wachoch —xcha.
Lik xu'an pen chqe chi kojkanaj kan ku' ru' ja.
16Xuk'ulmaj jun ij, are enam qe che i k'ijib'al ipa kojlapan wi ru' i Dios, xqak'ulaj jun ali chi o itzel tew che chi lik knan rumal. I ali le xa are jun ajtaqon, ru' i nanik chi ku'ano le lik k'iyal pwaq kuch'ak i rajaw chrij. 17I ali le xojuterb'ej yoj xaq i ma Pablo, i lik ksik'in chub'ixkil i tziji:
—¡I achiyab' le je utaqon i Nim laj Dios i xaq kkisaqij i utz laj b'e chiwe, re elsab'al iwe chupam i mak! —Xcha.
18Lik k'iyal ij keje ile xu'ano, k'a x-atix ni rumal ma Pablo man ya xmi' roywal che, rumali xupiskilij rib' chutaqexik xaq xu'ijla itzel tew chi o che i ali; xub'ij:
—Pub'i i Jesucristo, kinb'ij chawe chi chatel che i ali le.
Are uri i itzel tew le lik juntir xro'taj kan i ali.
19Xwiri i kajaw i ali le, are xkilo chi kkich'ak ti chik i pwaq chrij, xekichap ma Pablo xaq i ma Silas, xekik'am b'i chkiwach i atol tzij chila che nab'e tan uwaja re i tinimit. 20Xekiya chkiwach i atol tzij i keje iri xkib'ij:
—I aj Judío winaqi, ketijin chkich'ujersaxik i winaq pqatinimit, 21xaq kkik'ut i jalajuj taq anoj chi kmajaw taj kqakojo xaq mitene kojok chu'anik pacha kkib'ij, man yoj oj aj Roma; xecha.
22Are uri i winaq xe'ok chu'anik ch'oj chkij ma Pablo xaq i ma Silas, i je atol tzij xkitaq relsaxik ki'u', te'uri xya' kilo'xik ru' u'ab' che'. 23Chrijil u'anik k'ax chke, te'uri xekitz'apij prexil, are uri xkiya i taqanik che i ajchajal re prexil chi lik utz uchajixik ku'ano. 24I ajchajal re prexil are xya' i taqanik le che, xeutz'apij che jun k'ijib'al chi lik k'a chupam li prexil o wi, xaq xuya kan i kaqan pa che' man keje ile lik kkina uk'axkol re i utojb'alil le.
25Xwiri xuk'ulmaj che i tik'il a'ab', tz'aqat i ma Pablo xaq i ma Silas ketijin che i b'ix xaq che i lapanik ru' i Dios, i jub'an chik winaq chi je tz'apil chila ketijin chutayik, 26are uri xaqte'et xpe jun nim laj kab'raqan, chi xusilab'saj ukub'ib'al ja re i prexil. Are uri ni'pa i uchija xejaqtaj kitukel, i karena xaq i che' xel che i kaqan ni'pa i je tz'apilik. 27I chajinel, are xk'un saq chwach xaq xrilo chi jaqtajnaq ronojel i uchija re i prexil, xresaj li uch'ich' chi k'ulala o uware re kamsab'al te'eq rib' man xuch'ob' ire chi ni'pa i je tz'apilik is xe'anmaj b'ik. 28Xwiri i ma Pablo xsik'in che:
—¡Makamsaj awib' man qonojel lik oj o chi! —Xcha.
29Are uri i chajinel le xutz'on la jun kantil re utzunb'al pa ja, pa'anem xok la b'ik xaq lik ksiksat rumal uxib'rikil, xxuki la chkaqan ma Pablo xaq i ma Silas. 30Are uri xeresaj loq xaq xutz'onoj chke:
—Nimaq taq winaq ¿Wach rajwaxik kin-ano man kinel chupam inmak?
31Are uri ike xkila' uwach che:
—Chatkojon che i Ajwal Jesucristo man keje ile kixtotaj ni chwach i kamik, yet xaq i awalk'uwal.
32Te'uri xkib'ij utzij i Ajwal che ire xaq chke konojel ni'pa je o prachoch. 33Lik che i a'ab' le, i chajinel xok chuch'ajik uwach kich'akul ipa xsoktaj wi chke, chrijil ile, xqajsax ya puwi ire xaq pkiwi i ralk'uwal. 34Xeukoj chub'i pa ja i xaq xeutzuqu. I chajinel xaq konojel i ralk'uwal lik kekikotik rumal xkikoj i Dios.
35Are xsaqir chukab' ij, i je atol tzij xekitaq b'i jub'an chajinelab' ru' i chajal re i prexil chub'ixkil che chi kero'taj b'i ma Pablo xaq i ma Silas. 36Are uri i chajinel xub'ij che ma Pablo:
—I je atol tzij xkiya i taqanik chwe chi kixwo'taj b'ik; rumali chi utz kix-e ru' jun chomb'al ib'.
37Xwiri i ma Pablo xub'ij chke i chajinelab' chi xeuponik:
—Yoj chi oj aj Roma, xjik qalo'xik chkiwach i winaq, i x-an ti atb'al tzij chqe nab'e, xaq xojkitz'apij prexil; ¿Wo'or kkaj kojko'taj b'i ani'al? ¡Ile kmajaw taj! Lik chepet ni ike chqo'taxik b'ik, xecha.
38I chajinelab' xkib'ij ile chke i atol tzij, ike are xkita chi ma Pablo xaq i ma Silas je aj Roma, lik xkixij kib'. 39Rumali i je atol tzij le xe'e ku' xaq xkitz'onoj kuyb'al mak chke. Te'uri xekesaj b'ik xaq xkitz'onoj utzil chke chi ke'el chila pa tinimit. 40Are xe'el li prexil, i ma Pablo xaq i ma Silas xe'e suk'ulik chi rachoch ati Lidia, chila je o wi kachalal chwach i Cristo, are uri xkiya kan ukowil kik'ux, chrijil chik ile, xe'el chila.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala