2 Corintios 4
4
Ajtzijol re i Jesucristo
1Yoj kqasach ti ukowil qak'ux man are i Dios chi rumal i rutzil uk'ux, oj utaqom chub'ixkil i k'ak' tziji. 2Qakanam kan ni'pa taq i xa ani'al k-anik, xaq ni'pa taq i k'ixb'alil. Are i kqa'an yoj, are ti ru' i saqlej laj nojb'al kqak'ut chke i winaq, xaq kqajech'ab'saj ti utzij i Dios. Are i kqa'ano, xwi i saq laj tzij kqasaqij; keje ile kqa'ano man konojel i winaq kkub'i ni kik'ux chqe chi utz i kqab'ij chke chwach i Dios. 3Kqapaxsaj i utz laj tzij k'ak' re i Dios we o jujun kkib'ij chi saqil taj wach kqab'ij, man lik kewi to' ktijin kisachik; rumali kkita ti ub'e. 4Are i kkikoj taj wach i kqab'ij, xa ch'uqtal kinojb'al rumal Itzel, chi wo'or u'anom ajwal che rib' waral chwach i jyub' ta'aj. Uch'uqum kinojb'al, man kraj ire kkil ti saq, kkita ti usuk' i utz laj tzij k'ak' re i Cristo chi lik nim u'ij uchomal, ire chi xaq are uk'exwach i Dios. 5Are kqab'ij utzij i Dios, yoj ti kqab'ij qib'; are i Cristo kqab'ij, chi are i Ajwal pqawi; xaq kqa'an che qib' xa oj mokom chiwij yix rumal k'axnab'al re i Jesús. 6I Dios, chi chuxeb'al loq xutzunsaj i saq pa equmal chwach i jyub' ta'aj, xaq utzunsam i saq re Ire pqanima yoj man ru' usaqil le kqetamaj ni uchomal i Dios chi k-iltaj che i Jesucristo.
I kub'ib'al k'uxij chupam i k'ax
7I uchomal i Dios le, keje pacha i b'iroxik chi paqal rajil i k'oltalik, xaq yoj oj k'olb'al re ile; xwiri xa oj keje pacha i b'oj chi antal che i xo'ol, chi ko taj. Keje u'anom i Dios ile chqe aljinsab'al re chi ru' Ire kpe wi i qacho'ab', qu' ti yoj kpe wi. 8Rumali tupu oj o chupam i k'ax, xwiri ktiki ti chqach'akik; kojk'achirik, xwiri kqasach ti ukub'ib'al qak'ux. 9O i kkitzukuj ch'oj chqij, xwiri i Dios oj ro'tam taj. Kojkitzaqsaj pulew, xwiri je tikinaq ti chqach'akik. 10Xaipa koj-e wi, i qach'akul o chwach i kamik pacha xu'an i Jesús. Kqach'ij ile man k-iltaj ukamik i Jesús che i qak'aslemal yoj. 11Tz'aqat oj k'aslik, ij ij oj o chwach i kamik rumal re i Jesús. Keje ile kqa'ano man k-iltaj ukamik i Jesús che i qach'akul, chi kuch'ij ti naj xa kkamik. 12Rumal ub'ixkil utzij i Ajwal, yoj oj o chwach i kamik, xwiri kel chiwe yix are i riqb'al i k'aslemal.
13Xwiri o ukub'ib'al qak'ux xaqjun ru' pacha tz'ib'tal kan chupam uwuj i Dios chi kub'ij: “Yin, kul ink'ux che i Dios, rumali xinb'ij u'ij chke i winaq.”#4.13 Salmos 116.10. Xaq keje yoj qakojom, rumali xaq kqab'ij ile chi qakub'am qak'ux che. 14Man qeta'am chi i Dios chi xuwalijsaj i Ajwal Jesús che i kamik, xaq kojuwalijsaj ni yoj che i kamik, pacha xu'an che i Jesús. Te'uri, kojuk'am b'i chila ru', junam iwu' yix. 15Ni'pa i k'ax kqach'ijo, xa are anb'al i utz chiwe yix; qeta'am chi we je k'i kkiriq i rutzil uk'ux i Dios, xaq je k'i uri ketioxiw ni che, xaq mas koksax ni u'ij i Dios rumal.
16Rumali kqach'ijo; lik kqasach ti ukowil qak'ux. Tupu i qach'akul ktijin urijab'ik, xwiri i qak'ux krijab' taj; ij ij ktijin u'ankil k'ak'. 17Ni'pa i k'ax kqatij waral, nim taj, xa we' kik'awik; xwiri i k'ax le rok'am li utz i chom chqe, chi xaq nti uk'isik. 18Yoj ut, kqaya ti qak'ux che wach i k-iltaj uwach chi chwach i jyub' ta'aj; are i kqakoj retalil, are ile chi k-iltaj ti uwach waral. Ni'pa taq i k-iltaj uwach waral, to' kjarik, to' kk'isik; are i k-iltaj ti uwach, are ile chi nti uk'isik k-e ij saq chrij.
اکنون انتخاب شده:
2 Corintios 4: ACHICUB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala
2 Corintios 4
4
Ajtzijol re i Jesucristo
1Yoj kqasach ti ukowil qak'ux man are i Dios chi rumal i rutzil uk'ux, oj utaqom chub'ixkil i k'ak' tziji. 2Qakanam kan ni'pa taq i xa ani'al k-anik, xaq ni'pa taq i k'ixb'alil. Are i kqa'an yoj, are ti ru' i saqlej laj nojb'al kqak'ut chke i winaq, xaq kqajech'ab'saj ti utzij i Dios. Are i kqa'ano, xwi i saq laj tzij kqasaqij; keje ile kqa'ano man konojel i winaq kkub'i ni kik'ux chqe chi utz i kqab'ij chke chwach i Dios. 3Kqapaxsaj i utz laj tzij k'ak' re i Dios we o jujun kkib'ij chi saqil taj wach kqab'ij, man lik kewi to' ktijin kisachik; rumali kkita ti ub'e. 4Are i kkikoj taj wach i kqab'ij, xa ch'uqtal kinojb'al rumal Itzel, chi wo'or u'anom ajwal che rib' waral chwach i jyub' ta'aj. Uch'uqum kinojb'al, man kraj ire kkil ti saq, kkita ti usuk' i utz laj tzij k'ak' re i Cristo chi lik nim u'ij uchomal, ire chi xaq are uk'exwach i Dios. 5Are kqab'ij utzij i Dios, yoj ti kqab'ij qib'; are i Cristo kqab'ij, chi are i Ajwal pqawi; xaq kqa'an che qib' xa oj mokom chiwij yix rumal k'axnab'al re i Jesús. 6I Dios, chi chuxeb'al loq xutzunsaj i saq pa equmal chwach i jyub' ta'aj, xaq utzunsam i saq re Ire pqanima yoj man ru' usaqil le kqetamaj ni uchomal i Dios chi k-iltaj che i Jesucristo.
I kub'ib'al k'uxij chupam i k'ax
7I uchomal i Dios le, keje pacha i b'iroxik chi paqal rajil i k'oltalik, xaq yoj oj k'olb'al re ile; xwiri xa oj keje pacha i b'oj chi antal che i xo'ol, chi ko taj. Keje u'anom i Dios ile chqe aljinsab'al re chi ru' Ire kpe wi i qacho'ab', qu' ti yoj kpe wi. 8Rumali tupu oj o chupam i k'ax, xwiri ktiki ti chqach'akik; kojk'achirik, xwiri kqasach ti ukub'ib'al qak'ux. 9O i kkitzukuj ch'oj chqij, xwiri i Dios oj ro'tam taj. Kojkitzaqsaj pulew, xwiri je tikinaq ti chqach'akik. 10Xaipa koj-e wi, i qach'akul o chwach i kamik pacha xu'an i Jesús. Kqach'ij ile man k-iltaj ukamik i Jesús che i qak'aslemal yoj. 11Tz'aqat oj k'aslik, ij ij oj o chwach i kamik rumal re i Jesús. Keje ile kqa'ano man k-iltaj ukamik i Jesús che i qach'akul, chi kuch'ij ti naj xa kkamik. 12Rumal ub'ixkil utzij i Ajwal, yoj oj o chwach i kamik, xwiri kel chiwe yix are i riqb'al i k'aslemal.
13Xwiri o ukub'ib'al qak'ux xaqjun ru' pacha tz'ib'tal kan chupam uwuj i Dios chi kub'ij: “Yin, kul ink'ux che i Dios, rumali xinb'ij u'ij chke i winaq.”#4.13 Salmos 116.10. Xaq keje yoj qakojom, rumali xaq kqab'ij ile chi qakub'am qak'ux che. 14Man qeta'am chi i Dios chi xuwalijsaj i Ajwal Jesús che i kamik, xaq kojuwalijsaj ni yoj che i kamik, pacha xu'an che i Jesús. Te'uri, kojuk'am b'i chila ru', junam iwu' yix. 15Ni'pa i k'ax kqach'ijo, xa are anb'al i utz chiwe yix; qeta'am chi we je k'i kkiriq i rutzil uk'ux i Dios, xaq je k'i uri ketioxiw ni che, xaq mas koksax ni u'ij i Dios rumal.
16Rumali kqach'ijo; lik kqasach ti ukowil qak'ux. Tupu i qach'akul ktijin urijab'ik, xwiri i qak'ux krijab' taj; ij ij ktijin u'ankil k'ak'. 17Ni'pa i k'ax kqatij waral, nim taj, xa we' kik'awik; xwiri i k'ax le rok'am li utz i chom chqe, chi xaq nti uk'isik. 18Yoj ut, kqaya ti qak'ux che wach i k-iltaj uwach chi chwach i jyub' ta'aj; are i kqakoj retalil, are ile chi k-iltaj ti uwach waral. Ni'pa taq i k-iltaj uwach waral, to' kjarik, to' kk'isik; are i k-iltaj ti uwach, are ile chi nti uk'isik k-e ij saq chrij.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Biblia Achí de Cubulco, Derechos reservados de Sociedad Bíblica de Guatemala