S. Juan 15
15
Jesús, u jach che'i aj ts'us a pʌk'bi
1»A Ten Lʌjien u jach che'i aj nukuch ts'us (uva) a pʌk'bi y a in Tet lʌji' a mok ku kʌnʌntik. 2O yʌn jump'e in k'ʌ' mu yichʌnkʌj, ku xat'ik, chen wo ku yichʌnkʌj, jay ku laj meje musik in k'ʌ' ti' u ki ichʌnkʌj más ya'p. 3A teche'x beje' ya laj musae'x tu ki tsikbʌtik a tʌn a je'. 4Wa woro ti yʌne'x yete ten, bexi' ten woro ti' yʌnen yete teche'x. Ya a we'x bix u k'ʌ' jump'e che, mʌnʌ' u yichʌnkʌj wo mo' nich'ikbaj yok'o u che'i, bexi' teche'x wo mo' woro ti' yʌne'x yete ten.
5»A Ten Lʌjien u che'i aj nukuch ts'us (uva) a pʌk'bi y teche'x lʌji' u k'ʌ'. A mok woro tiʌ yete ten y bexi' ten ti' yʌnen yete ti', ne ya'p u wich ku ts'ek, a teche'x mix k'ʌs ba' je' a metke'x o mʌnen ten yete teche'x. 6A mok mo' woro tiʌ yete ten, ku pura' jaknʌki, ku tiji; ku laj much'a y ku bij pura ix k'ak', y ku laj ere.
7»Wo a teche'x woro tie'x yete ten y woro a metke'x in t'ʌn, k'ate'x tu woro a ba' a k'at, y jeu' meta' teche'x. 8Wo teche'x ne ka wiche'x y ka kuxte'x bex bix in jach kʌ'sa winike'x, bex ka bin a wa'ex ne tsoy ba' ti' Tet. 9Bex bix in Tet ku yakuntiken, bex bexi' ten kin yakuntike'x; bexi' teche'x tu woro k'in yakunten 10O ka jach ki metke'x in t'ʌn, bex tʌn a we'sik jach otsi a wikene'x; bex bix ten ki jach metik u t'ʌn in Tet, y bex tʌn in we'sik jach otsi in wirik in Tet.
11»Ti wa'te'x bex ti' u jach ki' tsoyta a worex bex ten jach tsoy in wor. 12A je' lʌji' a kin li'sik in t'ʌn: Yakunte'x a bʌje'x, bex ten kin yakuntike'x. 13A mok jach ku ki yakuntik u bojo' lʌji' a mok ku ts'ek u kuxta ti' u bojo'. 14Teche'x lʌjie'x in boje'x, wo ka jach metke'x a ba' ki wei'k teche'x a metke'x. 15Ya mij t'ʌnke'x in k'ʌnie'x, ka wirik a mok jay ti' u k'ʌna' tiʌ mu ye baij ku metik u ts'uri; Chen teche'x kin t'ʌnke'x in boje'x, ka wirik ya tin laj ts'a a wetke'x a baij tu ya'ten in Tet. 16Teche'x mo ta tejten ten, chen ten ti tejte'x teche'x, y tin li'sa u t'ʌni a bine'x y ti' a wichʌnkʌne'x, y a lay u wich, mu ts'oko. Y bex ak Tet jeu' laj ts'ek tu woro a ba' ka k'atke'x ti' yete in k'aba'. 17A je' lʌji' kin li'sik u t'ʌni te'x ti' a metke'x: Yakunte'x a bʌje'x.
Tu woro a lu'm p'ek u yirik a Jesús y a mok ku t'urik
18»Wo tu woro u winki lu'm p'ek u yirike'x, k'ʌjkunte a wue'x a ten tu yʌ ch'a p'eki ten. 19Wa teche'x bexi' ka metke'x bex u winki a je' a lu'm, tu woro winki a je' a lu'm ku yakuntike'x; chen a teche'x mo' bexe'x, tu pʌti ten ti yʌ tejte'x yok'o a je' a lu'm, bein tu woro u winki a je' a lu'm ne p'ek u yirike'x. 20K'ʌjkunte'x a ba' a ka ti wa'te'x: “A mok ku k'ʌna' mo lʌji' más t'o'o ti' u ka' ts'uri.” Wo a ten a'kosten; bexi' teche'x ku bij a'koste'x; wa tu yuo' in t'ʌn bexi' ku bin yuo' a t'ʌne'x teche'x. 21Tu woro a je' a ba' ku bin a meta' teche'x yok'o in k'aba', tu mu k'o'mo' a mok tu tuchi'ten.
22»A tio' mʌnʌ' u k'ebʌno', wo mi' tar in wae tio'. Chen a beje' mo' bik u yei'ko' mʌnʌ' u k'ebʌno' tu ya to' a'tio'. 23A mok ku p'aktiken ten, bexi' ku pʌktik in Tet. 24Wo mi' metik tsoy ba' yok'o tio' a mix k'ʌs mok u mete, mʌnʌ' u k'ebʌno'; chen a beje' ya tu yiro' y tu p'akten y bexi' in Tet. 25Chen a je' ti' u metchʌ u t'ʌn K'uj a ts'ibʌ' ten a Moisés uchik ku yei'k: “P'akten tak mix ba' in meba.”
26»Chen tuk'in ka tak u yʌj'ʌni winik, a to'o ten kin bin in tuchi'te a mok tu tuchi'ta in Tet, a lʌji' u pixʌn u jach taji a ba' a ti' u tar yok'o in Tet, lʌji' ku bin u tsikbʌten. 27A teche'x bexi' ka bin tsikbʌten, tu toj tie'x teche'x ch'ik tu yʌj chuni yete ten.
اکنون انتخاب شده:
S. Juan 15: PLacNaha
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Sociedad Biblica de México AC
