Matiyu 12
12
Ɛnza ŋé kan mín nvɔ lɔnwɛɛnlilo ŋo ko o lɔ
Maki 2.23-28; Luka 6.1-5
1Ó wáati o lɔ́, lɔnwɛɛnlilo nɔ́ la, Ɛnza ndɛ́ɛ tínminnan belefyɛ ólu kɔɔnnɔn. Kɔ́ɔn é a yɛ kaamɔɔndhye ŋolu myáan tó olu béle tínnza ŋo lɔ́lu bhɔ́ kɛ i lɔɔ. 2Falizɛn ŋólu i yé o lá mínngɛ, ii fɔ Ɛnza ɲɛn ko: «Ɲɔ́ɔn nín, kó mín mánngan kɛ́ kɛ́ lɔnwɛɛnlilo ŋó lá, i yɛ kaamɔɔndhye ŋólu o lé kɛ́la.» 3Ɛnza ŋé í yawi kó: «Kɔ́ɔn é Laula ní a táamanɲɔɔn ólu myaan mínngɛ, aa mínngɛ, a mán ó kála kɛ́ a yé a? 4Aa lo ɲán mín mán Ala yɛ́ bhó ŋo kɔɔnnɔn, óni faanlɛɛbulu mín nziinin ndɛ́ɛ yénɔn, aa o lɔɔ ɲán mín man kɛ́ɛke ále ní a táamanɲɔɔn ólu si tɛ́ mánngan kɛ o búlu o lɔɔ, fɔ faanlɛɛɲansebhaa olu kéembe. 5Bháanin a mán yé Musa yɛ́ tɔ́ ŋo lɔ kó faanlɛɛɲansebhaa olu bháala kɛ́ Ala bhatobhomba ó lá lɔnwɛɛnlilo ŋo la a? Waa í tɛ́ yacela oo mɔɔn mínnu tɛ́ lɔnwɛɛnlilo ŋo tɔ́ ŋo látaaman lá a? 6Tó ní fɔ a yɛ́ ngó kó é yánun, mín nguu a gbɛ́ɛ kɛ tínmin Ala bhatobhomba ó ka! 7Ala e fɔ a yɛ kitabu o lɔ kó Ní hínnɛn le fɛ, ndɛ́ faanlɛɛ fɛ. Ni a tɛ́ɛ o kóman o kɔ́ɔ o lɔ, a tɛ́ táa jótii olu yaayii. 8Kɛ mansɔɔ mɔɔn Dhyénjɛ ó lée lɔnwɛɛnlilo ŋó kunndii o lé.»
Ɛnza ŋé cɛ bhóofaaninman lɔ́ lákɛɛnyala
Maki 3.1-6; Luka 6.6-11
9Ɛnza ŋé bhɔ́ yénɔn kɛ táa Yawudhyaa olu yɛ́ sɛ́ɛbho ŋo kɔɔnnɔn. 10Cɛ lɔ́ tɛ́ɛ yénɔn, o bhóo tɛ́wɛɛ fáa a man. Falizɛn ŋolu tɛ́ɛ fɛ́ ké ii sɔ nzɔ́ɔ Ɛnza nán, o kósɔn ii Ɛnza manɲaankɛ kó: «Án ɲɛn tɔ́ ŋo lɔ, án ngákan kɛ́ lákɛɛnyalikɛ lɔnwɛɛnlilo ŋo la?» 11Ɛnza ŋé i yawi kó: «Saa kéembe kɛ́ kɛ́ a lɔ́ bhóo ké o saa ó a í bé jáan lɔ́ lɔnwɛɛnlilo ŋo la, a tíi o táa táa o saa ó lábhɔ a? 12Mɔɔndhye ŋó kúu a gbɛ́ɛ kɛ tínmin saa ó ka! Óo lɔ mínngɛ, án ɲɛn tɔ́ ŋóo fɛ ké án ni kó bhɛ́ɛ le kɛ́ án mɔɔnɲɔɔn o yɛ́ lɔnwɛɛnlilo ŋo la.» 13Aa fɔ o lé lɔ́ cɛ ó yɛ kó: «Í bhóo ó lɔ́sawa.» Cɛ o a bhóo o lɔ́sawa, a bhóo o kɛ́ɛnya kɛ kɛ́ a bhóo tɔ́ kée ŋó súu le. 14O lée kɛ́ Falizɛn ŋolu bhɔ́ o lé kɛ́ɛnman kɛ táa ɲɔ́ɔnɲe, ké i káa kɛ tɛ́nmɛn kɛ Ɛnza nváa, ii bhɔ́ o ɲánle.
Ala wɛ́ɛ í kwɛ́ɛn síi a yɛ bháalakɛdhye mín ngɔɔ
15 Ɛnza ŋé o kó ó myɛ́n mínngɛ, aa bhɔ́ i cɛ́man óle lɔ kɛ táa. Yamanba é táa a fo nan. Aa yaangalotɔ ólu bɛ́ lákɛɛnya, 16wáa aa fɔ í yɛ́ kɛ́ a mangbɛya kó i kɛ́nan ale kófɔ mɔɔn ólu ɲánla. 17Aa o kɛ́ lé ke kó óo kó é kɛ Céla Ezayi é kóman mín nvɔ, o a í lafa. A fɔnin ndɛ́ɛ o kwɔ́ tá ne kó:
18 Ɲɛ́n bháalakɛdhye ŋo lée nín,
ŋwɛ́ɛn ale lé bhɔ́, ale lé kó a dí ɲɛn.
Né wɛ́ɛ Ní o ló a lɔ, a yáa téeɲan ó láse síya gbɛ́ɛ olu mán.
19 A táa kɛɛ bhyáa mɔɔn sí la, a táa í ka nányɛɛ,
a lo ndáa kɛ́dhyaa nzhɛɛman ngɛ́bhaa lé yamanywaa olu lɔ.
20 A táa kaakaa o kúnmanyiinin ŋó tɔ́ kɛɛ,
tɔ bhɛ́ɛ tɛ́ laman mín nzala, a táa o tɔ́ lása.
A yáa tó o la fɔ́ kɛ́nan fáan dí téeɲan ó mán.
21 A tɔ́ɔ o yáa kɛ́ síya ólu bɛ́ yeeya le.
Ɛnza ŋé Falizɛn ŋolu yawila
Maki 3.22-30; Luka 11.14-23
22Ii nan cɛ lɔ́ lé Ɛnza nzáala, Lámansa yóo né tɛ́wɛɛ o cɛ ó kɛ́ bhóbho óni fyóo ne. Ɛnza ŋé o cɛ ó lákɛɛnya tó óo kóman, óni kɛ ywáa yé. 23O kó óo yaman o káwakoya fɔ́ ii fɔ́la kó: «Bháanin Ɛnza Laula Bhɔ́nzɔ o tɛ́ míin ne a?» 24Falizɛn ŋolu o dhyáa ŋó myɛ́n mínngɛ, olu fɔ kó: «Cɛ míin ŋé lámansa yóo ŋólu gbɛnan lámansa yóo ŋólu kunndii Bɛlizebuli lé bháaka lɔ!» 25Ɛnza ndɛ́ɛ i miliya olu lɔ, aa fɔ i yɛ kó: «Yamaan mín mɔɔn lúu ɲɔ́ɔn ngɛlɛla, o yamaan oo céla lé. Só wáman bhó mín nanbhaa lu kɛ́ kɛ́ ɲɔ́ɔn ngɛlɛla, o só ó, wáman o bhó ŋó tɛ́ sé si sɔ́ɔla. 26Ní Sɔtaannan kɛ́ kɛ́ Sɔtaannan gbɛnan, ké aa a yɛ́ɛ le kɛ́lɛla wé ne, o ɲán o mán, a yɛ́ yamaan ó káa sé si sɔ́ɔla díi? 27Ní née Lámansa yóo ŋólu gbɛnan Bɛlizebuli lé bháaka lɔ, o wáati ó lɔ, á dhyénjɛ ólu i gbɛnan yɛ́ɛtii bháaka lɔ? O lé kósɔn ólu yáa kɛ́ a yɛ́ kítitɛɛbhaa ólu lé! 28Wáa ni née Lámansa yóo ŋólu gbɛnan Ala Ní o le bháaka lɔ, oo a yáala le kó Ala yɛ́ mansaya ó wɛ́ɛ sé a mán.
29Mɔɔn e sé lónan mɔɔn faangbii lɔ́ yɛ́ bhónan, kɛ o bhóota o bɛ́ ta ni a man o mɔɔn faangbii ó síli a? Ní a kɛ sé kɛ a síli, aa sé kɛ a yɛ bhónanfe ŋo bɛ́ ta. 30Mɔɔn mín ndɛ́ né ɲíin lé, oo né yúu lé le. Óni mɔɔn mín ndɛ́ ládhyɛli kɛ́la ni né lé, o tíi ó ɲɛ́nɲɛnnin né kɛ́la! 31O lé kósɔn ní fɔ́la a yɛ́ ngó yafa é sé kɛ kɛ́ mɔɔndhye ŋólu yɛ yúumu o bɛ́suu man, háanin mín ŋé nan kɛ́ Ala lɔ́ɔya óle, wáa mɔɔn óo mɔɔn kɛ́ Ní Sɛnnɛnyanin ŋó lɔ́ɔya, yafa táa kɛ́ o tíi ó mán. 32Mɔɔn óo mɔɔn kɛ́ kóman yóo nvɔ́ mɔɔn Dhyénjɛ o mán, yafa é sé kɛ́la o tíi ó mán, wáa mɔɔn óo mɔɔn kɛ́ kóman yóo nvɔ́ Ní Sɛnnɛnyanin ŋó mán, yafa táa kɛ́ o tíi ó mán tún, yafa ló ndáa kɛ́ a man kíyaman.»
Sáanan míin yíi óni yíidhyengo o ka
Luka 6.43-45
33«Yíi mín ngáɲin, o lé dhyé ngáɲin. Yíi mín mánɲin, o dhyé ŋó mánɲin. Aa céne, mɔɔn é yíi ó lɔnan a dhyé ŋó lé mán. 34Álee santutudhye ŋolu! Ále a yóo ɲán mín man álee káa sé kómanbhɛɛ fɔ́la díi? Kɛ mansɔɔ mɔɔn yóso ó fánin ɲé fé ŋó mínnan, i lá ó o le fɔ́la. 35Mɔɔnbhɛɛ ó fémɛɛ ó bhɔ́la a yɛ́ nanfoobhɛɛ o lé lɔ mín ŋé a yóso ó lɔ. Mɔɔnyoo ŋó féɲoo ne bhɔ́la a yɛ́ nanfooyoo ŋó lɔ. 36Ní fɔ a yɛ́ ngó kítitɛɛlo ŋo kɛ́ sé, mɔɔndhye ŋólu wɛ́ɛ kóman kúnnda nzúusuu fɔ, i tɛɛ o fɔ́la kun mínnan, i yáa o fɔ. 37Kɛ mansɔɔ mɔɔn é jó sɔɔla i yɛ́ɛla kóman ó lé fɛ, wáman mɔɔn ló ŋe yaayiila i yɛ́ɛla kóman ó lé fɛ́.»
Kó Ɛnza ŋan tɔɔmansii lɔ kɛ
Maki 8.11-12; Luka 11.29-32
38 Sɛliya kaamɔɔn lɔ́lu ni Falizɛn nɔ́lu fɔ Ɛnza ɲɛn kó: «Kaamɔɔn, án ni fɛ́ kɛ́ i yɛ́ tɔɔmansii kée ɲé.» 39Ɛnza ŋé i yawi kó: «Án ɲɛ́n wáati miin mɔɔn míinnu manɲin. Ala kanmyaanbhɛɛ ó lé lúu tɔɔmansii ɲíin. Tɔɔmansii gbɛ́ɛ táa kɛ́ i yɛ́ bhée ní céla Zonasi yɛ́ tɔɔmansii o tɛ́. 40O lɔ Zonasi é tee sáwa ní sú sawa kɛ́ yɛ́ɛba ó kɔ́ɔnnɔn ɲán mín mán wé, mɔɔn Dhyénjɛ, o yáa tee sáwa ní sú sawa kɛ́ o ɲán kée ŋó mán kábulu o lɔ lúukolo o kɔ́ɔ. 41Kíti tɛ́ɛlo ŋó la, Ninivuka ólu yáa i wíi kɛ́ kíti bé án ɲɛ́n wáati miin mɔɔn ólu ka, kɛ mansɔɔ Zonasi é lakawanin mín ngɛ́ Ninivu só ó kɔ́ɔnnɔn, Ninivuka ólu sɔ́n o mán. Ii díminsa kɛ́ fala í yɛ́ kóyoo ŋólu lá. Waa, mɔɔn é yánun mín a bwó ní Zonasi lé! 42Kíti tɛ́ɛlo ŋó la, kíinmoo fán ŋó fɛ́ mansamuso ó yáa í wíi ní án ɲɛ́n wáati míin mɔɔn ólu lé kɛ́ kíti bé í ka, kɛ mansɔɔ a lée bhɔ́ fɔ lúukolo ó lá ŋó la kɛ́nan Swɛmannan yɛ́ hákiimanɲandhyaa ólu lɔ́myɛn. Waa, mɔɔn é yánun mín ŋe Swɛmannan ɲɛ́n!»
Lámansa yóo ŋó kwɔ́sɛɛ ó
Luka 11.24-26
43«Ní Lámansa yóo ŋó kɛ́ bhɔ́ mɔɔn lɔ́ lɔ, aa táa í yáalayaala lá wúla ó le kɔɔnnɔn, kɛ́ lɔnwɛɛnlikɛlaa ɲíin yénɔn. Waa á tɛ́ o ywáa sɔ́ɔla mínngɛ, 44O lɔ aa fɔ a yɛ́ fɛ́ kó: ɲáan ngwɔ́sɛɛ ɲɛ́n bhó ŋó la, ní bhɔ́ ywáa mínnɔn. Ní a kɛ́ í kwɔ́sɛɛ wáati mínnɔn, kɛ táa o ywáa ó lɔkoo ŋo mancɛnin ní lɔ́bhyɛnin ŋó yé. 45O lɔ, aa táa Lámansa yóo wóonvyaa gbɛ́ɛ kíi, mínnu a yóo ale lé. Ii nan lo o tíi ó lɔ kɛ́ í síi. A tíi ó kɛ́ɲan ó yáa yóoɲan kɛ́ tínmin a jónan ó ka. A lo ngáa kɛ́ wáati miin mɔɔn ólu lá céne.»
Ɛnza ŋwóobhaa ni Ɛnza nɔ́ɔcɛ ólu
Maki 3.31-35; Luka 8.19-21
46Kɛ a tó kómanla yaman o yɛ́ bhó ŋó la, a wóobhaa ní a lɔ́ɔcɛ ólu í lɔ́ ndɛ́ɛ kɛ́ɛnman. I tɛɛ fɛ́ kɛ kóman a yɛ. 47Lɔ́ é fɔ a yɛ kó: «Í wóobhaa ní í lɔ́ɔcɛ ólu lɔ́nin ɲé kɛ́ɛnman, ii fɛ́ kɛ kóman lɔ́ fɔ́ í yɛ́.» 48Wáa Ɛnza ŋé o tíi ó yawi kó: «Yɛ́nee ŋwóobhaa le? Yɛ́nee lú é nɔ́ɔcɛ ólu le?» 49Ɛnza ŋé í bhóo sú a yɛ kaamɔɔndhye ŋolu la kɛ fɔ kó: «Ŋwóobhaa óni nɔ́ɔcɛ ó lée lúu nín. 50Tínɲan in ne, Nvá mín ŋé sá ŋó lɔ, mɔɔn óo mɔɔn kɛ kɛ́ o sáo o kɛ́la, o tíi ó lée nɔ́ɔcɛ óni nɔ́ɔmuso, óni ŋwóobhaa le.»
اکنون انتخاب شده:
Matiyu 12: MXX
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.
Matiyu 12
12
Ɛnza ŋé kan mín nvɔ lɔnwɛɛnlilo ŋo ko o lɔ
Maki 2.23-28; Luka 6.1-5
1Ó wáati o lɔ́, lɔnwɛɛnlilo nɔ́ la, Ɛnza ndɛ́ɛ tínminnan belefyɛ ólu kɔɔnnɔn. Kɔ́ɔn é a yɛ kaamɔɔndhye ŋolu myáan tó olu béle tínnza ŋo lɔ́lu bhɔ́ kɛ i lɔɔ. 2Falizɛn ŋólu i yé o lá mínngɛ, ii fɔ Ɛnza ɲɛn ko: «Ɲɔ́ɔn nín, kó mín mánngan kɛ́ kɛ́ lɔnwɛɛnlilo ŋó lá, i yɛ kaamɔɔndhye ŋólu o lé kɛ́la.» 3Ɛnza ŋé í yawi kó: «Kɔ́ɔn é Laula ní a táamanɲɔɔn ólu myaan mínngɛ, aa mínngɛ, a mán ó kála kɛ́ a yé a? 4Aa lo ɲán mín mán Ala yɛ́ bhó ŋo kɔɔnnɔn, óni faanlɛɛbulu mín nziinin ndɛ́ɛ yénɔn, aa o lɔɔ ɲán mín man kɛ́ɛke ále ní a táamanɲɔɔn ólu si tɛ́ mánngan kɛ o búlu o lɔɔ, fɔ faanlɛɛɲansebhaa olu kéembe. 5Bháanin a mán yé Musa yɛ́ tɔ́ ŋo lɔ kó faanlɛɛɲansebhaa olu bháala kɛ́ Ala bhatobhomba ó lá lɔnwɛɛnlilo ŋo la a? Waa í tɛ́ yacela oo mɔɔn mínnu tɛ́ lɔnwɛɛnlilo ŋo tɔ́ ŋo látaaman lá a? 6Tó ní fɔ a yɛ́ ngó kó é yánun, mín nguu a gbɛ́ɛ kɛ tínmin Ala bhatobhomba ó ka! 7Ala e fɔ a yɛ kitabu o lɔ kó Ní hínnɛn le fɛ, ndɛ́ faanlɛɛ fɛ. Ni a tɛ́ɛ o kóman o kɔ́ɔ o lɔ, a tɛ́ táa jótii olu yaayii. 8Kɛ mansɔɔ mɔɔn Dhyénjɛ ó lée lɔnwɛɛnlilo ŋó kunndii o lé.»
Ɛnza ŋé cɛ bhóofaaninman lɔ́ lákɛɛnyala
Maki 3.1-6; Luka 6.6-11
9Ɛnza ŋé bhɔ́ yénɔn kɛ táa Yawudhyaa olu yɛ́ sɛ́ɛbho ŋo kɔɔnnɔn. 10Cɛ lɔ́ tɛ́ɛ yénɔn, o bhóo tɛ́wɛɛ fáa a man. Falizɛn ŋolu tɛ́ɛ fɛ́ ké ii sɔ nzɔ́ɔ Ɛnza nán, o kósɔn ii Ɛnza manɲaankɛ kó: «Án ɲɛn tɔ́ ŋo lɔ, án ngákan kɛ́ lákɛɛnyalikɛ lɔnwɛɛnlilo ŋo la?» 11Ɛnza ŋé i yawi kó: «Saa kéembe kɛ́ kɛ́ a lɔ́ bhóo ké o saa ó a í bé jáan lɔ́ lɔnwɛɛnlilo ŋo la, a tíi o táa táa o saa ó lábhɔ a? 12Mɔɔndhye ŋó kúu a gbɛ́ɛ kɛ tínmin saa ó ka! Óo lɔ mínngɛ, án ɲɛn tɔ́ ŋóo fɛ ké án ni kó bhɛ́ɛ le kɛ́ án mɔɔnɲɔɔn o yɛ́ lɔnwɛɛnlilo ŋo la.» 13Aa fɔ o lé lɔ́ cɛ ó yɛ kó: «Í bhóo ó lɔ́sawa.» Cɛ o a bhóo o lɔ́sawa, a bhóo o kɛ́ɛnya kɛ kɛ́ a bhóo tɔ́ kée ŋó súu le. 14O lée kɛ́ Falizɛn ŋolu bhɔ́ o lé kɛ́ɛnman kɛ táa ɲɔ́ɔnɲe, ké i káa kɛ tɛ́nmɛn kɛ Ɛnza nváa, ii bhɔ́ o ɲánle.
Ala wɛ́ɛ í kwɛ́ɛn síi a yɛ bháalakɛdhye mín ngɔɔ
15 Ɛnza ŋé o kó ó myɛ́n mínngɛ, aa bhɔ́ i cɛ́man óle lɔ kɛ táa. Yamanba é táa a fo nan. Aa yaangalotɔ ólu bɛ́ lákɛɛnya, 16wáa aa fɔ í yɛ́ kɛ́ a mangbɛya kó i kɛ́nan ale kófɔ mɔɔn ólu ɲánla. 17Aa o kɛ́ lé ke kó óo kó é kɛ Céla Ezayi é kóman mín nvɔ, o a í lafa. A fɔnin ndɛ́ɛ o kwɔ́ tá ne kó:
18 Ɲɛ́n bháalakɛdhye ŋo lée nín,
ŋwɛ́ɛn ale lé bhɔ́, ale lé kó a dí ɲɛn.
Né wɛ́ɛ Ní o ló a lɔ, a yáa téeɲan ó láse síya gbɛ́ɛ olu mán.
19 A táa kɛɛ bhyáa mɔɔn sí la, a táa í ka nányɛɛ,
a lo ndáa kɛ́dhyaa nzhɛɛman ngɛ́bhaa lé yamanywaa olu lɔ.
20 A táa kaakaa o kúnmanyiinin ŋó tɔ́ kɛɛ,
tɔ bhɛ́ɛ tɛ́ laman mín nzala, a táa o tɔ́ lása.
A yáa tó o la fɔ́ kɛ́nan fáan dí téeɲan ó mán.
21 A tɔ́ɔ o yáa kɛ́ síya ólu bɛ́ yeeya le.
Ɛnza ŋé Falizɛn ŋolu yawila
Maki 3.22-30; Luka 11.14-23
22Ii nan cɛ lɔ́ lé Ɛnza nzáala, Lámansa yóo né tɛ́wɛɛ o cɛ ó kɛ́ bhóbho óni fyóo ne. Ɛnza ŋé o cɛ ó lákɛɛnya tó óo kóman, óni kɛ ywáa yé. 23O kó óo yaman o káwakoya fɔ́ ii fɔ́la kó: «Bháanin Ɛnza Laula Bhɔ́nzɔ o tɛ́ míin ne a?» 24Falizɛn ŋolu o dhyáa ŋó myɛ́n mínngɛ, olu fɔ kó: «Cɛ míin ŋé lámansa yóo ŋólu gbɛnan lámansa yóo ŋólu kunndii Bɛlizebuli lé bháaka lɔ!» 25Ɛnza ndɛ́ɛ i miliya olu lɔ, aa fɔ i yɛ kó: «Yamaan mín mɔɔn lúu ɲɔ́ɔn ngɛlɛla, o yamaan oo céla lé. Só wáman bhó mín nanbhaa lu kɛ́ kɛ́ ɲɔ́ɔn ngɛlɛla, o só ó, wáman o bhó ŋó tɛ́ sé si sɔ́ɔla. 26Ní Sɔtaannan kɛ́ kɛ́ Sɔtaannan gbɛnan, ké aa a yɛ́ɛ le kɛ́lɛla wé ne, o ɲán o mán, a yɛ́ yamaan ó káa sé si sɔ́ɔla díi? 27Ní née Lámansa yóo ŋólu gbɛnan Bɛlizebuli lé bháaka lɔ, o wáati ó lɔ, á dhyénjɛ ólu i gbɛnan yɛ́ɛtii bháaka lɔ? O lé kósɔn ólu yáa kɛ́ a yɛ́ kítitɛɛbhaa ólu lé! 28Wáa ni née Lámansa yóo ŋólu gbɛnan Ala Ní o le bháaka lɔ, oo a yáala le kó Ala yɛ́ mansaya ó wɛ́ɛ sé a mán.
29Mɔɔn e sé lónan mɔɔn faangbii lɔ́ yɛ́ bhónan, kɛ o bhóota o bɛ́ ta ni a man o mɔɔn faangbii ó síli a? Ní a kɛ sé kɛ a síli, aa sé kɛ a yɛ bhónanfe ŋo bɛ́ ta. 30Mɔɔn mín ndɛ́ né ɲíin lé, oo né yúu lé le. Óni mɔɔn mín ndɛ́ ládhyɛli kɛ́la ni né lé, o tíi ó ɲɛ́nɲɛnnin né kɛ́la! 31O lé kósɔn ní fɔ́la a yɛ́ ngó yafa é sé kɛ kɛ́ mɔɔndhye ŋólu yɛ yúumu o bɛ́suu man, háanin mín ŋé nan kɛ́ Ala lɔ́ɔya óle, wáa mɔɔn óo mɔɔn kɛ́ Ní Sɛnnɛnyanin ŋó lɔ́ɔya, yafa táa kɛ́ o tíi ó mán. 32Mɔɔn óo mɔɔn kɛ́ kóman yóo nvɔ́ mɔɔn Dhyénjɛ o mán, yafa é sé kɛ́la o tíi ó mán, wáa mɔɔn óo mɔɔn kɛ́ kóman yóo nvɔ́ Ní Sɛnnɛnyanin ŋó mán, yafa táa kɛ́ o tíi ó mán tún, yafa ló ndáa kɛ́ a man kíyaman.»
Sáanan míin yíi óni yíidhyengo o ka
Luka 6.43-45
33«Yíi mín ngáɲin, o lé dhyé ngáɲin. Yíi mín mánɲin, o dhyé ŋó mánɲin. Aa céne, mɔɔn é yíi ó lɔnan a dhyé ŋó lé mán. 34Álee santutudhye ŋolu! Ále a yóo ɲán mín man álee káa sé kómanbhɛɛ fɔ́la díi? Kɛ mansɔɔ mɔɔn yóso ó fánin ɲé fé ŋó mínnan, i lá ó o le fɔ́la. 35Mɔɔnbhɛɛ ó fémɛɛ ó bhɔ́la a yɛ́ nanfoobhɛɛ o lé lɔ mín ŋé a yóso ó lɔ. Mɔɔnyoo ŋó féɲoo ne bhɔ́la a yɛ́ nanfooyoo ŋó lɔ. 36Ní fɔ a yɛ́ ngó kítitɛɛlo ŋo kɛ́ sé, mɔɔndhye ŋólu wɛ́ɛ kóman kúnnda nzúusuu fɔ, i tɛɛ o fɔ́la kun mínnan, i yáa o fɔ. 37Kɛ mansɔɔ mɔɔn é jó sɔɔla i yɛ́ɛla kóman ó lé fɛ, wáman mɔɔn ló ŋe yaayiila i yɛ́ɛla kóman ó lé fɛ́.»
Kó Ɛnza ŋan tɔɔmansii lɔ kɛ
Maki 8.11-12; Luka 11.29-32
38 Sɛliya kaamɔɔn lɔ́lu ni Falizɛn nɔ́lu fɔ Ɛnza ɲɛn kó: «Kaamɔɔn, án ni fɛ́ kɛ́ i yɛ́ tɔɔmansii kée ɲé.» 39Ɛnza ŋé i yawi kó: «Án ɲɛ́n wáati miin mɔɔn míinnu manɲin. Ala kanmyaanbhɛɛ ó lé lúu tɔɔmansii ɲíin. Tɔɔmansii gbɛ́ɛ táa kɛ́ i yɛ́ bhée ní céla Zonasi yɛ́ tɔɔmansii o tɛ́. 40O lɔ Zonasi é tee sáwa ní sú sawa kɛ́ yɛ́ɛba ó kɔ́ɔnnɔn ɲán mín mán wé, mɔɔn Dhyénjɛ, o yáa tee sáwa ní sú sawa kɛ́ o ɲán kée ŋó mán kábulu o lɔ lúukolo o kɔ́ɔ. 41Kíti tɛ́ɛlo ŋó la, Ninivuka ólu yáa i wíi kɛ́ kíti bé án ɲɛ́n wáati miin mɔɔn ólu ka, kɛ mansɔɔ Zonasi é lakawanin mín ngɛ́ Ninivu só ó kɔ́ɔnnɔn, Ninivuka ólu sɔ́n o mán. Ii díminsa kɛ́ fala í yɛ́ kóyoo ŋólu lá. Waa, mɔɔn é yánun mín a bwó ní Zonasi lé! 42Kíti tɛ́ɛlo ŋó la, kíinmoo fán ŋó fɛ́ mansamuso ó yáa í wíi ní án ɲɛ́n wáati míin mɔɔn ólu lé kɛ́ kíti bé í ka, kɛ mansɔɔ a lée bhɔ́ fɔ lúukolo ó lá ŋó la kɛ́nan Swɛmannan yɛ́ hákiimanɲandhyaa ólu lɔ́myɛn. Waa, mɔɔn é yánun mín ŋe Swɛmannan ɲɛ́n!»
Lámansa yóo ŋó kwɔ́sɛɛ ó
Luka 11.24-26
43«Ní Lámansa yóo ŋó kɛ́ bhɔ́ mɔɔn lɔ́ lɔ, aa táa í yáalayaala lá wúla ó le kɔɔnnɔn, kɛ́ lɔnwɛɛnlikɛlaa ɲíin yénɔn. Waa á tɛ́ o ywáa sɔ́ɔla mínngɛ, 44O lɔ aa fɔ a yɛ́ fɛ́ kó: ɲáan ngwɔ́sɛɛ ɲɛ́n bhó ŋó la, ní bhɔ́ ywáa mínnɔn. Ní a kɛ́ í kwɔ́sɛɛ wáati mínnɔn, kɛ táa o ywáa ó lɔkoo ŋo mancɛnin ní lɔ́bhyɛnin ŋó yé. 45O lɔ, aa táa Lámansa yóo wóonvyaa gbɛ́ɛ kíi, mínnu a yóo ale lé. Ii nan lo o tíi ó lɔ kɛ́ í síi. A tíi ó kɛ́ɲan ó yáa yóoɲan kɛ́ tínmin a jónan ó ka. A lo ngáa kɛ́ wáati miin mɔɔn ólu lá céne.»
Ɛnza ŋwóobhaa ni Ɛnza nɔ́ɔcɛ ólu
Maki 3.31-35; Luka 8.19-21
46Kɛ a tó kómanla yaman o yɛ́ bhó ŋó la, a wóobhaa ní a lɔ́ɔcɛ ólu í lɔ́ ndɛ́ɛ kɛ́ɛnman. I tɛɛ fɛ́ kɛ kóman a yɛ. 47Lɔ́ é fɔ a yɛ kó: «Í wóobhaa ní í lɔ́ɔcɛ ólu lɔ́nin ɲé kɛ́ɛnman, ii fɛ́ kɛ kóman lɔ́ fɔ́ í yɛ́.» 48Wáa Ɛnza ŋé o tíi ó yawi kó: «Yɛ́nee ŋwóobhaa le? Yɛ́nee lú é nɔ́ɔcɛ ólu le?» 49Ɛnza ŋé í bhóo sú a yɛ kaamɔɔndhye ŋolu la kɛ fɔ kó: «Ŋwóobhaa óni nɔ́ɔcɛ ó lée lúu nín. 50Tínɲan in ne, Nvá mín ŋé sá ŋó lɔ, mɔɔn óo mɔɔn kɛ kɛ́ o sáo o kɛ́la, o tíi ó lée nɔ́ɔcɛ óni nɔ́ɔmuso, óni ŋwóobhaa le.»
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© (Active), Wycliffe Bible Translators, Inc. All rights reserved.