गलातियन 3
3
मूसा के बिधान के बन्धन से अजादी
1हे गलातिया बाले निरबुद्धी बिसुआसी मनइव, यीसु मसीह कइसन क्रूस माहीं चढ़ाए गे रहे हँय, एखे बारे माहीं पूर जानकारी तोंहरे सगलेन के आँगे हम दिहेन तय। पय तोंहरे पंचन के ऊपर को जादू कइ दिहिस ही? 2हम तोंहसे पंचन से केबल एतना जानँय चाहित हएन, कि तूँ पंचे पबित्र आत्मा काहीं मूसा के बिधान के पालन करँय से पाया हय, कि खुसी के खबर काहीं सुनिके, बिसुआस किहे से पाया हय? 3का तूँ पंचे एतना मूरुख होइ गया हय, कि जउने मसीही जीबन काहीं, तूँ पंचे पबित्र आत्मा के मुताबिक चलब सुरू किहा तय, त का अब ओही खुद के मेहनत से चलिके पूर करँइ के कोसिस करते हया? 4का तूँ पंचे एतना दुख बेकार माहीं सहे हया? बेलकुल नहीं। 5हम पुनि पूँछित हएन कि, परमातिमा जउन तोंहईं पंचन काहीं पबित्र आत्मा के दान दिहिन हीं, अउर तोंहरे पंचन के जीबन से सामर्थ के काम करत हें, त तूँ पंचे इआ बताबा, कि परमातिमा इआ काम काहीं मूसा के बिधान के पालन करँइ से करत हें, इआ कि खुसी के खबर काहीं सुनिके बिसुआस किहे के कारन?
6देखा, अब्राहम परमातिमा के ऊपर बिसुआस किहिन रहा हय, एहिन से ऊँ परमातिमा के नजर माहीं निरदोस ठहराए गे रहे हँय। 7त तूँ पंचे इआ जानिल्या, कि जे कोऊ परमातिमा के ऊपर बिसुआस करँइ बाले हें, उँइन अब्राहम के सच्चे सन्तान आहीं। 8एसे पबित्र सास्त्र माहीं पहिलेन से लिखा रहा हय, कि “परमातिमा गैरयहूदी लोगन काहीं उनखे ऊपर किहे बिसुआस के कारन निरदोस ठहरइहँय।” एहिन से परमातिमा अब्राहम काहीं इआ खुसी के खबर पहिलेन से बताय दिहिन तय, कि संसार के सगली जाति के मनई तोंहरेन कारन आसिरबाद पइहँय। 9एसे अब्राहम बिसुआस के कारन जउन आसिरबाद पाइन रहा हय, उहय आसिरबाद मसीह के ऊपर बिसुआस करँइ बाले सगले जने पाबत हें।
10पय जेतने मनई मूसा के बिधान के पालन करँइ माहीं भरोसा करत हें, उँ सगले परमातिमा से सजा पइहँय, काहेकि पबित्र सास्त्र माहीं इआ लिखा हय, “कि जे कोऊ मूसा के बिधान के किताब माहीं लिखी सगली बातन काहीं पालन नहीं करय, उआ परमातिमा से सजा पाई।” 11अब इआ बात स्पस्ट होइगे ही, कि मूसा के बिधान के पालन करँइ के व्दारा कउनव मनई परमातिमा के आँगे निरदोस न ठहरी, काहेकि पबित्र सास्त्र माहीं लिखा हय, “परमातिमा के नजर माहीं निरदोस मनई बिसुआस के कारन जिअत रही।” 12पय मूसा के बिधान काहीं पालन कइके चलँइ माहीं, अउर बिसुआस से चलँइ माहीं, कउनव सम्बन्ध नहिं आय पय पबित्र सास्त्र माहीं इआ लिखा हय, “जे मूसा के बिधान माहीं लिखी पूरी बातन काहीं मानी, उआ उनहिन के कारन जिअत रही।” 13पय मसीह जउन हमरे पंचन के खातिर स्रापित बने हें, हमहीं मोल लइके मूसा के बिधान के सराप से छोड़ाइन हीं। जब मसीह क्रूस माहीं लटकाए गें, ऊँ हमरे पाप के सराप काहीं अपने ऊपर लइ लिहिन, काहेकि पबित्र सास्त्र माहीं इआ लिखा हय, कि “जे कोऊ कठबा माहीं लटकाबा जात हय, उआ स्रापित हय।” 14मसीह हमहीं पंचन काहीं मूसा के बिधान के सराप से एसे छोड़ाइन, कि जउने अब्राहम के आसीस यीसु मसीह के व्दारा गैरयहूदी लोगन के लघे तक पहुँचय, अउर हम पंचे बिसुआस के व्दारा उआ पबित्र आत्मा काहीं पाई, जउने काहीं देंइ के वादा परमातिमा किहिन हीं।
मूसा के बिधान अउर करार
15हे भाई-बहिनिव, हम मनई के रीत माहीं कहित हएन, कि मनइन के करार घलाय जउन पक्की होइ जात ही, त न ओही कोऊ टारिन सकय न बदलिन सकय। 16मतलब इआ आय कि वादा त अब्राहम से, अउर उनखे बंस से कीन ग रहा हय; पय पबित्र सास्त्र माहीं इआ नहीं लिखा आय, कि उनखे बंसन से, जइसन कि बहुतन के खातिर माना जाय, पय ओमा एकय के बारे माहीं लिखा हय, तोंहरे बंस से, अउर उआ बंस यीसु मसीह आहीं। 17पय हम इआ कहित हएन, कि जउन करार परमातिमा पहिलेन से अब्राहम के साथ पक्की किहिन रहा हय, उआ करार काहीं मूसा के बिधान चार सव तीस बरिस के बाद आइके नहीं बदल सकय, अउर न परमातिमा के वादा काहीं रद्द कइ सकय। 18काहेकि अगर परमातिमा के राज के बारिसदार होंइ के अधिकार मूसा के बिधान से मिला हय, त वादा के द्वारा नहीं मिला आय, पय उआ अधिकार परमातिमा अब्राहम काहीं वादा के व्दारा दिहिन तय।
मूसा के बिधान के मकसद
19त पुनि परमातिमा मूसा के बिधान काहीं पहिले कउने उद्देस्य से दिहिन रहा हय? उआ त हुकुम के उलंघन करँइ के अपराध के कारन बाद माहीं दीन ग रहा हय। अउर जउने बंस अरथात मसीह के बारे माहीं परमातिमा वादा किहिन रहा हय, उनखे आमँइ तक मूसा के बिधान चलत रहा हय, अउर परमातिमा उआ मूसा के बिधान काहीं स्वरगदूतन के द्वारा मूसा काहीं दिहिन रहा हय, अउर ईं मूसा परमातिमा अउर मनइन के बीच माहीं बिचबई रहे हँय 20अउर बिचबई के जरूरत दुइ जने के बीच माहीं होत ही, पय परमातिमा बिना बिचबई के खुद अब्राहम से वादा किहिन।
21त का मूसा के बिधान परमातिमा के वादा के बिरोध माहीं हय? बेलकुल नहीं? काहेकि अगर अइसन मूसा के बिधान दीन जात जउन जीबन दइ सकत, त सचमुच मूसा के बिधान के पालन करे से मनई परमातिमा के नजर माहीं निरदोस होइ जातें। 22पय पबित्र सास्त्र माहीं घलाय इआ लिखा हय, कि सगला संसार पाप के कब्जे माहीं हय, इआ कारन केबल यीसु मसीह के ऊपर बिसुआस करँइ के द्वारा, बिसुआस करँइ बाले मनई परमातिमा के वादा पाय सकत हें। 23पय प्रभू यीसु मसीह के ऊपर बिसुआस किहे से मिलँइ बाली मुक्ती के खबर आमँइ से पहिले, हम पंचे मूसा के बिधान के बन्धन माहीं बँधे रहेन हय, अउर परमातिमा के द्वारा प्रगट कीन जाँय बाली बिसुआस के खबर के आमँइ तक, ओहिन के कब्जे माहीं रहेन हय। 24एसे मूसा के बिधान मसीह तक पहुँचामँइ माहीं हमार पंचन के गुरू रहा हय, कि जउने हम पंचे बिसुआस से धरमी ठहरी। 25पय जब यीसु मसीह के ऊपर बिसुआस करँइ के खबर प्रगट होइ चुकी हय, त हम पंचे अब उआ गुरू के अधीन नहीं रहि गएन। 26काहेकि तूँ पंचे सगले जन मसीह यीसु के ऊपर, बिसुआस किहे के कारन परमातिमा के सन्तान भया हय। 27अउर तोंहरे पंचन म से जेतने जन मसीह यीसु के ऊपर बिसुआस कइके बपतिस्मा लिहिन हीं, ऊँ पंचे सगले जन मसीह के सगले सुभाव काहीं अपनाय लिहिन हीं, जइसन मनई नबा ओन्हा पहिरत हें, 28अब उनमा से न कोऊ यहूदी रहिगा, अउर न गैरयहूदी, न कोऊ नोकर रहिगा, न अजाद; न कोऊ मंसेरुआ रहिगा, न मेहेरिआ; काहेकि तूँ पंचे सगले जन मसीह यीसु माहीं एक होइ गया हय। 29अउर अगर तूँ पंचे मसीह के आह्या, त अब्राहम के बंस अउर परमातिमा के वादा के मुताबिक बारिसदार घलाय आह्या।
اکنون انتخاب شده:
गलातियन 3: bag
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Wycliffe Bible Translators, Inc. All rights reserved.
गलातियन 3
3
मूसा के बिधान के बन्धन से अजादी
1हे गलातिया बाले निरबुद्धी बिसुआसी मनइव, यीसु मसीह कइसन क्रूस माहीं चढ़ाए गे रहे हँय, एखे बारे माहीं पूर जानकारी तोंहरे सगलेन के आँगे हम दिहेन तय। पय तोंहरे पंचन के ऊपर को जादू कइ दिहिस ही? 2हम तोंहसे पंचन से केबल एतना जानँय चाहित हएन, कि तूँ पंचे पबित्र आत्मा काहीं मूसा के बिधान के पालन करँय से पाया हय, कि खुसी के खबर काहीं सुनिके, बिसुआस किहे से पाया हय? 3का तूँ पंचे एतना मूरुख होइ गया हय, कि जउने मसीही जीबन काहीं, तूँ पंचे पबित्र आत्मा के मुताबिक चलब सुरू किहा तय, त का अब ओही खुद के मेहनत से चलिके पूर करँइ के कोसिस करते हया? 4का तूँ पंचे एतना दुख बेकार माहीं सहे हया? बेलकुल नहीं। 5हम पुनि पूँछित हएन कि, परमातिमा जउन तोंहईं पंचन काहीं पबित्र आत्मा के दान दिहिन हीं, अउर तोंहरे पंचन के जीबन से सामर्थ के काम करत हें, त तूँ पंचे इआ बताबा, कि परमातिमा इआ काम काहीं मूसा के बिधान के पालन करँइ से करत हें, इआ कि खुसी के खबर काहीं सुनिके बिसुआस किहे के कारन?
6देखा, अब्राहम परमातिमा के ऊपर बिसुआस किहिन रहा हय, एहिन से ऊँ परमातिमा के नजर माहीं निरदोस ठहराए गे रहे हँय। 7त तूँ पंचे इआ जानिल्या, कि जे कोऊ परमातिमा के ऊपर बिसुआस करँइ बाले हें, उँइन अब्राहम के सच्चे सन्तान आहीं। 8एसे पबित्र सास्त्र माहीं पहिलेन से लिखा रहा हय, कि “परमातिमा गैरयहूदी लोगन काहीं उनखे ऊपर किहे बिसुआस के कारन निरदोस ठहरइहँय।” एहिन से परमातिमा अब्राहम काहीं इआ खुसी के खबर पहिलेन से बताय दिहिन तय, कि संसार के सगली जाति के मनई तोंहरेन कारन आसिरबाद पइहँय। 9एसे अब्राहम बिसुआस के कारन जउन आसिरबाद पाइन रहा हय, उहय आसिरबाद मसीह के ऊपर बिसुआस करँइ बाले सगले जने पाबत हें।
10पय जेतने मनई मूसा के बिधान के पालन करँइ माहीं भरोसा करत हें, उँ सगले परमातिमा से सजा पइहँय, काहेकि पबित्र सास्त्र माहीं इआ लिखा हय, “कि जे कोऊ मूसा के बिधान के किताब माहीं लिखी सगली बातन काहीं पालन नहीं करय, उआ परमातिमा से सजा पाई।” 11अब इआ बात स्पस्ट होइगे ही, कि मूसा के बिधान के पालन करँइ के व्दारा कउनव मनई परमातिमा के आँगे निरदोस न ठहरी, काहेकि पबित्र सास्त्र माहीं लिखा हय, “परमातिमा के नजर माहीं निरदोस मनई बिसुआस के कारन जिअत रही।” 12पय मूसा के बिधान काहीं पालन कइके चलँइ माहीं, अउर बिसुआस से चलँइ माहीं, कउनव सम्बन्ध नहिं आय पय पबित्र सास्त्र माहीं इआ लिखा हय, “जे मूसा के बिधान माहीं लिखी पूरी बातन काहीं मानी, उआ उनहिन के कारन जिअत रही।” 13पय मसीह जउन हमरे पंचन के खातिर स्रापित बने हें, हमहीं मोल लइके मूसा के बिधान के सराप से छोड़ाइन हीं। जब मसीह क्रूस माहीं लटकाए गें, ऊँ हमरे पाप के सराप काहीं अपने ऊपर लइ लिहिन, काहेकि पबित्र सास्त्र माहीं इआ लिखा हय, कि “जे कोऊ कठबा माहीं लटकाबा जात हय, उआ स्रापित हय।” 14मसीह हमहीं पंचन काहीं मूसा के बिधान के सराप से एसे छोड़ाइन, कि जउने अब्राहम के आसीस यीसु मसीह के व्दारा गैरयहूदी लोगन के लघे तक पहुँचय, अउर हम पंचे बिसुआस के व्दारा उआ पबित्र आत्मा काहीं पाई, जउने काहीं देंइ के वादा परमातिमा किहिन हीं।
मूसा के बिधान अउर करार
15हे भाई-बहिनिव, हम मनई के रीत माहीं कहित हएन, कि मनइन के करार घलाय जउन पक्की होइ जात ही, त न ओही कोऊ टारिन सकय न बदलिन सकय। 16मतलब इआ आय कि वादा त अब्राहम से, अउर उनखे बंस से कीन ग रहा हय; पय पबित्र सास्त्र माहीं इआ नहीं लिखा आय, कि उनखे बंसन से, जइसन कि बहुतन के खातिर माना जाय, पय ओमा एकय के बारे माहीं लिखा हय, तोंहरे बंस से, अउर उआ बंस यीसु मसीह आहीं। 17पय हम इआ कहित हएन, कि जउन करार परमातिमा पहिलेन से अब्राहम के साथ पक्की किहिन रहा हय, उआ करार काहीं मूसा के बिधान चार सव तीस बरिस के बाद आइके नहीं बदल सकय, अउर न परमातिमा के वादा काहीं रद्द कइ सकय। 18काहेकि अगर परमातिमा के राज के बारिसदार होंइ के अधिकार मूसा के बिधान से मिला हय, त वादा के द्वारा नहीं मिला आय, पय उआ अधिकार परमातिमा अब्राहम काहीं वादा के व्दारा दिहिन तय।
मूसा के बिधान के मकसद
19त पुनि परमातिमा मूसा के बिधान काहीं पहिले कउने उद्देस्य से दिहिन रहा हय? उआ त हुकुम के उलंघन करँइ के अपराध के कारन बाद माहीं दीन ग रहा हय। अउर जउने बंस अरथात मसीह के बारे माहीं परमातिमा वादा किहिन रहा हय, उनखे आमँइ तक मूसा के बिधान चलत रहा हय, अउर परमातिमा उआ मूसा के बिधान काहीं स्वरगदूतन के द्वारा मूसा काहीं दिहिन रहा हय, अउर ईं मूसा परमातिमा अउर मनइन के बीच माहीं बिचबई रहे हँय 20अउर बिचबई के जरूरत दुइ जने के बीच माहीं होत ही, पय परमातिमा बिना बिचबई के खुद अब्राहम से वादा किहिन।
21त का मूसा के बिधान परमातिमा के वादा के बिरोध माहीं हय? बेलकुल नहीं? काहेकि अगर अइसन मूसा के बिधान दीन जात जउन जीबन दइ सकत, त सचमुच मूसा के बिधान के पालन करे से मनई परमातिमा के नजर माहीं निरदोस होइ जातें। 22पय पबित्र सास्त्र माहीं घलाय इआ लिखा हय, कि सगला संसार पाप के कब्जे माहीं हय, इआ कारन केबल यीसु मसीह के ऊपर बिसुआस करँइ के द्वारा, बिसुआस करँइ बाले मनई परमातिमा के वादा पाय सकत हें। 23पय प्रभू यीसु मसीह के ऊपर बिसुआस किहे से मिलँइ बाली मुक्ती के खबर आमँइ से पहिले, हम पंचे मूसा के बिधान के बन्धन माहीं बँधे रहेन हय, अउर परमातिमा के द्वारा प्रगट कीन जाँय बाली बिसुआस के खबर के आमँइ तक, ओहिन के कब्जे माहीं रहेन हय। 24एसे मूसा के बिधान मसीह तक पहुँचामँइ माहीं हमार पंचन के गुरू रहा हय, कि जउने हम पंचे बिसुआस से धरमी ठहरी। 25पय जब यीसु मसीह के ऊपर बिसुआस करँइ के खबर प्रगट होइ चुकी हय, त हम पंचे अब उआ गुरू के अधीन नहीं रहि गएन। 26काहेकि तूँ पंचे सगले जन मसीह यीसु के ऊपर, बिसुआस किहे के कारन परमातिमा के सन्तान भया हय। 27अउर तोंहरे पंचन म से जेतने जन मसीह यीसु के ऊपर बिसुआस कइके बपतिस्मा लिहिन हीं, ऊँ पंचे सगले जन मसीह के सगले सुभाव काहीं अपनाय लिहिन हीं, जइसन मनई नबा ओन्हा पहिरत हें, 28अब उनमा से न कोऊ यहूदी रहिगा, अउर न गैरयहूदी, न कोऊ नोकर रहिगा, न अजाद; न कोऊ मंसेरुआ रहिगा, न मेहेरिआ; काहेकि तूँ पंचे सगले जन मसीह यीसु माहीं एक होइ गया हय। 29अउर अगर तूँ पंचे मसीह के आह्या, त अब्राहम के बंस अउर परमातिमा के वादा के मुताबिक बारिसदार घलाय आह्या।
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Wycliffe Bible Translators, Inc. All rights reserved.