1 थिस्सलुनीकियन 3
3
थिस्सलुनीकी सहर माहीं तीमुथियुस काहीं पठउब
1एसे जब हमसे पंचन से अउर रहाई नहीं परी, तब हम पंचे इआ निरनय किहेन, कि एथेंस सहर माहीं अकेले रहि जई। 2अउर हम तीमुथियुस काहीं जउन मसीह के खुसी के खबर के प्रचार करँइ माहीं हमार सहयोगी भाई, अउर परमातिमा के सेबक आहीं, उनहीं एसे पठएन हय, कि ऊँ तोंहईं समझाइके बिसुआस माहीं मजबूत बनामँइ, 3जउने कोऊ इन दुख बिपत्तिन के कारन बिसुआस माहीं कमजोर न परय; काहेकि तूँ पंचे त खुदय जनते हया, कि हम पंचे एहिन के खातिर ठहराए गएन हय। 4काहेकि पहिलेव, जब हम पंचे तोंहरे लघे रहेन हय, त तोंहसे कहा करत रहेन हय, कि हमहीं पंचन काहीं दुख-मुसीबत सहँय क परी, अउर अइसनय भाबय भ, अउर तूँ पंचे जनते घलाय हया। 5इआ कारन से जब हमसे अउर न रहा ग, त तोंहरे बिसुआस के हाल चाल जानँइ के खातिर तीमुथियुस काहीं पठएन, कि कहँव अइसा न होय, कि परिच्छा करँइ बाला सइतान तोंहार परिच्छा किहिस होय, अउर हमार पंचन के सगली मेहनत पानी माहीं चली गे होय।
तीमुथियुस के व्दारा खबर मिलब
6पय अबहिनय तीमुथियुस, जउन तोंहरे लघे से हमरे लघे आइके, तोंहरे बिसुआस, अउर प्रेम के निकही खबर सुनाइन हीं, अउर इआ बात काहीं घलाय बताइन हीं, कि तूँ पंचे हमेसा प्रेम के साथ हमहीं पंचन काहीं सुध करते हया, अउर हमहीं पंचन काहीं देखँइ के इच्छा करते हया, जइसा हमहूँ पंचे, तोंहईं देखँइ के इच्छा करित हएन। 7एसे हे भाई-बहिनिव, हम पंचे अपने सगले दुख-मुसीबत अउर कस्ट माहीं तोंहरे बिसुआस काहीं जानिके, तोंहरे बारे माहीं सान्ति पाएन हय। 8काहेकि तूँ पंचे प्रभू के बचन माहीं स्थिर हया, इआ जानिके हम पंचे खुसी के साथ जीत हएन। 9अउर जइसन आनन्द हमहीं पंचन काहीं तोंहरे कारन मिला हय, ओखे बदले तोंहरे बारे माहीं हम पंचे परमातिमा काहीं खुब धन्यबाद देइत हएन। 10हम पंचे दिन-रात खुब प्राथना करत रहित हएन, कि तोंहईं कबय देखी, अउर आइके तोंहरे बिसुआस के कमी-घटी काहीं पूर करी।
11अब हमार पिता परमातिमा अउर प्रभू यीसु मसीह, तोंहरे लघे आमँइ के खातिर हमार पंचन के अँगुआई करँय, 12अउर प्रभू अइसन करँय, कि जइसन प्रेम हम पंचे तोंहसे रक्खित हएन; उहयमेर तोंहरव प्रेम आपस माहीं एक दुसरे के साथ, अउर सगले मनइन के साथ बढ़य, अउर मजबूत होत जाय। 13जउने ऊँ तोंहरे हिरदँय काहीं अइसन स्थिर करँय, कि जब हमार पंचन के प्रभू यीसु अपने सगले पबित्र लोगन के साथ आमँय, त तूँ पंचे पिता परमातिमा के आँगे पबित्र अउर बेकसूर ठहरा।
اکنون انتخاب شده:
1 थिस्सलुनीकियन 3: bag
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Wycliffe Bible Translators, Inc. All rights reserved.