मत्ती 17

ईसू को रूप बदलणो

(मरकुस 9:2–13; लूका 9:28–36)

1छे दनाँ का केड़े ईसू, पतरस, याकूब अन वींका भई यहुन्ना ने मंगरा पे लेग्या। 2वटे वाँका हामे ईसू को रूप बदलग्यो, अन वींका मुण्डो सुरज का जस्यान गाबा उजिता का जस्यान चमकबा लागा। 3अन वाँने अणाचेत का मूसो अन एलियो वाँका हाते वणीऊँ बात-बच्यार करता तका देकाणा।

4ईंपे पतरस ईसुऊँ क्यो, “हो परबू, आपणो अटे रेणो हव हे। यद्याँ थाँकी मरजी वे तो मूँ अटे तीन ओड़्या बणाऊँ एक थाँका वाते, एक मूसा का वाते, अन एलिया का वाते।” 5#उत्प 22:2; भज 2:7; यसा 42:1; मत्ती 3:17; 12:18; मर 1:11; लूका 3:22; वे.वि 18:15#2 पत 1:17,18वो बोलईस रियो हो के, एक चमकते तके वादळे वाँने ढाक दिदा, अन वीं वादळाऊँ आ वाणी निकळी, “ओ मारो लाड़लो पूत हे, जणीऊँ मूँ राजी हूँ। ईंकी हुणो।” 6चेला ओ हामळन वींका पगाँ में पड़ग्या अन दरपग्या। 7ईसू वाँका नके आन वाँके हात अड़ायो अन क्यो, “ऊबा वो, दरपो मत।” 8तद्याँ वीं नाळ्या तो ईसू ने छोड़न ओरी किंनेई ने देक्या।

9जद्याँ वीं मंगराऊँ रेटे उतरिया हाँ तद्याँ ईसू वाँने ओ क्यो, “जद्याँ तई मनक को पूत मरिया तकाऊँ ने जी उटी, तद्याँ तईं ज्यो कई थाँ देक्यो हे किंने भी मती किज्यो।”

10 # मला 4:5 ईंपे वाँका चेला वणीऊँ पूँछ्यो, “पच्छे मूसा का नेमा ने हिकाबावाळा अस्यान काँ केवे हे के, एलिया को पेल्याँ आणो जरूरी हे?”

11ईसू क्यो, “एलियो जरुर अई, अन हारोई हदारी। 12#मत्ती 11:14पण मूँ थाँकाऊँ केवूँ हूँ के, एलियो आग्यो हे, अन लोग-बागाँ वींने ने ओळ्क्यो। पण जस्यान छाया वस्यान वींका हाते किदो। अणीस तरियाँ मनक को पूत भी वाँका हाताऊँ दुक उटाई।”

13तद्याँ चेला हमज्या के, वाँकाणी आपाऊँ यहुन्ना बतिस्मा देबावाळा का बारा में क्यो हे।

मान्दा छोरा ने हव करणो

(मरकुस 9:14–29; लूका 9:37–43)

14जद्याँ वीं लोगाँ की टोळी में पाच्छा आया, तो वटे एक मनक वाँका नके आयो अन पगा पड़न केबा लागो, 15“हो परबू, मारा पूत पे दया कर! काँके वींने मर्गी को जोलो आवे हे, अन वो घणो दुक भोगरियो हे अन वो नरी दाण वादी में अन नरी दाण पाणी में पड़ जावे हे। 16में थाँरा चेलाऊँ ईं हुगली आत्माने बारणे निकाळबा के वाते परातना करई। पण, वीं ईंने ने निकाळ सक्या।”

17ईसू वींकी बात हुणन क्यो, “अरे बना विस्वास का मनक, मूँ थाँकी लारे कतरा दन तईं रेऊँ? अन कतरा दन थाँकी बाताँ ने सेण करूँ? वीं छोरा ने मारा नके लावो।” 18तद्याँ ईसू हुगली आत्माने आग्या दिदी अन वाँ वणी छोरा मूँ बारणे निकळगी अन छोरो वणीस दाण हव वेग्यो।

19तद्याँ चेला एकला में ईसू का नके आन क्यो, “में हारई जणा ईं हुगली आत्माने काँ ने काड़ सक्या?”

20 # मत्ती 21:21; मर 11:23; 1 कुरि 13:2 ईसू वाँने क्यो, “थाँका कम विस्वास की वजेऊँ। मूँ थाँकाऊँ हाचेई केवूँ हूँ, यद्याँ थाँको विस्वास हरूँ का दाणा का जतरोक भी वेतो, तो ईं मंगराऊँ केता के, ‘अटूऊँ हरकन वटे जातो रे, तो वो जातो रेई।’ कुई बात थाँका वाते अबकी ने वेई। 21अस्यी हुगली आत्मा बना एकाणो अन परातना के ने निकळे हे।”

ईसू आपणी मोत का बारा में क्यो

(मरकुस 9:30–32; लूका 9:43–45)

22जद्याँ वीं गलील में हाँ, तो ईसू वाँने क्यो, “मनक को पूत मनकाँ का हाताँ में धोकाऊँ पकड़वायो जाई। 23वीं वींने मार नाकी, अन वो तीजे दन जी उटी।”

ईंऊँ वीं चेला घणा दकी वेग्या।

हाँसल भरणो

24 # निर 30:13; 38:26 जद्याँ ईसू अन वींका चेला कफरनूम पूग्या, तो मन्दर का हाँसल लेबावाळा पतरस का नके आन पूँछ्यो, “कई, थाँको गरू मन्दर को हाँसल#17:24 मन्दर को हाँसल मन्दर के लगे-भगे दो दन की दानकी। ने देवे हे?”

25पतरस क्यो, “हाँ, देवे हे।”

जद्याँ पतरस घरमें आयो, तो ईसू वाँके पूँछबा का पेल्याई वणीऊँ क्यो, “हे समोन, थूँ कई होच-बच्यार करे हे? धरती का राजा हाँसल किंकाऊँ लेवे हे? आपणाँ पूतऊँ कन परायाऊँ?”

26पतरस वाँकाऊँ क्यो “परायाऊँ#17:26 परायाऊँ पराया मतलब दूजाँ देस का मनकाऊँ ज्याँने वणा जित्या हा।।”

ईसू वींने क्यो, “तो पछे पूत ने हाँसल देबाऊँ बंचग्या। 27तद्याँ भी ईं वाते के, आपाँ वाँने नाराज ने करा। ईं वाते थूँ समन्द का कनारे जाळ नाक अन ज्यो माछळी पेल्या निकळे वींने ले, वींको मुण्डो खोलबाऊँ थने एक रिप्यो मेली। वींने लेजान मारा अन खुद का आड़ीऊँ वाँने दे दिज्ये।”

اکنون انتخاب شده:

मत्ती 17: एम टी आर

های‌لایت

به اشتراک گذاشتن

کپی