थरपेड़ा का काम 12
12
हेरोदेस को बस्वास्या की टोळी न्अ सताबो
1बा दना मं राजो हेरोदेस#12:1 राजो हेरोदेस बड़ा हेरोदेस राजा को पोतो छो बस्वास्या की टोळी का एकात मनखा न्अ सताबो सरु कर दियो। 2वो यूहन्ना का भाई याकूब न्अ तलवार सुं मरवा दियो। 3अर जद्या वो देख्यो, क यहूदी मनख इसुं राजी होव्अ छ तो वो पतरस न्अ बी बन्दी बणाबा को बच्यार कर्यो। या बना खमीर की रोठ्या का तुंवार का दना की बात छी। 4हेरोदेस पतरस न्अ पकड़र काळ कोटड़ी मं पटकवा दियो। बीन्अ च्यार-च्यार सपाया की च्यार टोळ्यां की रुखाळी मं सुंप दिया अर फसह का तुंवार क पाछ्अ मुकदमो चलाबा बेई लोगा क साम्अ ल्याबा की बच्यारो। 5जद्या पतरस न्अ काळ कोटड़ी मं रोक मेल्या छा जिसुं बस्वास्या की टोळी का मनख उं बेई चतमन लगार परमेसर सुं परातना करर्या छा।
काळ कोटड़ी मंसुं पतरस को छूटबो
6जद्या हेरोदेस बीक्अ उपरअ मुकदमो चलाबा बेई बीन्अ बारे ल्याबाळो छो बी रयात पतरस दो सपाया क गाब्अ, दो बेला सुं बन्द मेल्यो छो अर सुतो छो। बारे पेहरो देबाळा काळ कोटड़ी की रुखाळी करर्या छा। 7अण्याचुको'ई परमेसर को एक सरगदूत उण्डअ आर उबो होयो अर काळ कोटड़ी उजाळा सुं झगाबोळ होगी, वो पतरस की बगल थपथपायो अर बीन्अ जगार खिया, “बेगोसोक उबो हो।” अर बेला बीका हाथा मंसुं खुलर पड़गी। 8जद्या सरगदूत बीन्अ खियो, “कमरपट्टो बान्ध, कामळी उठा अर चप्पला फेर तियार ह।” तो पतरस वस्यान ई कर्यो। सरगदूत बीन्अ फेरू खियो, “थारो चोगो फेर अर म्हारअ पाछ्अ आजा।” 9फेर पतरस बीक्अ पाछ्अ-पाछ्अ बारे नखळ्यायो। वो कोन्अ समझर्यो छो क ज्यो सरगदूत कर्यो छ वो सांच्याई छ। वो बच्यारर्यो छो क कोई सपनो देखर्यो छ। 10पहला अर दूसरा पहरादार क आग्अ जाता होया लो का बी कुवाड़ कन्अ आपुच्या ज्यो नगर ओड़ी खुल्अ छो। वो बांक्अ बेई अपणा आप ई खुलग्यो। अर वे बारे नखळग्या। वे हालताणी गळी म सुंई जारया छा क वो सरगदूत एकधम बीन्अ छोड़ग्यो।
11फेर पतरस न्अ जस्यानई होस आयो, तो वो खियो, “अब म्हारी समझ मं आई क सांच्याई परबु खुदका सरगदूत न्अ खन्दार हेरोदेस का हाथा सुं अर यहूदी मनख ज्योबी म्हारअ उपरअ करबा की बच्याररया छा बा सबळा सुं मन्अ बचायो छ।”
12वो यूहन्ना जिन्अ मरकुस खेव्अ छा। उंकी माई मरियम क घरा आयो। उण्डअ घणासारा मनख एकलार परातना करर्या छा। 13पतरस कुवाड़ बजायो अर बीन्अ देखबा रूदे नांऊ की एक दासी उण्डअ आई। 14पतरस की बोली पेचाणर खुसी क मारअ उं बेई कुवाड़ खोल्या बनाई पाछी माईन्अ भागगी अर बताई क पतरस बाण्अ उबो छ। 15वे बीन्अ खिया, “तु बावळी हेगी कांई?” पण बा जोरसुं खेती रेई क अस्यान'ई छ। जद्या वे खिया, “वो बीको सरगदूत होवलो।”
16उण्डी पतरस कुवाड़ बजातोई रियो अर फेर जद्या वे कुवाड़ खोलर बीन्अ देख्या तो अचम्बा मं पड़ग्या। 17बान्अ हाथ सुं छाना रेबा को असारो कर बान्अ नीका बतायो क परबु बीन्अ काळ कोटड़ी मंसुं कस्यान बारे नखाळ्यो छ। अर फेर खियो, “याकूब अर दूसरा बस्वास्या न्अ ईका बारा मं बता दिज्यो।” अर फेर वो बी ठार न्अ छोडर कोई दूसरी ठार प चलग्यो।
18जद्या उजाळो होयो तो पेरादारा मं भगदड माचगी अर वे कळाचूक होर बच्यारया छा क पतरस की लेरअ कांई होग्यो? 19जद्या हेरोदेस बीन्अ खूब हरवायो पण वो बीन्अ कोन्अ लाद्यो, तो वो पहरादारा सुं बुज-थाज कर बान्अ मारबा की आज्ञा दियो। फेर हेरोदेस यहूद्या सुं जार कैसरिया मं थोड़ा दन रियो।
हेरोदेस की मोत
20वो सूर अर सैदा का मनखा सुं घणु रोषा रेव्अ छो। जिसुं वे एक टोळी बणार बीसुं मलबा आया। राजा का महल को खास सेवा करबाळा बलासतुस न्अ राजी कर्या। फेर वे हेरोदेस न्अ मनाबा बेई अरदास कर्या। क्युं क यहूद्या सुंई बाका देस न्अ खाबाकी चीजा मल्अ छी।
21एक दन हेरोदेस राजा की पोसाक फेर खुदका सिंहासन प बेठ्यो अर भाषण देबा लाग्यो 22लोग बळाबा लागग्या, “या तो कोई देवता की बाणी छ, मनख की कोन्अ।” 23हेरोदेस परमेसर न्अ महमा कोन्अ दियो छो, जिसुं बी बगत'ई परमेसर को एक सरगदूत बीन्अ रोगलो कर दियो अर बीक्अ किड़ा पड़ग्या ज्यो बीन्अ खाबा लागग्या अर वो मरग्यो।
24पण परमेसर को बचन बढ़तो अर फेलतो रियो।
25जद्या बरनबास अर साऊल खुदकी सेवा पूरी कर लिया, तो मरकुस खुवाबाळा यूहन्ना न्अ लेरअ लेर यरूसलेम सुं अन्ताकिया पाछा आग्या।
اکنون انتخاب شده:
थरपेड़ा का काम 12: डि एच डि
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
(c) 2010-2017, New Life Computer Institute. All rights reserved
