मरकुस जाणकारी
जाणकारी
परमेसर का बेटा ईसु मसी को चोखो समचार इ बात क सागै चालू होवै ह, “परमेसर का बेटा ईसु मसी को चोखो समचार।” इ समचार म ईसुनै एक म्हेन्ती अधिकारी की जंय्यां बतायो गयो ह। अर बिको अधिकार बिकी सीख म, ओपरी बलाया प अर मिनखा क पापनै धोबा क बारां म सामै आयो। इमै ईसु खुदनै “मिनख को बेटो” बोलै ह। बो मिनखानै पापऊँ अजाद करबा ताँई आपका पिराण देबा आयो।
मरकुस ईसु की सीख अर बचना प जोर कोनी देवै पण बिका करमा प जोर देवै ह। जणाई तो बो बिकी कथानै साप सिदा अर चोखा ढंगऊँ पेस करै ह। यहून्ना बतिस्मो देबाळो, ईसु को बतिस्मो अर बिका बिचासबाऊँ जुड़ी बाता क पाछै, मांडबाळो हात की हात ईसु की सीख बिकी निरोगा करबा की बाता अर सेवा कामा को बखान करबा लागै ह। जंय्यां-जंय्यां टेम बित्यो बंय्यां-बंय्यांई ईसु की बातानै मानबाळा ओर चोखा ढंगऊँ बिनै जाणबा लाग्या, पण बिका सामला ओर बेत्ती खतरनाक होता गया। आखरी पाठ म इ धरती प बिका आखरी सपता की बाता को बखान करता होया, जामै खास खास बाता बिनै सुळी प चढायो जाबो अर बिको जी उठबो।
रूपरेखा
चोखो समचार चालू होबो (1:1–13)
ईसु को गलिल म लोगा की सेवा करबो (1:14—9:50)
गलिलऊँ यरूसलेम को दोरो (10:1–52)
यरूसलेम म आखरी सपतो (11:1—15:47)
ईसु को जी उठबो (16:1–8)
ईसु को दरसाव अर ईस्बर नगरी म जाबो (16:9–20)
اکنون انتخاب شده:
मरकुस जाणकारी: एस डब्लु वी
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
(c) 2010-2017, New Life Computer Institute. All rights reserved