Иона 2

О Иона мангел э Дэвлэс

1О Сагбус о Яхвэ бичялдяс барэ мачес, тай ов накхавдяс э Ионас. О Иона сас андэ маческо пэр трин дес тай трин ратя. 2Кана сас андэ маческо пэр, о Иона мангелас пэ Дэвлэс э Яхвэс. 3Ов пхэнляс:

— Андэ хурлуки мэ манглём э Сагбус э Яхвэс ,

тай Ов пхэнляс манги.

Андар хорипэ ко дюняс ки мулэнго#2.3 Евр. «шэол».

мэ динём бэбэря —

тай Ту шунлян ми бэбэря.

4Ту читян ман андэ хорипэ,

андэ ило ки панеско;

агорадылар ман о паня.

Алаи Тэ кубукенги паня

накхлэ опрал мандэ.

5Мэ пхэнлём:

«Кувдимэ мэ Тэ якхендар;

ай мэ генэ кан дикхав о шужо храми Тинро».

6О паня учярдэ ман,

о хорипэ агорады ман,

тай э панески чяря колисаилэ мэ шэрэстэ.

7Ко днас, ко кориня ки горадэнги мэ фулистинём,

о клидя э пхуяки пханлилэ пал мандэ алаи э вахытески,

ай Ту, Яхвэ, Дэл минро,

никалдян ман андар хорипэ дживиндэс!

8Кана о бэшыпэ бытиелас андэ мандэ,

мэ катар Сагбус Яхвэ тюшундым,

тай гело мо мангипэ джи Тутэ,

андэ шужо храми Тинро.

9Одола, кон гинэл э чюче дэвлэн,

ачявдэ по пакяпэ Туки.

10Ай мэ лошанэ гиленца кан анав Туки курбанен.

Кай халём совля — кан керав.

О кутардипэ — катар Сагбус Яхвэ!

11О Сагбус о Яхвэ пхэнляс э мачески, тай ов читяс э Ионас опэр пху.

اکنون انتخاب شده:

Иона 2: КРБ

های‌لایت

به اشتراک گذاشتن

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/

در مورد Библия опэр крымски романи чиб اطلاعات بیشتر کسب کنید