MNS 20
20
Meribaa a mu
1Lɛ̀ a mui bibinaa li, Izirayeli zaman lɛ tumaa dɔ Sini diə gole ne, ǹ nə́ giã Kadɛsi. Miriyamu na á gã walan lɛ nɛ, ǹ nə́ bĩ. 2#BBN 17.1-7 Zaman lɛ daa á fɔ̃ mu li, ǹ nə́ tɔ́n kaa kun ǹ nə́ yoo Muizu laanka Aarɔn gialaa. 3Zaman lɛ ga Muizu lɛ li, ǹ nə́ pɛ: «Haayii! Wɔsɛn dɔɔ̃nɔn kɛn lɛn bɛ́ giɛ̃ Dɛnaa Lawa yɔrɔ-a, toa bɛ̀ wɔsɛn dɔn man wɔ́ gã bɛa biikoo lɛ din li. 4Wàa na á baa, ká daa ka Dɛnaa Lawa a zaman lɛ nɛ, diə gole kɛ nɛ, mà wɔ gã a nɛ, kɔnlɛ ka wɔa tɔɔn nɛ? 5Wàa na á baa, ká soo ka wɔ nɛ Ezipti gána nɛ, ká daa wɔ kaa bǎã gere kɛ miã nɛ? A ba bǎã lɛa, min nə́ boe la a màn da a-n wa, gɔ́rɔ da ba a-n wa, *rezɛ̃ da ba a-n wa, grenadie da ba a-n wa. Mu din ba a-n, min nə́ mii wa.»
6Bɛ kio, Muizu laanka Aarɔn kiɛ̃ ǹ nə́ n bɔ zaman lɛ li, ǹ nə́ daa kɔn yɛ ka Lawa nɛ ǹ kion kɛa kiɛnlɛ-a, ǹ nə́ na ǹ nə́ kaa tán ǹ lɛ la, Dɛnaa Lawa a gugurubaa daa n din nyaa ǹ nɛ. 7Dɛnaa Lawa tɔ́n pɛ Muizu ni: 8«N bàlà lɛ saa, n laanka n dɔɔ̃ngiĩ Aarɔn nɛ, n Izirayeli zaman lɛ sɔkɔn. Ka die ka boo da ka gɛ̀fu kɛ nɛ zaman lɛ yii ni, mu á die soe a nɛ. N tá re mu boe gɛ̀fu lɛ nɛ, n kɔ zaman lɛ laanka ǹ tɔɔn la ǹ mi.» 9Ka Dɛnaa pɛ Muizu-n lɔn, Muizu woo a bàlà lɛ saa Dɛnaa Lawa a kion. 10Muizu laanka Aarɔn tɔ́n zaman lɛ sɔkɔn gɛ̀fu lɛ nyɛɛnɛ, ǹ nə́ n toa ǹ ganaa: «Piã-wole lɛn, ka n too kɔ kəni! Wɔsɛn tá boe la wɔ mu bɔ gɛ̀fu kɛ nɛ, wɔ kɔ ka la?» 11Bɛ kio, Muizu nə́ n gɔn saa lon, á gɛ̀fu lɛ dɛ ka a bàlà nɛ gunyin paa. Mu gigiã soo gɛ̀fu lɛ nɛ, zaman lɛ mi kɔnlɛ ka ǹ tɔɔn nɛ. 12Sɛnɛ, Dɛnaa Lawa pɛ Muizu laanka Aarɔn nɛ: «Ka bɛ́ ka waa masɛ la wa, ka masɛ a gugurubaa nyaa Izirayeli minin lɛn yɔrɔ-a wa. Bɛ lɛ n ke, gána ke masɛ ń die koe zaman lɛ la, kasɛn kɛn bie re woe ka zaman lɛ-n walan wa.» 13Bɛa sii kɛ lɛ wɔ paǹ li, ǹ lɛ dɔ Meribaa mu boo ganaa "ga-lɛli ǹ mu", a giala Izirayeli minin lɛn man nə́ goã ǹ nə́ ga Dɛnaa Lawa lɛ li bɛa bǎã kɛ lɛ nɛ. Sɛnɛ, Dɛnaa Lawa ná a gugurubaa nyaa bɛa sii lɛ gɔ́ɔ̃ nɛ.
Edɔmu gána minin maǹ nə́ n piã ka Izirayeli minin kiɛ̃ nɛ
14Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃. 15Wɔ digolon man nə́ goã ǹ nə́ woo Ezipti gána-n lɛlɛ, wɔ́ goã walan wɔ́ belebɔ. Sɛnɛ, Ezipti minin lɛn nə́ bɔ wɔ yii ni, wɔ laanka wɔ digolon lɛn nɛ. 16Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia. 17A toa kəni, wɔsɛn nə da bɔ n gána nɛ wɔ kiɛ̃. Wɔ ba re boe wuru gɔ́ɔ̃-n wa, wɔ ba re boe rezɛ̃ da wuru gɔ́ɔ̃-n wa, wɔ ba re tù mu mii wa. Wɔ n die koe zii gole kɛ lɛ wɔ kiɛ̃, wɔ́ n wɔ a kanɛɛ gusin hinlaa gɔsɛ wa, yǎa wɔ kiɛ̃ wɔ n boe n tán la.»
18Sɛnɛ, Edɔmu a kii lɛ ná a lɛ si kɛnɛn: «Ka baran da bɔ masɛ a gána-n wa, bɛ bie wa ma n soe man da ka lɛ ka zia nɛ.» 19Izirayeli minin lɛn nə́ wusoo ǹ nə́ pɛ kii lɛ nɛ: «Wɔ n die boe ka zii gole kɛ nɛ, bɛ̀ wɔ n mu mi, wɔ laanka wɔa tɔɔn nɛ, wɔ tá re a giɔ̀mɔ sarɛɛ. Wɔsɛn bie màn kɔsɔ nyankoe wa, wɔ n gòã dinsɔɔ̃ da tán wɔ kiɛ̃.»
20Sɛnɛ, Edɔmu a kii lɛ wusoo á ǹ lɛ si kɛnɛn: «Ka a kiɛ̃ wa.» Bɛ kio, Edɔmu minin lɛn nə́ soo, zaman didi lɛa kun, ǹ nə́ woo Izirayeli minin lɛn gialaa ka we gole ne. 21Bɛa yɔrɔ lɛ la, Edɔmu minin nə́ n piã, ǹ toa Izirayeli minin lɛn nə́ kiɛ̃ ǹ gána-n wa. Bɛ lɛ nɛ, Izirayeli minin lɛn nə́ wɔlɔ pɔrɔ ǹ nə́ naa ǹ ganaa.
Aarɔn a gɛ̀
22Izirayeli zaman lɛ tumaa nə́ n toa Kadɛsi, ǹ nə́ woo Hɔɔrɔ kele la. 23Hɔɔrɔ kele lɛ, Edɔmu gána gèlè la, Dɛnaa Lawa boo da Muizu laanka Aarɔn nɛ á pɛ: 24«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ. 25N din Muizu Aarɔn kũ, ka Aarɔn a nɛgiĩ Eleyazaara nɛ, n dii ǹ ni Hɔɔrɔ kele lɛ mìi ni. 26N die n Aarɔn a mɔnaan sɔlɔ, n nə ǹ wɔ Eleyazaara ganaa. Bɛ kio, Aarɔn nyin tá re nyɛɛ, a gã walan.»
27Ka Dɛnaa Lawa pɛ lɔn, Muizu dɔ́ zɛnaa miɛ̃. Ǹ dinin min sɔɔ dii Hɔɔrɔ kele lɛ la min tumaa yii ni. 28#BBN 29.29; MNS 33.38; TDP 10.6 Muizu tɔ́n Aarɔn a dɔnkɛn si, á ǹ wɔ a nɛgiĩ Eleyazaara ganaa. Bɛ kio, Aarɔn gã walan, kele lɛ mìi ni. Muizu sɛ́ laanka Eleyazaara gisĩ ǹ nə́ n bɔ kele lɛ la. 29Zaman lɛ tumaa bɛ́ á yɛ mà Aarɔn na á gã, ǹ ná a gɛ̀ koa lɛawaa pɔsɔɔ.
اکنون انتخاب شده:
MNS 20: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
MNS 20
20
Meribaa a mu
1Lɛ̀ a mui bibinaa li, Izirayeli zaman lɛ tumaa dɔ Sini diə gole ne, ǹ nə́ giã Kadɛsi. Miriyamu na á gã walan lɛ nɛ, ǹ nə́ bĩ. 2#BBN 17.1-7 Zaman lɛ daa á fɔ̃ mu li, ǹ nə́ tɔ́n kaa kun ǹ nə́ yoo Muizu laanka Aarɔn gialaa. 3Zaman lɛ ga Muizu lɛ li, ǹ nə́ pɛ: «Haayii! Wɔsɛn dɔɔ̃nɔn kɛn lɛn bɛ́ giɛ̃ Dɛnaa Lawa yɔrɔ-a, toa bɛ̀ wɔsɛn dɔn man wɔ́ gã bɛa biikoo lɛ din li. 4Wàa na á baa, ká daa ka Dɛnaa Lawa a zaman lɛ nɛ, diə gole kɛ nɛ, mà wɔ gã a nɛ, kɔnlɛ ka wɔa tɔɔn nɛ? 5Wàa na á baa, ká soo ka wɔ nɛ Ezipti gána nɛ, ká daa wɔ kaa bǎã gere kɛ miã nɛ? A ba bǎã lɛa, min nə́ boe la a màn da a-n wa, gɔ́rɔ da ba a-n wa, *rezɛ̃ da ba a-n wa, grenadie da ba a-n wa. Mu din ba a-n, min nə́ mii wa.»
6Bɛ kio, Muizu laanka Aarɔn kiɛ̃ ǹ nə́ n bɔ zaman lɛ li, ǹ nə́ daa kɔn yɛ ka Lawa nɛ ǹ kion kɛa kiɛnlɛ-a, ǹ nə́ na ǹ nə́ kaa tán ǹ lɛ la, Dɛnaa Lawa a gugurubaa daa n din nyaa ǹ nɛ. 7Dɛnaa Lawa tɔ́n pɛ Muizu ni: 8«N bàlà lɛ saa, n laanka n dɔɔ̃ngiĩ Aarɔn nɛ, n Izirayeli zaman lɛ sɔkɔn. Ka die ka boo da ka gɛ̀fu kɛ nɛ zaman lɛ yii ni, mu á die soe a nɛ. N tá re mu boe gɛ̀fu lɛ nɛ, n kɔ zaman lɛ laanka ǹ tɔɔn la ǹ mi.» 9Ka Dɛnaa pɛ Muizu-n lɔn, Muizu woo a bàlà lɛ saa Dɛnaa Lawa a kion. 10Muizu laanka Aarɔn tɔ́n zaman lɛ sɔkɔn gɛ̀fu lɛ nyɛɛnɛ, ǹ nə́ n toa ǹ ganaa: «Piã-wole lɛn, ka n too kɔ kəni! Wɔsɛn tá boe la wɔ mu bɔ gɛ̀fu kɛ nɛ, wɔ kɔ ka la?» 11Bɛ kio, Muizu nə́ n gɔn saa lon, á gɛ̀fu lɛ dɛ ka a bàlà nɛ gunyin paa. Mu gigiã soo gɛ̀fu lɛ nɛ, zaman lɛ mi kɔnlɛ ka ǹ tɔɔn nɛ. 12Sɛnɛ, Dɛnaa Lawa pɛ Muizu laanka Aarɔn nɛ: «Ka bɛ́ ka waa masɛ la wa, ka masɛ a gugurubaa nyaa Izirayeli minin lɛn yɔrɔ-a wa. Bɛ lɛ n ke, gána ke masɛ ń die koe zaman lɛ la, kasɛn kɛn bie re woe ka zaman lɛ-n walan wa.» 13Bɛa sii kɛ lɛ wɔ paǹ li, ǹ lɛ dɔ Meribaa mu boo ganaa "ga-lɛli ǹ mu", a giala Izirayeli minin lɛn man nə́ goã ǹ nə́ ga Dɛnaa Lawa lɛ li bɛa bǎã kɛ lɛ nɛ. Sɛnɛ, Dɛnaa Lawa ná a gugurubaa nyaa bɛa sii lɛ gɔ́ɔ̃ nɛ.
Edɔmu gána minin maǹ nə́ n piã ka Izirayeli minin kiɛ̃ nɛ
14Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃. 15Wɔ digolon man nə́ goã ǹ nə́ woo Ezipti gána-n lɛlɛ, wɔ́ goã walan wɔ́ belebɔ. Sɛnɛ, Ezipti minin lɛn nə́ bɔ wɔ yii ni, wɔ laanka wɔ digolon lɛn nɛ. 16Wɔ tɔ́n nə n lɛ dɛ Dɛnaa Lawa ganaa, á wɔa lɛ-dɛ lɛ ma, á lon a dia dí-a wole goon dia á daa wɔ waa á soo wɔ nɛ Ezipti gána lɛ nɛ. Á ke, wɔ n kaa gána gèlè la Kadɛsi kiwi, wɔ n walan sisia. 17A toa kəni, wɔsɛn nə da bɔ n gána nɛ wɔ kiɛ̃. Wɔ ba re boe wuru gɔ́ɔ̃-n wa, wɔ ba re boe rezɛ̃ da wuru gɔ́ɔ̃-n wa, wɔ ba re tù mu mii wa. Wɔ n die koe zii gole kɛ lɛ wɔ kiɛ̃, wɔ́ n wɔ a kanɛɛ gusin hinlaa gɔsɛ wa, yǎa wɔ kiɛ̃ wɔ n boe n tán la.»
18Sɛnɛ, Edɔmu a kii lɛ ná a lɛ si kɛnɛn: «Ka baran da bɔ masɛ a gána-n wa, bɛ bie wa ma n soe man da ka lɛ ka zia nɛ.» 19Izirayeli minin lɛn nə́ wusoo ǹ nə́ pɛ kii lɛ nɛ: «Wɔ n die boe ka zii gole kɛ nɛ, bɛ̀ wɔ n mu mi, wɔ laanka wɔa tɔɔn nɛ, wɔ tá re a giɔ̀mɔ sarɛɛ. Wɔsɛn bie màn kɔsɔ nyankoe wa, wɔ n gòã dinsɔɔ̃ da tán wɔ kiɛ̃.»
20Sɛnɛ, Edɔmu a kii lɛ wusoo á ǹ lɛ si kɛnɛn: «Ka a kiɛ̃ wa.» Bɛ kio, Edɔmu minin lɛn nə́ soo, zaman didi lɛa kun, ǹ nə́ woo Izirayeli minin lɛn gialaa ka we gole ne. 21Bɛa yɔrɔ lɛ la, Edɔmu minin nə́ n piã, ǹ toa Izirayeli minin lɛn nə́ kiɛ̃ ǹ gána-n wa. Bɛ lɛ nɛ, Izirayeli minin lɛn nə́ wɔlɔ pɔrɔ ǹ nə́ naa ǹ ganaa.
Aarɔn a gɛ̀
22Izirayeli zaman lɛ tumaa nə́ n toa Kadɛsi, ǹ nə́ woo Hɔɔrɔ kele la. 23Hɔɔrɔ kele lɛ, Edɔmu gána gèlè la, Dɛnaa Lawa boo da Muizu laanka Aarɔn nɛ á pɛ: 24«Aarɔn nyin nə die nyɛɛ. Sonbore, ma bɛ́ gána mɛn koe Izirayeli minin lɛn la, Aarɔn ba re we bɛ-n wa. A giala, ǹ nə́ masɛ bɔlɔ tii Meribaa mu bǎã nɛ. 25N din Muizu Aarɔn kũ, ka Aarɔn a nɛgiĩ Eleyazaara nɛ, n dii ǹ ni Hɔɔrɔ kele lɛ mìi ni. 26N die n Aarɔn a mɔnaan sɔlɔ, n nə ǹ wɔ Eleyazaara ganaa. Bɛ kio, Aarɔn nyin tá re nyɛɛ, a gã walan.»
27Ka Dɛnaa Lawa pɛ lɔn, Muizu dɔ́ zɛnaa miɛ̃. Ǹ dinin min sɔɔ dii Hɔɔrɔ kele lɛ la min tumaa yii ni. 28#BBN 29.29; MNS 33.38; TDP 10.6 Muizu tɔ́n Aarɔn a dɔnkɛn si, á ǹ wɔ a nɛgiĩ Eleyazaara ganaa. Bɛ kio, Aarɔn gã walan, kele lɛ mìi ni. Muizu sɛ́ laanka Eleyazaara gisĩ ǹ nə́ n bɔ kele lɛ la. 29Zaman lɛ tumaa bɛ́ á yɛ mà Aarɔn na á gã, ǹ ná a gɛ̀ koa lɛawaa pɔsɔɔ.
San Bible Protestant Edition © Bible Society of Burkina Faso, 2011.