MNS 19
19
Sii baraa sawaa
1Dɛnaa Lawa boo da Muizu laanka Aarɔn nɛ, á pɛ: 2«Ma n gɔn waa ka nɛ ka dí-pɛ lɛ a landa siin mɛnɛn nɛ, bɛn nə́ ke: Ka pɛ Izirayeli minin lɛn manɛ, ǹ da dii dan tã kəwuu kɔ ka la, dii dan mɛn nə́ ke wɔ̀lɔ̀ goon ná a ba a ganaa wa, ǹ nə́ ǹ tɔn zǔu dɔ da a ganaa wa. 3Ka die ka dii lɛ kɔ Lawa a wúlu-bɔle Eleyazaara la. Bɛ die a wo ne giã ǹ bǎã kɛ kio, ǹ dɛ a yii ni. 4Eleyazaara lɛ die a n gòon sã dii dan lɛ mà kɔn nɛ a pɛsɛ̃ gunyin sɔbaa, dia-n woe kɔn yɛ ka Lawa nɛ ǹ mɔnaa zìã kɛ yɔrɔ-a. 5Bɛ kio, ǹ dii dan lɛ tã a yii ni. Ǹ na a ki tã, a siĩ laanka a mà nɛ, ka a bù dɔ nɛ. 6Lawa a wúlu-bɔle lɛ die a *sɛdrə da gɔn saa, ka *izopi gùrù laanka gɛ̀sɛ tã bonbon ne, dii dan lɛ bɛ́ kuĩ tɛ mɛn nɛ, a ǹ kaa bɛ nɛ. 7Bɛ kio, Lawa a wúlu-bɔle lɛ die a na a mɔnaan pii, a n zoo mu li, a tɔn nə n bɔyaa a wo giã ǹ bǎã lɛ nɛ. Sɛnɛ, a n goɛ̃ gɔ̀dɛnaa lɛa yǎa wasa miɛ̃. 8Min mɛn bɛ́ re dii dan lɛ tiɛ̃, bɛa dɛnaa dɔ na a mɔnaan pii, a n zoo mu li. Sɛnɛ a n goɛ̃ gɔ̀dɛnaa lɛa yǎa wasa miɛ̃. 9#Ebr 9.13 Min mɛn nə́ ke *yoreene landa wɔ paǹ li, bɛa dɛnaa n die dii dan lɛ a ton goɛ, a kaa bǎã sonbore ne giã ǹ bǎã lɛ kio. Bɛa ton lɛ n die goɛ̃ koa-n Izirayeli minin lɛn gɔn li, ǹ *gɔ̀ bɔ ǹ mu zɛnaa nɛ. Sii baraa sawaa ǹ *wúlu màn nɛ. 10Min mɛn bɛ́ re dii dan ton lɛ goɛ, bɛa dɛnaa dɔ na a mɔnaan pii. A n goɛ̃ gɔ̀dɛnaa lɛa yǎa wasa miɛ̃. Bɛ n die goɛ̃ landa lɛa, a ba n bɔyɛɛ wa, á n Izirayeli minin lɛn mìi ni, ka gùli mɛn dɔ bɛ́ giã nɛ ǹ li.
Gɔ̀ bɔ
11Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 12Ǹ dɛnaa die a gɔ̀ bɔ a din-a ka bɛa gɔ̀ bɔ ǹ mu kɛ lɛ nɛ, a lɛawaa sɔɔbaa ǹ wɔ pinaa, ka sɔbaabaa ǹ wɔ nɛ, á die goɛ̃ yoreene bɛ kio, a lɛawaa sɔbaabaa ǹ wɔ pinaa. Sɛnɛ, bɛ̀ a gɔ̀ bɔ a din-a a lɛawaa sɔɔbaa ǹ wɔ pinaa wa, a ba re goɛ̃ yoreene a lɛawaa sɔbaabaa ǹ wɔ pinaa wa. 13Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.
14Bɛ̀ min gã mɔnaa zìã nɛ, bɛa dí-pɛ á ke: bɛ̀ min woo min wɔ mɔnaa zìã lɛ nɛ, hinlaa bɛ̀ min woo min tá a gɔ́ɔ̃-n lɛlɛndun, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 15Bɛ̀ màn woo màn lɛ á koo mɔnaa zìã lɛ nɛ, a lɛ ná a n tã taãn wa, bɛ dɔ gɔ́ɔ̃gɔ́ɔ̃ ǹ màn nə gɔgɔrɛ koe. 16Don gɔ́ɔ̃ nɛ, bɛ̀ min mɛn nə́ n gɔn da min gere ganaa, kana gere mɛn nə́ ke zia wɔ lɛa hinlaa min mɛn bɛ́ á gã kooro, hinlaa bɛ̀ min mɛn nə́ n gɔn da min wen ganaa, hinlaa gere yala ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 17Bɛ̀ ka tá gɔ̀ boe min ganaa, ka dii dan mɛn lɛ bɔ sii baraa sawaa ǹ wúlu màn lɛa, ka bɛa ton bɔ ka kaa màn nɛ, ka mu yoreen kaa li. 18Min mɛn nə́ ke yoreene, bɛ izopi gùrù saa a sã màn gɔ́ɔ̃ mu lɛ li, min gã mɔnaa zìã mɛn lɛ gɔ́ɔ̃ nɛ a pɛsɛ̃ bɛ ganaa kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka min mɛnɛn dɔn nə goã a gɔ́ɔ̃ nɛ. Bɛ̀ min mɛn dɔ nə n gɔn da gere wen ganaa, hinlaa zia kana gere ganaa, hinlaa gɛ̀ kooro wole ganaa, hinlaa gere yala ganaa, ka pɛsɛ̃ bɛ dɔ ganaa. 19Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.
20Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.
21Bɛ n die goɛ̃ landa lɛa ka mìi ni, a ná a ba n bɔyɛɛ wa. Min mɛn bɛ́ re gɔ̀ bɔ ǹ mu lɛ pɛsɛ̃, ǹ dɛnaa die a na a mɔnaan pii. Bɛ̀ min nə́ n gɔn da gɔ̀ bɔ ǹ mu lɛ ganaa, a n goɛ̃ gɔ̀dɛnaa lɛa yǎa wasa woe miɛ̃. 22Bɛ̀ gɔ̀dɛnaa lɛ nə́ n gɔn da màn woo màn ganaa, bɛ n gɔgɔrɛ koe, bɛ̀ min mɛn dɔ nə́ n gɔn da gɔ̀dɛnaa lɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.»
اکنون انتخاب شده:
MNS 19: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
MNS 19
19
Sii baraa sawaa
1Dɛnaa Lawa boo da Muizu laanka Aarɔn nɛ, á pɛ: 2«Ma n gɔn waa ka nɛ ka dí-pɛ lɛ a landa siin mɛnɛn nɛ, bɛn nə́ ke: Ka pɛ Izirayeli minin lɛn manɛ, ǹ da dii dan tã kəwuu kɔ ka la, dii dan mɛn nə́ ke wɔ̀lɔ̀ goon ná a ba a ganaa wa, ǹ nə́ ǹ tɔn zǔu dɔ da a ganaa wa. 3Ka die ka dii lɛ kɔ Lawa a wúlu-bɔle Eleyazaara la. Bɛ die a wo ne giã ǹ bǎã kɛ kio, ǹ dɛ a yii ni. 4Eleyazaara lɛ die a n gòon sã dii dan lɛ mà kɔn nɛ a pɛsɛ̃ gunyin sɔbaa, dia-n woe kɔn yɛ ka Lawa nɛ ǹ mɔnaa zìã kɛ yɔrɔ-a. 5Bɛ kio, ǹ dii dan lɛ tã a yii ni. Ǹ na a ki tã, a siĩ laanka a mà nɛ, ka a bù dɔ nɛ. 6Lawa a wúlu-bɔle lɛ die a *sɛdrə da gɔn saa, ka *izopi gùrù laanka gɛ̀sɛ tã bonbon ne, dii dan lɛ bɛ́ kuĩ tɛ mɛn nɛ, a ǹ kaa bɛ nɛ. 7Bɛ kio, Lawa a wúlu-bɔle lɛ die a na a mɔnaan pii, a n zoo mu li, a tɔn nə n bɔyaa a wo giã ǹ bǎã lɛ nɛ. Sɛnɛ, a n goɛ̃ gɔ̀dɛnaa lɛa yǎa wasa miɛ̃. 8Min mɛn bɛ́ re dii dan lɛ tiɛ̃, bɛa dɛnaa dɔ na a mɔnaan pii, a n zoo mu li. Sɛnɛ a n goɛ̃ gɔ̀dɛnaa lɛa yǎa wasa miɛ̃. 9#Ebr 9.13 Min mɛn nə́ ke *yoreene landa wɔ paǹ li, bɛa dɛnaa n die dii dan lɛ a ton goɛ, a kaa bǎã sonbore ne giã ǹ bǎã lɛ kio. Bɛa ton lɛ n die goɛ̃ koa-n Izirayeli minin lɛn gɔn li, ǹ *gɔ̀ bɔ ǹ mu zɛnaa nɛ. Sii baraa sawaa ǹ *wúlu màn nɛ. 10Min mɛn bɛ́ re dii dan ton lɛ goɛ, bɛa dɛnaa dɔ na a mɔnaan pii. A n goɛ̃ gɔ̀dɛnaa lɛa yǎa wasa miɛ̃. Bɛ n die goɛ̃ landa lɛa, a ba n bɔyɛɛ wa, á n Izirayeli minin lɛn mìi ni, ka gùli mɛn dɔ bɛ́ giã nɛ ǹ li.
Gɔ̀ bɔ
11Bɛ̀ min mɛn nə́ n gɔn da gere woo gere ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 12Ǹ dɛnaa die a gɔ̀ bɔ a din-a ka bɛa gɔ̀ bɔ ǹ mu kɛ lɛ nɛ, a lɛawaa sɔɔbaa ǹ wɔ pinaa, ka sɔbaabaa ǹ wɔ nɛ, á die goɛ̃ yoreene bɛ kio, a lɛawaa sɔbaabaa ǹ wɔ pinaa. Sɛnɛ, bɛ̀ a gɔ̀ bɔ a din-a a lɛawaa sɔɔbaa ǹ wɔ pinaa wa, a ba re goɛ̃ yoreene a lɛawaa sɔbaabaa ǹ wɔ pinaa wa. 13Bɛ̀ min nə́ gã, yǎa min woo min nə n gɔn da bɛa gere kɛ lɛ-a, ǹ dɛnaa ná a gɔ̀ bɔ a din-a, bɛ kio wa, a n Dɛnaa Lawa a kion kɛ gɔgɔrɛ koe, ka ǹ dɛnaa na ka bɔ Izirayeli zaman lɛ ganaa. Gɔ̀ bɔ ǹ mu kɛ bɛ́ a bie á n pɛsɛ̃ ǹ dɛnaa ganaa wa, a n tɔn na a gɔ̀ gɔ́ɔ̃ nɛ.
14Bɛ̀ min gã mɔnaa zìã nɛ, bɛa dí-pɛ á ke: bɛ̀ min woo min wɔ mɔnaa zìã lɛ nɛ, hinlaa bɛ̀ min woo min tá a gɔ́ɔ̃-n lɛlɛndun, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 15Bɛ̀ màn woo màn lɛ á koo mɔnaa zìã lɛ nɛ, a lɛ ná a n tã taãn wa, bɛ dɔ gɔ́ɔ̃gɔ́ɔ̃ ǹ màn nə gɔgɔrɛ koe. 16Don gɔ́ɔ̃ nɛ, bɛ̀ min mɛn nə́ n gɔn da min gere ganaa, kana gere mɛn nə́ ke zia wɔ lɛa hinlaa min mɛn bɛ́ á gã kooro, hinlaa bɛ̀ min mɛn nə́ n gɔn da min wen ganaa, hinlaa gere yala ganaa, ǹ dɛnaa n goɛ̃ gɔ̀dɛnaa lɛa yǎa lɛawaa sɔbaa. 17Bɛ̀ ka tá gɔ̀ boe min ganaa, ka dii dan mɛn lɛ bɔ sii baraa sawaa ǹ wúlu màn lɛa, ka bɛa ton bɔ ka kaa màn nɛ, ka mu yoreen kaa li. 18Min mɛn nə́ ke yoreene, bɛ izopi gùrù saa a sã màn gɔ́ɔ̃ mu lɛ li, min gã mɔnaa zìã mɛn lɛ gɔ́ɔ̃ nɛ a pɛsɛ̃ bɛ ganaa kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka min mɛnɛn dɔn nə goã a gɔ́ɔ̃ nɛ. Bɛ̀ min mɛn dɔ nə n gɔn da gere wen ganaa, hinlaa zia kana gere ganaa, hinlaa gɛ̀ kooro wole ganaa, hinlaa gere yala ganaa, ka pɛsɛ̃ bɛ dɔ ganaa. 19Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.
20Sɛnɛ, bɛ̀ min mɛn gɔ̀dɛnaa baa, a ná a gɔ̀ bɔ a din-a wa, ka bɛa dɛnaa na ka bɔ Izirayeli zaman ganaa a giala a n die Dɛnaa Lawa a kion lɛ gɔgɔrɛ koe. Gɔ̀ bɔ ǹ mu bɛ́ a bie á n pɛsɛ̃ a ganaa wa, a n gɔgɔrɛ.
21Bɛ n die goɛ̃ landa lɛa ka mìi ni, a ná a ba n bɔyɛɛ wa. Min mɛn bɛ́ re gɔ̀ bɔ ǹ mu lɛ pɛsɛ̃, ǹ dɛnaa die a na a mɔnaan pii. Bɛ̀ min nə́ n gɔn da gɔ̀ bɔ ǹ mu lɛ ganaa, a n goɛ̃ gɔ̀dɛnaa lɛa yǎa wasa woe miɛ̃. 22Bɛ̀ gɔ̀dɛnaa lɛ nə́ n gɔn da màn woo màn ganaa, bɛ n gɔgɔrɛ koe, bɛ̀ min mɛn dɔ nə́ n gɔn da gɔ̀dɛnaa lɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.»
San Bible Protestant Edition © Bible Society of Burkina Faso, 2011.