Iza 64
64
1Bɛ̀ ma n die goɛ̃ ka tɛ bɛ́ lɔn,
tewonən kuĩ,
hinlaa mu diɛ pipii ganaa.
Bɛa yɔrɔ lɛ la, n bɛ́ màn mɛn lɛa,
n zɔ́ɔn tá re n tɔ doɛ̃,
tɔrɔn tumaa á re bìn diɛ
n nyɛɛnɛ!
2Ń sii kakan zɛnaa.
Ń gisĩ, kelen nə bìn da n nyɛɛnɛ.
3Lawa kɔsɔ a boe la a sii zɛnaa
ka n bɛ́ lɔn
a golemali-wɔlen man wa!
Min kɔn bin bɛ ma wa,
min kɔn bin bɛ dɔ̃ wa
min kɔn bin bɛ yɛ wa.
4 #
Kor1 2.9
Min mɛnɛn bɛ́ koe peperebaa
lɛ ka foo kɔɔ̃nbaa nɛ,
ǹ nə́ n yiri koɛ li ǹ tá koe
n ziin kɛn lɛ,
maǹ die n diɛ bɛn lɛ.
Bɛ̀ n foo yoo, wɔa siɛ̃n lɛa nɛ.
Sɛnɛ, bɛ̀ wɔ kɔ lɛlɛ ǹ ziin#64.4 Lɛlɛ ǹ ziin: Izirayeli nɛn digolon mɛnɛn nə Lawa foo sii zɛnaa, a n boo diɛ bɛn wɔ paǹ li. kɛn lɛ,
wɔ á re kirisibiɛ.
5Wɔ tumaa n ka gɔ̀dɛnan manɛ.
Wɔa sii peperen tumaa
n ka mɔnaa bɛ́ lɔn
mà kaa a ganaa.
Wɔa siɛ̃n man wɔ biɛ,
lɔnkɔsɔ á kɔnboe lɛa,
piɛ̃ n woe ne.
6Min kɔn ba n tɔ bii doo wa,
min kɔn yii á we a n mɔrɔ
n ganaa wa,
a giala, n ba li n wɔ yɛ doo wa,
ń wɔ toa wɔa sii baraan gɔn.
7A da yaa Dɛnaa Lawa,
n din ni wɔa díi lɛa.
Wɔsɛn man gì lɛa,
nsɛ n dɔn-bɔle lɛa.
N din nə n wɔ tumaa zɛnaa.
8Dɛnaa Lawa, n nyan toa
n foo yoo a la yii-n wa.
N nyan toa n yiri gisĩ wɔa sãn
nɛ biikoo tumaa li wa.
Baalaa wɔ, n ga wɔ ganaa,
wɔ tumaa nə n zaman lɛa.
9Minin ba n kiwi sonboren kɛn
nɛ wa.
*Siɔn nə diə gole baa,
Zeruzalɛmu kɛbɔlɔ baa.
10Wɔ digolon nə goã n tɔ boe
kion sonbore siĩn-siĩn mɛn lɛ nɛ,
ǹ nə́ tɛ da bɛ ganaa.
Màn mɛn tumaa goã kɔɔ̃n
wɔ ganaa,
bɛ tumaa basaã baa.
11Dɛnaa Lawa,
koen kɛn ba n yii li ǹ sii lɛa wa?
Ma n die n lɛ tiɛ̃ n wɔ yii
puusə kɔ a la yii ni?
اکنون انتخاب شده:
Iza 64: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.