Iza 63
63
Dɛnaa Lawa n kiri we tɔrɔn ganaa
1 #
Iza 34.5-17; Zer 49.7-22; Eze 25.12-14; 35.1-15; Amɔ 1.11-12; Abd 1-14; Mal 1.2-5 Die n ke boe Edɔmu gána nɛ,
boe a kiwi Bozira kɛ nɛ?
Á mɔnaa tãtãn wɔ.
Á mɔnaa sonboren wɔ,
a n tɔ we ka din narɛɛ nɛ,
a foo n doa nɛ a din ganaa.
Dɛnaa Lawa pɛ:
«Ma din ni kiri pepere we.
Pàã tá ma lon ma ka kirisibaa.»
2Wàa na á baa n dɔnkɛn nə́ tataã.
Wàa nɛ n mɔnaan tá ka rezɛ̃
tɔrɛ wole
a mɔnaan manɛ.
3 #
SNS 14.20; 19.13,15 Taãn nɛ,
ma dinsɔɔ̃ n má rezɛ̃ tɔrɔ yala-n.
Min kɔn goã kun ma-n tɔrɔn
bii wa.
Bɛ lɛ nɛ, maa foo yoo taman yii,
má ǹ yɔyɔrɛ,
maa kakaarɛbaa gɔ́ɔ̃ nɛ,
má tɔrɔ ǹ la.
Ǹ mà paparɛ,
á kaa maa mɔnaan ganaa,
á ǹ tumaa taã.
4A nà á goã ma gɔ́ɔ̃ nɛ,
máa ma gɛ̀ dòo bɔ.
Maa zaman lɛ a si a kaa lɛ̀ na
á dɔ.
5 #
Iza 59.16
Má ga,
min kɔn banban á n doe ma
lɛ wa!
Bɛ́ ma tɔwaa parsiini.
Min kɔn banban á ma foo taɛ̃ wa!
Má yoo kəni máa ma din nə
die sii zɛnɛɛ.
Maa foo-yoo kɛ na á pàã kɔ
ma la.
6Maa foo-yoo lɛ gɔ́ɔ̃ nɛ,
má tɔrɔn yɔyɔrɛ ma gòã li.
Má ǹ kã ka maa foo-yoo kɛ nɛ,
má ǹ mà kaa tán furu-n.
Dɛnaa Lawa bǐɛ̃baa a zaman la
7Man ka yiri gisĩ Dɛnaa Lawa
a bǐɛ̃ nɛ,
ka sii mɛnɛn bɛ́ re ka diɛ
a tɔ laakalaa ganaa:
A sii mɛn tumaa zɛnaa wɔ nɛ,
a bǐɛ̃ gole mɛn baa Izirayeli
a zaman nɛ,
a màn mɛn tumaa zɛnaa
a kɔn-narɛɛ gole kɛ gɔ́ɔ̃ nɛ,
ka a bǐɛ̃ damata kɛ nɛ á zɛnaa.
8Izirayeli minin paǹ li,
Dɛnaa Lawa pɛ:
«Maǹ maa zaman lɛa taãn-taãnɛ,
maa nɛnyaanan manɛ.
Ǹ ba re ma yiri siɛ̃ wa.»
Á n baa ǹ kirisibaali lɛa.
9Ǹ nɔmaan kɛn tumaa gɔ́ɔ̃ nɛ,
a dɔ nɔmaa.
Lawa a dia dí-a wole mɛn
bɛ́ golee ne a yɔrɔ-a,
bɛ lɛ dinmaa na á ǹ kirisibaa.
A kɔn-narɛɛ laanka a makara-doɛ̃
kɛ taman yii,
á ǹ si á ǹ kaa.
Ǹ sii tumaa gɔ́ɔ̃ nɛ, á n dɔ ǹ lɛ,
á goã kunun ǹ ni lɛawaan
kɛn tumaa gɔ́ɔ̃ nɛ ǹ nə́ kiɛ̃.
10Sɛnɛ, ǹ nə́ piã-wɔlen baa.
Ǹ nə́ n Yiri sonbore kɛ foo ziziɛ̃.
Dɛnaa Lawa nə́ n bɔyaa
á ǹ zɔ́ɔ baa,
a n zia biɛ ǹ ganaa.
11A zaman lɛ yiri gisĩ ka lɛlɛ ǹ nɛ,
biikoo mɛn bɛ́ Muizu goã
kunun ǹ ni:
«Min mɛn yìsi mu kuru
ka a zaman nɛ
kɔnlɛ ka ǹ tɔɔn laanka
ǹ lɛduə̃lin ni,
ǹ dɛnaa n maa?
Min mɛn na a Yiri sonbore
gisĩ ǹ la,
bɛa dɛnaa n maa?
12 #
BBN 14.21
Ǹ zii tɔ wɔ gɔ́ɔ̃ nɛ,
a din na á pàã kɔ Muizu la.
Á yìsi mu yu kɔn ǹ nyɛɛnɛ,
màn mɛn bɛ́ toɛ,
a tɔ goã yǎa duduu.
13A din na á toa ǹ nə́ yìsi
mu zuzulu kuru,
ka sùi bɛ́ diə kuri lɔn,
ǹ nə́ ǹ mɛnaa wa.
14Ǹ kɔnboe n ka tɔɔ kuru ni,
woe nyankɔrɔ basa nɛ.
Dɛnaa Lawa Yiri n miɛ ǹ nyɛɛnɛ,
woe ǹ ne susu ǹ bǎã nɛ.»
Taãn nɛ Dɛnaa Lawa,
bɛa yɔrɔ lɛ la,
n mɛ n zaman lɛ nyɛɛnɛ,
màn mɛn bɛ́ toɛ,
n tɔ golebaa yɛ.
Zaman lɛn Dɛnaa Lawa nyankoe
15Dɛnaa Lawa,
n toa lon n giã ǹ bǎã
sonbore siĩn-siĩn kɛ nɛ,
n ga sii kɛ ganaa die wɔ gialaa.
N kɔn-narɛɛ gole ke wɔa paǹ li,
bɛ á maa kəni?
N pàã gole kɛ á maa?
Wɔ yii ba n makara doɛ̃
laanka n bǐɛ̃baa
kɛ ganaa wɔa paǹ li doo wa.
16A da yaa, n din ni wɔa díi lɛa!
Wɔa díi gole Abrahamu ba sii
kɔn doɛ̃ wɔa paǹ li wa.
Izirayeli ba wɔ doɛ̃ wa.
Sɛnɛ, Dɛnaa Lawa,
nsɛ n wɔa díi lɛa.
N din nə wɔ «si sii la wole lɛa.»
Bɛ lɛ nə n tɔ lɛa yǎa duduu.
17Dɛnaa Lawa, wàa na á baa
ń toa wɔ papaã sɔsɔɔ n zii
kɛ ganaa.
Ń toa wɔ n foo lɛ tã
n boo nyɛɛnɛ,
wɔ́ n piã wɔ n guguru kɔ wa.
Bɛ n siɛ lɔn kəni?
Wusoo n daa n kɔn-narɛɛ
taman yii,
wɔsɛn taman yii n dí-nyalin lɛa,
Wɔsɛn kɛn, n din a zaman lɛa.
18Wɔsɛn, n zaman sonbore ke,
gána lɛ na á goã wɔa wɔ lɛa
biikoo boɛɛn dinsɔɔ̃ li.
Wɔa zɔ́ɔn nə́ n bǎã sonbore
lɛ ziziɛ̃.
19Haalɛ bibi,
n ba wɔa kii lɛa doo wa,
n tɔ ba wɔ ganaa doo wa.
E! Bɛ̀ ma nə ń lon toɛ̃,
ń daa gisĩ tán!
Kelen tá re bìn diɛ n nyɛɛnɛ!
اکنون انتخاب شده:
Iza 63: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.