Iza 56
56
Tɔrɔn tumaa a Lawa nyankɔ ǹ kion
1Dɛnaa Lawa n kɛ pii:
«Ka kɔ sonborebaa lɛ,
ka peperebaa zɛnaa.
Ma bɛ́ die ka kirisibaa mɛn nɛ,
á dɔ á nya.
Kànaa ka boɛɛnɛ ka á re
maa peperebaa yii.
2Maa boon kɛn máa ǹ diɛ,
min mɛn bɛ́ koe ǹ lɛ ka a parsiini
bɛa dɛnaa á re foo kɔɔ̃nbaa yii.
Ǹ dɛnaa á re foo kɔɔ̃nbaa
yii taãn-taãnɛ,
asɛ mɛn bɛ́ *susu ǹ pii koɛ,
a nə́ n nyɛnɛɛ sii baraa nɛ.»
3Tii mɛn bɛ́ paraa-n
Dɛnaa Lawa ganaa,
bɛ nyan pɛ mà sàabaa ba la wa
mà Dɛnaa Lawa á re asɛ lui,
a na asɛ bɔ a zaman bii!
Min mɛn bɛ́ giĩbaa ná a ba
a lon wa
bɛ nyan pɛ mà asɛ n da gere
lɛa wa!
4Sonbore, Dɛnaa Lawa n kɛ pii:
«Giĩbaa bɛ́ a ba min mɛnɛn
lon wa,
ǹ nə́ maa susu ǹ piin koɛ,
ǹ nə́ ma foo siin zɛnɛɛ,
ǹ nə́ n gɔn parɛɛ maa lɛ kɔ
kɔn la ǹ boon kɛn ganaa,
5á bǐɛ̃ kɔ, maa kion lɛ gɔ́ɔ̃ nɛ,
ka a kigiala gɔ̀nɔn ganaa nɛ,
ma á re bǎã koe ǹ la ka tɔ dɔ nɛ.
Bɛ là á re yii ǹ ganaa,
a la nɛgiĩn laanka nɛlɔn manɛ.
Ma bɛ́ re tɔ mɛn koe ǹ la,
bɛ n die goɛ̃ yǎa duduu,
a ná a ba n tuturi wa.»
6Tiin mɛnɛn gɔn paraamaa
bɛ́ Dɛnaa Lawa ganaa,
ǹ ná a dí nyɛɛ, ǹ ná a tɔ narɛ,
ǹ ná a dí-nyalin lɛa,
min mɛnɛn tumaa bɛ́ susu ǹ
pii koɛ sɔnbɔraa nɛ,
ka bɔlɔgoondɛnaabaa nɛ,
ǹ nə́ n gɔn parɛɛ maa lɛ kɔ
kɔn la ǹ boon kɛn ganaa,
7 #
Mat 21.13; Mar 11.17; Luk 19.46 ma á re die ǹ ne maa
kele sonbore kɛ la,
ma ǹ kã ka foo kɔɔ̃n nɛ
ma nyankɔ ǹ kion kɛ nɛ.
Ǹ bɛ́ re *wúlu màn tiɛ̃n
mɛnɛn koe ma la
ka wúlu mànan kɛn nɛ
*wúlu bɔ ǹ bǎã nɛ,
ma á re ǹ sii.
Sonbore, maǹ die maa kion lɛ bíi,
«Tɔrɔn tumaa a Lawa nyankɔ
ǹ kion.»
8Dɛnaa Lawa mɛn Izirayeli
a wo bɛ̀rɛbaa ǹ bǎã n wolen sɔkɔn,
bɛa da ǹ boo á ke:
«Má minin sɔkɔn má ǹ lɛpɛnɛ nɛ.
Man die wusii ma kɔsɔn
sɔkɔn kunun ǹ ni doo.»
Kiã sonboren ba zaman lɛ la wa
9Ka dinin tumaa,
wuru gɔ́ɔ̃ nɛ ǹ tɔɔn,
ka daã gòã li wɔn nɛ,
ka da màn bii!
10Izirayeli a wɔlɔ-lɛduə̃lin
tumaa n yii tere-an lɛa.
Ǹ ba sii kɔn doɛ̃ wa.
Ǹ tumaa n gin lɛ tere-an lɛa,
ǹ ba boe la ǹ tá gisĩ dinin wa.
Maǹ waa-n tán ǹ nə́ n narɛ.
Nyuù n kɔɔ̃nɛ ǹ ganaa.
11Maǹ kuruun lɛa,
ǹ ba màn kɔn toɛ wa.
Ǹ ba kiɛ̃ wa.
Wɔlɔ-lɛduə̃lin manɛ,
ǹ ba sii kɔn giala miɛ wa.
Maǹ nə ǹ dinin foo siin zɛnɛɛ.
Ǹ didie n giɛ a din a là li.
12Maǹ pii:
«Ka daa wɔ n tan wɔ ga duvɛ̃ li,
wɔ yɔ kakaarɛn mi a wɔ yii kũ.
Biɛ̃ ǹ nə die goɛ̃ ka pelo ǹ bɛ́ lɔn:
Duvɛ̃ gigiã goã.»
اکنون انتخاب شده:
Iza 56: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.