Iza 5
5
Dɛnaa Lawa a rezɛ̃ da
1 #
Mat 21.33; Mar 12.1; Luk 20.9 Ka toa ma loe goon lɔ
maa giaára giĩ wɔ lɛa.
A n maa giaára giĩ lɛ wɔ lɛa
ka a rezɛ̃ wuru ni.
Maa giaára giĩ a rezɛ̃
wuru lɛ n tenten la,
bǎã sonbore ne.
2Á wuru lɛ kɔsɔ.
Kɔlɔn mɛnɛn bɛ́ a nɛ, á bɛn waa,
á da tɔrɔ sonboren zumu a nɛ.
Á sanabolo dɔ a nɛ,
bǎã-lɛduəlin wɔ lɛa,
á rezɛ̃ mu bɔ ǹ bǎã fɔ̃.
A na á goã n yii diɛ
rezɛ̃ nɛ sonbore la.
Sɛnɛ, *rezɛ̃ da lɛ nɛ mɛn kɔ,
nɛ pipiã nɛ.
3Maa giaára lɛ tɔn pɛ kəni:
Zeruzalɛmu ka Zudaa minin lɛn,
ka bǐɛ̃ kɔ ka kiri kuru
ma laanka maa rezɛ̃ wuru lɛ bii.
4Má n parsii tumaa bɔ
maa rezɛ̃ wuru kɛ taman yii,
ma ba boe la ma kiɛ̃ kɛ la
doɛ̃ doo wa.
Má goã n yii diɛ
rezɛ̃ nɛ sonbore la,
sɛnɛ, rezɛ̃ da lɛ na á nɛ pipiã kɔ.
Bɛ giala n ka wàa-n kəni?
5Sisia, ma bɛ́ re màn mɛn zɛnɛɛ
maa rezɛ̃ wuru lɛ nɛ, bɛ á ke:
Gɔ̀rɔ mɛn bɛ́ a lɛnpɛnɛ,
man die bɛ wurii ma bɔ a ganaa,
tɔɔn nə sɔ̃.
Kungɔn mɛn bɛa lɛnpɛnɛ,
man die yala boe bɛ́ ganaa,
kiɛ̃ wolen nə tɔtɔrɔ.
6Man die biɛ don lɛa.
Min kɔn ba re a da gùrùn boe wa,
min kɔn ba re a buu woɛ̃ wa.
Nyɛn dan tá re boe a nɛ.
Ma á re labaran kurii
ǹ baran la kaa a ganaa wa.
7Dɛnaa Lawa Pàãyiidɛnaa
a rezɛ̃ wuru n ka Izirayeli ni.
Dan mɛnɛn nə goã kɔɔ̃nɛ
a ganaa parsiini,
bɛ n ka Zudaa a zaman nɛ.
Dɛnaa Lawa nə n yii
diɛ peperebaa la,
sɛnɛ bǎã tumaa nɛ,
peperebaabaã nɛ.
A nə n yii diɛ sonborebaa la,
sɛnɛ bǎã tumaa nɛ,
sonborebaabaã nɛ.
Bɔ̀n sɔrɔ, Zudaa gána a kiãn wɔ lɛa
8Kaa wɔ n ka bɔ̀n nɛ
kasɛn mɛnɛn bɛ́ kion sii
ka da ǹ miã li.
Ka wuru si ka da ǹ miã li.
Ka bǎã tumaa si ka n kɔ lɛ,
yǎa ka dininsɔɔ̃nɔn nə goɛ̃
gána lɛ nɛ!
9«Ma liɛ ǹ boo mɛn ma
Dɛnaa Lawa Pàãyiidɛnaa lɛ-n, bɛ á ke:
Kion dadara sonbore
gigiã tá re kɛbɔlɔ biɛ,
min kɔn ba re giɛ̃ ǹ nɛ wa.
10Rezɛ̃ wuru hɛktara sɔɔ
din ba re duvɛ̃ litiri
posooro boe wa.
Min mɛn bɛ́ re *belee kilo paabiɛ diɛ,
bɛ n die belee kilo fù
dinsɔɔ̃ kuri.»
11Min mɛnɛn bɛ́ baa sii
yɔ kakaarɛn kio baayɛlɛ yiisoone,
wasamiɛn nɛ,
ǹ nə n gù fore ka duvɛ̃ nɛ
yǎa làan nə koe,
bɛn wɔ n ka bɔ̀n nɛ!
12Maǹ yɔ mii kɔnkoɛ̃nɛn wuu li,
tùtu ni, maà nɛ ka pìi ni.
Sɛnɛ, ǹ ba doɛ̃ mà
Dɛnaa Lawa á sii zɛnɛɛ wa,
a bɛ́ sii mɛn yɔrɔ boe,
ǹ yii ba bɛ ganaa wa.
13Bɛ lɛ nɛ, Dɛnaa Lawa á kɛ pii:
«Ǹ tá re maa zaman goɛ,
ǹ wo ne bɛ̀rɛbaa ǹ bǎã nɛ,
a giala,
ǹ ba màn kɔn giala miɛ wa.
Bòo tá re ǹ min dadaran dii,
mu boro nə ǹ zaman dɛ.»
14Geren piɛ yɔrɔ boemaa nɛ,
a lɛ buĩmaa-n banabana.
Zeruzalɛmu a min yii guguru-an,
laanka a zaman tumaa
tá re kiɛ walan
ǹ zɔ́nən kɛn gòã wuu li.
15Sìi á re minbuiin nɛ kuĩ,
minbuiin nɛ tumaa á re
n mìi kumii.
Min mɛnɛn yii bɛ́ lon,
bɛn tá re n mìi kumii.
16Dɛnaa Lawa Pàãyiidɛnaa
á re gugurubaa yii
a kiri wɔ gɔ́ɔ̃ nɛ.
Lawa sonbore na
a sonborebaa nyɛɛ,
a peperebaa zɛnaa gɔ̀ɔ̃ nɛ.
17Sèren tá re buu soɛ̃ a nɛ
ka ǹ buu sɔ̃ ǹ bǎã wɔ bɛ́ lɔn,
ǹ bɛ́ sère pian mɛnɛn toe,
bɛn tá re buu soɛ̃ a kɛbɔlɔn la.
18Kaa wɔ n ka bɔ̀n nɛ,
kasɛn mɛnɛn bɛ́ paraa-n
kaa sii baraan ganaa,
ka kaa soɛ boon ne!
Kaa sii baraan man ka kio,
ka wotoro bɛ́ lɔn!
19Ka n pii:
«Dɛnaa Lawa,
n baa fufuu n sii zɛnaa
wɔ yii ni wɔ yɛ.
Izirayeli a Lawa sonbore
sii mɛn yɔrɔ bɔ,
wɔ ǹ li bɛ nə n zɛnaa, wɔ dɔ̃!»
20Kaa wɔ n ka bɔ̀n nɛ,
kasɛn mɛnɛn bɛ́ pii
mà sii baraa n siĩni,
mà sii sonbore n baraa.
Ka n penleen bɔyɛɛ
ka baa tèlò lɛa,
ka tèlò bɔyaa ka baa penleen lɛa.
Màn mɛn bɛ́ kɔɔsɛ,
ka n bɛ bɔyɛɛ ka baa kɔɔ̃nɛ.
Màn mɛn bɛ́ kɔɔ̃nɛ,
ka n bɛ bɔyɛɛ ka baa kɔɔsɛ.
21Kaa wɔ n ka bɔ̀n nɛ,
kasɛn kɛn ka dinin biɛ
sii-dɔ̃lin lɛa,
ka n ka dinin biɛ yiridɛnan lɛa!
22Yɔ-mili zanbian lɛn,
kaa wɔ n ka bɔ̀n nɛ!
Yɔ kakaarɛ mili lɔlɛkɔn wolen,
ka dɔn wɔ n ka bɔ̀n nɛ!
23Lɛ pii ǹ màn taman yii,
ka n zɛ̀rɛdɛnaa toɛ walan.
Sɛnɛ, ka nə n piɛ̃,
ka sonbore kɔ min pepere la nɛ.
24Bɛ lɛ nɛ,
làpaa á ke kuĩ tɛ-n lɔn,
tɛ á ke buu gere kuĩ lenlen lɔn,
ka n die boɛ̃ ka da gòon bɛ́
boɛ̃ lɔn.
Kaa yii gugurubaa kɛ n die papaɛ̃
ka da buũ bɛ́ lɔn, piɛ̃ li.
A giala, ka n ka
Pàãyiidɛnaa Lawa a dí-pɛn tii,
ka n piã ka Izirayeli a
Lawa sonbore a boon ne.
Dɛnaa Lawa a foo yoo
25Bɛ lɛ taman yii,
Dɛnaa Lawa
foo n yoo ne a zaman li.
Á n gɔn munu ǹ li, á ǹ dɛ.
Kelen man bìn diɛ,
geren man tán bǎã yii ni
ka yisi bɛ́ lɔn.
Bɛ tumaa kio,
Dɛnaa Lawa foo tɔn basã wa,
a gɔn munii lɛ n tɔn lon.
26Dɛnaa Lawa gòon yiɛ
tɔrɔn ganaa.
Maǹ boe gána sɔsɔɔn nɛ.
A n lɛ pii pii, a n lɛ diɛ goon la,
kanaa lɛ dan ganaa.
Á ke die ka baa nɛ#5.26 Bɛ n boo diɛ Asiirii a paǹ li, a sɔsɔɔbaa n kilo duu goon (1 000) ka Zeruzalɛmu ni..
27Bɛa tɔrɔ lɛ bii,
min kɔn nɔmaa wa,
min kɔn ba tatalɛɛ wa.
Nyuù ba min kɔn yii-a wa.
Min tumaa gù kiɛmaa nɛ.
Min kɔn na a maabɛlɛ fore wa,
ǹ tumaa a kɔsɔ biɛn yiimaa nɛ.
28Ǹ kiɛn lɛn man pɛpɛnɛ,
ǹ san maǹ dii ni.
Ǹ sùin gòon tɔnɔn maǹ kaka
ka kɔlɔ bɛ́ lɔn.
Ǹ ziabaa ǹ wotoron yii n fuu
ka la piɛ̃ bɛ́ lɔn.
29Yàran bɛ́ wɔɔsaa we lɔn
ǹ sɔraasin man wɔɔsaa we miɛ̃.
Maǹ lɛ biɛ ka yàra nɛn bɛ́ lɔn.
Maǹ gini ka don màn nə́ ke,
á màn kũ lɔn, á woe ne,
min kɔn ná a doe-n dɔn
a si la wa.
30A da yaa, ǹ kɔn pinaa,
yìsi mu á ke gini lɔn,
ginii wuu n die boe tɔrɔ kɛ
ganaa miɛ̃.
Bɛ̀ ń giɛ gána lɛ ganaa,
á ke, tèlò laanka koe n die
n koe lɛ.
Labara dadaran tá re n koe
lɛawaa a wɔlɔ fúlu lɛ.
اکنون انتخاب شده:
Iza 5: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 5
5
Dɛnaa Lawa a rezɛ̃ da
1 #
Mat 21.33; Mar 12.1; Luk 20.9 Ka toa ma loe goon lɔ
maa giaára giĩ wɔ lɛa.
A n maa giaára giĩ lɛ wɔ lɛa
ka a rezɛ̃ wuru ni.
Maa giaára giĩ a rezɛ̃
wuru lɛ n tenten la,
bǎã sonbore ne.
2Á wuru lɛ kɔsɔ.
Kɔlɔn mɛnɛn bɛ́ a nɛ, á bɛn waa,
á da tɔrɔ sonboren zumu a nɛ.
Á sanabolo dɔ a nɛ,
bǎã-lɛduəlin wɔ lɛa,
á rezɛ̃ mu bɔ ǹ bǎã fɔ̃.
A na á goã n yii diɛ
rezɛ̃ nɛ sonbore la.
Sɛnɛ, *rezɛ̃ da lɛ nɛ mɛn kɔ,
nɛ pipiã nɛ.
3Maa giaára lɛ tɔn pɛ kəni:
Zeruzalɛmu ka Zudaa minin lɛn,
ka bǐɛ̃ kɔ ka kiri kuru
ma laanka maa rezɛ̃ wuru lɛ bii.
4Má n parsii tumaa bɔ
maa rezɛ̃ wuru kɛ taman yii,
ma ba boe la ma kiɛ̃ kɛ la
doɛ̃ doo wa.
Má goã n yii diɛ
rezɛ̃ nɛ sonbore la,
sɛnɛ, rezɛ̃ da lɛ na á nɛ pipiã kɔ.
Bɛ giala n ka wàa-n kəni?
5Sisia, ma bɛ́ re màn mɛn zɛnɛɛ
maa rezɛ̃ wuru lɛ nɛ, bɛ á ke:
Gɔ̀rɔ mɛn bɛ́ a lɛnpɛnɛ,
man die bɛ wurii ma bɔ a ganaa,
tɔɔn nə sɔ̃.
Kungɔn mɛn bɛa lɛnpɛnɛ,
man die yala boe bɛ́ ganaa,
kiɛ̃ wolen nə tɔtɔrɔ.
6Man die biɛ don lɛa.
Min kɔn ba re a da gùrùn boe wa,
min kɔn ba re a buu woɛ̃ wa.
Nyɛn dan tá re boe a nɛ.
Ma á re labaran kurii
ǹ baran la kaa a ganaa wa.
7Dɛnaa Lawa Pàãyiidɛnaa
a rezɛ̃ wuru n ka Izirayeli ni.
Dan mɛnɛn nə goã kɔɔ̃nɛ
a ganaa parsiini,
bɛ n ka Zudaa a zaman nɛ.
Dɛnaa Lawa nə n yii
diɛ peperebaa la,
sɛnɛ bǎã tumaa nɛ,
peperebaabaã nɛ.
A nə n yii diɛ sonborebaa la,
sɛnɛ bǎã tumaa nɛ,
sonborebaabaã nɛ.
Bɔ̀n sɔrɔ, Zudaa gána a kiãn wɔ lɛa
8Kaa wɔ n ka bɔ̀n nɛ
kasɛn mɛnɛn bɛ́ kion sii
ka da ǹ miã li.
Ka wuru si ka da ǹ miã li.
Ka bǎã tumaa si ka n kɔ lɛ,
yǎa ka dininsɔɔ̃nɔn nə goɛ̃
gána lɛ nɛ!
9«Ma liɛ ǹ boo mɛn ma
Dɛnaa Lawa Pàãyiidɛnaa lɛ-n, bɛ á ke:
Kion dadara sonbore
gigiã tá re kɛbɔlɔ biɛ,
min kɔn ba re giɛ̃ ǹ nɛ wa.
10Rezɛ̃ wuru hɛktara sɔɔ
din ba re duvɛ̃ litiri
posooro boe wa.
Min mɛn bɛ́ re *belee kilo paabiɛ diɛ,
bɛ n die belee kilo fù
dinsɔɔ̃ kuri.»
11Min mɛnɛn bɛ́ baa sii
yɔ kakaarɛn kio baayɛlɛ yiisoone,
wasamiɛn nɛ,
ǹ nə n gù fore ka duvɛ̃ nɛ
yǎa làan nə koe,
bɛn wɔ n ka bɔ̀n nɛ!
12Maǹ yɔ mii kɔnkoɛ̃nɛn wuu li,
tùtu ni, maà nɛ ka pìi ni.
Sɛnɛ, ǹ ba doɛ̃ mà
Dɛnaa Lawa á sii zɛnɛɛ wa,
a bɛ́ sii mɛn yɔrɔ boe,
ǹ yii ba bɛ ganaa wa.
13Bɛ lɛ nɛ, Dɛnaa Lawa á kɛ pii:
«Ǹ tá re maa zaman goɛ,
ǹ wo ne bɛ̀rɛbaa ǹ bǎã nɛ,
a giala,
ǹ ba màn kɔn giala miɛ wa.
Bòo tá re ǹ min dadaran dii,
mu boro nə ǹ zaman dɛ.»
14Geren piɛ yɔrɔ boemaa nɛ,
a lɛ buĩmaa-n banabana.
Zeruzalɛmu a min yii guguru-an,
laanka a zaman tumaa
tá re kiɛ walan
ǹ zɔ́nən kɛn gòã wuu li.
15Sìi á re minbuiin nɛ kuĩ,
minbuiin nɛ tumaa á re
n mìi kumii.
Min mɛnɛn yii bɛ́ lon,
bɛn tá re n mìi kumii.
16Dɛnaa Lawa Pàãyiidɛnaa
á re gugurubaa yii
a kiri wɔ gɔ́ɔ̃ nɛ.
Lawa sonbore na
a sonborebaa nyɛɛ,
a peperebaa zɛnaa gɔ̀ɔ̃ nɛ.
17Sèren tá re buu soɛ̃ a nɛ
ka ǹ buu sɔ̃ ǹ bǎã wɔ bɛ́ lɔn,
ǹ bɛ́ sère pian mɛnɛn toe,
bɛn tá re buu soɛ̃ a kɛbɔlɔn la.
18Kaa wɔ n ka bɔ̀n nɛ,
kasɛn mɛnɛn bɛ́ paraa-n
kaa sii baraan ganaa,
ka kaa soɛ boon ne!
Kaa sii baraan man ka kio,
ka wotoro bɛ́ lɔn!
19Ka n pii:
«Dɛnaa Lawa,
n baa fufuu n sii zɛnaa
wɔ yii ni wɔ yɛ.
Izirayeli a Lawa sonbore
sii mɛn yɔrɔ bɔ,
wɔ ǹ li bɛ nə n zɛnaa, wɔ dɔ̃!»
20Kaa wɔ n ka bɔ̀n nɛ,
kasɛn mɛnɛn bɛ́ pii
mà sii baraa n siĩni,
mà sii sonbore n baraa.
Ka n penleen bɔyɛɛ
ka baa tèlò lɛa,
ka tèlò bɔyaa ka baa penleen lɛa.
Màn mɛn bɛ́ kɔɔsɛ,
ka n bɛ bɔyɛɛ ka baa kɔɔ̃nɛ.
Màn mɛn bɛ́ kɔɔ̃nɛ,
ka n bɛ bɔyɛɛ ka baa kɔɔsɛ.
21Kaa wɔ n ka bɔ̀n nɛ,
kasɛn kɛn ka dinin biɛ
sii-dɔ̃lin lɛa,
ka n ka dinin biɛ yiridɛnan lɛa!
22Yɔ-mili zanbian lɛn,
kaa wɔ n ka bɔ̀n nɛ!
Yɔ kakaarɛ mili lɔlɛkɔn wolen,
ka dɔn wɔ n ka bɔ̀n nɛ!
23Lɛ pii ǹ màn taman yii,
ka n zɛ̀rɛdɛnaa toɛ walan.
Sɛnɛ, ka nə n piɛ̃,
ka sonbore kɔ min pepere la nɛ.
24Bɛ lɛ nɛ,
làpaa á ke kuĩ tɛ-n lɔn,
tɛ á ke buu gere kuĩ lenlen lɔn,
ka n die boɛ̃ ka da gòon bɛ́
boɛ̃ lɔn.
Kaa yii gugurubaa kɛ n die papaɛ̃
ka da buũ bɛ́ lɔn, piɛ̃ li.
A giala, ka n ka
Pàãyiidɛnaa Lawa a dí-pɛn tii,
ka n piã ka Izirayeli a
Lawa sonbore a boon ne.
Dɛnaa Lawa a foo yoo
25Bɛ lɛ taman yii,
Dɛnaa Lawa
foo n yoo ne a zaman li.
Á n gɔn munu ǹ li, á ǹ dɛ.
Kelen man bìn diɛ,
geren man tán bǎã yii ni
ka yisi bɛ́ lɔn.
Bɛ tumaa kio,
Dɛnaa Lawa foo tɔn basã wa,
a gɔn munii lɛ n tɔn lon.
26Dɛnaa Lawa gòon yiɛ
tɔrɔn ganaa.
Maǹ boe gána sɔsɔɔn nɛ.
A n lɛ pii pii, a n lɛ diɛ goon la,
kanaa lɛ dan ganaa.
Á ke die ka baa nɛ#5.26 Bɛ n boo diɛ Asiirii a paǹ li, a sɔsɔɔbaa n kilo duu goon (1 000) ka Zeruzalɛmu ni..
27Bɛa tɔrɔ lɛ bii,
min kɔn nɔmaa wa,
min kɔn ba tatalɛɛ wa.
Nyuù ba min kɔn yii-a wa.
Min tumaa gù kiɛmaa nɛ.
Min kɔn na a maabɛlɛ fore wa,
ǹ tumaa a kɔsɔ biɛn yiimaa nɛ.
28Ǹ kiɛn lɛn man pɛpɛnɛ,
ǹ san maǹ dii ni.
Ǹ sùin gòon tɔnɔn maǹ kaka
ka kɔlɔ bɛ́ lɔn.
Ǹ ziabaa ǹ wotoron yii n fuu
ka la piɛ̃ bɛ́ lɔn.
29Yàran bɛ́ wɔɔsaa we lɔn
ǹ sɔraasin man wɔɔsaa we miɛ̃.
Maǹ lɛ biɛ ka yàra nɛn bɛ́ lɔn.
Maǹ gini ka don màn nə́ ke,
á màn kũ lɔn, á woe ne,
min kɔn ná a doe-n dɔn
a si la wa.
30A da yaa, ǹ kɔn pinaa,
yìsi mu á ke gini lɔn,
ginii wuu n die boe tɔrɔ kɛ
ganaa miɛ̃.
Bɛ̀ ń giɛ gána lɛ ganaa,
á ke, tèlò laanka koe n die
n koe lɛ.
Labara dadaran tá re n koe
lɛawaa a wɔlɔ fúlu lɛ.
San Bible Protestant Edition © Bible Society of Burkina Faso, 2011.