Iza 2
2
1Boon kɛn man Amɔsi a nɛgiĩ Izayii a sii yɛn lɛa Zudaa gána laanka Zeruzalɛmu kiwi wɔ paǹ li.
Tɔrɔ tumaa á re die Zeruzalɛmu
2Lɛawaa kɔn tá re doe
Dɛnaa Lawa a kion lɛ
bɛ́ kele mɛn la,
a mìi la á re liɛ
kelen tumaa wɔ nɛ,
á re goɛ̃ tentelen tumaa lalan.
Tɔrɔn tumaa á re yiɛ
ǹ wo walan girigiri.
3Gána gigiã á re zii siɛ,
bɛ̀ ǹ nə́ pii kɔn nɛ kɛnɛn:
Ka daa wɔ n tá wɔ dii
Dɛnaa Lawa a kele la,
wɔ wo Zakɔba a Lawa a kion.
A din tá re a zii lɛ a tɔ wɔ ǹ
gɔn nyɛɛ wɔ nɛ,
bɛ̀ a din wɔ da zii mɛn la,
wɔ á re koe bɛ lɛ.
A giala,
a dí-pɛn lɛn man boe *Siɔn,
Dɛnaa Lawa a boo lɛ n
boe Zeruzalɛmu.
4 # Zow 3.10; Mis 4.3 A din nə die kiri-kuruli biɛ
tɔrɔn bii.
Á re tɔrɔ gigiã a waa kɔn
wole biɛ.
Ǹ ziabaa ǹ gɔya san kɛn,
ǹ tá re bɛn biɛ kán nànan lɛa.
Ǹ sɛ̀miɛ̃n kɛn,
ǹ tá re bɛn biɛ sɛǹ gɔyan lɛa.
Gánan ba re gɔya san goɛ
kɔn li doo wa,
min ba re n darɛɛ
ziabaa-a doo wa.
5Ka zii saa, Zakɔba a sumu
minin lɛn,
wɔ tɔ wɔ Dɛnaa Lawa a
wɔlɔ fúlu li!
Dɛnaa Lawa a lɛawaa
6Dɛnaa Lawa,
ma nə́ n la bɔ n zaman,
Zakɔba a sumu minin kɛn ganaa.
A giala kiwi lɛ pã ka wɔ-kulin ni,
boe lɛ̀giala-n,
ǹ nə́ la Filisiti minin wɔn manɛ.
N zaman lɛ n koɛ kun ka tiin ni.
7Gána lɛ piɛ̃maa-n ka sana nɛ,
wɔrɔ nɛ.
A naforo la yii ni.
A piɛ̃maa-n ka sùin ni,
a ziabaa ǹ wotoron nə́ la yii ni.
8Gána lɛ piɛ̃maa-n ka dìn ni,
minbuiin nɛ mànan mɛnɛn
zɛnaa ka a gɔn nɛ,
a mànan mɛnɛn zɛnaa
ka a din gòonən ne.
Min tumaa nə n musin
koɛ tán bɛn yɔrɔ-a,
ǹ nə́ ǹ guguru koe.
9Sìi á re minbuiin nɛ kuĩ,
minbuiin nɛ tumaa á re
n mìi kumii.
N nyan nə ǹ saa n nə ǹ da
lon wa Dɛnaa Lawa!
10 #
SNS 6.15; Tes2 1.9 Ka n duru gɛ̀fun bii,
ka wɔ tii li,
ń giɛ Dɛnaa Lawa a foo yoo
ka a gugurubaa a tɛ pɛ
kɛ nyan dɔ ka-a wa!
11Min mɛnɛn yii bɛ́ lon
bɛn tá re n mìi zumii.
Min mɛnɛn bɛ́ n dinin gole koe,
sìi á re bɛn kuĩ.
Bɛa pinaa kɛ nɛ,
Dɛnaa Lawa dinsɔɔ̃ n die
tɔ goleebaa yii.
12A giala,
a din lɛawaa mɛn bɔ á koa,
Dɛnaa Lawa Pàãyiidɛnaa á re
din gole-kɔlen kɛn
laanka din koa wolen kɛn mìi diɛ ǹ giulun.
13Á re yui Liban a
*sɛdrə da sɔsɔrɔn kɛn gialaa,
ka Basan a sɛni da sɔsɔrɔn kɛn nɛ,
14kɔnlɛ ka kele sɔsɔrɔn kɛn
laanka tenten dadaran kɛn nɛ.
15Á re yui sanabolo
sɔsɔrɔn kɛn gialaa,
ka kungɔn didimin kɛn nɛ.
16Mu la ǹ goon kɛn zii sɔsɔɔ
tɔ wɔ ǹ wɔn lɛa,
á re yui bɛn gialaa
ka ǹ mɛnɛn bɛ́ pii
màn giɔ̀mɔ kakaan goɛ.
17Min mɛnɛn yii bɛ́ lon
bɛn tá re n mìi zumii.
Min mɛnɛn bɛ́ n dinin gole koe,
sìi á re bɛn kuĩ.
Bɛa pinaa kɛ nɛ,
Dɛnaa Lawa dinsɔɔ̃ n die
tɔ goleebaa yii.
18Dìn kɛn tumaa á re papaɛ̃.
19Dɛnaa Lawa bɛ́ re yui
pin mɛn-a,
a nyɛɛ da tán tumaa ganaa,
ka á re kiɛ para yalan nɛ,
ka wɔ tii li,
ń giɛ Dɛnaa Lawa a foo-yoo,
laanka a gugurubaa a tɛ pɛ
kɛ nyan dɔ ka-a wa.
20Bɛa pinaa kɛ nɛ,
minin nə sana hinlaa wɔrɔ
dì nyínin mɛnɛn zɛnaa
ǹ nə́ n musin koa tán-a ǹ giulun,
ǹ tá re bɛn zuĩ kɛ́nɛn laanka
kion fònon giulun.
21Dɛnaa Lawa bɛ́ re yui
pin mɛnaa,
a nyɛɛ da tán tumaa ganaa,
ka á re kiɛ para yalan nɛ,
ka wɔ tii li,
ń giɛ Dɛnaa Lawa a foo-yoo,
laanka a gugurubaa a tɛ-pɛ
kɛ nyan dɔ ka-a wa.
22Ka nyan nə n foo doa
minbuiin nɛ ganaa wa!
Ǹ yiikoonaabaa n piɛ̃ lɛa.
Là ba a ganaa wa.
اکنون انتخاب شده:
Iza 2: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.
Iza 2
2
1Boon kɛn man Amɔsi a nɛgiĩ Izayii a sii yɛn lɛa Zudaa gána laanka Zeruzalɛmu kiwi wɔ paǹ li.
Tɔrɔ tumaa á re die Zeruzalɛmu
2Lɛawaa kɔn tá re doe
Dɛnaa Lawa a kion lɛ
bɛ́ kele mɛn la,
a mìi la á re liɛ
kelen tumaa wɔ nɛ,
á re goɛ̃ tentelen tumaa lalan.
Tɔrɔn tumaa á re yiɛ
ǹ wo walan girigiri.
3Gána gigiã á re zii siɛ,
bɛ̀ ǹ nə́ pii kɔn nɛ kɛnɛn:
Ka daa wɔ n tá wɔ dii
Dɛnaa Lawa a kele la,
wɔ wo Zakɔba a Lawa a kion.
A din tá re a zii lɛ a tɔ wɔ ǹ
gɔn nyɛɛ wɔ nɛ,
bɛ̀ a din wɔ da zii mɛn la,
wɔ á re koe bɛ lɛ.
A giala,
a dí-pɛn lɛn man boe *Siɔn,
Dɛnaa Lawa a boo lɛ n
boe Zeruzalɛmu.
4 # Zow 3.10; Mis 4.3 A din nə die kiri-kuruli biɛ
tɔrɔn bii.
Á re tɔrɔ gigiã a waa kɔn
wole biɛ.
Ǹ ziabaa ǹ gɔya san kɛn,
ǹ tá re bɛn biɛ kán nànan lɛa.
Ǹ sɛ̀miɛ̃n kɛn,
ǹ tá re bɛn biɛ sɛǹ gɔyan lɛa.
Gánan ba re gɔya san goɛ
kɔn li doo wa,
min ba re n darɛɛ
ziabaa-a doo wa.
5Ka zii saa, Zakɔba a sumu
minin lɛn,
wɔ tɔ wɔ Dɛnaa Lawa a
wɔlɔ fúlu li!
Dɛnaa Lawa a lɛawaa
6Dɛnaa Lawa,
ma nə́ n la bɔ n zaman,
Zakɔba a sumu minin kɛn ganaa.
A giala kiwi lɛ pã ka wɔ-kulin ni,
boe lɛ̀giala-n,
ǹ nə́ la Filisiti minin wɔn manɛ.
N zaman lɛ n koɛ kun ka tiin ni.
7Gána lɛ piɛ̃maa-n ka sana nɛ,
wɔrɔ nɛ.
A naforo la yii ni.
A piɛ̃maa-n ka sùin ni,
a ziabaa ǹ wotoron nə́ la yii ni.
8Gána lɛ piɛ̃maa-n ka dìn ni,
minbuiin nɛ mànan mɛnɛn
zɛnaa ka a gɔn nɛ,
a mànan mɛnɛn zɛnaa
ka a din gòonən ne.
Min tumaa nə n musin
koɛ tán bɛn yɔrɔ-a,
ǹ nə́ ǹ guguru koe.
9Sìi á re minbuiin nɛ kuĩ,
minbuiin nɛ tumaa á re
n mìi kumii.
N nyan nə ǹ saa n nə ǹ da
lon wa Dɛnaa Lawa!
10 #
SNS 6.15; Tes2 1.9 Ka n duru gɛ̀fun bii,
ka wɔ tii li,
ń giɛ Dɛnaa Lawa a foo yoo
ka a gugurubaa a tɛ pɛ
kɛ nyan dɔ ka-a wa!
11Min mɛnɛn yii bɛ́ lon
bɛn tá re n mìi zumii.
Min mɛnɛn bɛ́ n dinin gole koe,
sìi á re bɛn kuĩ.
Bɛa pinaa kɛ nɛ,
Dɛnaa Lawa dinsɔɔ̃ n die
tɔ goleebaa yii.
12A giala,
a din lɛawaa mɛn bɔ á koa,
Dɛnaa Lawa Pàãyiidɛnaa á re
din gole-kɔlen kɛn
laanka din koa wolen kɛn mìi diɛ ǹ giulun.
13Á re yui Liban a
*sɛdrə da sɔsɔrɔn kɛn gialaa,
ka Basan a sɛni da sɔsɔrɔn kɛn nɛ,
14kɔnlɛ ka kele sɔsɔrɔn kɛn
laanka tenten dadaran kɛn nɛ.
15Á re yui sanabolo
sɔsɔrɔn kɛn gialaa,
ka kungɔn didimin kɛn nɛ.
16Mu la ǹ goon kɛn zii sɔsɔɔ
tɔ wɔ ǹ wɔn lɛa,
á re yui bɛn gialaa
ka ǹ mɛnɛn bɛ́ pii
màn giɔ̀mɔ kakaan goɛ.
17Min mɛnɛn yii bɛ́ lon
bɛn tá re n mìi zumii.
Min mɛnɛn bɛ́ n dinin gole koe,
sìi á re bɛn kuĩ.
Bɛa pinaa kɛ nɛ,
Dɛnaa Lawa dinsɔɔ̃ n die
tɔ goleebaa yii.
18Dìn kɛn tumaa á re papaɛ̃.
19Dɛnaa Lawa bɛ́ re yui
pin mɛn-a,
a nyɛɛ da tán tumaa ganaa,
ka á re kiɛ para yalan nɛ,
ka wɔ tii li,
ń giɛ Dɛnaa Lawa a foo-yoo,
laanka a gugurubaa a tɛ pɛ
kɛ nyan dɔ ka-a wa.
20Bɛa pinaa kɛ nɛ,
minin nə sana hinlaa wɔrɔ
dì nyínin mɛnɛn zɛnaa
ǹ nə́ n musin koa tán-a ǹ giulun,
ǹ tá re bɛn zuĩ kɛ́nɛn laanka
kion fònon giulun.
21Dɛnaa Lawa bɛ́ re yui
pin mɛnaa,
a nyɛɛ da tán tumaa ganaa,
ka á re kiɛ para yalan nɛ,
ka wɔ tii li,
ń giɛ Dɛnaa Lawa a foo-yoo,
laanka a gugurubaa a tɛ-pɛ
kɛ nyan dɔ ka-a wa.
22Ka nyan nə n foo doa
minbuiin nɛ ganaa wa!
Ǹ yiikoonaabaa n piɛ̃ lɛa.
Là ba a ganaa wa.
San Bible Protestant Edition © Bible Society of Burkina Faso, 2011.