Oz 11
11
Lawa a foo ziziɛ̃ kɔn-narɛɛ gɔ́ɔ̃ nɛ
1 #
BBN 4.22; Mat 2.15 «Má Izirayeli narɛ bɛ̀ a bɛ́ tɔn nɛ ten lɛa
má maa nɛgiĩ bíi á bɔ Ezipti gána nɛ.
2Bɛ ǹ tá ǹ bíi,
maǹ woe sɔsɔɔ bɛa waáraa.
Ǹ nə́ goã wúlu boe Baalin ganaa,
ǹ nə́ da yon gìĩ kɔɔ̃n tiɛ̃ dìn ganaa.
3Ma din ni má gòã saa bibinaa
giala nyaa Efrayimu ni,
má gũ ma kolo-n,
a dɔ̃ mà ma tá asɛ tamiɛ̃ wa.
4Má kũ má mɔrɔ ma ganaa ka
foo basiɛ̃ nɛ,
a giala, kɔn narɛ wɔ doa kɔn.
A wɔ paǹ li man má goã ka min bɛ́
a nɛnyaan siɛ bɛ̀ a naa a pàã ganaa.
Man má goã n zumii
bɛ̀ ma màn-bii kɔ la.
5Izirayeli tɔrɔn lɛn ba re wusii
ǹ da Ezipti doo wa,
sɛnɛ Asiirii gána kɛ n die goɛ̃ ǹ mìi la,
a giala ǹ nə́ n piã
mà ǹ ba wusii ǹ da masɛ li wa.
6Zia a die wɛ̃ ǹ kiwin ni,
á re a kiwin lɛn tamaa ǹ
mànan tumaa ziziɛ̃,
zia á re ǹ bii ǹ sii wɔ kɔn-a
kɛ taman yii.
7Maa zaman lɛ gɔn nə tɔn paraa nɛ
ǹ piã ǹ siin lɛn ganaa.
Maǹ nə́ ǹ bii woe lon,
sɛnɛ ǹ kɔn ba yui wa.
Kɔn-narɛɛ a gɔ̀lɔ̀baa
8 #
TDP 29.23
Man siɛ lɔn man la bɔ n
ganaa Efrayimu,
ma n wɔ minin gɔn Izirayeli?
Man siɛ lɔn ma n baa ka Admaa
bɛ́ lɔn,
ma n baa ka Seboyimu á ke lɔn?
Ma yiri nə n lɔlɔkɔn,
n makara bɔ ma-a#11.8 Admaa laanka Seboyimu n kiwi màn paa lɛa kunu Sodɔmu ka Gomɔɔrɔ ganaa, ǹ nə́ bɔ̀n baa kunun ǹ ni..
9Boo giala nyɔmiɛ̃ ba re goɛ̃
maa foo-yoo-n wa,
ma a re wusii ma da Efrayimu
ziziɛ̃ wa.
A giala ma bie minbuiin lɛa wa.
Lawa n ka masɛ nɛ.
Nsɛ li Efrayimu,
Lawa sonbore n ka ma nɛ,
ma bie die maa foo-yoo nyɛɛ wa.»
10A nɛn tá re tɔ we
Dɛnaa Lawa kio,
asɛ áre lɛ biɛ ka yàra bɛ́ lɔn,
Á re lɛ biɛ sonbore!
Ǹ tá re n toɛ lɛ̀nyɛɛnɛ ǹ da ka baa nɛ,
ǹ gɔ̀nɔn nə́ bìn diɛ.
11Ǹ tá re n toɛ Ezipti gána nɛ
ǹ da ka baa nɛ,
ǹ gɔ̀nɔn nə́ bìn diɛ ka bàanan bɛ́ lɔn,
ǹ bɔ Asiirii gána nɛ ka kion
bàanan bɛ́ lɔn.
Ma á re ǹ kiɛ ǹ kionən ne.
Dɛnaa Lawa a da ǹ boo ne.
اکنون انتخاب شده:
Oz 11: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.