Oz 10
10
Izirayeli gána a gɔn nyɔmiɛ̃
1Izirayeli minin lɛn man nə́ goã
ka *rezɛ̃ da bɛ́ lɔn,
á n gùrùn nyɔmaa, á goã nɛ
gigiã koe.
A bɛ́ á goã nɛ gigiã koe lɔn,
ǹ dɔn man nə́ goã wúlu bɔ ǹ
bǎã gigiã doe miɛ̃.
Ǹ gána goã siĩn lɔn,
ǹ dɔn man nə́ goã ǹ tíĩn nyaǹ
koe miɛ̃.
2Sonbore a boe minin kɛn
gɔ́ɔ̃-n wa.
Sisia kəni, a dɔlɔ á re n boe
ǹ ganaa.
Dɛnaa Lawa dinmaa n die
ǹ wúlu bɔ ǹ bǎãn kɛn wurii.
A din nə die ǹ tíĩn kɛn yuyui.
3Sisia kəni, ǹ na a gialaa pii
mà ǹsɛn bɛ́ ǹ nyɛ́ɛ baa
Dɛnaa Lawa yii-n wa,
mà bɛ lɛ na á toa kii ba ǹsɛn
lon wa.
Sɛnɛ, ta kii dɔ din ni ǹsɛn lon pelo,
mà a n boe la a wàa mɛn bǐɛ̃ kɔ
ǹsɛn man doo?
4Boo n woe ǹ la.
Maǹ lɛ kɔn we kɔn la,
maǹ liɛ we soɛ la.
Ǹsɛn gɔn,
pepere-pɛ na á buu sèwòdɛnaa baa,
ka nyankɔrɔ bɛ́ lɔn kantian
bii ni wuru-n.
5Nyɛ́ɛ n Samarii minin kɛn ganaa
ka ǹ diin nɛ nyín kɛa sii ni,
Bɛti-Avɛn kiwi.
Zaman lɛ n wuu pii dì lɛ taman yii.
Min mɛnɛn bɛ́ n dinin biɛ
a wúlu-bɔlen lɛa,
bɛ́n man bìn diɛ a nyɛɛnɛ.
A giala a siĩnbaa lɛ woo sɔsɔɔ
ǹ ganaa.
6Diin nɛ nyín lɛ dɔ,
ǹ tá re woe a dɔ nɛ Asiirii
bǐɛ̃baa ǹ màn lɛa ǹ kɔ kii gole
kɛ la.
Á re sìi biɛ Efrayimu ganaa,
sìi á re Izirayeli kuĩ a doroo ǹ
boon kɛn lɛa.
7Samarii wɔ nya kɔnlɛ ka ǹ kii ni
a n die goɛ̃ ka gɔn mìi bɛ́ lɔn
mu tii n woe ni.
8 #
Luk 23.30; SNS 6.16 Ǹ wúlu bɔ ǹ bǎãn kɛn Avɛn
bɛ́n tá re ziziɛ̃,
Izirayeli sii baraa zɛnaa bǎã mɛn lɛ nɛ.
Buu laanka nyan tá re boe ǹ
wúlu bɔ ǹ bǎãn nɛ.
Ǹ tá re pii bɛa biikoo li kəni:
«Kelen lɛn, ka n kɔ wɔ lɛ!
Tentenen lɛn ka bɔ ka mɛ wɔ la!»
Izirayeli màn mɛn da, á re bɛ kuri
9 #
SYB 19.1-30
A saa Gibeya a lɛawaan
kɛn ganaa,
ń sii baraa zɛnaa Izirayeli,
n nə n giã ǹ gɔn bɔyaa wa.
Zia ke á yoo gɛ̀-dɛlen wɔ lɛa,
bɛ lɛn die n yiɛ Gibeya.
10Man die dɔlɔ boe n ganaa
ma foo yii li.
Tɔrɔ kɔsɔn tá re n soekɔn ǹ da
ka gialaa,
a giala
n tɔ nə n sii baraa màn paa kɛ lɛ
lɛ da wa.
11Efrayimu na á goã dii luu lɛa
daraa na a gɔ̀nɔn bɔ,
tɔ *belee nàn la n kɔɔ̃nɛ a ganaa,
ma bɛ́ má daa kiɛ̃ a yɔrɔ-a,
má a wìi a siĩnbaa kɛ yɛ,
má kána da a ganaa.
Man die zǔu diɛ Efrayimu ganaa
Zudaa n buu kɔsɛ,
Zakɔba sɛ n tii kɔlɔ nyuə ǹ fɔlɔ baɛ̃.
12 #
Zer 4.3
Bɛ̀ n tá min pepere lɛa,
n tá re bǐɛ̃ yii a dòo lɛa.
Ka sɔ́ dɛ,
a giala kaa bɔyaa a yɔrɔ dia
Dɛnaa Lawa la biikoo dɔ,
bɛa re peperebaa kiɛ ka la ka la bɛ́ lɔn.
13Sɛnɛ, ka n ka baraabaa kɔsɔ,
kaa kaa-piɛ na á goã ka mɛnaa
kɔn la nɛ.
Ń soɛ da nɛ bii.
Man nə́ n foo doa n pàã ganaa
n zia nɛn mɔnaabaa a lɛa.
14Bɛ lɛ nɛ,
bɔlɔ lɔlɔkɔn gole á re yui n
zaman lɛ bii,
ǹ tá re kaa duru ǹ bǎã kakan
kɛn tumaa ziziɛ̃
ka Bɛti-Arbeli á ke Salaman ziziɛ̃
zia pinaa lɔn,
bɛ̀ ǹ bɛ́ ǹ nə́ náa yɔyɔrɛ kɔnlɛ
ka a nɛnyaanan nɛ.
15Kaa baraabaa a la yii-n lɛ
na á toa
Betɛli kɛ zɛnaa ka nɛ.
Ǹ tá re kaa kii lɛ nyin boe lɛ̀ tiə ne.
اکنون انتخاب شده:
Oz 10: SBPE2011
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
San Bible Protestant Edition © Bible Society of Burkina Faso, 2011.