फिलिप्पियों 1
1
नमश्कार
1मसीह यीशु दे दास पौलुस ते तीमुथियुस थमां, सारें पवित्र लोकें दे नां जेड़े मसीह यीशु च न फिलिप्पी शैर च रौंदे न, कलीसिया दे अगबें ते सेवकें समेत।
2साड़े पिता परमेसर ते प्रभु यीशु मसीह थमां तुसेंगी क्रपा ते शान्ति मिलदी रवै।
शुक्रगुजारी ते कलीसिया लेई प्रार्थना
3आऊँ जेलै तुसेंगी याद करना ऐं, ओसलै अपने परमेसर दा शुक्र करना ऐं; 4ते जेसलै कदें थुआड़े सबनी लेई अर्ज करना ऐ, तां मेशा खुशी कन्ने अर्ज करना ऐ। 5एस लेई के तोस पैले देन थमां लेईयै अज्ज तकर यीशु मसीह दा शोभ समाचार फलाने च मेरे संगी रे ओ। 6मिकी एस गल्ल दा परोसा ऐ जेस परमेसर ने थुआड़े च छैल कम शुरू कित्ता ऐ, उवै उसी यीशु मसीह दे बापस औने दे देन तकर पूरा करग। 7बाजब ऐ, के आऊँ थुआड़े सारें आसतै इयै वचार करां, किके आऊँ थोड़े कन्ने बड़ा प्यार करना ऐं, ते मेरी कैद च ते शोभ समाचार आसतै जबाब ते सबूत देने च तोस सारे मेरे कन्ने क्रपा च शामल ओ। 8एस च परमेसर मेरा गवाह ऐ के आऊँ मसीह यीशु आला लेखा प्यार करियै थुआड़ी सारें दी खुआश करना ऐ। 9आऊँ ए प्रार्थना करना ऐं, के थुआड़े प्यार, ज्ञान ते सारे किसम दी अन्तर आत्मा कन्ने ओर बी बददा जा, 10इत्थैं तकर के तोस अच्छी कोलां अच्छी गल्लें दा ईर्ख रखो, ते मसीह दे देन तकर सच्चे बने रवो, ते ठोकर नेई खाओ; 11ते ओस तार्मिकता दे फल कन्ने जेड़े यीशु मसीह थमां ओदे न, परपुर ओदे जाओ जेस कन्ने परमेसर दी मैमा ते स्तुति ओंदी रवै।
कैदी आले साईं सेवा
12ए विश्वासी प्राओ, आऊँ चांना ऐ, के तोस ए जानी लियो के मेरे उपर जे केछ बितया ऐ, ओस कन्ने शोभ समाचार दी बढ़ोतरी गै ओई ऐ। 13इत्थैं तकर के कैसर दे राज मैल दी सारी पलटन ते बाकी सारें लोकें च ए परकट ओया ऐ के आऊँ मसीह आसतै कैदी आं; 14ते प्रभु च जेड़े प्रा न, उंदे बिचा जादै तर मेरे कैद ओनें दे कारन, इम्त रखियै, परमेसर दा वचन बिना डर दे सनाने दा ओर बी इम्त करदे न।
15केछ तां जलन ते लड़ाई दे कारन मसीह दा प्रचार करदे न ते केछ पली निति कन्ने। 16केई एक तां ए समझीयै के आऊँ शोभ समाचार आसतै जबाब देने आसतै रखया गीया ऐं, ओ प्यार कन्ने प्रचार करदे न। 17ते केई एक तां साफ मन कन्ने नेई लेकन वरोध कन्ने मसीह दी कथा सनांदे न, ए सोचीयै के मेरी कैद च मेरे आसतै कलेश पैदा करन। 18ते के ओया? सेर्फ ए, के अर चाली दे भानें कन्ने, पवें सच्चाई कन्ने, मसीह दी कथा सनाई जन्दी ऐ, ते आऊँ एस कन्ने खोश ऐं, ते खोश रौगा बी।
19किके आऊँ जानना ऐ के थुआड़ी अर्ज थमां, ते यीशु मसीह दी पवित्र आत्मा दे दान थमां, एस दा नतीजा, मेरा उद्धार ओग।
जिन्दा रौना मसीह ऐ
20आऊँ तां इयै पूरे मन कन्ने इच्छया ते आस रखना ऐं के आऊँ किसे बी गल्ल च शर्मिंदा नेई उआं, लेकन जियां मेरी पूरी इम्त दे कारन मसीह दी बड़ाई मेरी जिंदु थमां मेशा ओंदी रेई ऐ, उयांगै ऊन बी उवै, पवें आऊँ जिंदा रवां जां मरां। 21किके मेरे आसतै जिंदा रौना मसीह ऐ, ते मरी जाना फायदा ऐ। 22जेकर जिंदु च जिंदा रौना गै मेरी दे कम आसतै फायदे मंद ऐ, तां आऊँ नेई जानदा, के कुसी चुना। 23किके आऊँ दौनीं दे बछकार लटके दा ऐं; जी तां चांदा ऐ के जेंद त्यागीयै मसीह दे कोल जाई रवां, किके ए मता गै शैल ऐ, 24लेकन जिंदु च रौना थुआड़े कारन ओर बी जरुरी ऐ। 25ते एस आसतै के मिकी एस दा परोसा ऐ। आऊँ जानना ऐ के आऊँ जिंदा रौगा, बरना थुआड़े सबनी दे कन्ने रौगा, जेस कन्ने तोस सारे विश्वास च पक्के ओदे जाओ ते ओदे च खोश ओदे जाओ; 26ते जेड़ा कमंड तोस मेरे बारै च करदे ओ, मेरे पी थुआड़े कोल औने कन्ने मसीह यीशु च जेड़ा ओसने मेरे थमां कित्ता ऐ ओर बी मता बदी जा।
कोष्ट ते मसीह आसतै दोख चेलना
27सेर्फ इनां करो के थुआड़ा चाल-चलन मसीह दे शोभ समाचार दे काबल ओ के पवें आऊँ तुसेंगी आईयै दिखां, पवें नेई बी अवां, थुआड़े बारै च ए सुनां के तोस एक गै आत्मा च टिके दे ओ, ते एक मन ओईयै शोभ समाचार दे विश्वास आसतै मेंनत करदे रौंदे ओ, 28ते कुसे गल्ल च विरोधीयें थमां नेई डरदे। ए उन्दे आसतै नाश ओनें दा साफ़ चेन्न ऐ, लेकन थुआड़े आसतै मुक्ति दा, ते ए परमेसर थमां ऐ। 29किके मसीह दे कारन थुआड़े उपर ए क्रपा ओई के नां सेर्फ ओदे उपर विश्वास करो लेकन ओस आसतै दोख बी चेलो; 30ते तुसें उयांगै मसीही दी खातर कष्ट चलना ऐ, जियां तुसें मिकी कष्ट चेलदे दिखया ऐ, ते ऊन बी सुनदे ओ के आऊँ उयांगै करना ऐ।
اکنون انتخاب شده:
फिलिप्पियों 1: DOG
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This work is licensed under Creative Commons Attribution-ShareAlike 4.0 License.