1 पतरस 3
3
करेआलियाँ
1हे करेआलीयों, तुस बी अपने आदमी दे थलै रवो, तां करी कि जेकर इन्दे बिचा कोई ऐसे होन जेड़े वचन गी नेईं मनदे ओन, 2पी बी थुआड़े डर कन्ने पवित्र चलना-फिरने गी दिखियै बिना वचन दे अपनी-अपनी करेआली दे चलना-फिरने दे रहें खिंची जाए। 3थुआड़ा श्रंगार दिखावटी नां होए, मतलब बाल गूंथना, अते सोने दे गहने, या चली-चली दे कपड़े पाना, 4अते थुआड़ा छिपेया ओया अते गुप्त मनुक्ख, नम्रता अते मन दी दीनता दी अविनाशी सजावट कन्ने शैल रहे, कीहके परमेसर दी नजर च इदा मोल बड़ा ऐ। 5चडदीकाल च पवित्र जनानिया बी, जेहड़ा परमेसर उप्पर आस रखदी हे, अपने आप गी इस्से रीति कन्ने संवारती अते अपने-अपने आदमी दे थलै रोदी हे। 6जियां सारा अब्राहम दी उक्म च रेंदी अते उसै स्वामी बोल्दी हे। इस्से चली तुस बी जेकर पलाई करो अते कुसे चली दे डर कन्ने कवराहट नां होए, अते ओहदी बेटियाँ ठअरो गे।
कर आला
7इयां हे आदमियों, तुस बी बुद्धिमानी कन्ने करेअलीये दे कन्ने जीवन निर्वाह करो, अते जनानी गी कमजोर पात्र जानिऐ उदा आदर करो, ए समझीयै कि आसे दमै जीवन दे वरदान दे वारिस ऐ, जिदे कन्ने तुन्दी प्रार्थनाएं रुकी नां जान।
वरकत दे वारस ओनें दा वलावा
8आखर सारे दे सारे इक मन अते कृपामय अते पाईचारे अते प्यार रखने आले, अते करुणामय, अते नम्र बनो। 9बराई दे बदले बराई नेईं करो ते नां गाली दे बदले गाली देयो; लेकन विपरीत आशीष हे देयो, कीहके तुस आशीष दे वारिस होने दे लेई बलाए गे हो।
10कीहके “जेहड़ा कोई जीवन दी मेद रखदा ऐ, अते अच्छे धयारे दिखना चान्दा ऐ, ओह अपनी जिभ गी बराई करने, अते अपने बूल गी छल दी गल्ले करने च रोकी रने। 11ओह बराई दा साथ छोड़न, अते पलाई हे करन; ओह मेल मलाप गी तुपन, अते ओहदे यत्न च रौन। 12कीहके प्रभु दी अखां तर्मयों उप्पर लग्गी रौंदी, अते ओहदे कन उन्दे बिनती दी ओर लगे रैंदे न; लेकन प्रभु बराई करने आले दे खलाफ रौंदा ऐ।”
पलाई करने क्न्नें सताव
13जेकर तुस पलाई करने दे लेई लग्गे रोवो अते तुन्दी बराई करने आला पी कोन ऐ? 14जेकर तुस तर्म दे कारन दुःख बी उठाओ, अते तान हो; लेकन लोकें दे डराने तो नेईं डरो, अते नां कबराओ, 15लेकन मसीह गी प्रभु जानियै अपने-अपने मन च पवित्र समझो। जेहड़ा कोई तुस गी थुआड़े आस दे बारै च केछ पूछै, उसै जबाब देने दे लेई सदा तयार रवो, लेकन नम्रता अते डर दे कन्ने; 16अते अपना सोच बी शुद्ध रखो, तां करी कि जिन गल्ले दे बारै च तुन्दी बदनामी होंदी ऐ उन्दे बारै च ओह, जेहड़ा मसीह च थुआड़े अच्छे चलना-फिरने दा अपमान करदे न, टीठ होन। 17कीहके जेकर परमेसर दी ए मरजी होए कि तुस पलाई करने दे कारन दुःख चुको, अते ए बराई करने दे कारन दुःख चुकने च शैल ऐ।
मसीह दा दोख
18तां करी कि मसीह ने बी, मतलब अतर्मियों दे लेई तरमी ने, पापे दे कारन इक बार दुःख थौअलया, ताकि आसे परमेसर दे कोल पजाए; ओह जीद दे भाव कन्ने अते खत्म कित्ता गीया, लेकन आत्मा दे भाव कन्ने जिलाया गीया। 19ओहदे च ऊन जानियै कैदी आत्माये गी बी पाशन कित्ता, 20जिन्ने ओस बीअते पक्त च उक्म नां मनी, जदू परमेसर नूह दे धयारे च धीरज तरियै ठैरे या हे, अते ओह जहाज बना दा हे, जिदे च बैठीयै थोड़े लोक मतलब अट्ठ लोग पानी दे रहें बची गे। 21उसै पानी दा दष्टान्त बी, मतलब पवित्रशनांन, यीशु मसीह दे जी उठने दे रहें, हुन तुस गी बचांदा ऐ; एदे कन्ने जीद दे मैल गी दूर करने दा मतलब नेईं ऐ, लेकन शुद्ध जीवन कन्ने परमेसर दे वंश च ओई जाने दा मतलब ऐ। 22ओह सोर्ग उप्पर जाईयै परमेसर दी सजे पासे बेई गीया; अते सोर्गदूत अते अधिकारी अते शक्ति आले ओहदे थलै कीअते गे न।
اکنون انتخاب شده:
1 पतरस 3: DOG
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This work is licensed under Creative Commons Attribution-ShareAlike 4.0 License.