1 यूहन्ना 2
2
यीशु साड़ा मददगार
1ए मेरे प्यारे बच्चयो, आऊँ ए गल्लां तुसेंगी एस लेई लिखना ऐं, के तोस पाप नेई करो; ते जेकर कोई पाप करै, तां पिता परमेसर थमां साड़ा एक मददगार ऐ, मतलब यीशु मसीह जेड़ा तर्मी ऐ। 2ते उवै साड़े पापें दी जगै साड़े आसतै प्राशचत ओआ, ते सेर्फ साड़े गै नेई, मतलब सारी दुनिया दे पापें आसतै बी।
परमेसर दे उक्म
3जेकर अस ओसदे उक्म गी मनगे, तां एदे छा अस जानी लैगे के अस उसी जानी गेया। 4जेड़ा कोई ए आखदा ऐ, “आऊँ उसी जानी गीया ऐं,” ते ओदे उक्में गी नेई मनदा, ओ चुट्ठा ऐ; ते ओस च सच्चाई नेई। 5लेकन जेड़ा कोई परमेसर दे वचन गी मन्नें, ओदे च सचमुच परमेसर दा प्यार सेध ओया ऐ। असेंगी एस थमां पता चलदा ऐ, के अस ओदे च न; 6जेड़ा कोई ए आखदा ऐ, के आऊँ ओदे च बना रौना ऐं, उसी चाईदा ऐ के अप्पुं बी इयां गै जिए जियां यीशु मसीह जिंदा हां।
सबनी कन्ने प्रेम करो
7ए प्यारो, आऊँ तुसेंगी कोई नमां उक्म नेई लिखदा, लेकन ओ पुराना उक्म जेड़ा शुरू च तुसेंगी मिलया ऐ; ए पुराना उक्म ओ वचन ऐ, ओ वचन मतलब यीशु मसीह उपर जेड़ा विश्वास कित्ता हा। 8पी बी आऊँ तुसेंगी नमां उक्म नेई लिखदा ऐ, ते ए मसीह च ते थुआड़े च सच्चा लगदा ऐ; किके न्हेरा मिटदा जा दा ऐ ते सच्चाई दी लों ऊन चमकन लगी ऐ। 9लेकन जेड़ा कोई ए आखदा ऐ, के आऊँ लोई च चलना ऐं; ते अपने विश्वासी प्रा कन्ने बैर करदा दा ऐ, ओ ऊन तकर न्हेरे बेच गै रौंदा ऐ। 10जेड़ा कोई अपने प्रा कन्ने प्यार करदा ऐ, ओ लोई च रौंदा ऐ, ते ठोकर नेई खाई सकदा। 11लेकन जेड़ा कोई अपने प्रा कन्ने बैर करदा ऐ, ओ नेरे च ऐ, ते नेरे च चलदा ऐ, ते नेई जानदा के कुत्थें जा करदा ऐ, किके न्हेरे ने ओस दियां अखीयाँ अन्नीयां करी दितीयां न।
चिट्ठी लिखने दी बजा
12ए बच्चयो, आऊँ तुसेंगी एसकरी लिखना ऐं, के यीशु मसीह दे नां कन्ने थुआड़े पाप माफ़ ओए। 13ए पिताओ, आऊँ तुसेंगी एसकरी लिखना ऐं, के जेड़ा शुरू थमां ऐ, तोस उसी जांनदे ओ। ए जवानो, आऊँ तुसेंगी एसकरी लिखना ऐं, के तुसें ओस दुष्ट शतान उपर जय पाई दी ऐ; ए बच्चयो, आऊँ तुसेंगी एसकरी लिखना ऐं, के तोस पिता परमेसर गी जानी गेदे ओ। 14ए पिताओ, आऊँ तुसेंगी एसकरी लिखना ऐ, के जेड़ा शुरू थमां ऐ तोस उसी जानी गेदे ओ। ए जवानो, आऊँ तुसेंगी एसकरी लिखना ऐ, के तोस तकड़े ओ, ते परमेसर दा वचन थुआड़े च बना रौंदा ऐ, ते तुसें ओस दुष्ट शतान उपर जय पाई दी ऐ।
दुनिया दे लेई खबरदार
15तोस नां ते दुनिया कन्ने ते नां दुनिया दी चीजें कन्ने प्यार करो। जेकर कोई दुनिया कन्ने प्यार करदा ऐ, ते ओदे च पिता परमेसर दा प्यार नेई ऐ। 16किके जेड़ा केछ दुनिया च ऐ, मतलब जिंदु दी खुआश, ते अखीयाँ दी खुआश, ते कमंड दी खुआश, ऐ चीजां पिता परमेसर दी थमां नेई, लेकन दुनिया थमां न। 17दुनिया ते ओदीयां खुआशां दमै नाश ओदे जन्दे न, लेकन जेड़ा परमेसर दी मर्जी उपर चलदा ऐ, ओ मेशा बना रौग।
खीरी बेलै दे तोखे
18ए बच्च्यो, ए खीरी दा बेला ऐ, ते जियां तुसें सुनया ऐ, के मसीह दा वरोधी औने आला ऐ, ओदे आला लेखा ऊन बी मते मसीह वरोधी उठी खडोते न; एदे थमां अस जानदे न, के ए खीरी दा बेला ऐ। 19मसीह दा वरोध करने आले निकले तां साड़े बिचा गै न, लेकन साड़े बिचा नेई हे; उनै कलीसिया गी छुड़ी दिता, एसकरी, किके जेकर ओ साड़े बिचा ओदे, तां साड़े कन्ने रौंदे; लेकन निकली तां एसकरी गै के ए परकट उवै, के ओ सब साड़े बिचा नेई ऐंन। 20ते थुआड़ा तां ओस पवित्र थमां अभिषेक ओया ऐ, ते तोस सारी सच्चाई जांनदे ओ। 21मैं तुसेंगी एसकरी नेई लिखया, के तोस सच्चाई गी नेई जांनदे, लेकन एसकरी के उसी जांनदे ओ, एसकरी के कोई चुठे, सच्चाई थमां नेई। 22चुट्ठा कोन ऐ? ओ, जेड़ा यीशु दे मसीह ओनें दा एन्कार करदा ऐ; ते मसीह दा वरोधी उवै गै, जेड़ा पिता परमेसर दा ते पुत्तर दा एन्कार करदा ऐ। 23जेड़ा कोई पुत्तर दा एन्कार करदा ऐ ओदे कोल पिता परमेसर बी नेई जेड़ा पुत्तर गी मनी लेनदा ऐ, ओदे कोल पिता परमेसर बी ऐ। 24जे केछ तुसें शुरू थमां सुनया ऐ उवै थुआड़े च बना रवै जेड़ा तुसें शुरू थमां सुनया ऐ, जेकर ओ थुआड़े च बना रवै, तां तोस बी पुत्तर च, ते पिता परमेसर च बने रौगे।
मेशा दी जिंदड़ी दा बायदा
25ते जेसदा परमेसर ने साड़े कन्ने बायदा कित्ता ओ असेंगी मेशा दी जिंदड़ी दिंदा ऐ।
26मैं ए गल्लां तुसेंगी उन्दे बारै च लिखीयां न, जेड़े तुसेंगी गलत शिखया कन्ने पुआँदे न; 27लेकन थुआड़ा ओ अभिषेक, जेड़ा प्रभु यीशु मसीह थमां कित्ता गीया, थुआड़े च बना रौंदा ऐ; ते तुसेंगी एदी लोड नेई के कोई तुसेंगी सिखा, लेकन जियां ओ अभिषेक जेड़ा ओस थमां कित्ता गीया तुसेंगी सब गल्लां सखांदा ऐ, ते ए सच्चा ऐ, ते चुट्ठा नेई; ते जियां ओसने तुसेंगी सखाया ऐ इयां गै तोस ओदे च बने रौंदे ओ।
परमेसर दी औलाद
28ए बच्च्यो, मसीह च बने दे रवो, के जेसलै ओ परकट ओग, तां असेंगी इम्त थूवै, ते अस ओदे औने उपर शर्मिदा नेई ओचै। 29जेकर तोस जांनदे ओ, के मसीह तर्मी ऐ, तां एबी जांनदे ओ, के जेड़ा कोई तर्म दा कम करदा ऐ, ओ परमेसर दा बच्चा ऐ।
اکنون انتخاب شده:
1 यूहन्ना 2: DOG
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This work is licensed under Creative Commons Attribution-ShareAlike 4.0 License.