ZAKARIA 5
5
Malolo khu Shitabu Shiapulukhanga
1Naheenza khandi nindola imbeli wanje shitabu ni shipulukhanga mu vushindu! 2Injelosi yeneyo yandeva, “Ni shindu shina shiulolanga?” Nachipa, “Ndoli shitabu ni shipulukhanga; shili nu vuraambi vwi tsimita 9 nende vukalamu tsimita 4.5.”
3Nalwo lwa yambolela, “Shitabu yishi shiahandikwamu shilaamo shilitsa khukwila shindu shiosi khulilova; shichila shihuuvi shiosi shilitsa khutivitswa khuli kahandikwa khuluveka lulala. Mundu wisuuhanga khuvirila munjila yu vuvehi, aliitsa khutivitswa khuli kahandikwa khuveka lundi. 4Mwami Nyasaye wi Mikaanda Chiliihe uvooli aliitsa khuruma shilaamo shienesho. Shiliitsa khukwila shia inzu yosi yi shihuuvi, khandi shia inzu yu mundu wisuuhanga khuvirila munjila yu vuvehi narumishilanga lira lielie. Shilaamo shienesho shiliitsa khurikala mu tsinzu tsienetso, khutukha lwa tsiliitsa khusambukha tsiosi, khali tsimbaho nende machina.”
Malolo khu Mukhali wali mu Muhinda
5Injelosi yali nilomolome khwinzi yalolekha imbeli, nimbolela, “Chinguula ikulu tsimoni tsiotsio, ulole ni shindu shina shilolekhanga mu malesi?” 6Nalwo lwa nachireeva, “Ni shindu shina shienesho?”
Yanjipa, “Ni shikabu shilimu nu vwoni vwa vandu voosi khulilova.”
7Shikhunikho shi shikabu shienesho shiali shialombwa khu lisaasi. Lwa vakhunuula mu shikabu shienesho, liu khuchenyinya nalola mukhali niyikhalemu!
8Nalwo lwa Injelosi yavoola, “Mukhali uyu asinjililanga vutamanu.” Injelosi yeneyo yamulukura mu shikabu shienesho, ni mukhunishilamu. 9Naheenza ikulu, nindola vandu vakhali vavili nivitsanga imbeli wanje! Valolekhanga khuli vali ni tsimbaha ni tsivambukhi khuli tsi linyonyi liliitsanga tsisutsi. Vachinga ikulu shikabu shienesho hakari hi likulu nende lilova.
10Nalwo lwa nareeva injelosi yali nilomolome khwinzi yeneyo, “Ni hena ha vahilanga shikabu shia vachinji yeshio?”
11Yambolela, “Vashihilanga mu shivala shia Babilonia, khutsia khushivikha mu litempeli. Nivamali khumbakha vuyia litempeli lienelo, valiitsa khuvikha mulio shikabu shienesho, vandu valisaala khushio.”
اکنون انتخاب شده:
ZAKARIA 5: LLLPRO
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society of Kenya, 2013
ZAKARIA 5
5
Malolo khu Shitabu Shiapulukhanga
1Naheenza khandi nindola imbeli wanje shitabu ni shipulukhanga mu vushindu! 2Injelosi yeneyo yandeva, “Ni shindu shina shiulolanga?” Nachipa, “Ndoli shitabu ni shipulukhanga; shili nu vuraambi vwi tsimita 9 nende vukalamu tsimita 4.5.”
3Nalwo lwa yambolela, “Shitabu yishi shiahandikwamu shilaamo shilitsa khukwila shindu shiosi khulilova; shichila shihuuvi shiosi shilitsa khutivitswa khuli kahandikwa khuluveka lulala. Mundu wisuuhanga khuvirila munjila yu vuvehi, aliitsa khutivitswa khuli kahandikwa khuveka lundi. 4Mwami Nyasaye wi Mikaanda Chiliihe uvooli aliitsa khuruma shilaamo shienesho. Shiliitsa khukwila shia inzu yosi yi shihuuvi, khandi shia inzu yu mundu wisuuhanga khuvirila munjila yu vuvehi narumishilanga lira lielie. Shilaamo shienesho shiliitsa khurikala mu tsinzu tsienetso, khutukha lwa tsiliitsa khusambukha tsiosi, khali tsimbaho nende machina.”
Malolo khu Mukhali wali mu Muhinda
5Injelosi yali nilomolome khwinzi yalolekha imbeli, nimbolela, “Chinguula ikulu tsimoni tsiotsio, ulole ni shindu shina shilolekhanga mu malesi?” 6Nalwo lwa nachireeva, “Ni shindu shina shienesho?”
Yanjipa, “Ni shikabu shilimu nu vwoni vwa vandu voosi khulilova.”
7Shikhunikho shi shikabu shienesho shiali shialombwa khu lisaasi. Lwa vakhunuula mu shikabu shienesho, liu khuchenyinya nalola mukhali niyikhalemu!
8Nalwo lwa Injelosi yavoola, “Mukhali uyu asinjililanga vutamanu.” Injelosi yeneyo yamulukura mu shikabu shienesho, ni mukhunishilamu. 9Naheenza ikulu, nindola vandu vakhali vavili nivitsanga imbeli wanje! Valolekhanga khuli vali ni tsimbaha ni tsivambukhi khuli tsi linyonyi liliitsanga tsisutsi. Vachinga ikulu shikabu shienesho hakari hi likulu nende lilova.
10Nalwo lwa nareeva injelosi yali nilomolome khwinzi yeneyo, “Ni hena ha vahilanga shikabu shia vachinji yeshio?”
11Yambolela, “Vashihilanga mu shivala shia Babilonia, khutsia khushivikha mu litempeli. Nivamali khumbakha vuyia litempeli lienelo, valiitsa khuvikha mulio shikabu shienesho, vandu valisaala khushio.”
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society of Kenya, 2013