Roma 2
2
At Allah en aphwami wene enebam pasulat, no’gorliselat, hegitsogo tiso wene
1 #
Mat. 7:1; Luk. 6:37 Ai holuk e, his narilak norokhwi yu. Wene is pema nak enebam pogularat de, his honu’gwarek henebam no’gorlu mia o. Asogo wene is pema nak enebam pogulat e, his ogo is enemin hegirat togu legep yema re! Honu’gwarek en wene henebam modok pagathorlogu legep o. 2Aphwami enebabut asogo togwi a’ge, Allah en wene enebam hegitsogoat pasu, oluk nenaluk o. 3His narilak norokhwi yu. His en, is logon wiak togumu wene enebam pogulat e, honu’gwarek ogo re, is togwi ’gela’geat enemin hegirat togu legep yema re! His honogola en e,
“Allah en wene nenebam po erlakma en uknonobouwa,” oluk opogu legep a? Erlak o. Wene henebam pou wayat o.
4“At Allah ebabut op modok, enago lioktak o,” oluk, honogola mi-miarak pogu legep a? His honogola en e,
“Allah ebabut op en nis wiak togu lege a’ge ukpoluk nenebabut heberlemagoluk, nonogola ’gagaliso yo,” oluk e, heneperlak no? Henalugat o. 5-6#Mzm. 62:12; Ams. 24:12Eniak hologo henebabut heberlu puk yema re! O ologun pam Allah olot het emarik e, aphwami enebe lo’bok enebabut togwi hegitsogoat, selakma enat wene enebam pasulat, no’gorliselat, tua ai erlige, his wene henebam pou wagoluk honu’gwarek en wene henebam pogwi modok welegep yema re! 7At Allah en e, is aphwami pema en enebe erligonobogwi a’ge emin, hau do’goksogo waronobogwi a’ge emin, muk ago erlak a’ge emin, eiye omogoluk enepe mosogo welat enebabut hegitsogo togwi a’ge, enebe enelaluk modok welemagoluk tagonobouwa o. 8Asogo a’geat de, is aphwami pema en onu’gwarek paget nak togulat e, dem wene ogwiam enesa’go hwelak poluk tu pukmu en ukpoluk, wiak wene nak enesa’go hologo togwi a’ge ai, Allah olot het-’bet oluk wene loksogo enebam pouwa o. 9-11#Ula. 10:17At Allah re, aphwami enagap pam nak il ontoluk, mesik olukhwema pasulat, mesik o’borloma pasulat, tago erlak ai en e, is aphwami logon enebabut wiak togwi modok welagai a’ge enebe lo’bok e, nonouk togulat di obotut yu obotut houwagoluk tagonobouwa o. A’geat de, is aphwami logon enebabut op togulat welagai a’ge enebe lo’bok e, enebe erligonobogwi a’ge emin, hau do’goksogo waronobogwi a’ge emin, enede ha’buksogo welagai a’ge emin, wogontouwa o. Asogo tagonobouwa ai re, is naduk a’ge ’gela’ge Yahudi a’ge emin, pobuk a’ge ’gela’ge, Yunani a’ge ena’gul onuk lo’bok logon emin, eneminat, hegitsogo nak tagonobouwa o.
12Is aphwami o’borl o’gwe a’ge wene Allah en nenesa’go weregei wene ano eneperlak welat wiak togumu no oluk e, wene ai eneperlak welat nalema o. A’geat de, is aphwami Yahudi a’ge wene ai enaluk welat wiak togumu no oluk e, wene ai en enemdema wokho wene enebam pouwa o. 13Wene Allah en nenesa’go weregei wene ano enaluk ai en, wene enebam a’ge no’gorlogo wokhasu erlak o. We, wene ebe nenesa’go werige a’ge hegitsogo togwi a’ge holugat, wene enebam a’ge no’gorlogo wokhasu o. 14Is aphwami o’borl o’gwe a’ge wene Allah en nenesa’go weregei a’ge ano eneperlak a’geat de, wene ebe egei a’ge hegitsogo togwi ai en, onu’gwarek onogola wene nenesa’go weregei wene ai ’gela’geat oruak o. 15-16Wene ai enedemu pelal wogo ’gela’ge oruak oluk, is enebabut togwi a’ge pam enagat oruak o. Asogo oruakma no oluk e, pobuk o ologun pam Allah en Yesus Kristus yo’go pasuam, at en aphwami onogola di wene yu wene hisogo welago a’ge ai ’berlegat ’baksogo wene enebam pasulat, no’gorliselat, tisokhwe, is onu’gwarek onogola wenemennei eberogulat,
“An demat wiak tegismu o,” oluk wene enebam pagathorlogulat,
“Erlak, an op tegismu o,” oluk wene enebam a’ge no’gorlogulat, tua o, oluk wene op wene ano pam egeimu, an en mo’gulhentegis ebano re.
“Aphwami Yahudi demat Yahudi a’ge salak no,” oluk mo’gulentesi wene
17Asogo a’geat de, his en e,
“Nis nenebe Yahudi demat Yahudi a’ge o,” oluk ogulat, henede wene Allah en nenesa’go weregei wene ano pam he’berik welat,
“Allah ai nis nenaik o,” oluk erliktogu legep yema re! 18His en e,
“Allah ogola en e,
Disogo tuak, asogo tuak, oluk ogola epasu ai nenalukmu re,
Ai op, ai wiak, oluk Allah en nenesa’go weregei wene pobirak poluk en hegitsogo tu o,” oluk pobi togu legep ai o. 19His en e,
“Aphwami enil hopnik a’ge nis en ene’gik tenakho elirat wogonoboluk lo yo. Ye, nenebe esaga ’gwielak ’gela’geatma re, aphwami o hiktakma welagai a’ge ai elirat ’gwielak onobo yo. 20Ye, wene Allah en nenesa’go weregei wene ano nis en tenak welegerikmu re, di wene yu wene nenaluk welat wene demat a’ge nak mo’gulontogu lege ai en e, aphwami enede ebis a’ge mo’gulontogulat, malik wei a’ge wene mo’gulontogulat, elirat tu o,” oluk ogu legep ai. 21Asogo is aphwami logon mo’gulontogularat de, his honu’gwarek mo’gulogu legep erlak yema re! His en ogulat e,
“Yogot wagup,” oluk is logon mo’gulontogularat de, his honu’gwarek yogot wogu legep yema re!
22“Hwami yogunat tenentagup o,” oluk mo’gulontogularat de, his honu’gwarek en hwami tenontogu legep yema re!
“Dogwi asua ogut de, werik a’ge ai modok nebit e,” oluk ogularat de, di a’ge yu a’ge dogwi asua owi pam oruakma yogorlia wogu legep yema re!
23“Wene Allah en nenesa’go weregei wene at Musa en mo’gulnentesi a’ge wene ano an naluk o,” oluk ogularat de, wene ai ukpoluk wiak togwiam, is pema en Allah onuk ogulat e, obok wiak ogwi ai, his en Allah onuk wiagap pogu legep yema re! 24#Yes. 52:5His en togu legep ai paget, Allah iak pelal disogo wogo oruak,
“His henebabut asogo togup ano pam
is aphwami o’borl o’gwe a’ge en,
Allah onuk ogulat, obok wiak ogu lemayat o,”
oluk egeimu wene pelal wokho pegesa hegitsogoat togu legep o.
25His e, wene Allah en nenesa’go weregei wene ano hwelak poluk togu legep holuk e, henagap hene’gerlimu a’ge ’baligep ai re, op modok u o. A’geat de, wene ai hologo togwi erlak holuk e, henagap ’balogu legep ai almasogo ’balogu legep ai en e, ’belak erlak a’ge ’gela’geat welegep o. 26Ye, is aphwami logon enagap ene’gerlimu a’ge ’belak erlak welat, wene Allah en nenesa’go weregei wene ano hologo togwi holuk e, at Allah en e, enagap ene’gerlimu a’ge ’belak erlak a’geat de, ’belak a’ge ’gela’ge ua erlak no? ’Belak a’ge ’gela’geat ua o. 27Ye, his Yahudi a’ge, wene Allah en nenesa’go weregei wene ano his eiye welat, henagap hene’gerlimu a’ge ’balogu legep a’geat de, wene ano hologo togwi erlak, sagalogo ukpoluk wiak togu legep ai en, aphwami logon enagap ene’gerlimu a’ge ’belak erlak a’geat de, wene Allah en nenesa’go weregei wene ai hegitsogo togwi ai nak e, is en wene his henebam pouwa o. 28Aphwami Yahudi demat Yahudi a’ge ai ebe re, selakma a’ge ai puk. Ye, enagap ene’gerlimu a’ge ’balogwi ai ebe re, enagap ene’gerlimu a’ge ’belak ai pugat o. 29#Ula. 30:6Aphwami Yahudi demat Yahudi a’geat de,
“An nebe Yahudi a’ge nagap ne’gerlimu a’ge ’belak welegi o,” oluk suesi’ga pam pelal wokho pogwi ai paget puk. Erlak o. We, enagap ’belak ebe demat a’ge re, enagap ene’gerlimu a’ge ’balu ’gela’ge, Allah Arogun en enedemu a’ge degelogo lebikpasu aiat o. Aphwami enedemu asogo degelak oruak holuk e, aphwami logon en erligonobogwi puk. We, at Allah enat erligenebiso yo.
اکنون انتخاب شده:
Roma 2: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Roma 2
2
At Allah en aphwami wene enebam pasulat, no’gorliselat, hegitsogo tiso wene
1 #
Mat. 7:1; Luk. 6:37 Ai holuk e, his narilak norokhwi yu. Wene is pema nak enebam pogularat de, his honu’gwarek henebam no’gorlu mia o. Asogo wene is pema nak enebam pogulat e, his ogo is enemin hegirat togu legep yema re! Honu’gwarek en wene henebam modok pagathorlogu legep o. 2Aphwami enebabut asogo togwi a’ge, Allah en wene enebam hegitsogoat pasu, oluk nenaluk o. 3His narilak norokhwi yu. His en, is logon wiak togumu wene enebam pogulat e, honu’gwarek ogo re, is togwi ’gela’geat enemin hegirat togu legep yema re! His honogola en e,
“Allah en wene nenebam po erlakma en uknonobouwa,” oluk opogu legep a? Erlak o. Wene henebam pou wayat o.
4“At Allah ebabut op modok, enago lioktak o,” oluk, honogola mi-miarak pogu legep a? His honogola en e,
“Allah ebabut op en nis wiak togu lege a’ge ukpoluk nenebabut heberlemagoluk, nonogola ’gagaliso yo,” oluk e, heneperlak no? Henalugat o. 5-6#Mzm. 62:12; Ams. 24:12Eniak hologo henebabut heberlu puk yema re! O ologun pam Allah olot het emarik e, aphwami enebe lo’bok enebabut togwi hegitsogoat, selakma enat wene enebam pasulat, no’gorliselat, tua ai erlige, his wene henebam pou wagoluk honu’gwarek en wene henebam pogwi modok welegep yema re! 7At Allah en e, is aphwami pema en enebe erligonobogwi a’ge emin, hau do’goksogo waronobogwi a’ge emin, muk ago erlak a’ge emin, eiye omogoluk enepe mosogo welat enebabut hegitsogo togwi a’ge, enebe enelaluk modok welemagoluk tagonobouwa o. 8Asogo a’geat de, is aphwami pema en onu’gwarek paget nak togulat e, dem wene ogwiam enesa’go hwelak poluk tu pukmu en ukpoluk, wiak wene nak enesa’go hologo togwi a’ge ai, Allah olot het-’bet oluk wene loksogo enebam pouwa o. 9-11#Ula. 10:17At Allah re, aphwami enagap pam nak il ontoluk, mesik olukhwema pasulat, mesik o’borloma pasulat, tago erlak ai en e, is aphwami logon enebabut wiak togwi modok welagai a’ge enebe lo’bok e, nonouk togulat di obotut yu obotut houwagoluk tagonobouwa o. A’geat de, is aphwami logon enebabut op togulat welagai a’ge enebe lo’bok e, enebe erligonobogwi a’ge emin, hau do’goksogo waronobogwi a’ge emin, enede ha’buksogo welagai a’ge emin, wogontouwa o. Asogo tagonobouwa ai re, is naduk a’ge ’gela’ge Yahudi a’ge emin, pobuk a’ge ’gela’ge, Yunani a’ge ena’gul onuk lo’bok logon emin, eneminat, hegitsogo nak tagonobouwa o.
12Is aphwami o’borl o’gwe a’ge wene Allah en nenesa’go weregei wene ano eneperlak welat wiak togumu no oluk e, wene ai eneperlak welat nalema o. A’geat de, is aphwami Yahudi a’ge wene ai enaluk welat wiak togumu no oluk e, wene ai en enemdema wokho wene enebam pouwa o. 13Wene Allah en nenesa’go weregei wene ano enaluk ai en, wene enebam a’ge no’gorlogo wokhasu erlak o. We, wene ebe nenesa’go werige a’ge hegitsogo togwi a’ge holugat, wene enebam a’ge no’gorlogo wokhasu o. 14Is aphwami o’borl o’gwe a’ge wene Allah en nenesa’go weregei a’ge ano eneperlak a’geat de, wene ebe egei a’ge hegitsogo togwi ai en, onu’gwarek onogola wene nenesa’go weregei wene ai ’gela’geat oruak o. 15-16Wene ai enedemu pelal wogo ’gela’ge oruak oluk, is enebabut togwi a’ge pam enagat oruak o. Asogo oruakma no oluk e, pobuk o ologun pam Allah en Yesus Kristus yo’go pasuam, at en aphwami onogola di wene yu wene hisogo welago a’ge ai ’berlegat ’baksogo wene enebam pasulat, no’gorliselat, tisokhwe, is onu’gwarek onogola wenemennei eberogulat,
“An demat wiak tegismu o,” oluk wene enebam pagathorlogulat,
“Erlak, an op tegismu o,” oluk wene enebam a’ge no’gorlogulat, tua o, oluk wene op wene ano pam egeimu, an en mo’gulhentegis ebano re.
“Aphwami Yahudi demat Yahudi a’ge salak no,” oluk mo’gulentesi wene
17Asogo a’geat de, his en e,
“Nis nenebe Yahudi demat Yahudi a’ge o,” oluk ogulat, henede wene Allah en nenesa’go weregei wene ano pam he’berik welat,
“Allah ai nis nenaik o,” oluk erliktogu legep yema re! 18His en e,
“Allah ogola en e,
Disogo tuak, asogo tuak, oluk ogola epasu ai nenalukmu re,
Ai op, ai wiak, oluk Allah en nenesa’go weregei wene pobirak poluk en hegitsogo tu o,” oluk pobi togu legep ai o. 19His en e,
“Aphwami enil hopnik a’ge nis en ene’gik tenakho elirat wogonoboluk lo yo. Ye, nenebe esaga ’gwielak ’gela’geatma re, aphwami o hiktakma welagai a’ge ai elirat ’gwielak onobo yo. 20Ye, wene Allah en nenesa’go weregei wene ano nis en tenak welegerikmu re, di wene yu wene nenaluk welat wene demat a’ge nak mo’gulontogu lege ai en e, aphwami enede ebis a’ge mo’gulontogulat, malik wei a’ge wene mo’gulontogulat, elirat tu o,” oluk ogu legep ai. 21Asogo is aphwami logon mo’gulontogularat de, his honu’gwarek mo’gulogu legep erlak yema re! His en ogulat e,
“Yogot wagup,” oluk is logon mo’gulontogularat de, his honu’gwarek yogot wogu legep yema re!
22“Hwami yogunat tenentagup o,” oluk mo’gulontogularat de, his honu’gwarek en hwami tenontogu legep yema re!
“Dogwi asua ogut de, werik a’ge ai modok nebit e,” oluk ogularat de, di a’ge yu a’ge dogwi asua owi pam oruakma yogorlia wogu legep yema re!
23“Wene Allah en nenesa’go weregei wene at Musa en mo’gulnentesi a’ge wene ano an naluk o,” oluk ogularat de, wene ai ukpoluk wiak togwiam, is pema en Allah onuk ogulat e, obok wiak ogwi ai, his en Allah onuk wiagap pogu legep yema re! 24#Yes. 52:5His en togu legep ai paget, Allah iak pelal disogo wogo oruak,
“His henebabut asogo togup ano pam
is aphwami o’borl o’gwe a’ge en,
Allah onuk ogulat, obok wiak ogu lemayat o,”
oluk egeimu wene pelal wokho pegesa hegitsogoat togu legep o.
25His e, wene Allah en nenesa’go weregei wene ano hwelak poluk togu legep holuk e, henagap hene’gerlimu a’ge ’baligep ai re, op modok u o. A’geat de, wene ai hologo togwi erlak holuk e, henagap ’balogu legep ai almasogo ’balogu legep ai en e, ’belak erlak a’ge ’gela’geat welegep o. 26Ye, is aphwami logon enagap ene’gerlimu a’ge ’belak erlak welat, wene Allah en nenesa’go weregei wene ano hologo togwi holuk e, at Allah en e, enagap ene’gerlimu a’ge ’belak erlak a’geat de, ’belak a’ge ’gela’ge ua erlak no? ’Belak a’ge ’gela’geat ua o. 27Ye, his Yahudi a’ge, wene Allah en nenesa’go weregei wene ano his eiye welat, henagap hene’gerlimu a’ge ’balogu legep a’geat de, wene ano hologo togwi erlak, sagalogo ukpoluk wiak togu legep ai en, aphwami logon enagap ene’gerlimu a’ge ’belak erlak a’geat de, wene Allah en nenesa’go weregei wene ai hegitsogo togwi ai nak e, is en wene his henebam pouwa o. 28Aphwami Yahudi demat Yahudi a’ge ai ebe re, selakma a’ge ai puk. Ye, enagap ene’gerlimu a’ge ’balogwi ai ebe re, enagap ene’gerlimu a’ge ’belak ai pugat o. 29#Ula. 30:6Aphwami Yahudi demat Yahudi a’geat de,
“An nebe Yahudi a’ge nagap ne’gerlimu a’ge ’belak welegi o,” oluk suesi’ga pam pelal wokho pogwi ai paget puk. Erlak o. We, enagap ’belak ebe demat a’ge re, enagap ene’gerlimu a’ge ’balu ’gela’ge, Allah Arogun en enedemu a’ge degelogo lebikpasu aiat o. Aphwami enedemu asogo degelak oruak holuk e, aphwami logon en erligonobogwi puk. We, at Allah enat erligenebiso yo.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید