Roma 16
16
Paulus en is aphwami Roma a’ge logon enebe lo’bok hau warenebegei wene
1Hwe nenerei onuk Febe ai ebe henaluksogo mo’gulhentaik. At ebabut opma re, Allah eiyagai o Kengkrea a’ge lerentasu a’ge hene’bek waga ai, 2his nonue ’gain Onuk Logo a’ge emin hwedik welat, Allah eiyagai en wo hegitsogoat, at ebe wagup en mo’gulhentegis o. At en a’ge di a’ge yu a’ge erlak holuk e, his en a’ge logon wogogu lomup o. At en e, aphwami a’bigat lerentasulat, an nebe emin letniasulat, taga lagarikmu re, his en at ebe womup o.
3 #
Per. 18:2
Ye, mesik e, hwe Priskila ogun Akwila e’birek emin Kristus Yesus paget togu legerik wegesa a’ge eriano Paulus en hau wathenebegei oluk mo’gulontomup o. 4Is an delnobuogoluk lagaimu, warenebelip ai re,
“Nede o,” oluk an en nak hau warenebise legi puk. Is aphwami Allah eiyagai o’borl o’gwe a’ge emin, enebe ’berlegat enemin enat hau waronobogu lege o. 5Allah eiyagai is Priskila Akwila e’birek onowi pam odoktogwi a’ge eneminat,
“Paulus lak en hau wathenebigisa o,” oluk mo’gulontomubat o. Ye, mesik e, ap Epenetus nede hwedik a’ge ai,
“At en hau wathebegei o,” oluk mo’gulomubat o. O Asia etleba re, at ai naduk ede Kristus ebam he’berik pesimu en de, is pema pobuk he’berik pegesa ani o. 6Hwe Maria his henebaget set a’bik taga laga ano,
“At en hau wathebegei o,” oluk mo’gulomubat o. 7At Andronikus, Yunias e’birek,
“At en hau wathenebegei o,” oluk mo’gulontomubat o. Is e, an nemin nena’gul mesigat a’ge nene’gik herle nemin werak welegerigat o. Ye, aphwami a’bigat ’gela’ge Kristus en yo’go onoboluk peragonobou waga a’geat de, ononuk oruak a’ge ’gela’ge re, isat o. Is naduk enede Kristus ebam he’berik pegesarikmu en de, an pobuk he’berik pegi. 8Ye, mesik e, an nare Ampliatus ne’birek nonue ’gain Onuk Logo a’ge emin hwedik welege ai en, ebe nede o.
“At en hau wathebegei,” oluk mo’gulomubat o. 9At Urbanus ai eminat Kristus paget togu lege a’ge ai emin, Stakhis nede hwedik a’ge ai emin,
“At en hau wathenebegei,” oluk mo’gulontomubat o. 10At Apeles Kristus e’birek hwedik welat ebabut he’bisogo tiso a’ge nenalukmu re,
“At en hau wathebegei o,” oluk mo’gulogulat, Aristobulus eiyagai ebano ogo,
“At en hau wathenebegei o,” oluk mo’gulontogulat, ibat o. 11At Herodion ap nena’gul onuk mesigat a’ge ai,
“At en hau wathebegei o,” oluk mo’gulomubat o. Ye, Narkisus eiyagai nonue ’gain Onuk Logo a’ge emin hwedik a’ge ai,
“At en hau wathenebegei o,” oluk mo’gulontomubat o. 12Ye, logon e, hwami Trifena Trifosa e’birek nonue ’gain Onuk Logo a’ge iabuk annisogo lethogwi a’ge ebano,
“At en hau wathenebegei o,” oluk mo’gulentasulat, hwe Persis naduk nonue ’gain Onuk Logo a’ge iabuk set a’bigat degeliso a’ge ai nede,
“At en hau wathebegei o,” oluk mo’gulogulat, ibat o. 13#Mrk. 15:21At Rufus ai nonue ’gain Onuk Logo a’ge en yo’go pesimu erliktogwi. At ia ai, an nia ’gela’geat o. Emalik e’biregat,
“At en hau wathenebegei o,” oluk mo’gulontomubat o. 14At Asinkritus emin, Flegon emin, Hermes emin, Patrobas emin, Hermas emin, nenarilak nonorokhwi Allah eiyagai logon is enemin welagai a’ge ’berlegat enemin en,
“At en hau wathenebegei o,” oluk mo’gulontomubat o. 15At Filologus, hwe Yulia e’birek, Nereus erei e’birek, Olimpas eminat, Allah eiyagai is enemin welagai a’ge ’berlek eneminat,
“At en hau wathenebegei o,” oluk mo’gulontomubat o. 16Ye, mesik e, henebe Allah eiyagai welegep ai, hau henemde motok hau wat-wat til lu o. Allah eiyagai Kristus osi o da ya odoktogwi a’ge en,
“Hau warenebige o,” oluk mo’gulnegisema re, mo’gulhentegisat o.
Wene ologun pam enesa’go weregei wene
17Narilak norokhwi. Henede ’gagalogo re, wene mesik yu niak ningsogo mo’gulhentaik o. Is aphwami logon pobuk wemarik e, wene naduk mo’gulhentigisema wegep a’ge ukpoluk e, henebe me’gisogo honobogulat, honogola wiagaphonobogulat, togwi holuk e, henebabut heberlogo welat, eniak henesa’go hologwi erlak, ukpoluk ’gwi-’gwani laga lomup o. 18Is ai re, nonue ’gain Onuk Logo a’ge Kristus eragam welat, at ebaget togwi puk. We, onu’gwarek onogola enagai a’ge togwi ai o. Asogo togulat e, eniak op ogulat, eniak sakhosogo ogulat, togulat e, is aphwami muon enebabut,
“I o,” nak ogwi a’ge ai lalonobogwi o. 19A’ge re, his Allah iak hwelak poluk togu legep a’ge ai re, is aphwami ’berlek en henebabut enagat ’balogwi ai en e, an nogola nagai hasu legi o. His op wene paget honogola ’gagalak welat, wene wiak a’ge paget heneperlaksogo welat, tu re, op o. An nogola nagaiat. 20At Allah aphwami enede ha’bugaptiso a’ge ano en, at Iblis ai honoyuk en al ’besilogo ukpou wagoluk perleneat heneragam pouma a’ge oruak ani o. Nonue ’gain Onuk Logo a’ge Yesus ebabut op ano en tenhentarok welemak o.
21 #
Per. 16:1
At Timotius an nare ne’birek Allah paget togu lege a’ge ano en,
“Hau warenebegis o,” oluk mo’gulnesimu en mo’gulhentegis o. Ap nis a’ge Lukius emin, Yason emin, Sosipater emin, yema en,
“Is hau warenebige o,” oluk mo’gulnegisema en mo’gulhentegisat o. 22An Tertius Paulus iak osokhwe pelal yu wegi a’ge en, nonue ’gain Onuk Logo a’ge emin hwedik welat hau wathenebegis o.
23 #
Per. 19:29; 1Kor. 1:14; 2Tim. 4:20 At Gayus en an nebe woknebiselat, Allah eiyagai ’berlegat at owi pam odogenebise lemagoluk wogenebiselat, tegei a’ge ai en hau wathenebegeiyat o. At Erastus o kota yema paget uang pogwiam tenak welago a’ge en hau wathenebegeiyat o. Ye, nenari Kwartus en hau wathenebegeiyat o. [ 24Nonue ’gain Onuk Logo a’ge Yesus Kristus ebabut op ano en, tenhentarok welemak, oluk,
“Demat emak o,” u ’gela’ge,
“Amin,” egi ai o.]
Wene ologun wusogo Allah erliktegei wene
25Allah erliktogu lomok o! An en op wene Yesus Kristus tegei wene mo’gulhentegis ’gela’ge, at Allah anni a’bik ano en henede hurleaphenebasulom elirat o. Wene Allah ogola wene ai, page enat hisogo welaga a’ge re, yogodak Allah en selakma pesi. 26Ai re, is ap at iak mo’gulontogu legesa a’ge ebano en pelal wokho re, selakma pegesema oruakma an en mo’gulhentegis ai o. Di aphwami yu aphwami ena’gul onuk lo’bok ’berlegat wene ai enesa’go hologulat enede Yesus ebam he’berik poluk iak hologo togu lemagoluk, at Allah otok modok welago a’ge ano enat,
“Wene yu aphwami enaluk emak o,” oluk egei. 27At Allah emategat ede modok ’gagalak welago yo. At Yesus Kristus tegei ai paget Allah erliktogwi modok wolomok o, oluk,
“Demat emak o,” oluk u ’gela’ge,
“Amin,” egi ai.
اکنون انتخاب شده:
Roma 16: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Roma 16
16
Paulus en is aphwami Roma a’ge logon enebe lo’bok hau warenebegei wene
1Hwe nenerei onuk Febe ai ebe henaluksogo mo’gulhentaik. At ebabut opma re, Allah eiyagai o Kengkrea a’ge lerentasu a’ge hene’bek waga ai, 2his nonue ’gain Onuk Logo a’ge emin hwedik welat, Allah eiyagai en wo hegitsogoat, at ebe wagup en mo’gulhentegis o. At en a’ge di a’ge yu a’ge erlak holuk e, his en a’ge logon wogogu lomup o. At en e, aphwami a’bigat lerentasulat, an nebe emin letniasulat, taga lagarikmu re, his en at ebe womup o.
3 #
Per. 18:2
Ye, mesik e, hwe Priskila ogun Akwila e’birek emin Kristus Yesus paget togu legerik wegesa a’ge eriano Paulus en hau wathenebegei oluk mo’gulontomup o. 4Is an delnobuogoluk lagaimu, warenebelip ai re,
“Nede o,” oluk an en nak hau warenebise legi puk. Is aphwami Allah eiyagai o’borl o’gwe a’ge emin, enebe ’berlegat enemin enat hau waronobogu lege o. 5Allah eiyagai is Priskila Akwila e’birek onowi pam odoktogwi a’ge eneminat,
“Paulus lak en hau wathenebigisa o,” oluk mo’gulontomubat o. Ye, mesik e, ap Epenetus nede hwedik a’ge ai,
“At en hau wathebegei o,” oluk mo’gulomubat o. O Asia etleba re, at ai naduk ede Kristus ebam he’berik pesimu en de, is pema pobuk he’berik pegesa ani o. 6Hwe Maria his henebaget set a’bik taga laga ano,
“At en hau wathebegei o,” oluk mo’gulomubat o. 7At Andronikus, Yunias e’birek,
“At en hau wathenebegei o,” oluk mo’gulontomubat o. Is e, an nemin nena’gul mesigat a’ge nene’gik herle nemin werak welegerigat o. Ye, aphwami a’bigat ’gela’ge Kristus en yo’go onoboluk peragonobou waga a’geat de, ononuk oruak a’ge ’gela’ge re, isat o. Is naduk enede Kristus ebam he’berik pegesarikmu en de, an pobuk he’berik pegi. 8Ye, mesik e, an nare Ampliatus ne’birek nonue ’gain Onuk Logo a’ge emin hwedik welege ai en, ebe nede o.
“At en hau wathebegei,” oluk mo’gulomubat o. 9At Urbanus ai eminat Kristus paget togu lege a’ge ai emin, Stakhis nede hwedik a’ge ai emin,
“At en hau wathenebegei,” oluk mo’gulontomubat o. 10At Apeles Kristus e’birek hwedik welat ebabut he’bisogo tiso a’ge nenalukmu re,
“At en hau wathebegei o,” oluk mo’gulogulat, Aristobulus eiyagai ebano ogo,
“At en hau wathenebegei o,” oluk mo’gulontogulat, ibat o. 11At Herodion ap nena’gul onuk mesigat a’ge ai,
“At en hau wathebegei o,” oluk mo’gulomubat o. Ye, Narkisus eiyagai nonue ’gain Onuk Logo a’ge emin hwedik a’ge ai,
“At en hau wathenebegei o,” oluk mo’gulontomubat o. 12Ye, logon e, hwami Trifena Trifosa e’birek nonue ’gain Onuk Logo a’ge iabuk annisogo lethogwi a’ge ebano,
“At en hau wathenebegei o,” oluk mo’gulentasulat, hwe Persis naduk nonue ’gain Onuk Logo a’ge iabuk set a’bigat degeliso a’ge ai nede,
“At en hau wathebegei o,” oluk mo’gulogulat, ibat o. 13#Mrk. 15:21At Rufus ai nonue ’gain Onuk Logo a’ge en yo’go pesimu erliktogwi. At ia ai, an nia ’gela’geat o. Emalik e’biregat,
“At en hau wathenebegei o,” oluk mo’gulontomubat o. 14At Asinkritus emin, Flegon emin, Hermes emin, Patrobas emin, Hermas emin, nenarilak nonorokhwi Allah eiyagai logon is enemin welagai a’ge ’berlegat enemin en,
“At en hau wathenebegei o,” oluk mo’gulontomubat o. 15At Filologus, hwe Yulia e’birek, Nereus erei e’birek, Olimpas eminat, Allah eiyagai is enemin welagai a’ge ’berlek eneminat,
“At en hau wathenebegei o,” oluk mo’gulontomubat o. 16Ye, mesik e, henebe Allah eiyagai welegep ai, hau henemde motok hau wat-wat til lu o. Allah eiyagai Kristus osi o da ya odoktogwi a’ge en,
“Hau warenebige o,” oluk mo’gulnegisema re, mo’gulhentegisat o.
Wene ologun pam enesa’go weregei wene
17Narilak norokhwi. Henede ’gagalogo re, wene mesik yu niak ningsogo mo’gulhentaik o. Is aphwami logon pobuk wemarik e, wene naduk mo’gulhentigisema wegep a’ge ukpoluk e, henebe me’gisogo honobogulat, honogola wiagaphonobogulat, togwi holuk e, henebabut heberlogo welat, eniak henesa’go hologwi erlak, ukpoluk ’gwi-’gwani laga lomup o. 18Is ai re, nonue ’gain Onuk Logo a’ge Kristus eragam welat, at ebaget togwi puk. We, onu’gwarek onogola enagai a’ge togwi ai o. Asogo togulat e, eniak op ogulat, eniak sakhosogo ogulat, togulat e, is aphwami muon enebabut,
“I o,” nak ogwi a’ge ai lalonobogwi o. 19A’ge re, his Allah iak hwelak poluk togu legep a’ge ai re, is aphwami ’berlek en henebabut enagat ’balogwi ai en e, an nogola nagai hasu legi o. His op wene paget honogola ’gagalak welat, wene wiak a’ge paget heneperlaksogo welat, tu re, op o. An nogola nagaiat. 20At Allah aphwami enede ha’bugaptiso a’ge ano en, at Iblis ai honoyuk en al ’besilogo ukpou wagoluk perleneat heneragam pouma a’ge oruak ani o. Nonue ’gain Onuk Logo a’ge Yesus ebabut op ano en tenhentarok welemak o.
21 #
Per. 16:1
At Timotius an nare ne’birek Allah paget togu lege a’ge ano en,
“Hau warenebegis o,” oluk mo’gulnesimu en mo’gulhentegis o. Ap nis a’ge Lukius emin, Yason emin, Sosipater emin, yema en,
“Is hau warenebige o,” oluk mo’gulnegisema en mo’gulhentegisat o. 22An Tertius Paulus iak osokhwe pelal yu wegi a’ge en, nonue ’gain Onuk Logo a’ge emin hwedik welat hau wathenebegis o.
23 #
Per. 19:29; 1Kor. 1:14; 2Tim. 4:20 At Gayus en an nebe woknebiselat, Allah eiyagai ’berlegat at owi pam odogenebise lemagoluk wogenebiselat, tegei a’ge ai en hau wathenebegeiyat o. At Erastus o kota yema paget uang pogwiam tenak welago a’ge en hau wathenebegeiyat o. Ye, nenari Kwartus en hau wathenebegeiyat o. [ 24Nonue ’gain Onuk Logo a’ge Yesus Kristus ebabut op ano en, tenhentarok welemak, oluk,
“Demat emak o,” u ’gela’ge,
“Amin,” egi ai o.]
Wene ologun wusogo Allah erliktegei wene
25Allah erliktogu lomok o! An en op wene Yesus Kristus tegei wene mo’gulhentegis ’gela’ge, at Allah anni a’bik ano en henede hurleaphenebasulom elirat o. Wene Allah ogola wene ai, page enat hisogo welaga a’ge re, yogodak Allah en selakma pesi. 26Ai re, is ap at iak mo’gulontogu legesa a’ge ebano en pelal wokho re, selakma pegesema oruakma an en mo’gulhentegis ai o. Di aphwami yu aphwami ena’gul onuk lo’bok ’berlegat wene ai enesa’go hologulat enede Yesus ebam he’berik poluk iak hologo togu lemagoluk, at Allah otok modok welago a’ge ano enat,
“Wene yu aphwami enaluk emak o,” oluk egei. 27At Allah emategat ede modok ’gagalak welago yo. At Yesus Kristus tegei ai paget Allah erliktogwi modok wolomok o, oluk,
“Demat emak o,” oluk u ’gela’ge,
“Amin,” egi ai.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید