Roma 14
14
“Henarilak honorokhwi honogola en wene yagentagup o,” oluk mo’gulentesi wene
1 #
Kol. 2:16
Henarilak honorokhwi logon enede Allah ebam pobisogo he’berik po erlakma en enede owan oruak a’ge ai, is enebabut e,
“Disogo tu, yusogo tu,” oluk ogwi a’ge ai paget wene yagonto erlakma enat wogonobogu lomup o. 2Is logon enede Allah pam he’berik welat e, di a’ge yu a’ge yogunat no’gulom o, oluk opoluk no’gwi. A’geat de, is logon enede owan a’ge ai re, so’boru emin, yorum emin, no’gwi ai ’gela’ge nak no’gwi o. 3Is yogunat no’gwi a’ge ai enebe Allah enat wogenebegeimu o. Holuk e, is no’gwi erlak a’ge ai enede en,
“Is wiak o,” oluk wene enebam pagup o. Ye, is no’gwi a’ge ai en e, is no’gwi erlak a’ge ai onogola mi-miarak enebagup no yo. 4Ap logon eneragam a’geat de, his en e, wene enebam po no?
“At yu wiak tegei. Huremak o,” ye,
“At ai nak e, op tegei, edik welemak,” oluk is onue ’gain ano enat u o. A’ge re, edik welemagoluk e, nonue ’gain Onuk Logo a’ge en mo’gulonto elit a’ge enat mo’gulontoma edik welema o. 5Is logon en e,
“O we erlige di a’ge yu a’ge tu nak a’geat de, o yogodak yu erlige nak e, tu miayat o,” oluk opogukhweat de, is pema en e,
“O di erlige yu erlige hegit nak o,” opogwi ai, enebe lo’bok onogola asogoat opogulom nak o. 6Is pema en e,
“O yogodak yu erlige nak e, di a’ge yu a’ge tu puk o,” oluk ogwi a’ge ai, nonue ’gain Onuk Logo a’ge pagerat opogwi o. Ye, is logon di a’ge yu a’ge yogunat no’gwi a’ge ai re, nonue ’gain Onuk Logo a’ge pagerat no’gulat e, Allah hau worogwi ai o. Ye, is no’gwi erlak a’ge ai, nonue ’gain Onuk Logo a’ge pagerat no’gwi erlakma en, mo ogulat e, Allah hau worogwiat ai o. 7Nenebe lo’bok e, nonu’gwarek paget nak nenelaluk welat, waragalat, togu lege puk. 8We, nis nenelaluk welege holuk, nonue ’gain Onuk Logo a’ge pagerat welege o. Ye, waromul holuk e, at ebagerat waromul o. Holuk e, nenelaluk wolom emin, warom emin, at en a’geat welege o. 9Waregesa a’ge et, nenelaluk a’ge et, la’buksogo enebaget e, at Kristus nonue ’gain Onuk Logo a’ge weleigoluk, waragarik elaluk aga ai o. 10#2Kor. 5:10Narilak norokhwi o. Nis nenebe ’berlek Allah en nenemdema wouema lul a’geat de, his henarilak honorokhwi enemin henede Allah pam he’berik pogu legep a’ge ai, nopaget wene enebam pogulat, honogola mi-miarak onobogulat, togu legep. 11#Yes. 45:23Allah en e, disogo mo’gulentesi,
“An henaik ’gain Nonuk Logo a’ge nelaluk modok welago a’ge en niak demat mo’gulhentaik.
Aphwami enebe lo’bok e, an neragam ’gu otluk,
is en e,
’Gain Allah harat o, oluk enebe lo’bok eniak pam ’baksogo mo’gulnontouwa o,”
oluk mo’gulentesimu pelal wokho pegesa. 12Pobuk e, nenebe lo’bok en,
“An disogo tegismu ai o, asogo en tegismu ai o,” oluk, wene ’beli’gogo at Allah at mo’gulomul o.
“Henarilak honorokhwi wiagabenebagup o,”
oluk mo’gulentesi wene
13Ai en e, nis-nis logon en e, mesik wene ebam pasulat, mesik en e, mesik wene ebam pasulat, togulom mia o. Nis en e, nenarilak nonorokhwi enemin nenede Allah pam he’berik pogu lege a’ge, wiagabonobogulat, onogola ’gagalugulat, tuano oluk, henebabut opsogo togu lomup o. 14Di a’ge yu a’ge no’gwi a’ge ai ebe re, asua erlak, oluk, an nonue ’gain Onuk Logo a’ge Yesus emin hwedik welat naluk o. Pobi tegis o. A’ge re, at mesik ede en e,
“Ai a’ge asua. No mia o,” oluk epasu holuk e, at ebaget e, no miayat o. 15Ye, hat nasu legen a’ge ai en hare ogola wiak aga holuk e, ebe hedeap taga legen erlak o. Hare ai paget Kristus waragarikmu re, hat nagun ai pam at ebe wiagap pagun o. 16-17Allah eragam welat e, di a’ge yu a’ge no’gulat, ukpogulat, togwi ai ebe logo puk. Ebe logo re, Allah Arogun onogola welat, Allah ede agai epasu a’ge hegitsogo togulat, enede ha’buksogo welat, onogola enagai hogulat, togwi ai nak e, hat hede en e,
“An op taga legi o,” oluk epasu legen a’ge re, is aphwami logon en hobok wiak uano oluk e, asogo taga lorogun o. 18His Kristus eragam a’ge welat, wene ai paget op togulomma re, Allah ogola op agalat, aphwami logon onogola en e,
“At ai op o,” oluk onogola opogulat, tuayat o. 19Holuk e, nenede ha’buksogo wolomogoluk, nis-nis mesik en mesik ede hurleap pasulat, mesik en, mesik ede hurleap pasulat, ningsogoat togu lomok o. 20Hat nasu legen a’ge ai pam en, Allah eiyagai at en opsogo heli’gogo enebesi a’ge wiagabenebagun o. Di a’ge yu a’ge op noat a’geat de, nasulat at mesik wiagap pagun holuk e, hat wiagat togun o. 21Hat mesik en e, wam ’gwerik nasulat, anggur e’gen a’bosu nasulat, di bele yu bele tagalat, tagoma re, hare herei mesik wiak ema ai en e, no erlakma en ukpasulomma re, op o. 22Hat mesik hede Allah pam he’berik welat e,
“Yogun elirat tu o,” oluk, hogola ’gagalak ai re, Allah il pam hu’gwarek paget nak taga lemen o. Sa en,
“An op taga legi o,” oluk epasulat e, wene u’gwarek ebam pagathwerlasu erlak holuk e, ogola agai houwa o. 23Asogo a’geat de, sa en ede Allah pam dokhumsogo he’berik po erlak welat,
“Yu a’ge elit no a? No erlak hwi a,” oluk wenemennei ede en eberiselat nouwa holuk e, Allah en wene ebam pouwa o. Enede Allah pam dokhumsogo he’berik po erlak welat e, di a’ge yu a’ge tua holuk, wiagat tua o.
اکنون انتخاب شده:
Roma 14: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Roma 14
14
“Henarilak honorokhwi honogola en wene yagentagup o,” oluk mo’gulentesi wene
1 #
Kol. 2:16
Henarilak honorokhwi logon enede Allah ebam pobisogo he’berik po erlakma en enede owan oruak a’ge ai, is enebabut e,
“Disogo tu, yusogo tu,” oluk ogwi a’ge ai paget wene yagonto erlakma enat wogonobogu lomup o. 2Is logon enede Allah pam he’berik welat e, di a’ge yu a’ge yogunat no’gulom o, oluk opoluk no’gwi. A’geat de, is logon enede owan a’ge ai re, so’boru emin, yorum emin, no’gwi ai ’gela’ge nak no’gwi o. 3Is yogunat no’gwi a’ge ai enebe Allah enat wogenebegeimu o. Holuk e, is no’gwi erlak a’ge ai enede en,
“Is wiak o,” oluk wene enebam pagup o. Ye, is no’gwi a’ge ai en e, is no’gwi erlak a’ge ai onogola mi-miarak enebagup no yo. 4Ap logon eneragam a’geat de, his en e, wene enebam po no?
“At yu wiak tegei. Huremak o,” ye,
“At ai nak e, op tegei, edik welemak,” oluk is onue ’gain ano enat u o. A’ge re, edik welemagoluk e, nonue ’gain Onuk Logo a’ge en mo’gulonto elit a’ge enat mo’gulontoma edik welema o. 5Is logon en e,
“O we erlige di a’ge yu a’ge tu nak a’geat de, o yogodak yu erlige nak e, tu miayat o,” oluk opogukhweat de, is pema en e,
“O di erlige yu erlige hegit nak o,” opogwi ai, enebe lo’bok onogola asogoat opogulom nak o. 6Is pema en e,
“O yogodak yu erlige nak e, di a’ge yu a’ge tu puk o,” oluk ogwi a’ge ai, nonue ’gain Onuk Logo a’ge pagerat opogwi o. Ye, is logon di a’ge yu a’ge yogunat no’gwi a’ge ai re, nonue ’gain Onuk Logo a’ge pagerat no’gulat e, Allah hau worogwi ai o. Ye, is no’gwi erlak a’ge ai, nonue ’gain Onuk Logo a’ge pagerat no’gwi erlakma en, mo ogulat e, Allah hau worogwiat ai o. 7Nenebe lo’bok e, nonu’gwarek paget nak nenelaluk welat, waragalat, togu lege puk. 8We, nis nenelaluk welege holuk, nonue ’gain Onuk Logo a’ge pagerat welege o. Ye, waromul holuk e, at ebagerat waromul o. Holuk e, nenelaluk wolom emin, warom emin, at en a’geat welege o. 9Waregesa a’ge et, nenelaluk a’ge et, la’buksogo enebaget e, at Kristus nonue ’gain Onuk Logo a’ge weleigoluk, waragarik elaluk aga ai o. 10#2Kor. 5:10Narilak norokhwi o. Nis nenebe ’berlek Allah en nenemdema wouema lul a’geat de, his henarilak honorokhwi enemin henede Allah pam he’berik pogu legep a’ge ai, nopaget wene enebam pogulat, honogola mi-miarak onobogulat, togu legep. 11#Yes. 45:23Allah en e, disogo mo’gulentesi,
“An henaik ’gain Nonuk Logo a’ge nelaluk modok welago a’ge en niak demat mo’gulhentaik.
Aphwami enebe lo’bok e, an neragam ’gu otluk,
is en e,
’Gain Allah harat o, oluk enebe lo’bok eniak pam ’baksogo mo’gulnontouwa o,”
oluk mo’gulentesimu pelal wokho pegesa. 12Pobuk e, nenebe lo’bok en,
“An disogo tegismu ai o, asogo en tegismu ai o,” oluk, wene ’beli’gogo at Allah at mo’gulomul o.
“Henarilak honorokhwi wiagabenebagup o,”
oluk mo’gulentesi wene
13Ai en e, nis-nis logon en e, mesik wene ebam pasulat, mesik en e, mesik wene ebam pasulat, togulom mia o. Nis en e, nenarilak nonorokhwi enemin nenede Allah pam he’berik pogu lege a’ge, wiagabonobogulat, onogola ’gagalugulat, tuano oluk, henebabut opsogo togu lomup o. 14Di a’ge yu a’ge no’gwi a’ge ai ebe re, asua erlak, oluk, an nonue ’gain Onuk Logo a’ge Yesus emin hwedik welat naluk o. Pobi tegis o. A’ge re, at mesik ede en e,
“Ai a’ge asua. No mia o,” oluk epasu holuk e, at ebaget e, no miayat o. 15Ye, hat nasu legen a’ge ai en hare ogola wiak aga holuk e, ebe hedeap taga legen erlak o. Hare ai paget Kristus waragarikmu re, hat nagun ai pam at ebe wiagap pagun o. 16-17Allah eragam welat e, di a’ge yu a’ge no’gulat, ukpogulat, togwi ai ebe logo puk. Ebe logo re, Allah Arogun onogola welat, Allah ede agai epasu a’ge hegitsogo togulat, enede ha’buksogo welat, onogola enagai hogulat, togwi ai nak e, hat hede en e,
“An op taga legi o,” oluk epasu legen a’ge re, is aphwami logon en hobok wiak uano oluk e, asogo taga lorogun o. 18His Kristus eragam a’ge welat, wene ai paget op togulomma re, Allah ogola op agalat, aphwami logon onogola en e,
“At ai op o,” oluk onogola opogulat, tuayat o. 19Holuk e, nenede ha’buksogo wolomogoluk, nis-nis mesik en mesik ede hurleap pasulat, mesik en, mesik ede hurleap pasulat, ningsogoat togu lomok o. 20Hat nasu legen a’ge ai pam en, Allah eiyagai at en opsogo heli’gogo enebesi a’ge wiagabenebagun o. Di a’ge yu a’ge op noat a’geat de, nasulat at mesik wiagap pagun holuk e, hat wiagat togun o. 21Hat mesik en e, wam ’gwerik nasulat, anggur e’gen a’bosu nasulat, di bele yu bele tagalat, tagoma re, hare herei mesik wiak ema ai en e, no erlakma en ukpasulomma re, op o. 22Hat mesik hede Allah pam he’berik welat e,
“Yogun elirat tu o,” oluk, hogola ’gagalak ai re, Allah il pam hu’gwarek paget nak taga lemen o. Sa en,
“An op taga legi o,” oluk epasulat e, wene u’gwarek ebam pagathwerlasu erlak holuk e, ogola agai houwa o. 23Asogo a’geat de, sa en ede Allah pam dokhumsogo he’berik po erlak welat,
“Yu a’ge elit no a? No erlak hwi a,” oluk wenemennei ede en eberiselat nouwa holuk e, Allah en wene ebam pouwa o. Enede Allah pam dokhumsogo he’berik po erlak welat e, di a’ge yu a’ge tua holuk, wiagat tua o.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید