Roma 10
10
1Narilak norokhwi o. Allah en e, is narilak norokhwi nena’gul onuk mesigat a’ge ai, delenebelip o, oluk nogola en wenemennei eberiselat, Allah yo’go pasulat, taga legi o. 2Is en e, Allah paget enannisogo togwi a’geat de, enebabut e, naluk o. Demat tu a’ge enaluk welat togwi puk. 3Is e, Allah en wene enebam a’ge no’gorlogo wokholuk pobuk togolik emin hwedik tagonobouwagoluk, at eragam ’goluk welat tu a’ge eneperlak en tu erlak welegesa. We, onu’gwarek onogola en opoluk enannisogo togu legesa ai o. 4At Kristus ebe ’gwiangma ’bu aga ai pam, wene Allah en nenesa’go weregei wene ano demat aga. Aphwami enede at Kristus ebam he’berik pogwi a’ge enebe lo’bok, wene enebam a’ge no’gorlogo wokholuk, pobuk togolik Allah emin hwedik tagenebasu o.
Allah en aphwami nenebe ’berlegat
delnonobu wene
5 #
Ima. 18:5
At Musa en e, wene Allah en nenesa’go weregei a’ge ano pam, Allah en wene nenebam a’ge no’gorlogo wokholuk pobuk togolik at emin hwedik taknenebasu ai paget e, disogo egei,
“Wene ai hologo welat, hegitsogo togu lorogup a’ge henebe lo’bok,
wene ai pam henelaluk modok wolorogup o,”
oluk pelal wokho pesi. 6#Ula. 30:12-14Asogo a’geat de, aphwami enede Allah pam he’berik pogwiam e, at en wene enebam a’ge no’gorlogo wokholuk pobuk togolik at emin hwedik tagenebasu ai paget, Allah iak pam pelal disogo wokho pegesa,
“Hat hogola en e,
’Bogorl pam sa ligema, oluk epagun o,”
oluk egei ai ebe re, Kristus ebe woluk ’bumagoluk ogun no yo, oluk egei ai o. 7Ye,
“Ogodima sa ’bua, oluk epagun o,”
oluk egei ai ebe re, Kristus waragarikmu nis en elalugap toluk woluk orlumagoluk ogun no yo, oluk egei ai o. 8Holuk e, wene ai disogo opoluk egei,
“Allah iak ai ebe horoksogoat oruak o.
Ai hemde pam emin, hedemu emin, oruak o,”
oluk egei ai, aphwami en enede Allah pam he’berik po wene nis en mo’gulhontogu lege a’ge ai pagerat egei o. 9Hemde pam en e,
“Nonue ’gain Onuk Logo a’ge re, Yesus at o,” oluk ’baksogo eselat, ye, hogola en e,
“Yesus ebe waragarikmu re, Allah en elalugaptegeimu oruak o,” oluk demat epasulat, umu re, delhobuayat o. 10Aphwami enede Allah ebam he’berik pogwiam e, at en wene enebam a’ge no’gorlogo wokholuk, pobuk togolik at emin hwedik tagenebasu o. Ye, enemde pam en, at obok ’baksogo ogwiam e, delenebiso ai o. 11#Yes. 28:16Allah iak pam pelal wokho pogulat e, disogo egesa,
“Aphwami enede at ebam he’berik pouwa a’ge ene’gerli houwa modok erlak o,”
oluk pelal wokho pegesa. 12Is aphwami Yahudi a’ge muat, ye, aphwami Yunani a’ge muat, ogup o. Nis ’berlegat Nenaik ’gain Onuk Logo a’ge re, Allah emategat o. Ye, at en wogontouwagoluk yo’go pogwi a’ge enebe ’berlek loksogoat wogentasu o. 13#Yoe. 2:32At en eselat e,
“Is logon en an henaik ’gain Nonuk Logo a’ge Allah nonuk ’balogwi a’ge,
’berlegat delenebik nak o,”
oluk egeimu pelal wokho pegesa.
14-15 #
Yes. 52:7
Allah en e, wene mesik disogo egei,
“Aphwami op wene woluk mo’gulentai lagai a’ge ai, op modogat o,”
oluk egeimu pelal wokho pegesema oruak a’geat de, op wene ai woluk louwagoluk yo’go onoboluk peragonobogwi erlak holuk e, no’gosogo en mo’gulentai lo no. Ye, is logon en wene ebe mo’gulentai lo erlak oruakhwe, at obok no’gosogo en enesa’go holu no. Ye, at obok holu erlak welat e, no’gosogo en enede at ebam he’berik po no. Aphwami enede at ebam he’berik po erlak welat e, onuk no’gosogo ’balu no. 16#Yes. 53:1A’ge re, aphwami enebe ’berlek op wene aiat wo a’ge re, is pema akhit wo erlak oruak o. At Yesaya en e, Allah disogo mo’gulesi,
“Nenaik o. Nis en wene mo’gulontogwiam e, sa en wene ai demat oluk pobi tegei no.
Pobitu erlak nak oruak o,”
oluk mo’gulesi. 17A’ge re, op wene ai, Kristus obok mo’gulentai lagaiamat enesa’go hologwi o. Ye, wene enesa’go holholugat, enede at ebam he’berik pogwi o. 18#Mzm. 19:4A’ge re, an en hin mesik wokhentaik. Is e, op wene ai enesa’go hwelak erlak oruak no? Erlak o. Enesa’go arat hweligisa. Allah iak pam,
“Is eniak ai o di owi yu owi ’berlegat wiyalagama re,
o esa’go esa’go etleba ’berlegat enesa’go hweligisa o,”
oluk egeimu pelal wogo oruak ai en egi o. 19#Ula. 32:21An hin mesik wokhentaigat. Is aphwami Israel a’ge wene op wene ai eneperlak no? Enalugat o. Naduk e, at Allah en iak egeimu, at Musa en disogo mo’gulentesi,
“An en e, is aphwami logon an neiyagai a’ge puk.
We, is mu a’ge yo’go onoboma,
his en ’bou tuagoluk takhenebasulat,
ye, is logon enede erlak a’ge yo’go onoboma, his honolot het emagoluk takhenebasulat, tik o,”
oluk mo’gulesi. 20#Yes. 65:1Ye, pobuk Allah en e, wene mesik disogo egei,
“Aphwami an nebe horonobogwi erlak a’ge en, hwiaknebigisa o.
Ye, aphwami an nebam hin woknobu erlak a’ge en,
nebe niouwagoluk nu’gwarek en onorogolema inegi o,”
oluk egeimu, Yesaya en ogorlok erlaksogoat mo’gulentesi. 21#Yes. 65:2Ye, Allah en aphwami Israel a’ge disogo mo’gulentesi,
“An hubet emin, erlige emin, hopmu’gwe emin, aphwami yema wogenebigoluk ne’gik langsogo welegi a’geat de,
ena’gul erik welat e, niak hologwi erlak o,”
oluk mo’gulentesimu, Yesaya en mo’gulentesiat.
اکنون انتخاب شده:
Roma 10: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Roma 10
10
1Narilak norokhwi o. Allah en e, is narilak norokhwi nena’gul onuk mesigat a’ge ai, delenebelip o, oluk nogola en wenemennei eberiselat, Allah yo’go pasulat, taga legi o. 2Is en e, Allah paget enannisogo togwi a’geat de, enebabut e, naluk o. Demat tu a’ge enaluk welat togwi puk. 3Is e, Allah en wene enebam a’ge no’gorlogo wokholuk pobuk togolik emin hwedik tagonobouwagoluk, at eragam ’goluk welat tu a’ge eneperlak en tu erlak welegesa. We, onu’gwarek onogola en opoluk enannisogo togu legesa ai o. 4At Kristus ebe ’gwiangma ’bu aga ai pam, wene Allah en nenesa’go weregei wene ano demat aga. Aphwami enede at Kristus ebam he’berik pogwi a’ge enebe lo’bok, wene enebam a’ge no’gorlogo wokholuk, pobuk togolik Allah emin hwedik tagenebasu o.
Allah en aphwami nenebe ’berlegat
delnonobu wene
5 #
Ima. 18:5
At Musa en e, wene Allah en nenesa’go weregei a’ge ano pam, Allah en wene nenebam a’ge no’gorlogo wokholuk pobuk togolik at emin hwedik taknenebasu ai paget e, disogo egei,
“Wene ai hologo welat, hegitsogo togu lorogup a’ge henebe lo’bok,
wene ai pam henelaluk modok wolorogup o,”
oluk pelal wokho pesi. 6#Ula. 30:12-14Asogo a’geat de, aphwami enede Allah pam he’berik pogwiam e, at en wene enebam a’ge no’gorlogo wokholuk pobuk togolik at emin hwedik tagenebasu ai paget, Allah iak pam pelal disogo wokho pegesa,
“Hat hogola en e,
’Bogorl pam sa ligema, oluk epagun o,”
oluk egei ai ebe re, Kristus ebe woluk ’bumagoluk ogun no yo, oluk egei ai o. 7Ye,
“Ogodima sa ’bua, oluk epagun o,”
oluk egei ai ebe re, Kristus waragarikmu nis en elalugap toluk woluk orlumagoluk ogun no yo, oluk egei ai o. 8Holuk e, wene ai disogo opoluk egei,
“Allah iak ai ebe horoksogoat oruak o.
Ai hemde pam emin, hedemu emin, oruak o,”
oluk egei ai, aphwami en enede Allah pam he’berik po wene nis en mo’gulhontogu lege a’ge ai pagerat egei o. 9Hemde pam en e,
“Nonue ’gain Onuk Logo a’ge re, Yesus at o,” oluk ’baksogo eselat, ye, hogola en e,
“Yesus ebe waragarikmu re, Allah en elalugaptegeimu oruak o,” oluk demat epasulat, umu re, delhobuayat o. 10Aphwami enede Allah ebam he’berik pogwiam e, at en wene enebam a’ge no’gorlogo wokholuk, pobuk togolik at emin hwedik tagenebasu o. Ye, enemde pam en, at obok ’baksogo ogwiam e, delenebiso ai o. 11#Yes. 28:16Allah iak pam pelal wokho pogulat e, disogo egesa,
“Aphwami enede at ebam he’berik pouwa a’ge ene’gerli houwa modok erlak o,”
oluk pelal wokho pegesa. 12Is aphwami Yahudi a’ge muat, ye, aphwami Yunani a’ge muat, ogup o. Nis ’berlegat Nenaik ’gain Onuk Logo a’ge re, Allah emategat o. Ye, at en wogontouwagoluk yo’go pogwi a’ge enebe ’berlek loksogoat wogentasu o. 13#Yoe. 2:32At en eselat e,
“Is logon en an henaik ’gain Nonuk Logo a’ge Allah nonuk ’balogwi a’ge,
’berlegat delenebik nak o,”
oluk egeimu pelal wokho pegesa.
14-15 #
Yes. 52:7
Allah en e, wene mesik disogo egei,
“Aphwami op wene woluk mo’gulentai lagai a’ge ai, op modogat o,”
oluk egeimu pelal wokho pegesema oruak a’geat de, op wene ai woluk louwagoluk yo’go onoboluk peragonobogwi erlak holuk e, no’gosogo en mo’gulentai lo no. Ye, is logon en wene ebe mo’gulentai lo erlak oruakhwe, at obok no’gosogo en enesa’go holu no. Ye, at obok holu erlak welat e, no’gosogo en enede at ebam he’berik po no. Aphwami enede at ebam he’berik po erlak welat e, onuk no’gosogo ’balu no. 16#Yes. 53:1A’ge re, aphwami enebe ’berlek op wene aiat wo a’ge re, is pema akhit wo erlak oruak o. At Yesaya en e, Allah disogo mo’gulesi,
“Nenaik o. Nis en wene mo’gulontogwiam e, sa en wene ai demat oluk pobi tegei no.
Pobitu erlak nak oruak o,”
oluk mo’gulesi. 17A’ge re, op wene ai, Kristus obok mo’gulentai lagaiamat enesa’go hologwi o. Ye, wene enesa’go holholugat, enede at ebam he’berik pogwi o. 18#Mzm. 19:4A’ge re, an en hin mesik wokhentaik. Is e, op wene ai enesa’go hwelak erlak oruak no? Erlak o. Enesa’go arat hweligisa. Allah iak pam,
“Is eniak ai o di owi yu owi ’berlegat wiyalagama re,
o esa’go esa’go etleba ’berlegat enesa’go hweligisa o,”
oluk egeimu pelal wogo oruak ai en egi o. 19#Ula. 32:21An hin mesik wokhentaigat. Is aphwami Israel a’ge wene op wene ai eneperlak no? Enalugat o. Naduk e, at Allah en iak egeimu, at Musa en disogo mo’gulentesi,
“An en e, is aphwami logon an neiyagai a’ge puk.
We, is mu a’ge yo’go onoboma,
his en ’bou tuagoluk takhenebasulat,
ye, is logon enede erlak a’ge yo’go onoboma, his honolot het emagoluk takhenebasulat, tik o,”
oluk mo’gulesi. 20#Yes. 65:1Ye, pobuk Allah en e, wene mesik disogo egei,
“Aphwami an nebe horonobogwi erlak a’ge en, hwiaknebigisa o.
Ye, aphwami an nebam hin woknobu erlak a’ge en,
nebe niouwagoluk nu’gwarek en onorogolema inegi o,”
oluk egeimu, Yesaya en ogorlok erlaksogoat mo’gulentesi. 21#Yes. 65:2Ye, Allah en aphwami Israel a’ge disogo mo’gulentesi,
“An hubet emin, erlige emin, hopmu’gwe emin, aphwami yema wogenebigoluk ne’gik langsogo welegi a’geat de,
ena’gul erik welat e, niak hologwi erlak o,”
oluk mo’gulentesimu, Yesaya en mo’gulentesiat.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید