Ibrani 5
5
1Is ap Allah eiye a’ge onuelak ’gain enebe lo’bok ai re, aphwami Allah eiyagai en, ap is a’ge logon Allah paget togulat, is ena’ge di a’ge yu a’ge pogwiam, Allah wogogulat, wiak togwi a’ge paget onuam woluk wagaiam, warogulat, togu lemagoluk pulogo edigonobogwi. 2Asogo edigonobogwiam, is enanni erlak mia a’geatma no oluk e, is aphwami logon asogoat wene eneperlak welat ing-dingsogo togwi a’ge ai, pobirak poluk e, enebe enedeabonobogulat is enebaget enebam hianesogo elirat togwi ai o. 3#Ima. 9:7Is onu’gwarek en wiagap pagathorlogumu no oluk e, is aphwami logon wiak togwi a’ge paget onuam horloluk wagaiam, is en Allah warogwi ai ’gela’ge, asogoat is onu’gwarek enebaget onuam Allah warom hegitsogoat warogwi ai o. 4#Kel. 28:1Is asogo togu lomogoluk,
“An nebe Allah eiye ’gain weleik,” oluk onu’gwarek en inagai erlak o. We, at Allah enat, ap Harun yo’go pesimu erliktogwi ai ’gela’ge, Allah en yo’go enebasu holugat edigonobogwi o. 5#Mzm. 2:7At Kristus asogoat,
“An Allah eiye ’gain weleik,” oluk u’gwarek en polik poluk inom erlak. We, at Allah enat pulogo edikpoluk wene disogo mo’gulesi,
“Hat an nomlogo yo. Hebe yogodak dakhebegis o,”
oluk mo’gulesi ai o. 6#Mzm. 110:4Ye, mesik e, Allah iak pelal wogo a’ge mesik pam disogo egeimu oruagat,
“Ap Melkisedek an Allah eiye ’gain welaga ai ’gela’ge,
hat an eiye a’ge ’gain modok-modok welerinogoluk edikhebegi o,”
oluk mo’gulesimu pelal wogo oruak. 7#Mat. 26:36-46; Mrk. 14:32-42; Luk. 22:39-46At Yesus ebe ’gwiangma yema oruakma aphwami en woruano oluk, Allah en elirat delu ai en e, nge tagalat, iak loksogoat Allah onuk ’balogo yo’go pasulat, ’gonu eselat, aik iak ogorloksogo hwelakpoluk welaga ai en, iak esa’go hwelegei. 8Asogo mo’gulesi ai re, at Yesus Allah ebe omlogo a’geat de, di obotut yu obotut hasulat, Allah iak hologo tu a’ge paget mo’gulegei ai o. 9Asogo mo’guleselat, ologun ’balogo ’garoksogo tegeimu, nis at iak hologo wolomul a’ge nenebe ’berlegat nenelaluk modok-modok welemagoluk at ebe delnenebiso a’ge edip arat aga ai o. 10Asogo agarik, at en e,
“At Melkisedek taga laga ai ’gela’ge, hat hebe an eiye ’gain wolomup o,” oluk edikpesi ai o.
Aphwami en Allah iak ukpoluk, togolik lebagaimu no oluk, enede ebesogo
mo’gulentigisa wene
11Wene ai paget e, nis en his mo’gulhonto a’ge a’bigat oruak a’geat de, his henebabut, wene perlene pobitu mia ai en, nis en dokhumsogo mo’gulhonto mia o. 12#1Kor. 3:2His e, Allah iak nadugat mo’guligepma re, his en is aphwami logon mo’gulonto elit a’geat de, mia ai en, wene naduk nadugat mo’gulogwi a’ge ai, is aphwami muon enebam mo’gulu o. Is malik wei a’ge so’boru erik a’ge no mia en, enialak enagamu nak no’gulat welagai ai ’gela’ge, his e, wene hurle a’ge mo’gulu mia en e, wene naduk nadugat mo’gulontogwi ai a’ge nak mo’gulogulom henebabut hentasu legi o. 13Malik enialak enagamu nak no’gwi ai re, enebe malik weiyatma, wene yu op, yu wiak, oluk pobitu eneperlak welagai ai o. 14A’ge re, is enarlue nak e, enede hurle agalat no oluk e, wene yu wiak, yu op, oluk pobitu enalukmu no oluk e, so’boru erik a’ge is onso’boru o.
اکنون انتخاب شده:
Ibrani 5: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید