Kolose 4
4
1 #
Efe. 6:9
Ye, his is ai onuelak ’gain a’ge, henede en e,
“Nonue ’gain Onuk Logo a’ge ’bogorl pam oruak o,” oluk pobirak poluk e, honosi heneragam a’ge eba di a’ge yu a’ge wogonto hegitsogoat wogontogu lomup o.
“Se’ban disogo ogulat e, henebabut disogo togulom o,” oluk mo’gulentesi wene
2Se’ban e, Allah hau worogularat, henebit om erlakma en hwedik-hwadigat ogulat e, henebabut heberlogo wolomup o. 3Se’ban ogulat, nis nenebaget e, disogo ogu lomup o,
“Naik Allah o. Wene Kristus en tegei a’ge wene, naduk hogola hisogo welaga a’ge ano, is Paulus lak en mo’gulentil denaga lemagoluk, ’goduk hurentemen o,” oluk, se’ban nis nenebaget ogu lomup o. Wene ai pagerat ne’gik herle wusogo nebegesema yema welegi o. 4Wene ai, an en mo’gulonto hegitsogoat, dokhumsogo mo’gulentasu leik en e, se’ban ogu lomup o.
5 #
Efe. 5:16
Is aphwami Allah iak eneperlak a’ge enebaget e, his honogola modok ’gagalak welat,
“Nis Allah eiyagai tu a’ge panoasuak ya pamat togu lomok o,” oluk ai a’geat togu lomup o. 6Heniak di paget yu paget is logon mo’gulontogulat e, di a’ge yu a’ge mayu pelogwiam oduk op ogwi ’gela’ge,
“Wene ai op o,” oluk, wouwagoluk, heniak sakhosogo mo’gulontogu lomup o. Asogo mo’gulontogwiam, is henebam hin wogwiam, wene o’go enebe lo’bok mo’gulentagup en e, henaluksogo wolomup o.
Wene ologun wusogo hau warenebegei wene
7 #
Per. 20:4; 2Tim. 4:12 #
Efe. 6:21,22 At Tikhikus nonot nenede hwedik a’ge, nis neneminat nonue ’gain Onuk Logo a’ge eragam welat, at ebabut ebaget he’bisogo tago a’ge en wene an nobok pobuk mo’gulhentauma ani o. 8His en e,
“Is enebe asogo oruak hegi o,” oluk, wene henaluk emarik e, henede ha’buk uagoluk, ai pagerat hene’bek perakpou weik ani o. 9#Flm. 1:10-12At e’birek wemagoluk, nonot Onesimus, ebe ap his a’ge ebabut he’berik nenede hwedik a’ge ano, e’biregat peragonobou weik ani o. Is wemarik e, wene nis yema togu lege a’ge ’berlegat mo’gulhentauma o.
10 #
Per. 12:12,25; 19:29; 13:13; 15:37-39; 27:2; Flm. 1:24 Aristarkhus an ne’birek nene’gik herle werak welege a’ge en hau wathonobogulat, Barnabas are Markus ano en hau wathenebiselat, tigisa o. At Markus paget wene naduk mo’gulhentegis ano ’gela’geat, at ebe hene’bek wago holuk e, opsogo womup o. 11At Yustus, onuk mesik Yesus ano en ogo, hau wathenebegeiyat o. Is ap Yahudi a’ge enebe re, henagan eria nak Allah eragam wolomul wene ano enemin en mo’gulontogulat letniogukhwe nede op ago yo. 12#Kol. 1:7; Flm. 1:23At Epafras, Kristus Yesus eragam a’ge, ebe his a’ge ano en, hau wathenebegeiyat o. At en e, his honogola en,
“Allah iak ai demat o,” oluk pobirak poluk e, henede hurle oroguptik henebe edigat welat e, di a’ge yu a’ge Allah ede epasu ’gela’ge togu lorogup en se’ban his henebaget ningsogo oso modogat welago yo. 13Asogo eselat, his henebaget emin, aphwami o Laodikia a’ge enebaget emin, Hierapolis a’ge enebaget emin, annisogo tago oluk, an en ebabut ’balegistik en mo’gulhentegis ai o. 14#2Tim. 4:10-11; Flm. 1:24At Lukas, ebe dokter welat ou obabenebiso a’ge, ebe nenede hwedik a’ge ano en hau wathenebiselat, at Demas en hau wathenebiselat, tigisayat o.
15Is narilak norokhwi Allah eiyagai o Laodikia welagai a’ge eba emin, hwe Nimfa ano emin, Allah eiyagai logon at owi pam odoktogwi a’ge emin,
“Paulus lak en hau wathenebigisa,” oluk mo’gulontomup o.
16Wene pelal wokho hene’bek perakpou wege a’ge ai, arat onuk mo’guloguptik holuk e, is Allah eiyagai o Laodikia odoktogwi a’ge enesa’go holuak en onuk mo’guluagoluk perakpomup o. Ye, is Laodikia a’ge ene’bek perakpegi a’ge ano, his hene’bek perakpou wagaiam, onuk mo’gulibat o.
17 #
Flm. 1:2
At Arkhipus ano wene disogo oluk mo’gulomup,
“Nonue ’gain Onuk Logo a’ge en yo’go hebasulat e,
Yabuk an nebaget disogo tip o, oluk mo’gulhesi a’ge ai, ologun ’balogo tip o,” oluk mo’gulomup o.
18Yu nak e, an Paulus nu’gwarek ne’gik en pelal wokho hau wathenebegis.
His en e,
“Paulus e’gik herle werak oruak o,” oluk nebam eberak wolomup o. Allah ebabut op ano en tenhentarok welemak o.
اکنون انتخاب شده:
Kolose 4: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید