Peragenebesi 26
26
At Paulus en, u’gwarek ebe erlele wokho wene Agripa mo’gulesi wene
1At ap ’gain Agripa en e, Paulus disogo mo’gulesi,
“Wene hat hu’gwarek hebaget mo’gulnemagoluk mo’gulhegis o,” oluk mo’gulesimu, at Paulus e’gik pam hau weregeitik disogo mo’gulesi,
2“Agripa nue. Wene is ap Yahudi a’ge en wene nebam pogwi ai, nebam pukmuat o, oluk an nu’gwarek nebe erlele wokho wene hat hil pam yogodak ik yu re, nogola nagai hasu legi o. 3Nis aphwami Yahudi a’ge en togu lege a’ge ai emin, wene neniak hundomok ogu lege a’ge ai emin, ’berlegat hat haluk ai en, niak harat mo’gulheigoluk nogola nagai hasu legi o. Holuk e, mo’gulhosokhwe, hede ’buk om erlakma en hesa’go hwelak wolomup o, nue.
4An nebe malik wei a’ge pam aphwami nena’gul mesigat a’ge enemin o kota Yerusalem welat nebabut edipmu en taga legi a’ge ano, is aphwami Yahudi a’ge ’berlegat enaluk o. 5#Per. 23:6; Fil. 3:5Nis Allah eragam ’goluk welat togu lege a’ge wene ai, is ap logon Farisi a’ge onowene tenak welat, yogun ’gela’ge togukhwe, an nak e, modok ningsogo tenak welat taga legi ano, is ap yema page enat enaluk modok o. Holuk is en e,
Ai demat taga laga a’ge egei o, oluk mo’gulhum a? Enebit a. 6Yogodak wene nebam pegesa a’ge edip heratuogoluk inegi yu re, at Allah en e,
Disogo obaphonobua o, oluk nene’balak obok mo’gulentesi wene ai, an e,
Demat obapnonobua o, oluk nede at ebam eberak welegi ai paget, wene nebam pegesa a’ge edip heratuogoluk welege yu i o. 7Page enat, nis aphwami Yahudi a’ge nena’gul onuk lo’bok 12 yema ’berlegat, Allah en e,
Disogo obaphenebik, oluk obok mo’gulentesi ai, ebe tagonobouwagoluk, enede Allah ebam he’berik welat, hup erlige, at erliktogwi modok welagai o. Ye, an ogo re, wene obok mo’gulentesi ai demat taknonobouwayat o, oluk eberak welegi ai enat, is ap Yahudi a’ge yu en wene nebam pogwi yu i o, nue,” oluk at Agripa mo’gulesirik, 8pobuk is ap Yahudi a’ge mo’gulentasulat e,
“Narilak. His en e,
Allah en aphwami waragai a’ge demat enelalugabonobua, oluk pobitu puk ai, nopaget,” oluk mo’gulentesirik, Agripa disogo mo’gulesi,
9 #
Per. 8:3; 22:4,5 “An page re, Yesus owi o Nazaret a’ge onuk ai erlak emagoluk di a’ge tagalat, yu a’ge tagalat, taga leik o, oluk nede epegi. 10Asogo tagalat, naduk o Yerusalem welat, Allah eiyagai ene’gik herle werigoluk tegismu re, is ap Allah eiye a’ge onuelak ’gaindek en,
I o. Op o, oluk surat woknegisema, Allah eiyagai enebe a’bigat ene’gik herle wusogo enebasulat, enebe waronobuogoluk togumu re,
I o. Waronobuogat o, oluk eselat, eselegi. 11Asogo eselat e, an o aphwami Yahudi a’ge se’ban ogwi’gwe lo’bok ’goluk, is enede Yesus ebam he’berik welegesa a’ge ukpou wagoluk niak ningsogo mo’gulentasulat, di obotut yu obotut tagenebasulat, tagalat e, nolot het a’bik agalat e, is logon o walek esa’go-esa’go eba a’ge mugonoboluk lasu legiat ani o,” oluk mo’gulesi.
At Paulus en e, “Yesus en disogo worlniesimu, nebabut heberlegis o,” oluk mo’gulesi wene
(Peragenebesi 9:1-19; 22:6-16)
12“Asogo warenebigoluk tegismu re, is ap Allah eiye a’ge onuelak ’gaindek en,
Obat o, oluk surat ’balogo woknegisema, o kota Damsyik legi ai o. 13Agripa nue. Asogo o erlige ebela’gwe lasumu re, mo amulit ’gela’ge re, mia o. Amulit a’bik a’ge, an emin, ap nemin lege a’ge emin, ’bogorl pam en atiasogo neneragam o’gwe yosu ’bu aga. 14Asogo yosu ’bu agoam e, nis ’berlegat ’gwiangma ’bou se’bigema, at mesik en iak mo’gulneselat, aphwami Ibrani a’ge neniak pam disogo osoma nesa’go hwelegis,
Saulus. Saulus. An di obotut yu obotut taknebaigoluk muknoboluk nese legen ai nopaget. Wam sapi wa’gun e’gat ’gabelik a’ge pam ebe silhogwiam,
Nebit, oluk u’gwarek en dungsogo wathwerlasu ai ’gela’ge, hat hu’gwarek en hebe asogoat wathwerlasu legen o, oluk mo’gulnesi. 15Asogo mo’gulnesimu, an en e,
Eige. Nue. Hat sa, oluk mo’gulegis. Mo’gulosoam nonue ’gain Onuk logo a’ge en e,
An Yesus o. Di obotut yu obotut taknebaigoluk muknoboluk nese legen a’ge anoat o. 16A’ge re, hebe inemen. An nebe horogolema inlau wegi yu. Hat hebe an neragam a’ge oroguntik welat, yogodak hil niegen a’ge emin, pobuk nebe horogolema inagoam niagun a’ge emin, aphwami logon mo’gulentasu lorogun en, yo’go hebegi ai o. 17-18Aphwami Yahudi a’ge emin, is o’borl o’gwe a’ge emin en, wathobuogoluk togwiam e, an en delhebiseleik o. Is o’borl o’gwe a’ge enil hopnik oruak a’ge ai deksogo obabenebiselat, enebe o hiktakma oruak a’ge ai onorogole heberlogo o dakharakma onobou wagalat, Iblis e’gik pam oruak a’ge ai, Allah e’gik pam onobou wagalat, tinogoluk ene’bek perakhebaik o. Perakhoboma, is enede an nebam he’berik poma re, is wiak togwi a’ge ai, at Allah en erlagapsogo ukpasulat,
An neiyagai oluk, enebe wogenebiselat, tik o, oluk mo’gulnesi o,” oluk mo’gulesi.
At Paulus til denaga laga a’ge paget mo’gulentesi wene
19Asogo mo’gulesirik, mesik disogo mo’gulesi,
“Ai en, Agripa nue. Allah en Yesus norogolema inemagoluk perakpou waga a’ge ai, iak hologo taga leigoluk nannisogo tago modok welegi o. 20#Per. 9:20,28,29Wene ai, naduk is aphwami Yahudi a’ge o Damsyik eba welegesa a’ge mo’gulentegis. Pobuk o Yerusalem loluk welat, is eba a’ge mo’gulentasulat, o propinsi Yudea a’ge ’berlegat mo’gulentasulat, tegistik, is o’borl o’gwe a’ge mo’gulentil neselegi. Asogo mo’gulentil denagalat e,
Wiak togu legep a’ge ukpoluk henebabut heberloroguptik honolukhwe Allah wogomup o. Honolukhwe Allah wogotluk e, henebabut aphwami enebabut heberlotluk togwi ’gela’geat togu lomup o, oluk mo’gulentasu legi o. 21Mo’gulentasu legi ai enat, an Allah owi werikmu ’goluk oruakma, is ap Yahudi a’ge en nebe tenak noboluk watnobuogoluk tigisa ai o. 22Watnobuogoluk tigisa a’geat de, Allah en tenniarok modok oruakhwe, an yogodak yema edik welat his ap ’gaindek enemin, honosi enemin, wene an en mo’gulhentasu legi a’ge yu. Wene yu re, page enat, is ap Allah iak mo’gulontogu legesa a’ge en enemin, at Musa emin,
Pobuk disogo ema, oluk egesa a’geat mo’gulhentasu legi o. 23#Yes. 42:6; 49:6; 1Kor. 15:20 Is en e,
Kristus ebe warotluk e, at naduk elaluk agarik, wene dakharak onobua wene ai, aphwami Yahudi a’ge mo’gulentasulat, o’borl o’gwe a’ge mo’gulentasulat, tua o, oluk egesarik pelal wokho pegesa ai ’gela’geat an en ogo eselegi o,” oluk mo’gulesi.
24At Paulus u’gwarek en ebe erlele wokho wene asogo egeitik mesik ik ’galma re, at ’gain Festus iak loksogo re,
“Paulus! Hede ’balaga hegi o. Hat en di wene yu wene esanat mo’gulise legen ai en hede ’baluagoluk takhebesimu hegi o,” oluk mo’gulesi. 25Asogo mo’gulesimu, at Paulus en e,
“Festus nue. An nede ’balegirik eselegi puk o. We, op welat wene demat mo’gulhentasu legi o,” oluk egeitik,
26“Agripa nue. Wene yu demat hat haluk ai en, an hat hilem nogorlok erlaksogo eselegi. Wene ai, o hisogoma en taga legi erlak. We, selakma enat aga ai en, wene ai mesik hat heperlak welegen, oluk nede epasu legi erlak o. 27Agripa nue. Wene is ap Allah iak mo’gulontogu legesa a’ge en egesa ai, demat oluk epasu legen erlak no? Demat oluk epasu legenat o. An naluk o,” oluk mo’gulesi. 28Asogo mo’gulesimu, at Agripa en e,
“An nebe yogodak ya perleneat Kristen a’ge emagoluk, hat en taknebaigoluk epasu legen a? Mia o,” oluk mo’gulesi. 29Asogo mo’gulesimu, at Paulus en e,
“Yogodak ya de a? Wolomultik en de a. Hat hemin, his logon niak yogodak hologu legep a’ge henebe ’berlek henemin, an ne’gik herle werak welegi yu ’gela’ge nak henebam om erlak ai en, an welegi ’gela’geat orogup oluk Allah yo’go pasu legi o,” oluk mo’gulesi.
30Asogo mo’gulesimu, at ’gain onuk logo a’ge Agripa ano emin, at ’gain gubernur Festus ano emin, hwe Bernike ano emin, is logon enemin hweriogo welegesa a’ge ’berlek enemin, enebe inotluk, 31odipmu libegesa. Libegesarik e, is-is nak ogulat e,
“Ap ai re, e’gik herle worogulat, ebe worogulat, tu a’ge re, wiak mesik tu erlak ai en o,” oluk egesa. 32Asogo egesarik, at Agripa en Festus mo’guleselat e,
“Paulus en e,
Wene nebam pegesa a’ge yu, at Kaisar en edip herasogo ologun woruak o, oluk elip erlak wellepma re, nis en e’gik herle hebillu o,” oluk mo’gulesi.
اکنون انتخاب شده:
Peragenebesi 26: Wul
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Peragenebesi 26
26
At Paulus en, u’gwarek ebe erlele wokho wene Agripa mo’gulesi wene
1At ap ’gain Agripa en e, Paulus disogo mo’gulesi,
“Wene hat hu’gwarek hebaget mo’gulnemagoluk mo’gulhegis o,” oluk mo’gulesimu, at Paulus e’gik pam hau weregeitik disogo mo’gulesi,
2“Agripa nue. Wene is ap Yahudi a’ge en wene nebam pogwi ai, nebam pukmuat o, oluk an nu’gwarek nebe erlele wokho wene hat hil pam yogodak ik yu re, nogola nagai hasu legi o. 3Nis aphwami Yahudi a’ge en togu lege a’ge ai emin, wene neniak hundomok ogu lege a’ge ai emin, ’berlegat hat haluk ai en, niak harat mo’gulheigoluk nogola nagai hasu legi o. Holuk e, mo’gulhosokhwe, hede ’buk om erlakma en hesa’go hwelak wolomup o, nue.
4An nebe malik wei a’ge pam aphwami nena’gul mesigat a’ge enemin o kota Yerusalem welat nebabut edipmu en taga legi a’ge ano, is aphwami Yahudi a’ge ’berlegat enaluk o. 5#Per. 23:6; Fil. 3:5Nis Allah eragam ’goluk welat togu lege a’ge wene ai, is ap logon Farisi a’ge onowene tenak welat, yogun ’gela’ge togukhwe, an nak e, modok ningsogo tenak welat taga legi ano, is ap yema page enat enaluk modok o. Holuk is en e,
Ai demat taga laga a’ge egei o, oluk mo’gulhum a? Enebit a. 6Yogodak wene nebam pegesa a’ge edip heratuogoluk inegi yu re, at Allah en e,
Disogo obaphonobua o, oluk nene’balak obok mo’gulentesi wene ai, an e,
Demat obapnonobua o, oluk nede at ebam eberak welegi ai paget, wene nebam pegesa a’ge edip heratuogoluk welege yu i o. 7Page enat, nis aphwami Yahudi a’ge nena’gul onuk lo’bok 12 yema ’berlegat, Allah en e,
Disogo obaphenebik, oluk obok mo’gulentesi ai, ebe tagonobouwagoluk, enede Allah ebam he’berik welat, hup erlige, at erliktogwi modok welagai o. Ye, an ogo re, wene obok mo’gulentesi ai demat taknonobouwayat o, oluk eberak welegi ai enat, is ap Yahudi a’ge yu en wene nebam pogwi yu i o, nue,” oluk at Agripa mo’gulesirik, 8pobuk is ap Yahudi a’ge mo’gulentasulat e,
“Narilak. His en e,
Allah en aphwami waragai a’ge demat enelalugabonobua, oluk pobitu puk ai, nopaget,” oluk mo’gulentesirik, Agripa disogo mo’gulesi,
9 #
Per. 8:3; 22:4,5 “An page re, Yesus owi o Nazaret a’ge onuk ai erlak emagoluk di a’ge tagalat, yu a’ge tagalat, taga leik o, oluk nede epegi. 10Asogo tagalat, naduk o Yerusalem welat, Allah eiyagai ene’gik herle werigoluk tegismu re, is ap Allah eiye a’ge onuelak ’gaindek en,
I o. Op o, oluk surat woknegisema, Allah eiyagai enebe a’bigat ene’gik herle wusogo enebasulat, enebe waronobuogoluk togumu re,
I o. Waronobuogat o, oluk eselat, eselegi. 11Asogo eselat e, an o aphwami Yahudi a’ge se’ban ogwi’gwe lo’bok ’goluk, is enede Yesus ebam he’berik welegesa a’ge ukpou wagoluk niak ningsogo mo’gulentasulat, di obotut yu obotut tagenebasulat, tagalat e, nolot het a’bik agalat e, is logon o walek esa’go-esa’go eba a’ge mugonoboluk lasu legiat ani o,” oluk mo’gulesi.
At Paulus en e, “Yesus en disogo worlniesimu, nebabut heberlegis o,” oluk mo’gulesi wene
(Peragenebesi 9:1-19; 22:6-16)
12“Asogo warenebigoluk tegismu re, is ap Allah eiye a’ge onuelak ’gaindek en,
Obat o, oluk surat ’balogo woknegisema, o kota Damsyik legi ai o. 13Agripa nue. Asogo o erlige ebela’gwe lasumu re, mo amulit ’gela’ge re, mia o. Amulit a’bik a’ge, an emin, ap nemin lege a’ge emin, ’bogorl pam en atiasogo neneragam o’gwe yosu ’bu aga. 14Asogo yosu ’bu agoam e, nis ’berlegat ’gwiangma ’bou se’bigema, at mesik en iak mo’gulneselat, aphwami Ibrani a’ge neniak pam disogo osoma nesa’go hwelegis,
Saulus. Saulus. An di obotut yu obotut taknebaigoluk muknoboluk nese legen ai nopaget. Wam sapi wa’gun e’gat ’gabelik a’ge pam ebe silhogwiam,
Nebit, oluk u’gwarek en dungsogo wathwerlasu ai ’gela’ge, hat hu’gwarek en hebe asogoat wathwerlasu legen o, oluk mo’gulnesi. 15Asogo mo’gulnesimu, an en e,
Eige. Nue. Hat sa, oluk mo’gulegis. Mo’gulosoam nonue ’gain Onuk logo a’ge en e,
An Yesus o. Di obotut yu obotut taknebaigoluk muknoboluk nese legen a’ge anoat o. 16A’ge re, hebe inemen. An nebe horogolema inlau wegi yu. Hat hebe an neragam a’ge oroguntik welat, yogodak hil niegen a’ge emin, pobuk nebe horogolema inagoam niagun a’ge emin, aphwami logon mo’gulentasu lorogun en, yo’go hebegi ai o. 17-18Aphwami Yahudi a’ge emin, is o’borl o’gwe a’ge emin en, wathobuogoluk togwiam e, an en delhebiseleik o. Is o’borl o’gwe a’ge enil hopnik oruak a’ge ai deksogo obabenebiselat, enebe o hiktakma oruak a’ge ai onorogole heberlogo o dakharakma onobou wagalat, Iblis e’gik pam oruak a’ge ai, Allah e’gik pam onobou wagalat, tinogoluk ene’bek perakhebaik o. Perakhoboma, is enede an nebam he’berik poma re, is wiak togwi a’ge ai, at Allah en erlagapsogo ukpasulat,
An neiyagai oluk, enebe wogenebiselat, tik o, oluk mo’gulnesi o,” oluk mo’gulesi.
At Paulus til denaga laga a’ge paget mo’gulentesi wene
19Asogo mo’gulesirik, mesik disogo mo’gulesi,
“Ai en, Agripa nue. Allah en Yesus norogolema inemagoluk perakpou waga a’ge ai, iak hologo taga leigoluk nannisogo tago modok welegi o. 20#Per. 9:20,28,29Wene ai, naduk is aphwami Yahudi a’ge o Damsyik eba welegesa a’ge mo’gulentegis. Pobuk o Yerusalem loluk welat, is eba a’ge mo’gulentasulat, o propinsi Yudea a’ge ’berlegat mo’gulentasulat, tegistik, is o’borl o’gwe a’ge mo’gulentil neselegi. Asogo mo’gulentil denagalat e,
Wiak togu legep a’ge ukpoluk henebabut heberloroguptik honolukhwe Allah wogomup o. Honolukhwe Allah wogotluk e, henebabut aphwami enebabut heberlotluk togwi ’gela’geat togu lomup o, oluk mo’gulentasu legi o. 21Mo’gulentasu legi ai enat, an Allah owi werikmu ’goluk oruakma, is ap Yahudi a’ge en nebe tenak noboluk watnobuogoluk tigisa ai o. 22Watnobuogoluk tigisa a’geat de, Allah en tenniarok modok oruakhwe, an yogodak yema edik welat his ap ’gaindek enemin, honosi enemin, wene an en mo’gulhentasu legi a’ge yu. Wene yu re, page enat, is ap Allah iak mo’gulontogu legesa a’ge en enemin, at Musa emin,
Pobuk disogo ema, oluk egesa a’geat mo’gulhentasu legi o. 23#Yes. 42:6; 49:6; 1Kor. 15:20 Is en e,
Kristus ebe warotluk e, at naduk elaluk agarik, wene dakharak onobua wene ai, aphwami Yahudi a’ge mo’gulentasulat, o’borl o’gwe a’ge mo’gulentasulat, tua o, oluk egesarik pelal wokho pegesa ai ’gela’geat an en ogo eselegi o,” oluk mo’gulesi.
24At Paulus u’gwarek en ebe erlele wokho wene asogo egeitik mesik ik ’galma re, at ’gain Festus iak loksogo re,
“Paulus! Hede ’balaga hegi o. Hat en di wene yu wene esanat mo’gulise legen ai en hede ’baluagoluk takhebesimu hegi o,” oluk mo’gulesi. 25Asogo mo’gulesimu, at Paulus en e,
“Festus nue. An nede ’balegirik eselegi puk o. We, op welat wene demat mo’gulhentasu legi o,” oluk egeitik,
26“Agripa nue. Wene yu demat hat haluk ai en, an hat hilem nogorlok erlaksogo eselegi. Wene ai, o hisogoma en taga legi erlak. We, selakma enat aga ai en, wene ai mesik hat heperlak welegen, oluk nede epasu legi erlak o. 27Agripa nue. Wene is ap Allah iak mo’gulontogu legesa a’ge en egesa ai, demat oluk epasu legen erlak no? Demat oluk epasu legenat o. An naluk o,” oluk mo’gulesi. 28Asogo mo’gulesimu, at Agripa en e,
“An nebe yogodak ya perleneat Kristen a’ge emagoluk, hat en taknebaigoluk epasu legen a? Mia o,” oluk mo’gulesi. 29Asogo mo’gulesimu, at Paulus en e,
“Yogodak ya de a? Wolomultik en de a. Hat hemin, his logon niak yogodak hologu legep a’ge henebe ’berlek henemin, an ne’gik herle werak welegi yu ’gela’ge nak henebam om erlak ai en, an welegi ’gela’geat orogup oluk Allah yo’go pasu legi o,” oluk mo’gulesi.
30Asogo mo’gulesimu, at ’gain onuk logo a’ge Agripa ano emin, at ’gain gubernur Festus ano emin, hwe Bernike ano emin, is logon enemin hweriogo welegesa a’ge ’berlek enemin, enebe inotluk, 31odipmu libegesa. Libegesarik e, is-is nak ogulat e,
“Ap ai re, e’gik herle worogulat, ebe worogulat, tu a’ge re, wiak mesik tu erlak ai en o,” oluk egesa. 32Asogo egesarik, at Agripa en Festus mo’guleselat e,
“Paulus en e,
Wene nebam pegesa a’ge yu, at Kaisar en edip herasogo ologun woruak o, oluk elip erlak wellepma re, nis en e’gik herle hebillu o,” oluk mo’gulesi.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید