ROMA 6
6
Dar Kristus cowkon aojaworsitfom
1Inimas ara, dar ucim atakam aotawcow? Dar dosa bwemawar— inimas e Allah asan akat atetamamaras kayimin aokakayicema aranew? Inim arapen? 2Inim arapok! Bare, dar damir emcaaffom inim cimin ara. Inimas e dosa, dar bwemomom asan opok. Dar dosa bwemawar arapok. 3Car e bwi babwimas camsom opoknew? Bare, dar Kristus Yesus cowkon aememfom. Inimas ow bwi abwimforowos. Ow bwi abwimforowos ara, dar e aramat ipic e damir aafef, inim cimin damir aaffom. 4Ow bwi abwimforowos, ar dar aramat ipic cowkon, se awuapomforowos inim cimin ara. Dar aramat ipic damir cowkon aaffom inim cimin ara. Er dar ay jak batowopas ara— e daricipic, e akatnakut fakas epcom, e Kristus aojaworomsumutumef inim awcawor ara.
5Dar Kristus cowkon damir aaffom inim cimin ara. Inimasam dar, e aramat ipic cowkon aojaworsitfom inim cimin ara. 6Ow e Kristus salib op acatopomfes ara, e datarey jakam damir aaffom inim cimin ara. Er, e dadosa basinom jak, bakumimosomas ara. Eram, dosa afakas, dar boomomasinas ara. 7Bare, ow damir aafces, dosa afakas, e ow boomom opok ara. 8Dar Kristus cowkon damir aaffom inim cimin aranew, daram aramat ipic cowkon aojaworsitfom inim cimin ara. Inimas daram ay jak atowopmom ara. Dar inim atakam asicimamom. 9Allah, e Kristus aojaworomsumutumef. E Kristus masirin, damir boaf opok aemcema. E damiras aramat ipic boomom opok aemcema. Dar inimas namsom ara. 10Aramat ipic damir aafef ara, ar dosa afakas bakumimosom damir aafef. Aram damir boaf opok ara. Inimas ara, ar wow Allah cowkon tetakay awap. 11Inimas ara, car inim bi binip mamceceremey: “Dar damir aaffom inim cimin ara. Inimas dosa dar bwemoomom asan opok. E nat, dar Kristus Yesus cowkon awapom. Inimas dar e Allah akat apormaras jipu bwem, tetakay awapom.” Inim bi binip mamceceremey.
12Dosa afakas, e cadamir epcom dam aomomcow, car, e cajak basinomas jipu aemcomokom. Ca nat, inimas boem arapok. 13Caram e cadam, dosa bwem, botetam arapok. E cadam e fasias boem arapok. E nat, e cadam anakat epcom Allah mamtetamtotorey. Bare, car damir aaffokom inim cimin ara. E nat, Allah car aojaworomsumutumfan inim cimin ara. Bare, e cadam, akatas bwem, Allah mamtetamtotorey. 14Car e Musa surat aeapomef jirmec aman bemap opok. Car, e Allah atetamamar asan akat aman aemapmokom. Inimas dosa afakas car boomom arapok.
Kerja bwemtam ow
15Inimas ara, dar ucimaram? Dar e Musa surat aeapomef jirmec aman bemap opok. Dar e Allah atetamamar asan akat aman aemapmom. Inimas dar dosa bwem akat open? Dar inimas arapok. 16Car ow aratakam ji aecokomnew, car e ow akerka bwemtam ow ara. Caram dosa aratakam ji aecokomnew, car dosa akerja bwemtam ow inim cimin ara. Car masirin, damir aafcomokom. Car Allah aratakam ji aecokomnew, car aramat ipic akerja bwemtam ow ara. Aramat ipic masirin, car ow tarowat ara, inim atakam asakamtiwcema. Car inimas camsom opoknew? 17Bap ara, car dosa akerja bwemtam ow aememawirukum. Asep ara nat, car e amememfokom atakam ji aekurumfokom. Inimas dar terima kasih atakam Allah aotawmom ara. 18Allah car dosa afakas asurumtamfan. Car masirin, e akatas akerja bwemtam ow aememfokom. 19Bare, car e aman atakam jen bwemjikurum asan opok. Inimas dor asmat ow e atawcemes atakam, aotawmin. Bap ara, car e cadam, jursumecasam, fasias jukpiriam, inim bwem atetamfokom. Wow nat, car e cadam e akatas bwem, mamtetamtotorey. Er car ow tarowatnak mememas ara.
20Car dosa akerja bwemtam ow aememawirukum ara, e akatas car momom opok aemawirin. 21E aemawirukumas nat, wow namke akayemamokom. Er, asan akatas opok. Er damiras ara. 22Allah nat, e dosa afakas, car asurumtamfan. Aram aramat ipic akerja bwemtam ow, car atewemfan. E asan akat aemapmokomas, bare car ow tarowat aemapmokom ara. Caram jiwnenak aatamomomatawarmokom. 23Dosa bwem ow, damir aafcemes. Allah amami batetamas nat, jiwnenak batamomomataweras ara. Er Kristus Yesus daTuhan aemtamforowas ara.
اکنون انتخاب شده:
ROMA 6: LAICNS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
ROMA 6
6
Dar Kristus cowkon aojaworsitfom
1Inimas ara, dar ucim atakam aotawcow? Dar dosa bwemawar— inimas e Allah asan akat atetamamaras kayimin aokakayicema aranew? Inim arapen? 2Inim arapok! Bare, dar damir emcaaffom inim cimin ara. Inimas e dosa, dar bwemomom asan opok. Dar dosa bwemawar arapok. 3Car e bwi babwimas camsom opoknew? Bare, dar Kristus Yesus cowkon aememfom. Inimas ow bwi abwimforowos. Ow bwi abwimforowos ara, dar e aramat ipic e damir aafef, inim cimin damir aaffom. 4Ow bwi abwimforowos, ar dar aramat ipic cowkon, se awuapomforowos inim cimin ara. Dar aramat ipic damir cowkon aaffom inim cimin ara. Er dar ay jak batowopas ara— e daricipic, e akatnakut fakas epcom, e Kristus aojaworomsumutumef inim awcawor ara.
5Dar Kristus cowkon damir aaffom inim cimin ara. Inimasam dar, e aramat ipic cowkon aojaworsitfom inim cimin ara. 6Ow e Kristus salib op acatopomfes ara, e datarey jakam damir aaffom inim cimin ara. Er, e dadosa basinom jak, bakumimosomas ara. Eram, dosa afakas, dar boomomasinas ara. 7Bare, ow damir aafces, dosa afakas, e ow boomom opok ara. 8Dar Kristus cowkon damir aaffom inim cimin aranew, daram aramat ipic cowkon aojaworsitfom inim cimin ara. Inimas daram ay jak atowopmom ara. Dar inim atakam asicimamom. 9Allah, e Kristus aojaworomsumutumef. E Kristus masirin, damir boaf opok aemcema. E damiras aramat ipic boomom opok aemcema. Dar inimas namsom ara. 10Aramat ipic damir aafef ara, ar dosa afakas bakumimosom damir aafef. Aram damir boaf opok ara. Inimas ara, ar wow Allah cowkon tetakay awap. 11Inimas ara, car inim bi binip mamceceremey: “Dar damir aaffom inim cimin ara. Inimas dosa dar bwemoomom asan opok. E nat, dar Kristus Yesus cowkon awapom. Inimas dar e Allah akat apormaras jipu bwem, tetakay awapom.” Inim bi binip mamceceremey.
12Dosa afakas, e cadamir epcom dam aomomcow, car, e cajak basinomas jipu aemcomokom. Ca nat, inimas boem arapok. 13Caram e cadam, dosa bwem, botetam arapok. E cadam e fasias boem arapok. E nat, e cadam anakat epcom Allah mamtetamtotorey. Bare, car damir aaffokom inim cimin ara. E nat, Allah car aojaworomsumutumfan inim cimin ara. Bare, e cadam, akatas bwem, Allah mamtetamtotorey. 14Car e Musa surat aeapomef jirmec aman bemap opok. Car, e Allah atetamamar asan akat aman aemapmokom. Inimas dosa afakas car boomom arapok.
Kerja bwemtam ow
15Inimas ara, dar ucimaram? Dar e Musa surat aeapomef jirmec aman bemap opok. Dar e Allah atetamamar asan akat aman aemapmom. Inimas dar dosa bwem akat open? Dar inimas arapok. 16Car ow aratakam ji aecokomnew, car e ow akerka bwemtam ow ara. Caram dosa aratakam ji aecokomnew, car dosa akerja bwemtam ow inim cimin ara. Car masirin, damir aafcomokom. Car Allah aratakam ji aecokomnew, car aramat ipic akerja bwemtam ow ara. Aramat ipic masirin, car ow tarowat ara, inim atakam asakamtiwcema. Car inimas camsom opoknew? 17Bap ara, car dosa akerja bwemtam ow aememawirukum. Asep ara nat, car e amememfokom atakam ji aekurumfokom. Inimas dar terima kasih atakam Allah aotawmom ara. 18Allah car dosa afakas asurumtamfan. Car masirin, e akatas akerja bwemtam ow aememfokom. 19Bare, car e aman atakam jen bwemjikurum asan opok. Inimas dor asmat ow e atawcemes atakam, aotawmin. Bap ara, car e cadam, jursumecasam, fasias jukpiriam, inim bwem atetamfokom. Wow nat, car e cadam e akatas bwem, mamtetamtotorey. Er car ow tarowatnak mememas ara.
20Car dosa akerja bwemtam ow aememawirukum ara, e akatas car momom opok aemawirin. 21E aemawirukumas nat, wow namke akayemamokom. Er, asan akatas opok. Er damiras ara. 22Allah nat, e dosa afakas, car asurumtamfan. Aram aramat ipic akerja bwemtam ow, car atewemfan. E asan akat aemapmokomas, bare car ow tarowat aemapmokom ara. Caram jiwnenak aatamomomatawarmokom. 23Dosa bwem ow, damir aafcemes. Allah amami batetamas nat, jiwnenak batamomomataweras ara. Er Kristus Yesus daTuhan aemtamforowas ara.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید