ROMA 16
16
Selamat atakam
1E Febe, dajowow cowoc ara. Ar e kota Kengkrea Yesus basicim barewsi ow, kerja aemtamama. E cowoc, bare akat ara. 2Ar Tuhan aras ara. Inimas aramat cowoc mamtewey— e dar tarowat ow, ow batewjias inim awcawora. Aramat cowoc, bare asan akat, ow arke aomef. Aram asan akat dor aomfan. Inimas ara, ar pok opok aemapcow, pok ar mamfafaytamey.
3Car selamat atakam e Priskaam, e Akwilaam, mamotawtamcan. Ar, dor akac, kerja, Kristus Yesus aemtamamom. 4Ar, dor bajortew, asan pwicak aemapfes. Bare, dor terima kasih atakam e ow aotawmin ara. E nat, dor cowok opok. E Yahudi opok Yesus basicim barewsi ow takasam terima kasih atakam e ow aotawmes ara. 5Caram selamat atakam e Priskain Akwila cem Yesus basicim barewsi ow mamotawtamcan. Bare, e Epenetus dojowow ipic ara. Dor e ipic damos ajiomamin. Aram e Asia capinmi ow aman, Kristus bap a takam ajamkawief ipic ara. Caram selamat atakam aramat ipic mamotawtamcan. 6Caram selamat atakam Maria mamotawtamcan. Aramat cowoc kerja fak car aemtamfan. 7Caram selamat atakam Andronikusam, Yuniasam, mamotawtamcan. Ar dosamat ow ara. Aram e penjara cem aman akac aemapfom ow ara. E atakam botaw batewosom ow, e ow amsomnak ara. Aram Kristus bap ajamkawifes. Dor masirin asep ajamkawiof ara.
8Caram selamat atakam Ampliatus mamotawtamcan. Aramat ipic Tuhan mamkawi ipic ara. Inimas dor aramat ipic damos ajiomamin. 9Caram selamat atakam Urbanus mamotawtamcan. Aramat ipic, dar akac, kerja Kristus aemtamamom. Caram selamat atakam Stakis mamotawtamcan. Doram aramat ipic damos ajiomamin. 10Caram selamat atakam Apeles mamotawtamcan. Aramat ipic Kristus mamkawinak aporfom. Caram selamat atakam e Aristobulus acem ow mamotawtamcan. 11Caram selamat atakam Herodion mamotawtamcan. Aramat ipic dosamat ipic ara. Caram selamat arakam e Narkisus cem Kristus ajamkawimes ow mamotawtamcan.
12Caram selamat atakam Trifenaam, Trifosaam, mamotawtamcan. Ar Tuhan kerja aemtamames ow ara. Caram selamat atakam Persis mamotawtamcan. Dor aramat cowoc damos ajiomamin. Aram Tuhan kerja fak aemtamef. 13Caram selamat atakam Rufus mamotawtamcan. Aramat ipic Tuhan kerja akatnakut aemtamama. Caram selamat atakam e arosowoc mamotawtamcan. Aram dorosowoc cimin ara. 14Caram selamat atakam Asinkritusam, Flegonam, Hermesam, Patrobasam, Hermasam, e ow akac aemapmes Yesus mamkawi owam, mamotawtamcan. 15Caram selamat atakam Filologusam, Juliaam, Nereusam, Nereus atarsowocam, Olimpasam, e ow akac aemapmes ow tarowatam, mamotawtamcan.
16Caram caramaman becer mamjipiromey. E asan takas Yesus basicim barewsi ow selamat atakam car aotawman.
Wun atjen bowas
17Dojowow akatonokom. Dor atjen fak car aowmin. Car e apapacaymes ow pimicima. E ow, wun ow Kristus mamkawi akoromtiwporcemes. Ar e amememawirukum atakam aopowmes. Car e ow bak mampayemey. 18E ow, e Kristus daTuhan, kerja bwemtam opok. Ar e ajak basinomas jipu kerja aemames. E ow atakam afayimcemes. Aram kawey ow, ow akat, inim atakam aotawcemes. E nat, bweyof cowok ara. Inimas ar e pwicakas amsom opok ow, tot aotcemes. 19Ow takas, car e Atakam Akat ji aemokomas, jen emejifes. Inimas ara, car e dojak akat aemamenokom. Dor car e akatas baporkurum, akat aemin. Caram e dosaas basam bat arapok, inimas akat aemin. 20Allah, bare da jak akat batetam ipic ara. Aramat ipic, e Iblis, e cabwey aman sarim inim daniwis aemceman. E daTuhan Yesus, asan akat, car batetamcan.
21Timotius dor akar kerja bwem ipic ara. Aramat ipic selamat atakam car aotawman. Lukiusam, Yasonam, Sosipateram, dosamat ow ara. Aram selamat atakam car aotawman.
22Bare, dor Tertius ara. Dor, a Paulus atawmar atakam, surat aeapomtamamin. Doram car akac Tuhan mamkawi ipic ara. Dor selamat atakam car aotawmin.
23Arasan ara, dor Gayus cem ajamememof. E arasan Yesus basicim ow e aramat ipic cem amanam ajarewsiapcemes. E aramat ipicam selamat atakam car aotawman. A kota pemerintah uang manmok batiw ipicam juwas Erastus selamat atakam car aotawman. Dar akac Yesus mamkawi ipicam juwas Kwartus selamat atakam car aotawman.
24E Yesus Kristus daTuhan, asan akat car takas batetamcan. A atakam, bare atakamnak ara.
Allah basicimawarji
25Allah car a mamkawi fak, inim jak car batetam aememama. E acacapiomamin Yesus Kristus Atakam Akat, inim atakamam ara. E amannakut atakamam, inim atakam ara. Tareynakut, ow e aman atakam amsom opok aemawiris. 26Wow nat, Allah e atakam umuton aporomamar ara. Owam, e Allah atakam botaw ow tulis aeapomfes atakam jen ajimes ara. Bare, e jiwnenak epcom Allah, e samat takas, e atakam jen baji, jirmec ajirimef. Er ow takas e Kristus basicimjias ara. Eram ow takas, e Allah atakam ji bweas ara. 27Allah, bare cowok ara. Aramat ipicam bi binip umuton anakat ara. Dar e Yesus Kristus aemefas apormom ara. Inimas dar e Allah basicimawarji. A atakam, bare atakamnak ara.
اکنون انتخاب شده:
ROMA 16: LAICNS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
ROMA 16
16
Selamat atakam
1E Febe, dajowow cowoc ara. Ar e kota Kengkrea Yesus basicim barewsi ow, kerja aemtamama. E cowoc, bare akat ara. 2Ar Tuhan aras ara. Inimas aramat cowoc mamtewey— e dar tarowat ow, ow batewjias inim awcawora. Aramat cowoc, bare asan akat, ow arke aomef. Aram asan akat dor aomfan. Inimas ara, ar pok opok aemapcow, pok ar mamfafaytamey.
3Car selamat atakam e Priskaam, e Akwilaam, mamotawtamcan. Ar, dor akac, kerja, Kristus Yesus aemtamamom. 4Ar, dor bajortew, asan pwicak aemapfes. Bare, dor terima kasih atakam e ow aotawmin ara. E nat, dor cowok opok. E Yahudi opok Yesus basicim barewsi ow takasam terima kasih atakam e ow aotawmes ara. 5Caram selamat atakam e Priskain Akwila cem Yesus basicim barewsi ow mamotawtamcan. Bare, e Epenetus dojowow ipic ara. Dor e ipic damos ajiomamin. Aram e Asia capinmi ow aman, Kristus bap a takam ajamkawief ipic ara. Caram selamat atakam aramat ipic mamotawtamcan. 6Caram selamat atakam Maria mamotawtamcan. Aramat cowoc kerja fak car aemtamfan. 7Caram selamat atakam Andronikusam, Yuniasam, mamotawtamcan. Ar dosamat ow ara. Aram e penjara cem aman akac aemapfom ow ara. E atakam botaw batewosom ow, e ow amsomnak ara. Aram Kristus bap ajamkawifes. Dor masirin asep ajamkawiof ara.
8Caram selamat atakam Ampliatus mamotawtamcan. Aramat ipic Tuhan mamkawi ipic ara. Inimas dor aramat ipic damos ajiomamin. 9Caram selamat atakam Urbanus mamotawtamcan. Aramat ipic, dar akac, kerja Kristus aemtamamom. Caram selamat atakam Stakis mamotawtamcan. Doram aramat ipic damos ajiomamin. 10Caram selamat atakam Apeles mamotawtamcan. Aramat ipic Kristus mamkawinak aporfom. Caram selamat atakam e Aristobulus acem ow mamotawtamcan. 11Caram selamat atakam Herodion mamotawtamcan. Aramat ipic dosamat ipic ara. Caram selamat arakam e Narkisus cem Kristus ajamkawimes ow mamotawtamcan.
12Caram selamat atakam Trifenaam, Trifosaam, mamotawtamcan. Ar Tuhan kerja aemtamames ow ara. Caram selamat atakam Persis mamotawtamcan. Dor aramat cowoc damos ajiomamin. Aram Tuhan kerja fak aemtamef. 13Caram selamat atakam Rufus mamotawtamcan. Aramat ipic Tuhan kerja akatnakut aemtamama. Caram selamat atakam e arosowoc mamotawtamcan. Aram dorosowoc cimin ara. 14Caram selamat atakam Asinkritusam, Flegonam, Hermesam, Patrobasam, Hermasam, e ow akac aemapmes Yesus mamkawi owam, mamotawtamcan. 15Caram selamat atakam Filologusam, Juliaam, Nereusam, Nereus atarsowocam, Olimpasam, e ow akac aemapmes ow tarowatam, mamotawtamcan.
16Caram caramaman becer mamjipiromey. E asan takas Yesus basicim barewsi ow selamat atakam car aotawman.
Wun atjen bowas
17Dojowow akatonokom. Dor atjen fak car aowmin. Car e apapacaymes ow pimicima. E ow, wun ow Kristus mamkawi akoromtiwporcemes. Ar e amememawirukum atakam aopowmes. Car e ow bak mampayemey. 18E ow, e Kristus daTuhan, kerja bwemtam opok. Ar e ajak basinomas jipu kerja aemames. E ow atakam afayimcemes. Aram kawey ow, ow akat, inim atakam aotawcemes. E nat, bweyof cowok ara. Inimas ar e pwicakas amsom opok ow, tot aotcemes. 19Ow takas, car e Atakam Akat ji aemokomas, jen emejifes. Inimas ara, car e dojak akat aemamenokom. Dor car e akatas baporkurum, akat aemin. Caram e dosaas basam bat arapok, inimas akat aemin. 20Allah, bare da jak akat batetam ipic ara. Aramat ipic, e Iblis, e cabwey aman sarim inim daniwis aemceman. E daTuhan Yesus, asan akat, car batetamcan.
21Timotius dor akar kerja bwem ipic ara. Aramat ipic selamat atakam car aotawman. Lukiusam, Yasonam, Sosipateram, dosamat ow ara. Aram selamat atakam car aotawman.
22Bare, dor Tertius ara. Dor, a Paulus atawmar atakam, surat aeapomtamamin. Doram car akac Tuhan mamkawi ipic ara. Dor selamat atakam car aotawmin.
23Arasan ara, dor Gayus cem ajamememof. E arasan Yesus basicim ow e aramat ipic cem amanam ajarewsiapcemes. E aramat ipicam selamat atakam car aotawman. A kota pemerintah uang manmok batiw ipicam juwas Erastus selamat atakam car aotawman. Dar akac Yesus mamkawi ipicam juwas Kwartus selamat atakam car aotawman.
24E Yesus Kristus daTuhan, asan akat car takas batetamcan. A atakam, bare atakamnak ara.
Allah basicimawarji
25Allah car a mamkawi fak, inim jak car batetam aememama. E acacapiomamin Yesus Kristus Atakam Akat, inim atakamam ara. E amannakut atakamam, inim atakam ara. Tareynakut, ow e aman atakam amsom opok aemawiris. 26Wow nat, Allah e atakam umuton aporomamar ara. Owam, e Allah atakam botaw ow tulis aeapomfes atakam jen ajimes ara. Bare, e jiwnenak epcom Allah, e samat takas, e atakam jen baji, jirmec ajirimef. Er ow takas e Kristus basicimjias ara. Eram ow takas, e Allah atakam ji bweas ara. 27Allah, bare cowok ara. Aramat ipicam bi binip umuton anakat ara. Dar e Yesus Kristus aemefas apormom ara. Inimas dar e Allah basicimawarji. A atakam, bare atakamnak ara.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید