AEMAWIRISAS 28
28
Paulus, Malta aememef
1Bare, dar asan akat asowkufom. E wōw aemapfes owam atakam aotawforowos. “Awap wōw juwas Malta ara.” Inim aeforowos. 2E owam asan akat dar aomforowos. Bare, te aneyef. Dar masirin dam jufu aememfom. E ow inimas aporfes masirin, jismak atowokomtamforowos. Aram asan akat aemforowos. 3Paulusam jis acamimomef, wunam e jis atowokomef. Jis atowokomef ara, amer jis aman aewfisef. E amer e jis amop aporef ara. Bare, e amer Paulus ban sis aatef. 4E wōw aemapfes owam e amer Paulus ban bamatapitep aporfes, wunam atakam aamtawfes. “Ewamec ipic sanaw bwetiw ipic ara openow. Ar e jicupum bwi damir baf opok aemef. E nat, e allah juwas ‘Bic Baji Aramat Ipic’ e ipic acatiwcema.” Inim aefes. 5Paulus nat, e amer apacapimosomef. E ameram jismak aman aneyamesef. Paulusam bajurusem opok cowok. 6E ow nat, e Paulus ban pupunew, damir baneyjuamesnew, manmok atiwfes. Ar manmok jirow pwiciri atiwfes, e nat, Paulus bajurusem opok aporfes. Inimas e ow ay bi binip aceceremfes, wunam atakam aotawfes. “Ewamec ipic, allah ipic ara.” Inim aefes.
7Wun capinmiam asepok aemamesef. E capinmi aramat ipic juwas Publius ara. Ar e wōw kepala ipic ara. Aramat ipic asan akat dar atowomiwfosom. Daram isi mamincop acem aamsesfom. 8Publius aricipic nat, dam aemamesef. Aram es as arawen. Paulus, aramat ipic kamar afiwef, wunam janim Allah aanimef. Aram ban aramat ipic dam ton atatiwef, wunam ar e ipic ajaworomtewef. 9Inimas aemef masirin, e wōw dam ow takas aenawa aefes. Paulusam e ow ajaworomtawa aeef. 10E owam, pok arke mami atetamforowos. Daram banajuw aememfom, ar e bowsec memenas takas atetamforowos.
Paulus, Malta ewnajuwef, wunam Roma ajiref
11Dar erasan pir mamincop aemapawirum, wunam kota Aleksandria ewinawef kapal ajamuwfom. E kapal e Malta jufu bwi aemseawiri. E kapal cimen kapal juwas asuk wow epcom. E asuk wow “Allahamnuk” ara. 12Bare, dar kota Sirakusa asetayfom, wunam erasan isi mamincop aemsefom. 13Daram aonajuwfom, wunam kota Regium asetayfom. Ajofay ara, fo e jicupum ajinawef. Dar masirin, bar jamnuk aemsefom, wunam kota Putioli asetayfom. 14Dar erasan Yesus mamkawi ow biamnuk aemamtewfom. Aram dar acem jaki isi tujuh ajiwar bwisit janim aanimforowos. Bare, dar erasan ewjisosfom, dar kota Roma ajaremfom. 15E Roma Yesus mamkawi owam, daratakam jen emcajifes. Ar masirin, asan juwas Pasar Apiusam, Pasanggrahan Tigaam, erasan da batew aenawfes. Paulus, e ow bi aporef aram terima kasih atakam Allah aotawef. Aram jak fak aememef.
Paulus, Yesus atakam Roma ow aotawawiri
16Bare. Dar Roma ajaremfom, pemerintah e Paulus arop cem bemap atetamfes. Aram tentara ipic cowok, aramat ipic manmok batiw jirmec ajirimfes.
17Bar mamincop ara masirin, Paulus e Yahudi kepala ow ajateef. E ow ajarewsiapfes ara, Paulus atakam aotawef. “Betiwa. Aykuna. Dor e dajowow salah bwem opok. Doram e darafas siin asimom pok cey bopow opok. E nat, Yerusalem aememof, e ow ban akimomfenes, wunam ar e Roma pemerintah aotasimemtamfenes. 18E pemerintah owam aoworporfenes, wunam dor basurum akat aefes. Ar dor damir baf salah bwem opok aporfes ara. 19E Yahudi ow nat, inimas pwicaken. Inimas ara, ‘Kaisar arma baoworporcan,’ inim janim aanimof. E nat, e Yahudi ow dosamat ara. E janim aanimofasam, ‘E Yahudi ow salah ara,’ inim bajias opok. 20Bare, Israel ow, jipic cowok jirey aemes. Doram e ipic jirey aemin. Inimas ara, ow rantai manam ajikapomfenes. Inimasam ara, dor cabi baporam, atakam ca botawam, inim janim aanimof.” Paulus inim aeef. 21E ow masirin, atakam Paulus aotawfes. “E Yudea ow, oratakam surat, dar batewenam opok. E dajowowam, oratakam pwicak, arasan batowominaw opok. 22Da nat, e obi binip, aceceremamemas, atakam jen baji akat ara. E asanin asanin ow, e ajamkawimem agama atakam, pwicak atakam atawmes apormom ara.” Inim aefes.
23E ow masirin, bojarewsiap jofay atakam Pauluscin aamsakamfes. Bare, e jofay aenawef ara, ow arke e Paulus aemapef cem aenawtotorfes. Paulus masirin, Allah Pemerintah, atakam fak, e ow aotawef. Ar atakam tam eworomsimopef, wunam porow joti aomopef. Ar Musa Jirmec surat atakamam, e Allah atakam botaw ow aeapomfes surat atakamam, aemtewef. Inimas ar e Yesus atakam, atakamnak ara, inim atakam e ow aotawporef. 24E wun ow, inim atakam atakamnak aporfes. E wun ow nat, inim atakam basicim pwicaken. 25Bare, e ow aojisosfes ara, aram atakam cawor opok aemfes. Bap ara nat, Paulus atakam e ow aotawef. “Roh Kudus, atakamnak, e Allah atakam botaw ipic juwas Yesaya aotawefen. Aramat ipic masirin, aratakam, e carafas aotawefen:
26‘Oram inim atakam a ow mamotawey:
“Caram atakam jen ajiawarcomokom, e nat car e atakam camsom opok aemcomokom. Caram manmok atiwawarcomokom, e nat, caram bapor opok aemcomokom.
27Awapes ow jen opok ara. Aram ajen jof akapimfes. Aram amanmok akapimfes. Ar pok baporasin. Aram atakam jen bajiasin. Aram bi binip umuton batowom, wunam bin bafiriasin. Doram e ow dam baworomtawasin.” Inim atakam e ow mamotawey.’
Yesaya e Roh Kudus aotawef atakam inim atakam atawefen. 28Inimas ara, Allah, ow e bajortew atakam botaw, e Yahudi opok ow, atewosomef. E Yahudi opok owam inim atakam jen ajikurumcemes.” Paulus inim aeef. 29Paulus inim atakam aotawef masirin, e Yahudi ow ajisosfes. Aram atakam awut aamtawfes.
30Bare. Paulus arop cem tahun jamnuk ajiwar aemapawiri. Aram, e cem aramat ipic, uang atetamawiri. Aram e jaki ow takas, e cem atowomiwawiri. 31Aram Allah Pemerintah atakam, acacapiomawiri. Aram Tuhan Yesus Kristus atakam, jak fak epcom, amememtamawiri. Owam ar e atakam botaw acuw opok.
اکنون انتخاب شده:
AEMAWIRISAS 28: LAICNS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
AEMAWIRISAS 28
28
Paulus, Malta aememef
1Bare, dar asan akat asowkufom. E wōw aemapfes owam atakam aotawforowos. “Awap wōw juwas Malta ara.” Inim aeforowos. 2E owam asan akat dar aomforowos. Bare, te aneyef. Dar masirin dam jufu aememfom. E ow inimas aporfes masirin, jismak atowokomtamforowos. Aram asan akat aemforowos. 3Paulusam jis acamimomef, wunam e jis atowokomef. Jis atowokomef ara, amer jis aman aewfisef. E amer e jis amop aporef ara. Bare, e amer Paulus ban sis aatef. 4E wōw aemapfes owam e amer Paulus ban bamatapitep aporfes, wunam atakam aamtawfes. “Ewamec ipic sanaw bwetiw ipic ara openow. Ar e jicupum bwi damir baf opok aemef. E nat, e allah juwas ‘Bic Baji Aramat Ipic’ e ipic acatiwcema.” Inim aefes. 5Paulus nat, e amer apacapimosomef. E ameram jismak aman aneyamesef. Paulusam bajurusem opok cowok. 6E ow nat, e Paulus ban pupunew, damir baneyjuamesnew, manmok atiwfes. Ar manmok jirow pwiciri atiwfes, e nat, Paulus bajurusem opok aporfes. Inimas e ow ay bi binip aceceremfes, wunam atakam aotawfes. “Ewamec ipic, allah ipic ara.” Inim aefes.
7Wun capinmiam asepok aemamesef. E capinmi aramat ipic juwas Publius ara. Ar e wōw kepala ipic ara. Aramat ipic asan akat dar atowomiwfosom. Daram isi mamincop acem aamsesfom. 8Publius aricipic nat, dam aemamesef. Aram es as arawen. Paulus, aramat ipic kamar afiwef, wunam janim Allah aanimef. Aram ban aramat ipic dam ton atatiwef, wunam ar e ipic ajaworomtewef. 9Inimas aemef masirin, e wōw dam ow takas aenawa aefes. Paulusam e ow ajaworomtawa aeef. 10E owam, pok arke mami atetamforowos. Daram banajuw aememfom, ar e bowsec memenas takas atetamforowos.
Paulus, Malta ewnajuwef, wunam Roma ajiref
11Dar erasan pir mamincop aemapawirum, wunam kota Aleksandria ewinawef kapal ajamuwfom. E kapal e Malta jufu bwi aemseawiri. E kapal cimen kapal juwas asuk wow epcom. E asuk wow “Allahamnuk” ara. 12Bare, dar kota Sirakusa asetayfom, wunam erasan isi mamincop aemsefom. 13Daram aonajuwfom, wunam kota Regium asetayfom. Ajofay ara, fo e jicupum ajinawef. Dar masirin, bar jamnuk aemsefom, wunam kota Putioli asetayfom. 14Dar erasan Yesus mamkawi ow biamnuk aemamtewfom. Aram dar acem jaki isi tujuh ajiwar bwisit janim aanimforowos. Bare, dar erasan ewjisosfom, dar kota Roma ajaremfom. 15E Roma Yesus mamkawi owam, daratakam jen emcajifes. Ar masirin, asan juwas Pasar Apiusam, Pasanggrahan Tigaam, erasan da batew aenawfes. Paulus, e ow bi aporef aram terima kasih atakam Allah aotawef. Aram jak fak aememef.
Paulus, Yesus atakam Roma ow aotawawiri
16Bare. Dar Roma ajaremfom, pemerintah e Paulus arop cem bemap atetamfes. Aram tentara ipic cowok, aramat ipic manmok batiw jirmec ajirimfes.
17Bar mamincop ara masirin, Paulus e Yahudi kepala ow ajateef. E ow ajarewsiapfes ara, Paulus atakam aotawef. “Betiwa. Aykuna. Dor e dajowow salah bwem opok. Doram e darafas siin asimom pok cey bopow opok. E nat, Yerusalem aememof, e ow ban akimomfenes, wunam ar e Roma pemerintah aotasimemtamfenes. 18E pemerintah owam aoworporfenes, wunam dor basurum akat aefes. Ar dor damir baf salah bwem opok aporfes ara. 19E Yahudi ow nat, inimas pwicaken. Inimas ara, ‘Kaisar arma baoworporcan,’ inim janim aanimof. E nat, e Yahudi ow dosamat ara. E janim aanimofasam, ‘E Yahudi ow salah ara,’ inim bajias opok. 20Bare, Israel ow, jipic cowok jirey aemes. Doram e ipic jirey aemin. Inimas ara, ow rantai manam ajikapomfenes. Inimasam ara, dor cabi baporam, atakam ca botawam, inim janim aanimof.” Paulus inim aeef. 21E ow masirin, atakam Paulus aotawfes. “E Yudea ow, oratakam surat, dar batewenam opok. E dajowowam, oratakam pwicak, arasan batowominaw opok. 22Da nat, e obi binip, aceceremamemas, atakam jen baji akat ara. E asanin asanin ow, e ajamkawimem agama atakam, pwicak atakam atawmes apormom ara.” Inim aefes.
23E ow masirin, bojarewsiap jofay atakam Pauluscin aamsakamfes. Bare, e jofay aenawef ara, ow arke e Paulus aemapef cem aenawtotorfes. Paulus masirin, Allah Pemerintah, atakam fak, e ow aotawef. Ar atakam tam eworomsimopef, wunam porow joti aomopef. Ar Musa Jirmec surat atakamam, e Allah atakam botaw ow aeapomfes surat atakamam, aemtewef. Inimas ar e Yesus atakam, atakamnak ara, inim atakam e ow aotawporef. 24E wun ow, inim atakam atakamnak aporfes. E wun ow nat, inim atakam basicim pwicaken. 25Bare, e ow aojisosfes ara, aram atakam cawor opok aemfes. Bap ara nat, Paulus atakam e ow aotawef. “Roh Kudus, atakamnak, e Allah atakam botaw ipic juwas Yesaya aotawefen. Aramat ipic masirin, aratakam, e carafas aotawefen:
26‘Oram inim atakam a ow mamotawey:
“Caram atakam jen ajiawarcomokom, e nat car e atakam camsom opok aemcomokom. Caram manmok atiwawarcomokom, e nat, caram bapor opok aemcomokom.
27Awapes ow jen opok ara. Aram ajen jof akapimfes. Aram amanmok akapimfes. Ar pok baporasin. Aram atakam jen bajiasin. Aram bi binip umuton batowom, wunam bin bafiriasin. Doram e ow dam baworomtawasin.” Inim atakam e ow mamotawey.’
Yesaya e Roh Kudus aotawef atakam inim atakam atawefen. 28Inimas ara, Allah, ow e bajortew atakam botaw, e Yahudi opok ow, atewosomef. E Yahudi opok owam inim atakam jen ajikurumcemes.” Paulus inim aeef. 29Paulus inim atakam aotawef masirin, e Yahudi ow ajisosfes. Aram atakam awut aamtawfes.
30Bare. Paulus arop cem tahun jamnuk ajiwar aemapawiri. Aram, e cem aramat ipic, uang atetamawiri. Aram e jaki ow takas, e cem atowomiwawiri. 31Aram Allah Pemerintah atakam, acacapiomawiri. Aram Tuhan Yesus Kristus atakam, jak fak epcom, amememtamawiri. Owam ar e atakam botaw acuw opok.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید