AEMAWIRISAS 22
22
1“Ducura. Betiwa. Aykuna. E atep car ajitminas, jen pajiey.” Inim aeef. 2E ow, Paulus, Ibrani atakam aporfes, wunam jokon cowok ajiemfes. Paulus masirin, atakam aotawef.
3“Do Yahudi ipic awamcey ara. Do Kilikia capinmi kota juwas Tarsus ajisamesof, wunam awames kota aman sur aotemof. Gamaliel e darafas jirmec dor amememtamkurumawirin. Doram Allah Kerja fak bwemtam, akat aemawiru. Eras wow awapokom ow aemamokomas inim awcawor cowok. 4Doram awames agama mamkawi ow ajurusumawiru. Doram e ow acatiwa ajiawiru. Dor e owam, cepesam, manam ajikapoma ajiawiru, wunam penjara cem aman ajiwtewapoma ajiawiru. 5E Allah atakam mamtaw tugas ipic awutam, e atakam mamsakam ownucuram, inimas amsom. E ow, kota Damsik Yahudi ow batetam surat aetamfenes. Dor masirin, awames agama ow manam bajikapom, wunam Yerusalem siksa bwem batowomos, e Damsik ajarof.”
Paulus e ay binip aceceremefas, atakam e ow arke aotawef
6“Ajarof. Ajarof. Bare, doram Damsik sotop inim ajaremof, wunam jok ara, onam op sereas awutnakut dofumi asarimseremnemef. 7Doram cenes aneyjuamesof, wunam atakam jen ajiof. ‘Saulus. Saulus. Ucim pok ajurusumamenem?’ Inim atakam jen ajiof. 8Dor masirin, atep ajitof. ‘Tuhan. O cam?’ Inim aeof. Aramat ipic masirin, atakam dor aotawfan. ‘Dor e Nasaret ipic juwas Yesus ara. Dor e ajurusumamenem ipic ara.’ Inim aeef. 9E dor akac aememfenes ow, e sereasin aporfes. Ar e ipic aotawfan atakam nat, jen bajikurum opok. 10Dor masirin, ‘Tuhan. Dor ucimas emcey?’ Inim aeof. Tuhan masirin, ‘Basitey. Damsik baysosey. Allah, e aemcemas takas, atakam emcasakamef. Erasan ara, or inim atakam jen ajicemem.’ Inim aeef. 11E sereas nat, awutnakut ara. Inimas dor manmok petey aememof. E dor akac aememfenes ow masirin, ban fe atowomatfenes. Inimas dor Damsik ajaremof.”
12“Erasan ara, Musa Jirmec mamkawi fak ipic aemapef. E erasan aemapfes Yahudi ow takasam, aramat ipic asicimfes. 13Aramat ipicam dor sotop aenawomfan, wunam atakam aotawfan. ‘Saulus. Dojowow ipic akatem. Manmok batereyey.’ Inim aefan. Dor ara masirin, aramat ipic bi aporof. 14Aramat ipic masirin, Darafas arAllah, or e akat aporcowas, inim atakam jen baji akat arawen. Aram, or, e akerja bwemtam ipic tarowat, bi bapor akat arawen. Aram or e ipic arop bweyof atakam jen baji akat arawen. Ar or inimas bwem aeremtewfan. 15Or e aporfemasam, e jen ajifemasam, ow takas atemen aatamcemem. 16Or ucimas emaperem? Basitey. Oram Tuhan janim manimey, wunam ow or bwi babwimcenes. Tuhan e odosa bakokoromosomtamcan.” Inim aefan.
Tuhan, Paulus, e Atakam Akat, Yahudi opok samat botaw, jirmec ajirimef
17“Bare. Doram Yerusalem aofasiof. Dor e Allah cem aman janim Allah aanimof, wunam pok desen aporof. 18Dor Tuhan aporof. Aramat ipicam atakam aotawfan. ‘Oram sarima. A Yerusalem bakan sarimjiosey. Awapes ow e doratemen aatamamemas jen baji pwicaken.’ Inim aeef. 19Dor ara masirin, ‘Tuhan. Dor sembahyang cem arke afiwawiru, wunam e or basicim ow, penjara cem aman ajiwtewapoma ajiawiru. Doram e ow omop aafa ajiawiru. Awapes ow inimas amsom. 20Ow, e oratemen ipic juwas Stefanus acatiwfes, doram inimas akat aeof. Doram e aramat ipic acatiwfes ow apakaian, manmok atiwtamof.’ Inim aeof. 21Tuhanam atakam aotawfan. ‘Cey. Dor or e dawon opok Yahudi opok samatpu atewosomcimin.’ Inim aeef.” Paulus inim atakam aotawef. 22Bare. E ow arke e Paulus atakam takas jen ajifes. E nat, ar e Yahudi opok samatpu baysos atakam atawef ara, e ow arke atakam afakaytawfes. “Awamec ipic mamcatiwey. Inim ipic tetakay boemem arapok!” Inim aefes. 23Aram atakam awutnakut afakaytawfes. Aram apakaian apapacimtotorfes. Aram jif poros op ajimirsamtometemfes. 24E tentara kepala ipic masirin, Paulus e tentara cem aman atowomiwef. Aramat ipic e Yahudi ow jokmen atakam awutnakut Paulus aotawfes aporef. Inimas ar atentara ow e Paulus omop baf jirmec ajirimef. Er Paulus, e aemef salah, boworporas ara. 25Aram Paulus manam ajikapomfes. Paulus masirin, atakam e sotop aememef komandan ipic aotawef. “Dor Roma ipic ara. Owam dor salahnew, salah opoknew, inim batakamoworpor opok. Inimas car omop do baf, pemerintah jirmec jipu open?” Inim aeef. 26E komandan ipic inim atakam jen ajief, ar e tentara kepala ipicpu aapenef. “Or ucim pok emcem. Awamec ipic Roma ipic ara.” Inim aeef. 27E kepala ipic masirin, Paulus aenawomef, wunam atakam aotawef. “Atakam botawcan. Or Roma ipic arapen?” Inim aeef. Paulus masirin, “Dor Roma ipic ara.” Inim aeef. 28E kepala ipic masirin, “Dor uang awutut Roma pemerintah atetamof, wunam Roma ipic aememof.” Inim aeef. Paulus masirin, “Dor ara nat, Roma ipic ajisamesof.” Inim aeef. 29E Paulus boworpor aememfes ow inimas aporfes, wunam asarimotasienfes. E kepala ipicam, Paulus Roma ipic aporef, wunam omar aeef. Ar Paulus rantai manam emcajikapomef aporef ara.
Paulus, atakam mamsakam ow bipu aememef
30Bare. Ajofay ara, ar Paulus asurumef. Aram e Yahudi ow, e Paulus salah ara, inim atakam atawfesas, jen bajikurumen. Inimas ar e Allah atakam mamtaw tugas ow awutam, e atakam mamsakam owam, barewsiap jirmec ajirimef. Ar masirin, Paulus e ow bipu atewemef.
اکنون انتخاب شده:
AEMAWIRISAS 22: LAICNS
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
AEMAWIRISAS 22
22
1“Ducura. Betiwa. Aykuna. E atep car ajitminas, jen pajiey.” Inim aeef. 2E ow, Paulus, Ibrani atakam aporfes, wunam jokon cowok ajiemfes. Paulus masirin, atakam aotawef.
3“Do Yahudi ipic awamcey ara. Do Kilikia capinmi kota juwas Tarsus ajisamesof, wunam awames kota aman sur aotemof. Gamaliel e darafas jirmec dor amememtamkurumawirin. Doram Allah Kerja fak bwemtam, akat aemawiru. Eras wow awapokom ow aemamokomas inim awcawor cowok. 4Doram awames agama mamkawi ow ajurusumawiru. Doram e ow acatiwa ajiawiru. Dor e owam, cepesam, manam ajikapoma ajiawiru, wunam penjara cem aman ajiwtewapoma ajiawiru. 5E Allah atakam mamtaw tugas ipic awutam, e atakam mamsakam ownucuram, inimas amsom. E ow, kota Damsik Yahudi ow batetam surat aetamfenes. Dor masirin, awames agama ow manam bajikapom, wunam Yerusalem siksa bwem batowomos, e Damsik ajarof.”
Paulus e ay binip aceceremefas, atakam e ow arke aotawef
6“Ajarof. Ajarof. Bare, doram Damsik sotop inim ajaremof, wunam jok ara, onam op sereas awutnakut dofumi asarimseremnemef. 7Doram cenes aneyjuamesof, wunam atakam jen ajiof. ‘Saulus. Saulus. Ucim pok ajurusumamenem?’ Inim atakam jen ajiof. 8Dor masirin, atep ajitof. ‘Tuhan. O cam?’ Inim aeof. Aramat ipic masirin, atakam dor aotawfan. ‘Dor e Nasaret ipic juwas Yesus ara. Dor e ajurusumamenem ipic ara.’ Inim aeef. 9E dor akac aememfenes ow, e sereasin aporfes. Ar e ipic aotawfan atakam nat, jen bajikurum opok. 10Dor masirin, ‘Tuhan. Dor ucimas emcey?’ Inim aeof. Tuhan masirin, ‘Basitey. Damsik baysosey. Allah, e aemcemas takas, atakam emcasakamef. Erasan ara, or inim atakam jen ajicemem.’ Inim aeef. 11E sereas nat, awutnakut ara. Inimas dor manmok petey aememof. E dor akac aememfenes ow masirin, ban fe atowomatfenes. Inimas dor Damsik ajaremof.”
12“Erasan ara, Musa Jirmec mamkawi fak ipic aemapef. E erasan aemapfes Yahudi ow takasam, aramat ipic asicimfes. 13Aramat ipicam dor sotop aenawomfan, wunam atakam aotawfan. ‘Saulus. Dojowow ipic akatem. Manmok batereyey.’ Inim aefan. Dor ara masirin, aramat ipic bi aporof. 14Aramat ipic masirin, Darafas arAllah, or e akat aporcowas, inim atakam jen baji akat arawen. Aram, or, e akerja bwemtam ipic tarowat, bi bapor akat arawen. Aram or e ipic arop bweyof atakam jen baji akat arawen. Ar or inimas bwem aeremtewfan. 15Or e aporfemasam, e jen ajifemasam, ow takas atemen aatamcemem. 16Or ucimas emaperem? Basitey. Oram Tuhan janim manimey, wunam ow or bwi babwimcenes. Tuhan e odosa bakokoromosomtamcan.” Inim aefan.
Tuhan, Paulus, e Atakam Akat, Yahudi opok samat botaw, jirmec ajirimef
17“Bare. Doram Yerusalem aofasiof. Dor e Allah cem aman janim Allah aanimof, wunam pok desen aporof. 18Dor Tuhan aporof. Aramat ipicam atakam aotawfan. ‘Oram sarima. A Yerusalem bakan sarimjiosey. Awapes ow e doratemen aatamamemas jen baji pwicaken.’ Inim aeef. 19Dor ara masirin, ‘Tuhan. Dor sembahyang cem arke afiwawiru, wunam e or basicim ow, penjara cem aman ajiwtewapoma ajiawiru. Doram e ow omop aafa ajiawiru. Awapes ow inimas amsom. 20Ow, e oratemen ipic juwas Stefanus acatiwfes, doram inimas akat aeof. Doram e aramat ipic acatiwfes ow apakaian, manmok atiwtamof.’ Inim aeof. 21Tuhanam atakam aotawfan. ‘Cey. Dor or e dawon opok Yahudi opok samatpu atewosomcimin.’ Inim aeef.” Paulus inim atakam aotawef. 22Bare. E ow arke e Paulus atakam takas jen ajifes. E nat, ar e Yahudi opok samatpu baysos atakam atawef ara, e ow arke atakam afakaytawfes. “Awamec ipic mamcatiwey. Inim ipic tetakay boemem arapok!” Inim aefes. 23Aram atakam awutnakut afakaytawfes. Aram apakaian apapacimtotorfes. Aram jif poros op ajimirsamtometemfes. 24E tentara kepala ipic masirin, Paulus e tentara cem aman atowomiwef. Aramat ipic e Yahudi ow jokmen atakam awutnakut Paulus aotawfes aporef. Inimas ar atentara ow e Paulus omop baf jirmec ajirimef. Er Paulus, e aemef salah, boworporas ara. 25Aram Paulus manam ajikapomfes. Paulus masirin, atakam e sotop aememef komandan ipic aotawef. “Dor Roma ipic ara. Owam dor salahnew, salah opoknew, inim batakamoworpor opok. Inimas car omop do baf, pemerintah jirmec jipu open?” Inim aeef. 26E komandan ipic inim atakam jen ajief, ar e tentara kepala ipicpu aapenef. “Or ucim pok emcem. Awamec ipic Roma ipic ara.” Inim aeef. 27E kepala ipic masirin, Paulus aenawomef, wunam atakam aotawef. “Atakam botawcan. Or Roma ipic arapen?” Inim aeef. Paulus masirin, “Dor Roma ipic ara.” Inim aeef. 28E kepala ipic masirin, “Dor uang awutut Roma pemerintah atetamof, wunam Roma ipic aememof.” Inim aeef. Paulus masirin, “Dor ara nat, Roma ipic ajisamesof.” Inim aeef. 29E Paulus boworpor aememfes ow inimas aporfes, wunam asarimotasienfes. E kepala ipicam, Paulus Roma ipic aporef, wunam omar aeef. Ar Paulus rantai manam emcajikapomef aporef ara.
Paulus, atakam mamsakam ow bipu aememef
30Bare. Ajofay ara, ar Paulus asurumef. Aram e Yahudi ow, e Paulus salah ara, inim atakam atawfesas, jen bajikurumen. Inimas ar e Allah atakam mamtaw tugas ow awutam, e atakam mamsakam owam, barewsiap jirmec ajirimef. Ar masirin, Paulus e ow bipu atewemef.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید