ZABBULI 2
2
Omusiige wa Mukama
1Lwaki amawanga geegugunga,
n'abantu ne balowooza ebitaliimu?#Laba ne Bik 4:25-26
2Bakabaka b'ensi baateekateeka,
n'abafuzi bateeseza wamu
okulwanyisa Mukama n'omusiige we#Laba ne Bik 4:25-26
3nga bagamba nti:
“Ka tukutule enjegere zaabwe,
tweggyeko ekikoligo kyabwe.”
4Mukama ng'ali waggulu abasunga
era abasekerera.
5Olwo n'abagamba ng'asunguwadde,
n'abatiisa ng'aswakidde nti:
6“Ku lusozi lwange olutukuvu Siyooni,
nateekako kabaka.”
7“Nja kulangirira ekiragiro kya Mukama.
Mukama yagamba nti:
‘Oli mwana wange,
olwaleero nkuzadde.#Laba ne Bik 13:33; Beb 1:5; 5:5
8Nsaba, nze ndikuwa amawanga gonna
n'ensi yonna, bibe bibyo.
9Olibimenya n'omuggo ogw'ekikomo,
olibyasaayasa ng'entamu y'omubumbi.’ ”#Laba ne Kub 2:26-27; 12:5; 19:15
10Kale kaakano bakabaka mugeziwale,
abafuzi b'ensi muyige.
11Muweereze Mukama nga mutya.
Mumusseemu ekitiibwa nga mukankana,
12sikulwa ng'asunguwala ne muzikirira.
Obusungu bwe tebulwa kusituka.
Ba mukisa abo bonna abamweyuna.
Luganda DC Bible © Bible Society of Uganda, 2003.