ମାତି 3
3
ବାପ୍ତିସ୍ମ#୩:୧ ମୁଞ୍ଜିନାୟି ହୀନି ଜହନତି ୱେ଼କ୍ନାୟି
(ମାତି ୧:୧-୮; ଲୂକ ୩:୧-୧୮; ଜହ ୧:୧୯-୨୮)
1ଏ଼ ବେ଼ଲାତା ବାପ୍ତିସ୍ମ#୩:୧ମୁଞ୍ଜିନାୟି ହୀନି ଜହନ ଜୀହୁଦା ଦେ଼ସାତି ବାଃଲି ବାଟାଟି ୱା଼ହାଁ ବ଼ଲୁ ୱେ଼କ୍ହାଲି ମା଼ଟ୍ହେସି । 2#ମାତି ୪:୧୭; ମାର୍କ ୧:୧୫“ପା଼ପୁ ପିସାହାଁ ମ଼ନ ୱେଟ୍ହା କଡାଦୁ, ଇଚିହିଁ ଲାକପୂରୁ ରା଼ଜି ଏଗାୱା଼ହିମାନେ ।” 3ମାହାପୂରୁ ଅଣ୍ପୁତି ବ଼ଲୁ ୱେହ୍ନି ଜିସାୟ ତା଼ଣାଟି ଈ ହା଼ଡା ୱେସ୍ପି ଆ଼ହାମାଚେ,
ଏ଼ୱାସିଏ ଈୱାସି; “ରଅଣି ହା଼ଡା ଲ଼କୁ ହିଲାଆ ଟା଼ୟୁତା ୱେ଼ଙ୍ଗିମାନେ,
ପ୍ରବୁ ତାକି ଜିରୁ ତିୟି କିଦୁ ।”
4ଜହନ ଊଟୁ ବା଼ଣାୟାଁ ତଲେ କେ଼ପିତି ହିମ୍ବରିକା ତୁର୍ହିମାଚେସି, ଇଞ୍ଜାଁ ତାନି ଟେଡେଲିତା ର଼ ତ଼ଲୁତି ବୁଡ଼୍ପା ମା଼ଡ଼ା ଦସା କଡ୍ୱିତେସି, ଗ଼ପ୍ଏରିକା ଅ଼ଡ଼େ ଜା଼ଡ଼ାତି କ୍ରିୟାଁ ଏ଼ୱାଣି କା଼ଦି ମାଚେ । 5ଏଚିବେ଼ଲାତା ଜିରୁସାଲମ ଗା଼ଡ଼ା ଇଞ୍ଜାଁ ବାରେ ଜୀହୁଦା ଦେ଼ସା ଅ଼ଡ଼େ ଜର୍ଦନ ଦାରିତି ନା଼ସ୍କାତି ବାରେ ଲ଼କୁ ତାନି ତା଼ଣା ୱା଼ହାଲି ମା଼ଟ୍ହେରି, 6ଏ଼ୱାରି ଜାହାରା ପା଼ପୁ ୱେସାନା ଜହନ ତା଼ଣାଟି ଜର୍ଦନ କାଡାତା ବାପ୍ତିସ୍ମ#୩:୬ ମୁଞ୍ଜିନାୟି ଅ଼ତେରି ।
7 #
ମାତି ୧୨:୩୪; ୨୩:୩୩ ସାମା ହା଼ରେକା ପାରୁସିୟାଁ ଅ଼ଡ଼େ ସାଦୁକିୟାଁ ବାପ୍ତିସ୍ମ#୩:୭ ମୁଞ୍ଜିନାୟି ଅ଼ହାଲି ୱା଼ହିମାନାଣି ମେସାହାଁ ଏ଼ୱାରାଇଁ ଏଲେଇଚେସି, “ଅ଼ଡ଼େ ରା଼ସ୍କା କୂଡ଼ାତାତେରି ମାହାପୂରୁ ତା଼ଣାଟି ୱା଼ହିମାନି କ଼ପାଟି ପିସ୍ପି କିହାକଡାଲି ଆମ୍ବାଆସି ମିଙ୍ଗେ ସେତ୍ନା ହିୟାତେସି 8ଈଦାଆଁତାକି ମ଼ନ ୱେଟ୍ହାମାନାଣି ନେହିଁ କାମାତା ତ଼ହ୍ଦୁ, 9#ଜହ ୮:୩୩ଅ଼ଡ଼େ ଅବ୍ରାହାମ ମା଼ ଆ଼ବା ଇଞ୍ଜିଁ ମୀ ମ଼ନ ବିତ୍ରା ଅଣ୍ପାଆଦୁ, ଏ଼ନାଆଁତାକି ଇଚିହିଁ ନା଼ନୁ ମିଙ୍ଗେ ୱେସିମାଞ୍ଜାଇଁ, ମାହାପୂରୁ ଈ ୱାଲ୍କାଟି ଜିକେଏ ଅବ୍ରାହାମତି ମୀର୍କାଣି ଗା଼ଡ଼ି କିହାଲି ଆ଼ଡିମାନେସି । 10#ମାତି ୭:୧୯ଅ଼ଡ଼େ ନୀଏଁ ଜିକେଏ ମା଼ର୍ନୁ ଡାକିତା କାଃଆଲି ଆଟାମାନେ, ଆମିନି ମା଼ର୍ନୁ ନେହିଁ ପା଼ଡ଼େୟି ଆ଼ୟେଏ, ଏ଼ଦାନି ଟୂଣ୍ହାଁ ହିଚୁତା ମେତ୍ପି ଆ଼ନେ । 11ନା଼ନୁସାଁ ମିଙ୍ଗେ ପା଼ପୁଟି ପିସ୍ପି କିହାଲି ଇଞ୍ଜାଁ ମ଼ନ ୱେଟ୍ପି କିହାଲି ଏ଼ୟୁତଲେ ବାପ୍ତିସ୍ମ#୩:୧୧ ମୁଞ୍ଜିନାୟି ହୀହିମାଞ୍ଜାଇଁ, ସାମା ନା଼ ଡା଼ୟୁ ରଅସି ୱା଼ହିମାନେସି ଏ଼ୱାସି ନା଼ କିହାଁ ହା଼ରେକା ବା଼ଡ଼୍ୟୁ ଗାଟାସି, ଏ଼ୱାଣି ସେପୁୟାଁ ହୁକ୍ହାଲି ଜିକେଏ ନା଼ନୁ ପା଼ଡ଼ାଆ଼ଅଁ; ଏ଼ୱାସି ମିଙ୍ଗେ ସୁଦୁଜୀୱୁ ଇଞ୍ଜାଁ ହିଚୁତଲେ ବାପ୍ତିସ୍ମ#୩:୧୧ ମୁଞ୍ଜିନାୟି ହିୟାନେସି । 12ଏ଼ୱାସି ତାନି କ୍ଡାନୁତି ନେହିକିଁ ତାସାହାଁ, ତାନି ଆର୍ନାତି କ୍ଡସାହାଁ ଗା଼ଦେୟିତା ଇଟାଲି ଏ଼ୱାଣି କେୟୁତା ହେ଼ଚି ମାନେ, ସାମା ଟା଼ଟା ପ଼ଡ଼ୁତି ଏଚେଲା ଡୁମ୍ବାଆଗାଟି ହିଚୁତା ହୂଡା ତୁହ୍ନେସି ।”
ଜୀସୁ ଏ଼ୟୁତା ବାପ୍ତିସ୍ମ#୩:୧୩ ମୁଞ୍ଜିନାୟି ଅ଼ନାୟି
(ମାର୍କ ୧:୯-୧୧; ଲୂକ ୩:୨୧-୨୨)
13ଏଚିବେ଼ଲା ଜୀସୁ ଗାଲିଲିଟି ୱା଼ହାଁ ବାପ୍ତିସ୍ମ#୩:୧୩ ମୁଞ୍ଜିନାୟି ଅ଼ହାଲି ତାକି ଜର୍ଦନ କାଡାତା ଜହନ ତା଼ଣା ୱା଼ତେସି । 14ସାମା ଜହନ ଜୀସୁଇଁ କା଼ହି କିହାଲି ଅଣ୍ପାହାଁ ଏଲେଇଚେସି, “ନୀ ତା଼ଣାଟି ନା଼ନୁ ବାପ୍ତିସ୍ମ#୩:୧୪ ମୁଞ୍ଜିନାୟି ଅ଼ନାୟି ନା଼ ଲ଼ଡ଼ାମାନେ, ଇଞ୍ଜାଁ ନୀନୁ ନା଼ ତା଼ଣା ୱା଼ହାମାଞ୍ଜି ?”
15ସାମା ଜୀସୁ ଏ଼ୱାଣାଇଁ ଏଲେଇଚେସି, “ନା଼ ହା଼ଡା ଆହ୍ମୁ, ଏ଼ନାଆଁତାକି ଇଚିହିଁ ଇଲେ ତଲେ ମାହାପୂରୁ ଦାର୍ମୁତି କାମା କିନାୟିମାନେ ।” ଏଚେଟିଏ ଜହନ ମା଼ନୱି ଆ଼ତେସି ।
16ଜୀସୁ ବାପ୍ତିସ୍ମ#୩:୧୬ ମୁଞ୍ଜିନାୟି ଅ଼ତି ଦେବୁଣିଏ ଏ଼ୟୁଟି ନିଙ୍ଗା ୱା଼ତେସି । ଏଚେଟିଏ ହା଼ଗୁ ଦେପିଆ଼ତେ, ଇଞ୍ଜାଁ ମାହାପୂରୁତି ସୁଦୁଜୀୱୁ ପା଼ର୍ୱା ପଟାଲେହେଁ ଜୀସୁ ଲାକ ରେ଼ଚା ୱା଼ହିମାଚାଣି ଜହନ ମେସ୍ତେସି । 17#ମାତି ୧୨:୧୮; ୧୭:୫; ମାର୍କ ୧:୧୧; ଲୂକ ୯:୩୫ଅ଼ଡ଼େ ମେହ୍ଦୁ, ହା଼ଗୁଟି ଈ ହା଼ଡା ଆ଼ତେ, “ଈୱାସି ନା଼ ଜୀୱୁତି ମୀର୍ଏସି ଈୱାଣି ତା଼ଣା ନା଼ ହା଼ରେକା ରା଼ହାଁ ମାନେ ।”
اکنون انتخاب شده:
ମାତି 3: Kii25
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
