SALMO 1
1
Tata Diosta kasushpanchikuna kushikushpa kawsanchisapa.
1Ñukanchikuna mana sakra runakuna willawananchikunata kasushpanchikuna
kushikushpa kawsanchisapa.
Mana uchallikuk runakunashina kawsashpa
mana uchata rurashpa kawsashpanchikuna
kushikushpa kawsanchisapa.
Mana Tata Diosta asichik runakunapa yuyanankunata rurashpanchikuna
kushikushpa kawsanchisapa.
2Tata Diospa rimananta kuyashpanchikuna tutapi diyapi chay rimananpi yuyaykushpa
kushikushpa kawsanchisapa.
3Chashna Tata Diospa rimananta kuyashpanchikuna
yaku mañanpi tarpudu kaspishina allimata wiñanchisapa.
Wayuchakunan tiempu aypata wayuchakuk kaspishina kanchisapa.
Aypa allima pankayuk kaspishina kanchisapa.
Chayrayku tukuy ima rurananchikunata allita ruranchisapa.
4Chay mana alli rurak runakuna mana chashnachu kawsansapa.
Paykunaka wayra pushanan kutadu murupa karapanshina kunanlla anchunsapa.
5Chayrayku chay mana alli rurak runakuna
Tata Diospa kastigunmanta mana kishpinkasapachu.
Paykunaka Tata Diosta kasushpa kawsak runakunawan
mana tantanakunkasapachu.
6Tata Dios alli rurak runakunata kuydansapa
alli ñanta purikshina allita rurashpa kawsanankunapa.
Tukuy uchallikushpa kawsak runakunata
Tata Dios sukaman kastigankasapa.
اکنون انتخاب شده:
SALMO 1: qvs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1992, 2008, Wycliffe Bible Translators, Inc. All rights reserved.