Psalmy 11
11
[10-r.s.] 1Xoróskire Dirižoróske. Davidóskiro Psálmo.
Dre Raste-Devléste me garadjovava, syr saštý (moginéna) manušá te phenén mánge: “Vurniav(ŭ) štylés (tihes) syr čirikly dre bérgi.”
2Dykh! Fuj manušá gazdyne péskire luki. Jone pričhude maribnýtka bustiá (striély) ke ciecivitko šelo, sob (kaj) te den kar'je dro iló čačuné manušéngiro, kiéli isyn ciamlo. 3Kóli manušýtko džiibén gijá bizakonoskiro, so ž te kerél čačuné manušéske? 4Raj Devél isyn pe léskiro svénto štéto dro Bolybnáskiro Rajo. Léskiro trono isyn dro bolybén. Léskire jakhá dykhéna, Léskire cymbly (riesnicy) rozdykhena manušytkoné čhavén. 5Raj Devél propatiakirela čačuné manušés, i fujé manušés; Jov na sykavéla láska odoléske, savó isyn vergitko. 6Jov keréla, so bolybnástyr peréna bryšýnd, xačkirdé vangara i zevelytka (sierna) bará i xačkirdy balvál, so pekela, ake, so javéla lénge Devléstyr. 7Pal-dová so Raj Devél isyn čačunó. Léske trej čačuné réndy manušéndyr, savé javéna te dživén, kaj Devél isyn.
اکنون انتخاب شده:
Psalmy 11: ROMBALTR
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
maintained by the United Bible Societies for the Baltic Romani Mission