Psalmy 1
1
1Bahtaló isyn odová manúš, savó na psiréla te skedelpe nadevlytkone manušénca, savó isyn na terdó pe drom grehitkoné manušénca, i savó isyn na beštó dre kampanija, kaj sanape Devléstyr. 2A léskiri rádyma isyn dre Devléskiro Zakóno i jov rozlela léskiro Zakóno dyvesé i ratý. 3I jov javéla syr kašt (drévo), so isyn čhudo paš panigvale réki (leniá), savó déla péskiri phabaj dro aplodoskiro uliago (pora). Léskire patria (listy) nijékhvar na zašutjona i saró, so jov te na kerél, javéla te džal bahtiasa. 4A čoré manušá na adasavé isyn sarésa. Jone isyn sýrby čhučó phus, so balvál rostradela. 5Paldavá nadevlytka manušá na prodžána Devléskiro Séndo, a grehítka manušá na javéna te skedénpe patiaibnytkone manušénca. 6Pal-dová so Devél džinéla drom, pir savé čačuné manušá psiréna, a nadevlytka dromá xasjona.
اکنون انتخاب شده:
Psalmy 1: ROMBALTR
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
maintained by the United Bible Societies for the Baltic Romani Mission