Yosua 15
15
Esituundu sy'esyaalo esyakabwa Yuda
1Amadaala k'enono ya Yuda kosi kanyoola esituundu siindi hu loba elyo koti lu bilomwalomwaho ano biti:
Eloba lyaabwe lyali nilyoolera elalira emwaalo hu busoonjo bw'emwaalo obw'sichiimi sya Siini, hu lwaaho lwa Edomu. 2Mani olwaaho lw'emwaalo luno lweeruha ohutulira hu busoonjo bw'emwaalo bweene obw'Enyaanja y'Omuunyu, 3niluchoomere emwaalo ohutulira hu ahakira ha Akirabbiimu, mani ohuchia ohwoola hu Siini. Haandi lwali nilwiiruha nilwiihirira emwaalo wa Kadesi Bbarinea, nilubita hu Hesirooni, mani nilumala niluchia nilwoola hu Adaari, haandi nilukaluuhana niluchooma hu Karika, 4mani niluchiiririra ohwoola lu lwoola hu Asimooni, mani haandi niluchaaka ohuloonda ahaalo hali hu lwaaho lwa Misiri ohwoola hu Nyaanja Hoongo ya Mediterania, yi lwaaho olwo lwaakamira. Mani olwo nilwo olwali olwaaho lw'emwaalo lwa Yuda ayakiriire.
5Nae olwaaho lw'ebukwe lwali nilwo Enyaanja y'Omuunyu, ohwoolera elalira emukulu eyiri yi Yorodaani kuyikwiisiramo.
Nae olwaaho lw'emukulu lwali niluchaakira abweene ao, 6mani nilusuda niluniina emukulu ohwoolera elalira hu Bbeeti Hogila, haandi niluniina emukulu hu lwaanda lutingaalire Ehooho lya Yorodaani. Lwaniina lwoola hu Kina lya Bbohani (Bbohani yali omwaana wa Rubbeeni), 7ohutulira hu Hoondo Ly'ebidinyu ohuniina ohwoola hu Debbiri, mani nilukaluuhana niluniina emukulu niluchooma Giligaali, esitingaalire Adumiimu Paasi, hu lwaande lw'emwaalo lw'ehooho elyo. Haandi lwemeeda ohuchianakana ohwoola lu lwoola hu bidiba bya Enisemeesi, lwaachia lwoola hu Enirogeeli, 8mani lwaniina lwaahalakania Ehooho lya Hinoomu hu lwaande lw'emwaalo lw'olugulu yi siko sy'Abayebbusi esya Yerusalemu syali nisiri. Olwaaho luno haandi lwemeeda ohuniina ohwoola lu lwoola aakulu bweene woolugulu luno, hu lwaande lw'emuumbo w'Ehooho lya Hinoomu, enabusoonjo bw'emukulu bweene hu Hoondo ya Refaimu. 9Haandi ohutula abweene ano, olwaaho luno lwemeeda ohuchiiririra ohwoola lu lwoola hu Bidiba bya Nefitoa mani haandi lwaambuha lwabitulamo lwaachia lwoola hu biko biri aambi neende Esigulu sya Efirooni. Nilwoola abweene ano, haandi lwakaluuhana mani lwachooma Bbalaa (oba Kiriati Yearimu), 10yi lwehuyuungirisira mani lwachiira emuumbo wa Bbaala niluchoomere esyaalo sy'ebigulu-gulu esya Edomu, haandi niluchiira hu lwaande lw'emukulu lwa Lugulu lwa Yearimu (oba Kesaloni), haandi nilumala nilwiihirira ohwoola hu Bbeeti Semeesi, haandi niluchiiririra ohwoola lu lubita Timuna. 11Olwaaho luno nilwamala lutyo, lwaciha ohwoola hu sigulu esiri emukulu wa Ekironi, nilukaluuhana mani niluchooma Sikerooni, ohubita hu Lugulu lwa Bbaala, haandi nilwoola hu Yamunia. Lwaakamira ao bulaanu hu Nyaanja Hoongo Mediterania, 12yehola yaaba niyo olwaaho lw'emuumbo.
Mani mu katikaati w'enjaho chino choosi, nimwo omwali nimwamenyamo abaandu b'amadaala k'enono ya Yuda.
Kalebbu ayiingira Hebburoni neende Debbiri
(Bak 1:11-15)
13 #
Bak 1:20. Koti sa lu Omwaami yali n'alagiire Yosua, esituundu siindi sy'eloba lya Yuda lyabereswa Kalebbu omwaana wa Yefune, ohutula mu nono ya Yuda. Mani yanyoola Hebburoni, esiko syali nisiri esy'Arabba laatang'ene Anaka. 14Kalebbu bulaanu yanyala ohwiirusamo abeechuhulu ba Anaka baatula mu siko esyo, enono cha Sesai, Ahimaani, neende Talimai. 15Mani niyatula ao, yachia yaaseeta abaandu abali nibamenya mu Debbiri. (Esiko sino hale syalangaangwa mbwe Kiriati Seferi.) 16Kalebbu yaboola ati, “Ese njia ohuyaana omuhaana waange Akisa mu elya, achie adeehere omusaacha ochia ohunyala ohuwaamba Kiriati Seferi.” 17Mani Otinieli, omwaana wa Kenaasi mwanaang'ina Kalebbu niye owawaamba esiko esyo, mani Kalebbu yaamuberesa Akisa omuhaana wae yamudeehera. 18Mani, hu ludaalo lw'obweeya, Otinieli yasaba omuhaana oyo asabe laatang'ene omukuunda. Mani omuhaana oyo yeeha yaatula hu suhiri yae, mani Kalebbu yamuteeba esiindu si yali n'adaha. 19Omuhaana oyo yamukobolamo ati, “Ese ndaha amadiba k'amaachi. Eloba liwumbereese, liri mu syaalo syoomu parara.” Mani Kalebbu niyawulira atyo, haandi yamuberesa esidobolyo sy'amaachi sy'emukulu haandi neende esy'emwaalo.
Ebiko bya Yuda
20Lino nilyo eloba li madaala k'enono ya Yuda kanyoola ohuba elyako ely'endaalo choosi. 21Ebiko bisibira emwaalo bweene nibyo ebyali ebyaabwe, ebyo ebyali aambi neende olwaaho lwa Edomu, byali nibyo Kabbuseeli, Edeeri, Yaguuri, 22Kiina, Dimoona, Adaada, 23Kedesi, Hasoori, Yitinani, 24Siifu, Telema, Bbealooti, 25Hasorihadata, Kerioti Hesironi, (oba Hasoori) 26Amaamu, Sema, Molada, 27Hasarigada, Hesimoni, Bbetipeleti, 28Hasari Suali, Bberisebba, Bbisotia, 29Bbala, Yimu, Esemu, 30Elitolaadi, Kesili, Harima, 31Sikilaagi, Madimaana, Sanisaana, 32Lebbaoti, Silihimu, Aini, neende Rimoni: byoosi alala byali ebiko amahumi kabiri neende bitaanu-na-bine ebilaamba, haandi alala neende ebiko bidiidi biindi ebyalichiingi nibibyebodoohaanie.
33Ebiko byali nibiri mu nandaalira w'engulu byali, Esitaoli, Soora, Asina, 34Sanoa, Enganiimu, Tapua, Enaamu, 35Yarimuuti, Adulaami, Soko, Aseka, 36Saraimu, Aditaimu, Gedera, neende Gederotaimu: bino byali ebiko ehumi neende bine, alala neende ebiko bidiidi biindi ebyali nibibyebodoohaanie.
37Haandi yaliyo ebiko biindi koti, Senaani, Hadaasa, Migidaligaadi, 38Dileani, Misipa, Yokiteeli, 39Lakisi, Bbosikaati, Egilooni, 40Kabbooni, Lahimamu, Kitilisi, 41Gederooti, Bbetidagoni, Naama, neende Makeda: bino byali ebiko ehumi neende bisaasaba ebilaamba, alala neende ebiko bidiidi biindi ebyalichiingi nibibyebodoohaanie.
42Haandi yaliyo ebiindi koti, Libbina, Eteeri, Asaani, 43Yifita, Asina, Nesibbu, 44Keila, Akisibbu, neende Maresa: bino byali ebiko bitaanu-na-bine, haandi n'omeedereho neende ebiko bidiidi biindi ebyalichiingi nibyabyebodoohaanie.
45Haandi yaliyo Ekironi neende ebiko bidiidi byasyo, haandi neende engoongo chahwo, 46haandi neende ebiko byoosi, alala neende ebiko bidiidi biindi ebyali nibiri aambi neende Asidoodi, ohutula Ekironi ohwoolera elalira hu Nyaanja Hoongo ya Mediterania.
47Haandi yaliyo Asidoodi neende Gasa, alala neende ebiko bidiidi biindi neende engoongo chiindi, ohwoolera elalira haalo hadiidi ahali hu lwaaho lwa Misiri neende olwaasi lw'Enyaanja Hoongo ya Mediterania.
48Nae mu syaalo sy'ebigulu-gulu mwalimo ebiko koti, Samiri, Yatiiri, Soko, 49Daana, Kiriati Sefeeri (oba Debbiri), 50Anabbu, Esitemo, Aniimu, 51Goseni, Holooni, neende Giilo: bino byoosi alala byali ebiko ehumi neende silala, haandi neende ebiindi bidiidi ebyali nibibyebodoohaanire.
52Haandi byaliyo ebiindi koti, Arabbu, Duuma, Esaani, 53Yaniimu, Bbeeti Tapua, Afeeka, 54Humita, Hebburoni, neende Siori: bino byali ebiko bitaanu-na-bine, haandi neende ebidiidi biindi ebyali nibibyebodoohaanienge.
55Haandi byaliyo ebiindi koti, Maoni, Karimeeli, Sifu, Yuuta, 56Yesireeli, Yokideamu Sanoa, 57Kaini, Gibbeya, neende Timuna: bino byali ebiko ehumi ebilaamba, haandi n'oyiriireho neende ebidiidi-diidi ebyalichiingi nibibyebodoohaanienge.
58Haandi neende ebiindi koti, Halihuli, Bbetisuuri, Gedoori, 59Maarati, Bbetanooti, neende Elitekoni: bino byali ebiko bisaasaba ebilaamba, haandi n'oteereho neende ebiko bidiidi-diidi biindi ebyali nibyabyebodoohaanie.
60Haandi ebiindi byali koti, Kiriati Bbaali (oba Kiriati Yearimu) neende Rabba: bino byali ebiko bibiri byoong'ene haandi n'omeedereho neende ebiko biindi bidiidi-diidi ebyali nibibyebodoohaanie.
61Haandi mu siparara mwosi mwalimo ebiko koti, Bbeeti Arabba, Midiini, Sekaka, 62Nibbisani, Esiko Sy'omuunyu, neende Engedi: bino byosi byali nibiri ebiko bisaasaba, haandi n'omeedereho neende ebiko bidiidi-diidi biindi ebyalichiingi nibibyebodoohaanie.
63 #
Bak 1:21; 2 Sam 5:6; 1 Biha 11:4. Nae kata katyo abaandu ba Yuda haba sibanyala ohwiirusa Abayebbusi boosi bawaamo, abali nibamenya mu Yerusalemu. Abayebbusi bali sa nibasidoong'ere nibamenyamo alala neende abaandu ba Yuda.
©Bible Society of Kenya, 2019
©Bible Society of Uganda, 2019