Mata 17

Maɓəɗla vok aŋa Yesu la gudəŋ la afik

(Mark 9.2-13; Luka 9.28-36)

1Mahənay mukwa la lig aŋha la ahəŋ, Yesu azə̀ɓ Piyer, Yakuba ŋgaha Yuhana, deda aŋa Yakuba, ŋgaha adàla atà à gəl gudəŋ kərkər gà à afik, kokuɗa gəl aŋatà. 2Aɓə̀ɗla vok la huma yewdi aŋatà, huɗ adi aŋha aŋəràzlla atà à adi bokuba afats, ŋgaha lukut aŋha aùɗ təlla. 3Ŋgaha azlaməna matapla makər uwaga tanəŋà Musa atà la Eliya, tavàts gay la Yesu. 4Kiya uwaga Piyer agòɗ à Yesu: “Sufəl delga à uwana məga la abanay zla. Baŋa asa à ka gəts safsaf makər à abanay, tekula aŋak, tekula aŋa Musa, tekula aŋa Eliya.” 5La mok uwana Piyer aɓaɗmà, habaga akə̀l atà, mələs magol magodugodu à adi taɓaɗamma, la habaga uwatà la abà kà kuda atsə̀n la magoɗay: “Uwanay kà bəzi gay ləv gulo, gərabay məŋga, məŋga kà masla. Tsə̀ɓàw sləm à masla lela.”#1Musa 22.2; Mahabay 2.7; Yesayya 42.1 6Mok uwana azlaməna matapla tatsə̀n kuda uwaga kà, guba akə̀s atà, takədèɗ à ahəŋ la huma aŋa Yesu. 7Yesu azà à vok à slaka aŋatà, ŋgaha aɓàk atà à ahàl à gəl: “Tsìzlàwla guba akəs akul aw”, agòɗ à atà. 8Tawàlla gel à afik, ama tanəŋà dza anik aw say Yesu kokuɗa gel aŋha pəra.

9Mok uwana tatsàh à ahəŋ la gudəŋ la afik, Yesu afahà à atà akur à lig: “Kapəhaw à dza lakəl aŋa tatak uwana kanəŋàwwàŋ tsəràh à mok uwana Kona aŋa dza adàwul à uda la mamətsay aw.”

10Ŋgaha kiya uwaga azlaməna matapla tanàv à Yesu: “Kà mana azlaməna mapàhla mapəhay ala tagoɗ kà: ‘Eliya adàtsa à vok à waŋ ma’?” 11Awùlla à atà ala: “La dziriga Eliya atsa à waŋ kà maɗàh tatak à ahəŋ la tetəvi aŋha. 12Ama gəgoɗ à akul kà, Eliya kà adasa à waŋ dagay uwarà, ama azladza tasəl kà masla aw, taɗahàlàŋ à vok bokuba uwana asà à atà. Kiya uwaga babay tadàɗehəŋ à Kona aŋa dza la gel aŋha.”

13Kiya uwaga à uwana azlaməna matapla tatsənàŋ à uwana apə̀h à atà gay lakəl aŋa Yuhana masla maɗàh batem.

Yesu awur bəzi uwana ala la masasəɗok mawisiga lakəl

(Mark 9.14-29; Luka 9.37-43)

14Mok uwana tabəzay à slaka uwana maham à ahəŋ dza la ahəŋ, dza anik azà à vok à slaka Yesu akədèɗal à huma, 15agòɗal: “Məŋga, vok aham à ka, kà bəzi gulo uwana la ɗuvats tatagà akasay, atərəɓ à ahəŋ kaykay, ŋgaha babay ataɗàh à akàl à abà, à iyaw à abà aya babay. 16Gəsə̀lla à azlaməna matapla la slaka aŋak à waŋ, ama taslàlà vok aŋa mawurəŋ ala aw.” 17Yesu agòɗ à atà: “Kayyà, akul azladza dzaŋdzaŋga, ŋgaha mawisiga, dagay mbà mədàdz à ahəŋ anina ma? Tsəràh mbà, gədàbasahakulaŋ ma? Lagwa sàwgəla bəzi uwatà à abanay!” 18La abatà Yesu aslə̀h məl à masasəɗok mawisiga à gəl, ŋgaha masasəɗok mawisiga uwaga asà à uda la bəzi uwaga la abà, awùr ala la mok uwatà.

19La lig la ahəŋ, azlaməna matapla la slaka aŋha tazà à vok à slaka aŋha, tanàval à gay ala: “Kà mana məslalla vok, kà masəlla masasəɗok mawisiga uwaga à uda aw ma?” 20Yesu agòɗ à atà: “Kà uwana madiŋal gəl à vok aŋkul asla aw! Haɗay, la dziriga: Agay madiŋal gel à vok aŋkul à gay la ahəŋ bà kat tsəhay hamadz kà, naka kaslawwalla vok aŋa magoɗ à dadəgwal uwanay: ‘Zà à vok la abanay!’, ŋgaha masla aslala vok aŋa maz à vok. Tatak la ahəŋ aɗəɗ à akul gay à ahəŋ aw. (( 21Ama say la madəv kuɗa la makəs nəlay la uwana, dza aslala vok aŋa masəla à tsəhay masasəɗok mawisiga uwanay à uda!))”

Yesu apəh gay mamətsay aŋha la mawul à uda aŋha kà masəla

(Mark 9.30-32; Luka 9.43-45)

22Vuɗ tekula, mok uwana azlaməna matapla la slaka aŋha tagà la kutso Galili, Yesu agòɗ à atà: “Kona aŋa dza kà tadàvày à ahàl aŋa azladza. 23Tadàkəɗay, ama la mahənay mamakər adàwul à uda la mamətsay.” Azlaməna matapla tadzà à ahəŋ la mazaw la gel la abà məŋga, kà gay uwaga.

Mapəl hadama aŋa məŋ gày Zəzagəla

24Mok uwana Yesu la azlaməna matapla la slaka aŋha tabə̀z à Kapernahum, azlaməna mazəɓ hadama aŋa məŋ gày Zəzagəla tazà à vok à slaka Piyer, kà manaval à gay ala: “Piyer, məŋga aŋkul ma apəl hadama aŋa məŋ gày Zəzagəla aw takay?” 25“Iyay, apəlay”, Piyer agòɗal. Mok uwana Piyer adà à gày la kay, Yesu adzəkà gay teraŋa, agòɗal: “Mana kadzugway ma Səmon? Azlauwana tapəlay hadama baŋaw tapəl gəl à azlasufəl aŋa gudəŋ à vok uwanay uwà? Azlaməna gudəŋ takay awma azlaməlok dza takay?” 26“Azlaməlok dza”, Piyer agòɗal. Yesu agòɗal: “Tsa kiya uwaga kà, azlaməna gudəŋ tapəlay aw. 27Ama kà mazin à atà à gəl aw kà, hàd à dərəv à abà, ɗadùw kodzar aŋak à iyaw à abà, kilfi uwana kadàtsa à vok à makəsay kà, kadàpakw à gay aŋha kadàɓəzal gursu la paŋaw aŋha la awtày kà, kadàhəlay, ŋgaha kadàɓək à atà kà aŋami anu səla.”

اکنون انتخاب شده:

Mata 17: mfh

های‌لایت

به اشتراک گذاشتن

مقایسه

کپی