1 Korinetia 6
6
PENE VI - 6
Auraka te ekalesia e rapurapu ua i te akava, e akatau i ta ratou tuatua i roto ia ratou uaorai: kare anake te kino e o ki te basileia o te Atua: e mea tapu katoa te au kopapa o te aronga akarongo.
1TEI roto aina tetai ia kotou, e tapepe anga tana i tetai ke, kare e mataku kia akavaia ki mua i te aroaro o te aronga tuatua-tika kore ra, e auraka ki mua i te aroaro o te aronga tapu? 2Kare kotou i kite e, #Sala 49:14; Dani 7:22; Mata 19:28; Luka 22:30; Apo 2:26; 3:21; 20:4na te aronga tapu e akava i to teianei ao? e e akavaia to teianei ao e kotou, kare aina e tau ia kotou kia akava i te tuatua mea riki poepoe rava nei? 3Kare kotou i kite e na tatou #2 Pete 2:4; Iuda 6e akava i te au angela? ka tangaʼi oki i te au mea no teianei ora anga? 4#1 Kori 5:12E teianei, e taumāro anga ta kotou i te au mea no teianei ora anga, te tuku atura kotou i te akava anga ki te aronga kare rava i akonoia i te ekalesia nei? 5Kia akama kotou i karanga atu ei au kia kotou na. Koia ïa, kare rava e tangata kite i roto ia kotou e okotai iti ake, e tika iaia kia akataka i te tuatua a tona taeake? 6Te akava na oki tetai taeake ki tetai, e ki mua katoa oki i te aroaro o te aronga akarongo kore ra. 7E teianei, e ara tikai tei roto ia kotou na, i te mea te akava na kotou ia kotou uaorai. #Mase 20:22; Mata 5:39,40; Luka 6:29; Roma 12:17,19; 1 Tesa 5:15Eaa kotou i kore ei i akakoromaki i te kino? eaa kotou i kore ei i akakoromaki kia akangereia? 8Kua takinga-kino ra kotou, e kua akangere, #1 Tesa 4:6i to kotou uaorai au taeake.
9Kare ainei kotou i kite e, kare te aronga tuatua-tika kore e noo i te basileia o te Atua? Auraka e vavare: kare te kanga, e te akamori idolo, e te #1 Kori 15:50; Gala 5:21; Ephe 5:5; 1 Timo 1:9; Ebe 12:14; 13:4; Apo 22:15akaturi, e te akavaine, e te aronga sodoma, 10E te keia, e te noinoi apinga, e te konā kava, e te akakino, e te āru, kare anake ïa e noo i te basileia o te Atua. 11Mei te reira oki #1 Kori 12:2; Ephe 2:2; 4:22; 5:8; Kolo 3:7; Tito 3:3tetai papaki o kotou na: #1 Kori 1:30; Ebe 10:22kua oreiia ra kotou, kua akatapuia ra kotou, kua akatikaia ra kotou, i te ingoa o te Atu ra o Iesu, e te Vaerua o to tatou Atua.
12E tika iaku #1 Kori 10:23te au mea ravarai nei, kare ra te au mea katoa e tau; e tika iaku te au mea katoatoa nei, kare ra au e vi i tetai. 13#Mata 15:17; Roma 14:17; Kolo 2:22,23No te kopu te kai e no te kai oki te kopu: e akakore ra te Atua i te kopu e te kai katoa. Kare ra te kopapa no te kanga, #1 Kori 6:15,19,20; 1 Tesa 4:3,7no te Atu ra; #Ephe 5:23e no te kopapa oki te Atu. 14#Roma 6:5,8; 8:11; 2 Kori 4:14Kua akatu oki te Atua i te Atu, e e akatu katoa aia ia tatou #Ephe 1:19,20i tona uaorai mana. 15Kare kotou i kite e e #Roma 12:5; 1 Kori 12:27; Ephe 4:12,15,16; 5:30au melo no te Mesia to kotou au kopapa? e rave aina au i te au melo o te Mesia ra, ka akariro atu ei no te akaturi? Auraka rava ïa. 16Eaa? kare kotou i kite e ko tei tapiri atu ki te akaturi, okotai ra ïa kopapa? kua karanga oki aia e, #Gene 2:24; Mata 19:5; Ephe 5:31“e riro raua ei kopapa okotai.” 17#Ioa 17:21,22,23; Ephe 4:4; 5:30Ko te tangata ra i tapiri atu ki te Atu ra, okotai rai ïa vaerua. 18#Roma 6:12,13; Ebe 13:4E rere ke atu i te akaturi. Te au ara ravarai e raveia e te tangata nei, i taka ke i te kopapa; ko te tangata ra i akaturi ra, #Roma 1:24; 1 Tesa 4:4kua takinga-kino ïa i tona uaorai kopapa. 19Eaa? #1 Kori 3:16; 2 Kori 6:16kare kotou i kite e, e #6:19 Nooanga Atua.nao to kotou kopapa no te Vaerua Tapu i roto ia kotou na, tei rauka ia kotou i te Atua ra, #Roma 14:7,8kare oki kotou i to kotou uaorai? 20#Anga 20:28; 1 Kori 7:23; Gala 3:13; Ebe 9:12; 1 Pete 1:18,19; 2 Pete 2:1; Apo 5:9Kua okoia kotou i te oko: e teianei, e akameitaki i te Atua i to kotou kopapa, e to kotou vaerua, no te Atua ïa.
اکنون انتخاب شده:
1 Korinetia 6: CIMB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Holy Bible in Cook Islands Maori, Reprinted from the edition of 1888 © United Bible Societies, 1972.