彌迦書 6
6
上主責備以色列
1愛聽上主个話。佢講：「彌迦#6:1 「彌迦」：希伯來文直譯係「你」。啊，䟘起來！愛在大山㧯細山面前講𠊎个案情。」
2群山哪，大地堅固个基石啊！你等愛聽上主所講个案情！上主愛告佢个子民，愛告以色列。
3上主恁樣講：「𠊎个子民啊，𠊎有麼介對毋起你等个？𠊎敢恁得人惱？你等放勢講啊！ 4𠊎對埃及將你等𢱋出來，拯救你等脫離做奴才个所在。𠊎派摩西、亞倫、美莉安去領導你等。 5𠊎个子民啊，愛回想該時摩押王巴勒个陰謀㧯比珥个孻仔巴蘭應佢个話；愛回想對什亭到吉甲當中所發生个事。你等就明白𠊎所做个全部係為到拯救你等。」
上主个要求
6有人問：「𠊎應該帶麼介禮物來見上主呢？𠊎應該樣般來敬拜天頂个上帝呢？𠊎帶最好个細牛牯做燒化祭來獻給佢，做得麼？ 7上主敢會歡喜𠊎獻幾千隻羊牯，抑係幾萬條河壩恁多个橄欖油？佢敢會歡喜𠊎獻長子來代𠊎贖罪？」
8世間人啊，上主已經指示你麼介係良善。佢對你个要求係：行公義，好憐憫 #6:8 「好憐憫」抑係譯做「實行不變个慈愛」。，存謙卑㧯你个上帝共下行。
9敬畏上主係最聰明个。上主向城肚个眾人呼喊：「在城肚个眾支族㧯議會 #6:9 「在城肚…議會」：希伯來文个意思無清楚。，你等愛聽！ 10壞人屋下个財物係用無誠實个手段得來个。佢等使用兩樣个秤仔㧯升斗；這係𠊎盡惱个。 11用兩樣秤仔、袋等詭詐秤砣个人，𠊎樣能算佢無罪呢？ 12城肚个有錢人剝削窮人；底背个人民全部係落仔，緊講花撩。 13因為你等犯罪，𠊎已經開始打擊你等，使你等受重傷。 14你等食，總係食毋飽，肚笥還係空个。你等搶東西，總係保毋住；因為你等搶出來个，𠊎愛用戰爭來毀滅。 15你等委種，總係無收成；你等榨橄欖油，總係無機會用；你等焗酒，總係享受毋到。 16你等學暗利王㧯厥孻仔亞哈王个壞行為，繼續佢等个作風。所以𠊎愛使你等衰敗；別人愛藐視你等，侮辱你等 #6:16 「侮辱你等」抑係譯做「你等也愛擔當𠊎子民个羞辱」。。」
اکنون انتخاب شده:
彌迦書 6: THV12Hdb
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© The Bible Society in Taiwan, 2012
All rights reserved
© 台灣聖經公會版權所有 2012